Daily news
Фобиите се сеќавања кои се пренесуваат преку гените
![](https://makfax.com.mk/wp-content/uploads/2016/10/aa44ada6-a72e-4479-bd73-e945b8b9b904.jpeg)
Фобиите се резултат од непријатните искуства на предците коишто се пренесуваат преку гените, заклучи група американски научници чиешто истражување врз глувци покажало дека е можно некои информации да бидат наследство низ хемиските промени на ДНК, се наведува во студијата објавена во научното списание Nature Neuroscience.
Според научниците, сеќавањата се пренесуваат низ генерациите со помошна хемиските промени коишто настануваат во ДНК, што може да биде предлошка за фобиите, односно тој механизам им овозможува на потомците да ги наследат искуствата на своите предци.
Истражувачите од медицинскиот факултет на универзитетот Емори во американската сојузна држава Атланта, утврдиле дека глувците можат да ја пренесат информацијата за искуствата од трауми, во конкретниот случај од всадениот страв од мирисот на расцутените црешни, врз потомците.
Резултатот од ова истражување би можел да појасни зашто луѓето патат од наизглед ирационални фобии, коишто може да произлегуваат од наследените искуства на предците. Стравот од пајаци, на пример, може всушност да е наследен механизам на одбрана кој се пренесува со гените по застрашувачкото искуство на предокот со тоа животно.
„Почнавме да го истражуваме непризнаеното влијание врз однесувањето во возрасните, на искуството на предците. Нашите резултати овозможуваат да процениме како искуствата на родителите пред зачнувањето на потомците влијаат врз структурата и функцијата на нервниот систем на подоцнежните генерации“, вели Брајан Диас од одделот за психијатрија на универзитетот Емори. Смета, исто така, дека „таквиот феномен може да придонесе за етиологијата и интеграцискиот пренос на ризиците за невропсихијатриските заболувања, како што се на пример фобиите, анксиозноста, синдромот на постравматскиот стрес итн“.
Во рамките на истражувањето, научниците им всадиле страв на глувците од мирисот на расцутени цреши користејќи електрошокови. Потоа ги пуштиле да се размножуваат и воочиле дека потомците со страв реагираат на мирисот на процутените цреши, иако никогаш претходно не го почувствувале. И не само првата, туку и следните генерации глувци ја покажувале истата реакција на мирисот на цреши во цут, а тоа се потврдувало и кога глувците биле окотувани и по вештачко оплодување.
Научниците откриле дека мозоците на заплашените глувци и нивното потомство имаат структурални промени во областа којашто е одговорна за реакциите на мирисите. Тоа, пак, од своја страна сугерира дека искуствата преку некој пат се пренесуваат од мозокот во геномот и така се пренесуваат на следните генерации.
Истажувачите се надеваат дека сега ќе откријат како всушност тие информации се складираат во ДНК-та. Саката да видат, исто така, дали може слични ефекти да се забележат и кај гените на луѓето.
Педијатрискиот генетичар Маркус Пембреи од University College London, кој не учествувал во споменатото истражување, за британскиот весник The Telegraph вели дека овој резултат дава уверливи докази во прилог на теоријата за биолошкото пренесување на меморијата. Смета дека само доколку се земе предвид мултигенерацискиот пристап може да се сфатат невропсихијатриските пореметувања, па и претераната дебелина, дијабетесот и другите метаболички пореметувања.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
![](https://makfax.com.mk/wp-content/uploads/2024/05/thumbnail_The_Business_of_Pleasure_2.jpg)
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
![](https://makfax.com.mk/wp-content/uploads/2018/03/1-1-3.jpg)
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
![](https://makfax.com.mk/wp-content/uploads/2018/08/gruevski-sud.jpg)
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.