Daily news
Нивоата на морињата до 2100. може да пораснат за метар и пол
![](https://makfax.com.mk/wp-content/uploads/2016/10/santa20mraz20antakrtik-1.jpg)
Доколку продолжи емисијата на гасовите кои го предизвикуваат ефектот на стаклената градина, поради топењето на антарктичкиот мраз нивоата на морињата до 2100 година би можеле да се зголемат за метар и половина, односно за половина метар повеќе отколку што досега предвидуваа стручњаците, покажа истражувањето чии резултатите се објавени во списанието Nature.
Научниците коишто се занимаваат со климатските промени од два американски универзитети, Роберт ДеКонто од Универзитетот Масачусетс во Амхерст и коавторот на студијата Дејвид Полард од државниот Универзитет Пенсилванија, истакнуваат дека таквата промена би можела да претставува вистинска катастрофа за многу градови кои се наоѓаат на ниска надморска височина.
Според извештајот на Групата меѓувладини стручњаци за климатските промени (Giec) од 2013 година, најлошите сценарија вклучуваа подигнување на морското ниво за 52 до 98 сантиметри до 2100 година, но новата студија упатува на тоа дека вистинското зголемување би можело да изнесува 150 сантиметри, што би претставувало голема закана за градовите од Њујорк па до Шангај. Но истовремено потсетуваат дека добрата вест е што во последните две години последователно евидентирана е намалена емисија на ткн стакленички гасови што би требало да го забави топењето на мразот на Антарктик.
Според новата студија, која делумно се темели на евиденциите на нивоата на морињата и океаните во интерглацијалниот период пред 125.000 години, само мразот од Антарктик би можел да влијае врз зголемувањето на нивоата на морињата за 64 до 114 сантиметри до 2100 година, што е најлошото сценарио на ОН кога станува збор за последиците од емисиите на стакленичките гасови.
Еден од факторите на кој не му било придавано поголемо значење во претходните извештаи на ОН, бидејќи се претпоставувало дека поголемиот дел од мразот на Антарктик останал замрзнат, е процесот на хидраулично фрактурирање, при кој на замрзнатите плочи се создаваат базени со вода кој потоа капе длабоко во внатрешниот дел на сантата, повторно се смрзнува и поради високиот притисок влијае врз нејзиното дробење. Поради тоа мразот на Антарктик веројатно побрзо лизга во морето, сметаат научнциите.
Андерс Лeверман, стручњак од Институтот за истражување на климатските влијанија од германски Потсдам, кој не учествувал во истражувањето, во разговорот за Reuters ги поздравува резултатите од истражувањето како поттик за натамошните истражувања на влијанието на хидрауличното фрактурирањето на Антарктик.
„Во периодот кога средните температури иле одвај малку поголемо отколку денес, новото на морињата било многу поголемо, а тоа е меѓу шест и девет метри за времетраењето на последниот интерглацијален периодот, Доколку емисијата на стакленичките гасови продолжи со сегашното темпо, нивото на морињата до 2100 година ќе се зголеми за околу метар, а само еден век подоцна за 13 метри“, предвидуваат научниците.
Но доколку емисијата на таквите гласови би се намалила за загревањето на планетата да се ограничи на 2 Целзиусови степени во однос на прединдустрискиот период, не би смеело да има натамошни промени, а нивото на светското море до 2500 година би се подигнало за само 20 сантиметри.
На самитот за климатските промени одржан ланскиот ноември во Париз, меѓународната заедница си постави задача глобалното загревање да се ограничи на 2 Целзиусови степени во однос на прединдустриското време, што е праг над кој стручњаците предвидуваат неповратни и драматични последици за многу региони на планетата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
![](https://makfax.com.mk/wp-content/uploads/2024/05/thumbnail_The_Business_of_Pleasure_2.jpg)
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
![](https://makfax.com.mk/wp-content/uploads/2018/03/1-1-3.jpg)
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
![](https://makfax.com.mk/wp-content/uploads/2018/08/gruevski-sud.jpg)
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.