Daily news
Одложеното доење го зголемува ризикот од смртност кај новороденчињата до 80 отсто
Околу 77 милиони новороденчиња – или едно од две – не се ставаат на градите во првиот час по раѓањето, лишувајќи ги од основните хранливи материи, антитела и контакт „кожа-на-кожа“ со мајката, што ќе ги заштити од болести и смрт, вели УНИЦЕФ.
„Оставањето бебињата предолго да чекаат на првиот пресуден контакт со мајката надвор од матката ги намалува нивните шанси за преживување, го ограничува создавањето на млеко во градите и ги намалува шансите за исклучиво доење“, рече Франс Бежен, виш советник за исхрана на УНИЦЕФ. „Ако сите бебиња не се хранат со ништо друго освен со мајчино млеко од моментот кога ќе се родат па сè додека не наполнат шест месеци, ќе се спасат повеќе од 800.000 животи секоја година.“ Напредувањето со задојување на поголем број новороденчиња во првиот час од животот е бавно во последниве 15 години, покажуваат податоците на УНИЦЕФ. Во супсахарска Африка, на пример, каде стапката на смртност кај децата на возраст под пет години е највисока во светот, раното задојување порасна за само 10 процентни поени од 2000 година во Источна и во Јужна Африка, но остана непроменето во Западна и Централна Африка. Дури и во Јужна Азија, каде стапката на рано почнување со доењето трипати се зголеми во 15 години – од 16 отсто во 2000 година на 45 отсто во 2015 година – порастот е далеку од доволен: 21 милион новороденчиња сè уште предолго чекаат на задојување. Колку подолго се одложува доењето, толку е повисок ризикот од смртност во првиот месец од животот. Одложувањето на доењето од 2 до 23 часа по раѓањето го зголемува ризикот од смрт во првите 28 дена од животот за 40 проценти. Одлагањето за 24 часа или повеќе го зголемува тој ризик на 80 проценти. „Мајчиното млеко е првата вакцина на бебето, првата и најдобра заштита што ја има од разболување и болест“, изјави Франс Бежен. „Со состојба во која на новороденчињата отпаѓаат речиси половина од сите смртни случаи на деца под пет години, раното задојување може да значи живот или смрт.“ Анализите на УНИЦЕФ покажуваат дека жените не ја добиваат потребната помош за да започнат со доење веднаш по раѓањето, дури и кога лекар, медицинска сестра или бабица им помагаат при породувањето. На Блискиот Исток, во Северна Африка и во Јужна Азија, на пример, жените кои се породуваат во присуство на обучен кадар имаат помали изгледи да започнат со доење во првиот час од животот, во споредба со жените кои се породуваат во присуство на неквалификувани помагачи или роднини. Хранењето на бебињата со други течности или храна е уште една причина за одлагање на задојувањето. Во многу земји, вообичаено е бебето да се храни со вештачко млеко, кравјо млеко или со зашеќерена вода во првите три дена од животот. Речиси половина од сите новороденчиња се хранат со овие течности. Кога на бебињата им се даваат понехранливи алтернативи на мајчиното млеко, тие поретко цицаат, со што на мајките им се отежнува да започнат и да продолжат со доење. Во светот, само 43 отсто од бебињата помали од шест месеци се исклучиво на доење. Бебињата кои воопшто не се дојат имаат 14 пати поголеми шанси да починат во споредба со оние кои се хранат исклучиво со мајчино млеко. Но, било кое количество на мајчино млеко го намалува ризикот од смрт на детето. Бебињата кои воопшто не примиле мајчино млеко имаат седумпати поголеми изгледи да починат од инфекции во споредба со оние кои примиле барем малку мајчино млеко во првите шест месеци од животот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Бислимовски – Лорковски: Реформите во енергетиката мора да продолжат
Претседателот Марко Бислимовски, заедно со членовите и раководителите на секторите на Регулаторната комисија за енергетика, водни услуги и услуги за управување со комунален отпад (РКЕ) остварија средба со Артур Лорковски, директорот на Енергетската заедница.
Реформите во енергетиката мора да продолжат, континуитетот е клучен – фокусот да се задржи на активностите поврзани со интегрирање на пазарите за електрична енергија, нивна транспарентност и интегритет, како и неопходните реформи на пазарот со природен гас, што ќе обезбедат фер пристап за сите учесници, согласно новите европски мрежни правила – се сложија соговорниците.
Претседателот Бислимоски му се заблагодари на директорот Лорковски за позитивниот наратив за работата на РКЕ при презентацијата на Извештајот за имплементација на законодавството на Енергетската Заедница за 2024 година за државава во Собранието.
„Во очекување на новиот Закон за енергетика, РКЕ во соработка со Министерството за енергетика континуирано работи на подготовка за имплементација на новиот енергетски пакет. Интегрираниот пристап помеѓу сите чинители досега покажа дека е клучен за квалитетна и успешна регулатива, која ќе биде основа за развој на енергетските пазари . Капацитетите со кои располагаме, професионалниот тим кој се гради со години наназад и овој пат може да одговори на сите предизвици кои претстојат. “ изјава Марко Бислимоски, претседател на РКЕ
Лорковски посочи дека Енергетска Заедница ќе остане партнер во понатамошните процеси и дека стојат на располагање за поддршка во делот на креирање на подзаконските акти, откако ќе се донесе новиот закон за енергетика. Процесот на транспонирање на ЕУ правилата е клучно за да осигура работата на РКЕ за стратешките прашања поврзани со обезбедување на сигурна, стабилна и континуирана испорака на енергија.
Daily news
Измамници се претставувале како Бред Пит и навеле обожавателки да веруваат дека почнале романтична врска со него
Во Шпанија уапсени се пет лица кои изнудиле 325.000 евра од две жени претставувајќи се како познатиот американски актер Бред Пит, соопшти денеска МВР на таа земја на својата официјална веб-страница.
Во текот на истрагата се покажа дека криминалците контактирале со своите жртви преку веб-страница за обожаватели на американскиот актер, ја добиле нивната доверба и ги навеле да веруваат дека почнале романтична врска со Бред Пит.
Потоа со лажно претставување ги натерале жртвите да инвестираат во комерцијални проекти.
Daily news
Спаси жена што сакаше да скокне од мост, а со години бесплатно ги хранеше бездомниците: Џон Бон Џови ја враќа вербата во човештвото
Познатиот рокер Џон Бон Џови пред десетина дена беше тема на сите светски медиуми кога убеди непозната жена да не скокне од мост. Овој потег не е единствениот што ја докажува неговата емпатија и хуманост кон луѓето што не ги познава.
Џон Бон Џови, американскиот музичар и фронтмен на познатиот бенд „Бон Џови“, на пешачкиот мост го снимал спотот за песната The People’s House кога од другата страна на оградата забележал жена.
На снимките од надзорните камери што ги сподели локалната полиција може да се види како Џон со член на својата екипа ѝ приоѓа на потресена жена. Потоа се потпрел на оградата и почнал да разговара со неа повикувајќи ја да се врати на безбедно по што ѝ помогнал да се прекачи преку оградата.
Бон Џови потоа ја прегрна и тие стоеја така околу една минута пред заедно да одат по мостот.
Полицискиот оддел Метрополитен во Нешвил го сподели видеото на нивниот канал на „Јутјуб“ и рече дека пејачот ѝ помогнал на очајна жена.
Секоја чест за Џон Бон Џови и неговиот тим што ѝ помогнаа на една жена на пешачкиот мост „Сејгенталер“ во вторникот вечерта.
„Бон Џови успеа да ја убеди да се симне од платформата на мостот на реката Камберленд на безбедно“, објави полицијата на платформата X.
Обожавателите на рокерот не беа изненадени од неговиот потег. Имено, тој во 2011 година основал непрофитна организација, односно синџир ресторани, каде што немало ценовници, а плаќањето на сметката било опционално.
(Видео) Кузеска: Итно да се објави целиот извештај за непотребните операции на срце
Се соочуваме со еден од најголемите скандали во здравството во историјата на државата. Министерот за здравство јавно соопшти дека се...
Осум дена притвор за насилникот кој претепа и му се закануваше со нож на дете во Скопје
Судот определи притвор од осум дена за насилникот кој нападна и му се закануваше со нож на 12-годишно дете во...
Гаши за барањата за датумот на одржување на изборите: Собранието постапува само врз основа на рокови
Во врска со сите барања и прашања што се однесуваат на одредувањето на датумот за изборите за градоначалник во Гостивар,...
Коцевски алармира: Недостигаат финансиски средства и кадар, вработените во обвинителствата работат со натчовечки напори
Јавниот обвинител Љупчо Коцевски, денеска, пред пратениците алармира за состојбата во која се наоѓаат обвинителствата. Тој укажа дека недостигаат финансиски...
Судиите со остра критика до Мицкоски: Вашите коментари ја преминаа границата на добро однесување
Судиите упатија остра критика до премиерот Христијан Мицкоски во врска со неговите изјави дека моралот не му дозволува да се...
Лекарите открија 10 непотребни операции на срце или неправилно упатени пациенти, засега велат дека не е етички да ги кажат болниците
Непотребно оперирани или неправилно упатени пациенти се пронајдени во десет од анализираните 19 случаи на кои работи домашната комисија формирана...
„Минималната плата оди на 26.400 денари, почнува новата економска ера“, велат од „Влен“
„По плебисцитната победа на локалните избори, каде што граѓаните албанци во секоја општина јасно ја искажаа својата доверба во ВЛЕН,...
„Скандалот со ИПАРД води до врвот на власта на Мицкоски“: СДСМ бара проширување на истрагата
„Корупцискиот скандал со ИПАРД фондовите не е изолиран случај, туку доказ за длабоко вкоренет, организиран систем на злоупотреби создаден и...
„Поранешни соработници му го свртија грбот на Филипче поради недоверба во него и влијанието на Заев“, велат од ВМРО-ДПМНЕ
„Расте незадоволството во СДС и потребата од итни реформи во врвот на СДС. СДС е во длабока криза која е...
(Фото) Турски пилот загина во Хрватска, а преживеа пад на авион пред 2,5 месеца
Авионот „Ер Трактор АТ-802“ се урна во близина на Сењ, додека беше на повратен лет помеѓу Риека и Загреб, соопшти...
Поранешен шеф на МИ6: Путин не е подготвен за договор со Украина
Поранешниот шеф на британската разузнавачка служба МИ6, Ричард Мур, изјави дека проценките на разузнавањето покажуваат дека рускиот претседател Владимир Путин...
(Фото) Русија го нападна Киев со стотици дронови и ракети: десетици повредени
Русија изврши масовен воздушен напад врз Киев во ноќта помеѓу 13 и 14 ноември, користејќи стотици беспилотни летала и повеќекратни...
(Видео) Гори руски нафтен терминал на Црното Море: Украинците го нападнаа со дронови
Украински дронови го нападнаа рускиот пристанишен град Новоросијск во Краснодарскиот крај преку ноќ, оштетувајќи нафтен терминал и предизвикувајќи голем пожар,...
Би-би-си му се извини на Трамп
Би-би-си му се извини на американскиот претседател Доналд Трамп за погрешно изменетата верзија на неговиот говор од 6 јануари 2021...
Американците погодија брод на Карибите: „Четири наркотерористи убиени“
САД го извршија својот 20-ти напад врз бродови за кои се верува дека се користат за трговија со дрога, објави...
По одложувањето, екипажот на кинеското вселенско летало „Шенжоу-20“ се враќа на Земјата
Тројца кинески астронаути чие враќање на Земјата беше одложено поради вселенски отпад што го погоди нивниот вселенски брод минатата недела,...
Ако правосудството работи по закон, и мојата плата ќе им ја донирам, рече Мицкоски кој засега не поддржува зголемување на примањата на судиите и обвинителите
Премиерот Христијан Мицкоски денеска изјави дека моралот не му дозволува да се согласи со зголемување на платите во правосудниот сектор,...
Истрага за странските викенд-снајперисти во Сараево: „Носеа пушки што личеа како за лов, ги таргетираа децата“
Обвинителството во Милано повторно ја активира истрагата за т.н. викенд-снајперисти – странци кои за време на опсадата на Сараево биле...
(Видео) Кузеска: Кумот на Мицкоски се споменува како можен главен задолжен за сите криминални шеми во Министерството за земјоделство
Денес ќе објавиме серија на информации кои отвораат сериозни сомнежи дека мега скандалот со корупцијата во ИПАРД фондовите води директно...
Кривична за ексградоначалникот на Сарај, Блерим Беџети, и за уште седум лица поради злоупотреби со градежно земјиште
Управата за финансиска полиција поднесе кривична пријава до скопското Обвинителство против осум лица — поранешни функционери и службеници во Општина...
