Daily news
Цингел: Нема да биде дозволено менување на границите на Балканот
![](https://makfax.com.mk/wp-content/uploads/2017/05/dsc_5035-e1496221538653.jpg)
Западниот Балкан, за жал, повторно се појави на „европската мапа со проблеми“ откако извесен период не беше толку присутен во безбедносна смисла. Ова се должи пред сè на последните случувања во Македонија и на Косово, како и на настаните во Црна Гора минатата година.
Со овие предизвици ЕУ ќе мора да се зафати и ќе мора да најде начин да им помогне на балканските земји да надминат барем дел од своите проблеми. Јан Цингел, експерт за Западен Балкан, Јужен Кавказ и процесите на евроинтеграција за „Еуропиан Вестерн Балкан“ (European Western Balkans) ја коментира актуелната безбедносна и политичка ситуација во регионот при што се осврнува и на состојбите во Македонија. Вели дека членството на Црна Гора во НАТО, секако, ќе има позитивно влијание бидејќи е сигнал дека вратата на алијансата и натаму е отворена за нови членки. Ова особено е важно за Македонија, која со години чека пред вратите на НАТО поради грчката блокада, иако ги исполнува сите предвидени стандарди.
– Македонија е добро подготвена од воен аспект, проблем е само спорот за името со Грција. Ова прашање мора да биде затворено, решение мора да се пронајде. Ќе видиме дали новата влада ќе има доволно силен мандат за да направи компромис. Доколку успеат тогаш реално е можно да се забрза процесот на интеграција. Пролемот со Грција е камен на патот и за несреќа, тој е надворешен а не внатрешен. Но, тоа не значи дека Македонија нема внатрешни проблеми, напротив, има многу и новата влада ќе мора да се соочи со големите очекувања и на граѓаните и на меѓународната заедница – смета Цингел.
Коментирајќи ги односите меѓу Албанците од Косово и Србија и повторното активирање на темата „Голема Албанија“ Цингел вели дека по негово мислење не е возможно а не е ниту паметно да се менуваат границите на Балканот.
– Би било катастрофа доколку дојде до такво нешто бидејќи ќе се отворат вратите на Пандорината кутија, а тоа е поголема работа од српско-алабанските односи. Има и други земји кои ќе бидат вмешани. Промената на границите на Балканот е нешто кое меѓународната заедница нема да го дозволи. Сите декларации и најави ги толкувам како предизборна реторика, типична за Балканот. Најголем дел од таа реторика има само една цел, а тоа е привлекување гласови. Србија е особено чувствителна, што е нормално поради неодамнешната историја и случувањата околу Косово. Тоа е разбирливо, но пак ќе повторам, промената на гранците ќе влијае и ќе предизвика проблем во целиот регион. Верувам дека, сепак, сè ќе остане само на зборови – вели Цингел.
Експертот за Западен Балкан одговара и на „филозофското прашање“ дали за ЕУ кога е во прашање Балканот стабилноста секогаш има предност во однос на демократијата. Вели дека унијата на почетокот погрешно ги прочитала сигналите кои доаѓаат од Македонија и дури по настаните во Куманово во средината на 2015 година, плашејќи се дека ќе дојде до ново крвопролевање, ги притснала двете страни во политичкиот конфликт да го потпишат Договорот од Пржино.
– Замешувањето беше нужно и потоа, за да се имплементира договорот и да се организираат предвремените парламентарни избори. Се чини дека инволвирањето на меѓународната заедница е неопходно на Блканот. Можеби требаше да се вклучи порано со што ќе беше ногу полесно да се менаџира кризата. Но сметам дека иако треба стабилноста и демократијата да одат рака под рака, понекогаш тоа не е можно. Особено што на Балканот има многу проблеми и конфликти. Затоа мислам дека меѓународната заедница ја преферира стабиланоста пред демократските механизми – закучува во интервјуто за ЕВБ Јан Цингел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
![](https://makfax.com.mk/wp-content/uploads/2024/05/thumbnail_The_Business_of_Pleasure_2.jpg)
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
![](https://makfax.com.mk/wp-content/uploads/2018/03/1-1-3.jpg)
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
![](https://makfax.com.mk/wp-content/uploads/2018/08/gruevski-sud.jpg)
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.