Економија
Благ раст на прометот од трговијата на мaло во еврозоната и ЕУ28 во јули
Прометот на трговијата на мало во еврозоната и во целата 28-члена Европска унија во јули благо пораснал во однос на претходниот месец, и тоа за 0,1 односно за 0,2 отсто, додека на годишно ниво е намален, објави во средата европската статистичка агенција Eurostat.
Притоа новите сезонски прилагодени податоци за јули сепак укажуваат на заздравување во споредба со претходниот месец, кога прометот во трговијата на мало еврозоната бил намален за 0,7 отсто, а во ЕУ28 за 0,5 отсто, покажуваат ревидираните податоци на статистичкото биро. Eurostat во прелиминарните процени наведе дека во јуни прометот во еврозоната паднал за 0,5 отсто, додека во Европската унија во целина за 0,3 отсто.
На годишно ниво, прометот од трговијата на мало е намален во еврозоната за 1,3 отсто, а во ЕУ28 за 0,3 отсто. Во претходниот месец, исто така, според ревидираните податоци на годишно ниво бил намален за 1,1 отсто, односно за 0,1 отсто. Во првичната процена на Eurostat, пак, годишната стапка за јуни, објавена на почетокот од август, прометот во еврозоната бил намален за 0,9 отсто, додека во ЕУ28 пораснал за 0,1 отсто, потсетуваат од бирото.
Во категоријата „храна, пијалаци и тутунски производи“, прометот од трговијата на мали во јули годинава во еврозоната на месечно ниво е зголемен за еден процент, а во ЕУ28 за 1,1 отсто. Во категоријата „непрехранбени производи“ забележам е, пак, пад на прометот од 0,4 односно 0,3 отсто.
На годишно ниво, пак, во категоријата „храна, пијалаци и тутунски производи“ прометот во еврозоната е намален за 0,6 отсто, додека во ЕУ28 стагнирал. Во категоријата „непрехранбени производи“, прометот од трговијата на мало е намален за 1,6 отсто за еврозоната и за 0,1 отсто на ниво на 28-те членки на Европската унија.
Меѓу податоците со коишто располага Eurostat, најголем промет на месечно ниво забележан е во Латвија и во Романија, од по 2,1 отсто, како и во Франција од 2 отсто. Најизразен бил падот забележан е во Словенија за 3,4 отсто, во Германија за 1,4 и во Шведска за 1,3 отсто.
На годишно ниво според достапните податоци на европското статистичко биро, најизразен пад на прометот во трговијата на мало бележат Словенија од 6,4 отсто, Шпанија од 5,5 и Португалија од 2,2 отсто. Најголем раст на прометот имале, пак, Луксембург од 17,7 отсто, Малта од 6 и Литванија од 5,9 отсто./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.