Daily news
Најчудни способности на човечкото тело
Дали некогаш сте почувствувале главоболка при промена на временските услови? Некој мирис ве потсетил на некој настан од минатото? Нашите тела имаат многу необјасниви способности, а ова се најчудните од нив.
Болките во зглобовите може да го предвидат времетоПриказните за болки во зглобовите непосредно пред дожд не се митови. Непосредно пред невреме, атмосферскиот притисок опаѓа. Главните сензорски нервни завршетоци на зглобовите го регистрираат релативното зголемување на притисокот поради вишокот течности, што резултира со болки.
Очите може да ни сигнализираат дека на нашето тело му е премногу студеноКако да знаеме дека температурата се спуштила до опасна граница? Очите ќе ни кажат. Кога хипотермијата станува сериозна, крвните садови во очите се собираат за да ја зачуваат енергијата. Поради тоа може да дојде до привремено слепило, кое го доживеа познатата манекенка Кејт Аптон кога се фотографираше на Антарктикот. Температурата тогаш се спуштила на -20 степени Целзиусови.
Зениците може да не издадат дека сме вљубениАко сакате да сокриете дека некој ви се допаѓа, седете во полутемница. Кога некој ви се допаѓа, зениците ви се прошируваат. Тоа се случува поради симпатичкиот нервен систем, кој го контролира ширењето на зениците. Ова не се случува само кога сте вљубени, туку и кога набљудувате нешто што ви се допаѓа.
Брзината на ритамот на чукање на срцето може да ја предвиди иднинатаЧовечкото срце може да предвиди одредени настани и без некакви знаци. Истражувачите од Калифорнија им покажувале на испитаниците серија фотографии со непредвидлив ред и ги проучувале нивните реакции. Некои фотографии биле неутрални, а други требало да предизвикаат реакција. Научниците откриле дека бројот на отчукувања на срцето се зголемува пред покажување на стимулативни фотографии, што сугерира дека срцето може да почувствува кога треба да се случи нешто убаво или нешто вознемирувачко. Затоа слушајте го срцето.
Сетилото за мирис може да не врати во минатотоСетилото за мирис е „магична временска машина“. Центрите за мирис во мозокот се наоѓаат во лимбичниот систем кој е одговорен за чувствата и за памтењето. Мирисите, меморијата и чувствата се длабоко испреплетени, па еден мирис може многу лесно да ве врати неколку години назад во минатото.
Системот за варење може да ни даде неверојатна силаДа, една мајка навистина може да крене автомобил ако нејзините деца се најдат под него. Кога симпатичкиот нервен систем ве предупредува на опасност, се ослободува адреналинот, кој го забрзува чукањето на срцето, го забрзува дишењето, се шират зениците и се гаси системот за варење за да им дозволи на мускулите да соберат сила. Вашиот систем за варење може да им ја позајми енергијата на другите процеси во телото, а во ризични ситуации тоа е уште поизразено.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.