Контакт

Анализа

Десничарските потреси најавуваат многу неизвесна 2017-та

Објавено пред

Одбележана со победата на новиот американски претседател Барак Обама и референдумот за излегувањето на Велика Британија од Европската унија мина 2016 година, во која се случија десничарски потреси од двете страни на Атлантикот, а имајќи ги предвид претстојните избори во некои членки на ЕУ годинава ќе биде многу понеизвесна во смисла на насоката во која ќе се движи американската политика.

dobivaj vesti na viber

Годинава 2017-та, парламентарните избори во Холандија ќе се одржа во средината на март, претседателските избори во Франција на крајот од април и почетокот на мај, како и парламентарните избори во Германија кон крајот на септември, а многу се можни и предвремени парламентарни избори во Италија, третата економија во еврозоната

Милиони Британци и американци гласаа во 2016 година против естаблишментот, што се толкува како незадоволство од придобивките на глобализацијата, досега незабележаната имиграција и тероризмот. Глобализацијата и имиграцијата, имено, ги променија пазарите на труд и демографијата на Западот. Многумина, па дури и во земја којашто е подигната од имигранти,како што се САД, гледаат врски меѓу криминалот, тероризмот и имиграцијата, сметаат некои аналитичари.

Во земјите од ЕУ, од Холандија до Полска и од Шведска до Италија, сé почесто може да се слушнат споредби со ситуацијата во 30-те години од минатиот век. Се појавија низа крајно десно движења и партии, кои сакаат да им пружат отпор на политичките естаблишменти и создадени со вековите елит, како и на Брисел, и да ги вратат своите земји на средната класа којашто сé потешко живее, како што истана и Доналд Трамп во својот инаугуративен говор на Капитол Хил.

Оттаму, се поставува прашањето дали откако Трамп ја презема должноста челник на најмоќната земја на планетата со говор во кој го апострофираше суверенитетот и патриотизмот, ова е годината во којашто на европскиот континент ќе се случат тектонските пореметувања на политичката сцена. Како и во текот на кампањата за британското излегување од ЕУ и во американската претседателска кампања, и на европска почва доминираат темите за глобализацијата, доаѓањето на повеќе од 1,5 милиони доселеници од муслиманските земји и екстремистичките напади.

Претседателката на партијата од француската крајна десница Национален фронт, Марин Лепен, изјави минатиот викенд на конгресот на десните партии во Европскиот парламент во германскиот град Кобленц, дека 2017-та ќе биде година на националните партии. „Минатата година анлгосаксонскиот свет со Брегзитот и изборот на Доналд Трамп ја започна борбата за сопствената слобода. Во 2017 година следат нациите од континентална Европа“, изјави Марин Лепен укажувајќи на важните избори кои годинава ќе се одржат во повеќе важни земји членки на Европската унија.

Традиционалните и про-ЕУ партии малку здивнаа кога на претседателските избори во Австрија на 4-ти декември беше поразен десничарот Норберт Хофер, Но надежите веднаш спласнаа поради Италија, третата економија во еврозоната, чиј премиер Матео Ренци поднесе оставка поради пропаднатиот референдум за уставната реформа, а Уставниот суд донесе одлука создавајќи можноста за предвремени избори и јакнење на антиестаблишмент Движењето пет ѕвездички, кое сака да го укине еврото, како и антидоселеничката Северна лига.

Холандија излегува на избори во средината на март, а антиисламската крајно десна партија на Геерт Вилдерс може првпат во историјата да победи, но можеби и потоа нема да успее да формира коалициска влада. Франција до првата седмица од мај ќе го добие новиот претседател. Според сегашните анкети, лидерката на крајната десница Национален фронт, Марин Лепен, ќе влезе во вториот круг со конзервативецот Франсоа Фијон.

Германската канцеларка Ангела Меркел која во 2015-та ширум ги отвори границите за повеќе од милион баратели на азил во септември, исто така, треба да ја бара довербата на избирачите. Иако долго им одолеваше на повиците на десничарите, меркел сега мора да се справува со јакнењето на евроскептичката и антидоселеничка партија Алтернатива за Германија, која прерасна во трета сила во земјата, како и со силната критика во рамките на својата партија и традиционална демохристијанска унија со сестринската партија од Баварија.

Иако анкетите прогнозираат дека Меркел ќе победи, а Лепен ќе биде поразена во вториот круг, сепак не треба тоа и така да се случи. Имено, анкетите се многу дискредитирани, имајќи предвид дека предвидуваа дека Британците ќе се одлучат да останат во ЕУ, како и дека Трамп нема никакви шанси против искусната Хилари Клинтон поддржувана од естаблишментот и елитата дури и меѓу неговите републиканци.

Во таквата атмосфера, Јејша Монк, професор по политикологија на Харвард, очекува во 2017-та „голема неизвесност“. „Едно е сигурно: изборот на Трамп докажа дека не постои природна граница за јакнење на популистичките движења. Доколку луѓето мислат дека е невозможно Марин Лепен да победи, ја прават истата грешка каква што ја направија моите пријатели мислејќи дека Трамп не може да победи“, предупредува.

Европските етаблирани, особено леви и партиите од левиот центар, се прашуваат дали Трамп ќе го направи пресвртот во американското влијание во светот, на што тие го потпираа своето постоење сега. Неговата победа може да влее „одредена доза самодоверба“ кај европските десни и популистички движења, смета Џовани Греви од Центарот за европска политика во Брисел. Но, според него, европските популисти, би можеле да „изгорат“ доколку Трамп не успее во своите ветувања. Но процената на Греви, сепак, се однесува на подолг период, зашто од стапувањето на Трамп до клучните европски избори ќе измине само половина година, што може само да ги открие контурите и насоките на неговите политики, но никој нема да очекува конкретни и брзи резултати. А ЕУ е и онака пред големи искушенија поради проблемите во еврозоната и масивниот прилив на имигранти и е чувствителна на цела низа кризни фактори.

Лепен на собирот во организација на групата Европа на нациите и слободите во Европскиот парламент, која во 2015 година ја основаа партиите од крајната десница од девет земји членки, ја критикуваше Европската унија како „антидемократска творба“ којашто се бори против националните интереси на земјите членки.

Во својот говор пред пратениците но и водечките европски политичари од крајната десница како Холанѓанецот Геерт Бидлерс, Матео Алсвини од италијанската Северна лига и Фрауке Петри од Алтернатива за Германија, остро ја осуди политиката на германската канцеларка Ангела Меркел за нејзината политика на отворени граници за барателите на азил. Истовремено појасни дека доаѓањето на мигрантите и бегалците го поддржуваат големите концерни кои се надеваат на добивање евтина работна сила, но не и малите претприемачи и граѓаните чии работни места се загрозуваат.

Фрауке Петри ја критикуваше воопшто доселеничката политика којашто се води во рамките на Европската унија. „Многу медиуми и политики проповедаат толеранција и атмосфера на добредојде. Притоа доселениците инсистираат на своите традиции од ерата пред модерното време и воопшто не го интересираат и не им е грижа за вредностите во нашето општество, предупреди Петри. Таа се заложи за „нови импулси во Европа“, коишто ќе спречат„неконтролирана промена на структурата на населението“./крај/мф/сн

Daily news

Владата ќе направи целосен ремонт на урбанизмот

Објавено пред

Владата подготвува пакет-измени на постојните и носење целосно нови уредби кои ќе ги опфатат законите за градење, за просторно и за урбанистичко планирање, за катастар, за експропријација, за еврокодови, најавува денес „Дојче веле“.

dobivaj vesti na viber

Веќе било формирано национално координативно тело во кое се вклучени претставници од Владата, од министерствата, од општините, од другите надлежни институции, како и од здруженијата на архитекти, на градежници, но и претставници на стручната и научната фела со кое раководи професорот Мирослав Грчев.

„Во следните два месеца ќе изготвиме интервентни измени на кои стручњаците укажаа, пред сè, со цел да се отстранат аномалиите и противречностите. Потоа ќе започнеме со изработка на сосема нов сет закони, процес што ќе трае 7-8 месеци“ откриваат од Владата.

Само Законот за градењето во последните 5 години бил менуван 25 пати. Со ова, според надлежните, настанал вистински хаос во регулативата и на терен. Речиси на иста линија е и стручната фела. Во Комората на овластени архитекти и инженери (КОАИ) сметаат дека е крајно време да се воведе ред.

Урбаниот хаос ќе се средува и со законски измени и со засилен надзор, велат од Владата. Сепак, негираат дека ќе има уривање на објекти – сè што досега било направено, а било во рамките на постојните закони, ќе остане.

„Основна цел е подобрување на животот на граѓаните. Урбаниот хаос го нарушува просторот. Во Скопје досега масовно се градеше без план, проблемот е помал во другите градови, но таму не се внимаваше воопшто на она што се нарекува архитектонско решение или урбанистички изглед на локалната единица… Ова е болната точка што ќе треба да ја коригираме иако нема можност состојбата целосно да ја вратиме назад, но мора да ја смениме генералната перцепција дека во сферата на урбанизмот владее хаос, дека владее корупција и тоа е она што нè боли сите нас“, велат извори во Владата.

Архитектите предупредуваат дека, освен законските измени, мора да се донесат и сосема нови урбанистички планови и тоа не само за главниот град.

Каква е моментната состојба доволно зборува податокот дека сега во централното градско подрачје на Скопје во тек е изградба на десетици големи станбени згради, од кои добар дел и со по стотина и повеќе стана.

Прикажи повеќе...

Daily news

Според Дрилон Исени, економскиот раст од 1,5 отсто неостварлив

Објавено пред

Стопанската комора на северозападна Македонија (СКСЗМ) смета дека годинава ќе ја заокружиме со максимум 0,7 отсто економски раст наспроти последните процени на Светската банка за раст од 1,5 процент.

dobivaj vesti na viber

– Ќе бидеме презадоволни ако Македонија ја заокружи годината со економски раст од 0,5 до 0,7 отсто. Сметаме дека проекциите од 1,5 на Светската банка или 2,5 процента на Владата никако не може да се постигнат. Во првиот квартал растот беше нула, во вториот -1,8. За да постигнете раст од 2,5 треба во двете тримесечја да биде пет отсто, што нема логика – вели извршниот директор на СКСЗМ, Дрилон Исени.

Исени и оперативниот директор на Комората, Миљаим Амети, порачуваат државата наместо да им дава субвенции за минимална плата на компаниите, да размисли за поддршка за воведување нови технологии и ноу-хау, што ќе ги направи финансиски помоќни и конкурентни, а еднаквиот третман на странските и домашните инвеститори да не биде само во однос на даночните олеснувања и субвенциите, туку и во делот на инфраструктурата.

Прикажи повеќе...

Daily news

Богов песимист, не очекува никаков раст годинава

Објавено пред

Продолжената политичка криза и нанесе сериозни штети на македонската економија и тешко дека ќе постигнеме некаков раст оваа година, по падот во првата половина, изјави гувернерот на Народната банка на Македонија, Димитар Богов во интервју за агенцијата Ројтерс, додавајќи дека нашите превидувања од април за економски раст од 2,5 проценти очигледно биле премногу оптимистички. Тој натаму нагласува дека имајќи предвид оти во првата половина од оваа година македонскиот БДП забележа пад од 0,9 отсто, би „бил среќен ако оваа година ја завршиме со
позитивен економски раст“.

dobivaj vesti na viber

Британската агенција потсетува дека македонската економија лани оствари раст од 2,4
отсто, но во вториот квартал од оваа година БДП падна за 1,9 отсто, што е негово прво
намалување од 2012 година.

Богов во интервјуто натаму наведува дека македонската економија следната година може
повторно да бележи раст, доколку се стабилизира политичката ситуација.

– Доколку имаме целосна политичка стабилност и економски политики од новата Влада,
можеме да очекуваме растот постепено да се врати на трендот што го имавме пред да
западнеме во политичката криза во 2015 година, вели Богов.

Гувернерот на централната банка очекува Владата да продолжи со фискалната
консолидација со цел да го стабилизира буџетскиот дефицит, кој се проценува на околу три
отсто за оваа година.

Прикажи повеќе...

Најново

Македонија1 час

Арсовска со реакција до премиерот: Поради континуирано задоцнетите мерки, сите плаќаме поскапа електрична енергија и парно

Градоначалничката на Град Скопје, Данела Арсовска вечерва со реакција по изјавите на премиерот Димитар Ковачевски. Тој порача „ВМРО-ДПМНЕ да се...

Европа3 часа

Трас: Украинците го надмудрија Путин

Британската премиерка Лиз Трас ја коментираше најавата за руска мобилизација и инвазијата на Украина во своето прво интервју за американската...

Европа4 часа

Рускиот патријарх Кирил со повик до Русите: Одете во војна, ако умрете, ќе бидете со Бога

Поглаварот на Руската православна црква, патријархот Кирил ги повика руските граѓани да не се плашат од смртта поради одлуката на...

Регион5 часа

Трка на пијани возачи кобна за семејството Крстиќ кај Мостар

Тешката сообраќајна несреќа што се случи синоќа во близина на Мостар, во која четири лица загинаа, а четворица се тешко...

Европа6 часа

Има рак на кожа, не гледа и не слуша добро, а го мобилизирале во руската војска

Виктор Дјачок – 59 годишен началник на хируршкото одделение на болницата во Азбест, град во руската област Свердловск во источното...

Европа7 часа

Папата ги повика Италијанците да имаат повеќе деца

Папата Франциск денеска отпатува во јужна Италија за да го затвори конгресот на Италијанската црква што се совпадна со националните...

Македонија11 час

(Видео) Стоилковски: Сопругата на Бочварски и нејзината сестра ухлебени во штипската болница директно „од клупа“?

Продолжуваме со објавување на скандалозни непотистички вработувања и злоупотреби на позиции од клептоманите на власт, додека Македонија тоне во сиромаштија...

Топ11 час

МВР: Констатирано точење на алкохол на малолетници во угостителски објекти

Утрово во временскиот период од 00.00 до 04.00 часот, полициски службеници од сите Сектори за внатрешни работи, во соработка со...

Европа13 часа

Лавров: Америка сака да ја уништи Русија, сакаат целиот свет да го претворат во свој двор

Рускиот министер за надворешни работи Сергеј Лавров се обрати пред Генералното собрание на ОН и во својот говор истакна дека...

Свет14 часа

(Видео) Најмалку пет лица се повредени во пукање во забавен парк во Америка

Најмалку пет лица се повредени, од кои двајца од истрели од огнено оружје, откако избила престрелка во забавен парк во...

Свет14 часа

Северна Кореја лансираше балистичка ракета-Итен состанок на воениот врв на Јужна Кореја

Северна Кореја истрела балистичка ракета во правец на морето во близина на нејзиниот источен брег, во пресрет на планираните воени...

Европа14 часа

Избори во Италија, според анкетите десницата е фаворит

Во Италија денеска се одржуваат парламентарни избори кои според последните анкети ќе доведат на власт десничарска коалиција од која Брисел...

Европа14 часа

Зеленски до Русите: „Предадете се, Путин ве испраќа во смрт“

Украинскиот претседател Володимир Зеленски, кој им се обрати на руските граѓани, рече дека нивниот претседател Владимир Путин свесно испраќа „граѓани...

Македонија1 ден

Членови на ДУИ: Арогантното и дилетантско однесување на извршната власт на чело со Груби предизвика револт

Бараме од претседателот на партијата, Али Ахмети, да го искористи својот политички и статутарен авторитет, за да најде решение за...

Европа1 ден

Шолц: Гладот ​​е голема опасност, Русија нема да победи

Германскиот канцелар Олаф Шолц денеска во својата неделна порака до граѓаните истакна дека Русија нема да победи во војната во...

Македонија1 ден

(Видео) Ковачевски во ОН: Немаме друга алтернатива за подобар животен стандард од членство во ЕУ

Премиерот Димитар Ковачевски се обрати на Генералната дебата на 77-то Генерално собрание на Обединетите нации во Њујорк. Тема на годинешната...

Европа1 ден

Путин потпиша нов закон, строги казни за одбивање на мобилизација и за дезертерство

Претседателот на Русија, Владимир Путин, потпиша пакет измени на Кривичниот законик поврзани со воената служба, пишуваат руските агенции. Со пакетот...

Топ1 ден

Скопјанка измамена за над 7.200 евра, и кажале дека ќерка и усмртила дете во сообраќајкa и ќе ја спасат од затвор

Вчера во 11.05 часот во СВР Скопје, 69-годишна жена од Скопје пријавила дека на 22.09.2022 била измамена од едно лице...

Европа1 ден

Кина: САД испраќаат многу погрешни и опасни сигнали

Кина ги обвинува Соединетите Држави дека испраќаат „многу погрешни и опасни сигнали“ до Тајван, откако американскиот државен секретар Ентони Блинкен...

Европа1 ден

Кадиров: Огромен број припадници на државните служби се вешти со оружје, нема да требаат резервисти

Чеченскиот лидер Рамзан Кадиров денеска предложи да се мобилизираат половина од припадниците на федералните сили за таканаречената, како што ја...