Економија
ЕУ сака „чесен дел“ од данокот на големите компании
Министрите за финансии на Британија, Франција и Германија, во саботата покренаа нова иницијатива со која ќе се обидат големите компании да ги натераат да платат чесен данок, и да го искоренат обичајот водечките компании да плаќаат најмалку.
Министрите за финансии на Велика Британија, Франција и Германија, Џорџ Озборн, Пјер Московиси и Волганг Шојбле, изјавија дека е време за меѓународната координиран акција со којашто би се исклучила практиката на селењето на профитот од земјата во која е компанијата на друго место каде би се платил помал данок.
Оваа идеја којашто ја поткрепува Организацијата за економска соработка и развој (ОЕЦД) за последиците од ткн преместување на профитот, изнесена во јавноста во моментот кога државите поради кризите се трудат на секој начин да ги пополнат своите национални буџети.
„Во основа, станува збор за правно прашање. Мораме да модифицираме закон. Избегнувањето на двојното оданочување стана начин на двојно избегнување на оданочувањето“, изјави генералниот секретар на ОЕЦД, Ангел Гуриа.
„Ниедна земја не може сама“, додаде Гуриа, на прес-конференцијата на маргините од состанокот на министрите за финансии на земјите и челниците на националните централни банки на групата Г20 во Москва и нагласи дека цел на иницијативата не е „напад“ на поединечните корпоративни гиганти.
Германскиот министер Шојбле рече дека „не е чесно мултинационалните компании да можат да ја искористат глобализацијата како средство“ за да не го платат својот дел од данокот, неговиот француски колега Московиси тоа прашање го опиша како „прашање на праведноста кон нашите граѓани“. Додека, пак, британскиот министер Озборн глобалните даночни прописи осмислени пред релси стотина години на принципите кои ги поставила Лигата на народите во деведесеттите години од XX век и оттогаш минимално се менувани.
„Тоа значи дека даночниот систем не го одразува начинот на работење на меѓународните компании. Ние сакаме компаниите да ги плаќаат даноците кои ние во државите ги одредуваме. А тоа ниедна земја не може сама да создаде меѓународен даночен систем“, додаде Озборн.
Министрите нагласија дека нивниот предлог го поддржува и руското претседателство на групата Г20./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.