Daily news
Среќа во седум чекори
Некои луѓе за среќата ќе ви речат дека чувство на задоволство и исполнетост со конкретни работи, додека некои ќе речат дека е хемиска реакција во мозокот која нема врска со надворешните фактори.
Некои луѓе за среќата ќе ви речат дека чувство на задоволство и исполнетост со конкретни работи, додека некои ќе речат дека е хемиска реакција во мозокот која нема врска со надворешните фактори.
Едно е сигурно – чувството на среќа и задоволство директно влијае на нашето психичко и физичко здравје, а се поврзува со долговечноста, силен имунолошки систем, квалитетен социјален живот и подобар начин да се избориме со стресот и траумите.Додека генетиката и надворешните фактори играат голема улога во креирањето на нашето расположение, на тоа дали ќе бидеме среќни и задоволни можеме и сами да влијаеме, со мали но, работи кои живот значат.
Еве неколку совети, како да ја повикате среќата во вашиот живот.Излезете надворСте забележале ли дека често промената на перспективата влијае на тоа да ги согледате работите од друг агол и да се чувствувате подобро? Доколку се чувствувате лошо, излезете надвор, некаде во природа. Докажано е дека зелените подрачја и природата го стимулираат нашиот мозок одговорен за среќата, со позитивност и емоционална стабилност, Излезете од канцеларија и од дома и потрудете се да фатите што повеќе сонце и витамин Д, што помагаат во борбата против депресијата.Испотете сеФизичките вежби се одлично решение за бројни проблеми – со вежбање ги симнувате вишокот килограми, се борите против болести, превенирате многу од нив, ја подобрувате енергијата и правите нешто добро за вашето ментално здравје. Со вежбање се лачи ендорфин во мозокот познат како хормон на среќата.Слушајте музикаИстражувањата покажаа дека слушање омилена музика доведува до преплавување на мозокот со допамин, хемикалија која позитивно влијае на нашите емоции и го зголемува задоволството намалувајќи ја болката. Студијата објавена во публикацијата Journal of Positive Psychology, покажа дека луѓето кои слушаат омилена музика се посреќни и позадоволни од оние кои слушаат каква било музика, или оние кои воопшто не слушаат музика.
Надокнадете го пропуштениот сонНедоволно сон се поврзува со проблемите со расположението, контролирањето на емоциите и одржување здрави односи со луѓето. Истражувањето кое го објави Американската психолошка асоцијација наведува дека многу луѓе со време насобираат доста „долг“ кога во прашање е спиењето. Додадете 60 до 90 минути сон секоја вечер, со тоа што ќе си легнете порано и ќе видите во колкава мерка може тоа позитивно да влијае врз вас.Фокусирајте се на луѓетоМесто да пратите порака на пријател, јавете се и договорете средба. Доколку се дружите со оние кои ги сакате тоа е одличен начин да ви се подобри расположението. Бројни истражувања потврдија дека пријателствата се важни во одржувањето на личната среќа и доброто расположение. Блиските пријатели ви помагаат да имате место во кое може да се издувате, да изразите и да добиете емоционална поддршка која ви треба.Направете нешто добро за некого.
Можеби делува дека нема смисла, но од состојба на лошо расположение може да излезете со самото тоа што ќе направите добро за некој друг. Мал чин на добрина ќе придонесе да се чувствувате добро.Запишете ги емоциитеКога се чувствувате лошо, тажно, луто, многу е тешко да се излезе од таа состојба. Запишете ги тогашните емоции во дневник, или ако ви е тоа бесмислено, тогаш на лист хартија и подоцна искинете го. Звучи театрално, но бројни истражувања покажаа дека овој метод има симболична важност во „ослободувањето“ од негативните емоции и во отстранувањето на црните мисли од главата./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.