Daily news
Сé поверојатно постоењето тајна просторија во гробницата на Тутанкамон
![](https://makfax.com.mk/wp-content/uploads/2016/10/tutankamon20grobnica-1.jpg)
Новите радарски анализи направени во гробот на фараонот Тутанкамон во Луксор, на југот од Египет, одат во прилог на тезата за постоење на тајна просторија во која можеби е погребана славната кралица Нефертити, смета британски археолог.
Досега египтолозите не ја пронајдоа мумијата од според преданијата кралицата со легендарна убавина, која имала силна политичка и религиозна улога во XIV век пред Хриса.„Со 90-процентна е веројатноста дека постои друга просторија, друг гроб зад гробницата на Тутанкамон“, изјави во саботата египетскиот министер за старини Мамдух ал-Дамати на конференцијата за медиумите во Луксор, град близу Долината на кралевите каде се наоѓа гробницата на Тутанкамон, стара 3.300 година.Министерот, кој се обрати пред медиумите по двата дена анализи, истакна дека станува збор за прелиминарни резултати, прецизирајќи дека јапонскиот стручњак Хироаки Ватанабве, кој ги води истражувањата, треба по еден месец да го каже конечниот збор.„Истражувањата се спроведени на северниот ѕид од гробницата на Тутанкамон покажуваат дека постои јасна разлика меѓу тврдата карпа и нешто друго, можеби празен простор“, изјави британскиот египтолог Николас Ривес.„Заклучуваме дека постои продолжување на гробницата на Тутанкамон зад северниот ѕид“, изјави археологот кој смета дека зад ѕидот се наоѓа подземната просторија посветена на Нефертити.Прашањето зошто влијателната кралица би била погребена во соседна просторија до гробот на Тутанкамон, можеби ја објаснува неочекуваната смрт на фараонот на 19-годишна возраст во 1324 година пред Христа, по само девет години владеење, смета Ривес. Бидејќи немале подготвен гроб за Тутанкамон, свештениците решиле да го отворат гробот на Нефертити, само 10 години по нејзината смрт и таму да го погребат фараонот, смета египтологот.Ривес смета дека муралите на гробницата на Тутанкамон можеби кријат двојна порта, од кои едната води кон гробницата на Нефертити, а другата кон неистражената просторија од периодот на Тутанкамон. Дамати се надева дека ова ќе претставува „откритие на XXI век“. Тој во саботата објасни дека им претстои одлука за методот на допирање до она што се наоѓа зад ѕидовите, бидејќи гробницата не смее да се оштети, како ниту нејзините насликани ѕидови.За разлика од гробниците на другите фараони, кои речиси сите се ограбени во текот на вековите, во гробницата на Тутанкамон, кој во ноември 1922 година ја откри египетскиот археолог Хаурд Картер, имало повеќе од 5.000 непипнати предмети стари 3.300 година, повеќето од чисто злато.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
![](https://makfax.com.mk/wp-content/uploads/2024/05/thumbnail_The_Business_of_Pleasure_2.jpg)
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
![](https://makfax.com.mk/wp-content/uploads/2018/03/1-1-3.jpg)
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
![](https://makfax.com.mk/wp-content/uploads/2018/08/gruevski-sud.jpg)
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.