Daily news
5 најскапи Android апликации
Android важи како платформа на која можете да најдете најголем број на бесплатни апликации и виџети…но, тоа не значи дека не постојат одредени апликации кои се неверојатно скапи. Да погледнеме колку чинат оние најскапите!
1. The Abu Moo collection
Цена – 200 долари за 1 верзија, 1200 долари за сите 6
Програмерот Abu Moo има серија на апликации кои носат имиња според скапоцени камења. Апликацијата не прави ништо освен што им дава можност на богатите да покажат дека се навистина богати, со тоа што ќе го постават дијамантот како виџет на нивниот Homescreen.
2. Deduce – Grandmaster Edition
Цена – 200 долари
Deduce е игра која тврди дека е комбинација од шах и X-0 (икс-нула) и е комплицирана и наменета за сите возрасти од 2 до 104 години. Секако, ќе мора да бидете и спремни да платите 200 долари за неа.
3. Got Cash
Цена – 200 долари
Got Cash ни дава одговор на прашањето – колку мрзливи може да бидете? Оваа апликација не прави апсолутно ништо и има грда икона од долар која само ќе ви стои во менито.
Бидејќи немаме скриншот, уживајте во ова маче!
4. Most Expensive App
Цена – 200 долари
Како и повеќето останати апликации на оваа листа, Most Expensive App не прави ништо повеќе освен што покажува дека имате пари. Кога ќе ја пуштите, ќе ве дочека екран кој ви објаснува дека апликацијата е најскапата на светот.
Најмалку 10 луѓе ја имаат купено.
5. Peek
Цена – 200 долари
Peek е интересна апликација која е достапна за 200 долари, но и за 1,94 долари под друг акаунт. Апликацијата е развиена од Jesus Agudelo, но кога била објавена неговата земја немала право да прима пари од Google, па затоа е објавена преку Francisco Franco.
Кога конечно Agudelo добил право, тој ја објавил за 1,94 долари, а оригиналната верзија е покачена на 200 долари за да престанат луѓето да ја купуваат, но постоечките корисници сеуште да добиваат апдејти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.