Контакт

Анализа

Европејците излегоа на протести против договорот TTIP

Објавено пред

Повеќе десетици илјади Европејци во Германија, Велика Британија, Шпанија и Полска, протестираа во саботата против намерите да биде склучен договорот за слободна трговија меѓу САД и Европската унија, Договорот за трансатлантско трговско и инвестициско партнерство (TTIP).

dobivaj vesti na viber

Трговската спогодба меѓу САД и ЕУ е документ чиешто усвојување ќе доведе до намалување на тарифите и ќе ги отстрани регулаторните бариери во бизнисите меѓу ЕУ и САД, со што условите за компаниите во двата економски простора ќе бидат релативно универзални. Британската конзервативна влада верува дека потпишувањето на договорот ќе ги зголеми приходите на националната економија за 10 милијарди фунти годишно, американската економија би имала зголемувања од 809 милијарди фунти, додека економијата на ЕУ, како целина, 100 милијарди фунти.

Противниците на овој договор, пак, тврдат дека тој е направен единствено во полза на мултинационалните компании, кои се борат за контрола на пазарите и за ослабување на регулаторните прописи во Европа. Статистичарите пресметаа дека вкупно во период од подготовката на договорот до неговото потпишување се одржале околу 600 протести.Од јули 20913 година Европската унија подалеку од очите на јавноста води преговори за ткн TTIP со други земји. Договорот треба да биде изработен во текот на 2015 година, по што во текот на следната половина година треба да биде одобрен од Европскиот парламент и ратификуван од националните парламенти на 28-те земји членки.

Шпанците не сакаат да бидат стока

Десетици илјади луѓе излегоа во саботата на улиците на 53 градови во Шпанија, за да се приклучат на глобалната акција на протестите против договорот TTIP. Најмасовен во Шпанија беше протестот во главниот град Мадрид, каде што според организаторите на просторот од фонтаната Нептун на плоштадот Кановас-дел-Кастиљо до централниот плоштад Пиердда-дел-Сол уќествувале 50 илјади луѓе. На протестот му се приклучија разни граѓански движење, еколошки активисти, синдикати и опозициските левичарски партии Подемос и Обединета левица.

„Ние не сме стока – луѓе сме!“, „Нема да плаќаме за тој договор!“, „Од север до југ, од исток до запад – запрете го TTIP по секоја цена!“, „Договорот е државен преврат!“, беше испишано на транспарентите во Мадрид.

„Благодарни сме им на општествените организации, еколошките и граѓански здруженија, синдикатите што го извадија на виделина TTIP, откако го сокрија Европската комисија и владите на земјите членки на ЕУ. Благодарност за левите сили во ЕУ и на граѓанските здруженија кои го обзнанија овој договор“, изјави Марина Албиол, пратеник во Европскиот парламент, од шпанската партија Обединета левица.

Според неа, „луѓето, доколку не се акционери на големите мултинационални корпорации, тие се противат на оваа спогодба“.

„TTIP значително ќе ги намали нашите социјални права и ќе предизвика штети во светот. Цивилното општество мора да им се спротистави на социјалдемократите, либералите и конзервативците, кои го поддржуваат договорот, и да предложи алтернатива. Само граѓанскиот сектор може да му се спротистави на крупниот капитал и корпорациите“, вели Албиол и порача дека европската левица во Европскиот парламент ќе биде истрајна против потпишувањето на TTIP.

„Вампир, октопод и црв (едно од мотата на транспарентите во Мадрид), со тоа сакаме да кажеме дека договорот меѓу САД и ЕУ во целост ќе не’ уништи, ќе ги исцица од нас сите сокови. Јас сум обичен граѓанин, секогаш ја поддржував крајната левица, и дојдов да протестирам против договорот, насочен против благосостојбата и социјална правда“, вели Тереза, демонстрант во шпанската престолнина.

На крајот од протестот, организаторите на маршот прочитаа манифест во кој бараат од ЕУ и националните влади на земјите членки да го суспендираат договорот.

Германија е против

Спротиставувањето на TTIP е особено силно во Германија, што делумно се објаснува со растечкото антиамериканско чувство кај Германците поради масовните шпионирања на разузнавањето на САД на милиони германски државјани, вклучително и на канцеларката Ангела Меркел, но и стравувањето од доминацијата на американските мултинационални компании, како Google, на пример, во дигиталната сфера. Едно неодамнешно испитување на јавното мнение покажа дека 43 отсто од Германците се убедени Договорот за трансатлантско партнерство во трговијата и инвестициите (Transatlantic Trade and Investment Partnership – TTIP) ќе биде негативен за нивната земја, додека само 26 отсто го сметаат за позитивен.

Според организаторите од здружението Attaс Deutschland повеќе од 20 илјади само во Минхен учествувале на протестите против планираното потпишување на Договорот за трансатлантско тровско и инвестициско партнерство (TTIP). Според соопштението на полицијата, коешто го пренесува агенцијата DPA, на протестите во саботата во Штутгарт учествувале околу две илјади демонстранти, во Улм речиси 1.200, а во Кил 600 луѓе. На протестот во центарот на германската престолнина Берлин, според медиумските извештаи присуствувале повеќе од четири илјади демонстранти, додека полицијата проценува дека ги имало 600. Маршеви на демонстрантите имаше и во Лајпциг и во Франкфурт.

Во Берлин, околу 4 илјади луѓе образуваа човечка верига којашто се протегаше кој се протегаше Потсдамер Плац од зградата на амбасадата на Канада преку американската амбасада преку Бранденбуршката порта до претставништвото на Европската унија во Германија. Учесниците во оваа верига потпишаа декларација предадена во мисијата на ЕУ во која се истакнува дека треба да се најде алтернатива за договорите TTIP и CETA.Повеќето Германци тврдат дека договорот ќе ги намали стандардите, во социјалната, правната и еколошката сфера, и сметаат дека главната цел на договорот е да им го олесни пристапот на американските компании и нивните производи на европските пазари. Системот на приватните арбитражни судови, кој ќе биде формиран, треба да ги регулира односите меѓу корпорациите и националните држави, според противниците на договорот, ќе претставува паралелен систем на правосудство под контрола на корпорациите и претставува директна закана за демократијата.

Германската влада на канцеларката Ангела Меркел се залага за што поскоро ратификување на TTIP. Според Берлин, европската економија ќе има полза од овој договор, Брисел ќе може повеќе да влијае врз стандардите на меѓународната трговија, европските компании нема да мора да бидат подложени на двојна сертификација, а TTIP ќе осигури меѓу 200 и 400 илјади нови работни места во Германија и раст на тамошното производство.

Велика Британија ги поддржува протестите

Во поголемите британски градови протесните акции не беа изразени во бројност на учесниците. Во Лондон протестот се одржа под мотото „Демократија или ТТIP“, на кој учествуваа претставници на неколку еколошки и движења за човекови права, како War on Want, Global Justice Now, 38Degrees, Friends of the Earth, Keep Our NHS Public, Brick Lane Debates и „Студентите против TTIP“. Според лондонската полиција, на манифестацијата присуствувале околу триста луѓе, без инциденти.

Анкетите покажуваат дека мнозинството Британци се противат на намерите на нивната владата да го потпише договорот. Според агенцијата за социолошки истражувања YouGov, 54 отсто од британските граѓани се против, а најголеми противници се синдикатите.

Уште еден митинг се одржа и во предградието во Манчестер, Салфорд, каде медиумите проценуваат дека се собрале 400 луѓе.

„Потпишувањето на договорот е полн замава. Работничката класа во целиот свет мора да обедини и да се бранат. Ние, исто така, треба да го заштитиме нашиот здрав систем“, изјави за локалните медиуми, еден од учесниците на митингот во Салфорд, Ерик Торп.

Британските лабуристи и либералдемократи го поддржуваат договорот, а Лабуристичката партија ја повикува владата да се исклучи националниот здравствен систем NHS од документот. Некои експерти сметаат дека потпишувањето на договорот ќе има штетен ефект бесплатниот британско здравствено осигурување, ќе го приближи кон американскиот здравствен систем, кој поради високата цена е достапна на граѓани со високи и средни приходи. Критичарите на договорот сметаат дека по неговото потпишување во Британија ќе влезат американските осигурителни компании и, кои поради значајните финансиски можности и потенцијален профит ќе го уништи британскиот NHS, кој се смета за најдобар здравствен систем во Европа.

Договорот TTIP претпоставува создавање слободна трговска зона со потрошувачки пазар од околу 820 милиони луѓе. Покрај САД и ЕУ, во проектот се вклучени и Канада, Мексико, Швајцарија, Лихтенштајн, Норвешка и Исланд, како и земји кандидати за членки во ЕУ.Собири на демонстранти имаше во Варшава, пред зградата на Европската комисија, како и во градовите Белсток, Катовице, Лоѓ, Шчечин, Вроцлав… На нив се протестира против приклучувањето на Полска кон договорот меѓу Европската унија и САД за Трансатлантското трговско и инвестициско партнерство (TTIP).

Преговарачите за усогласување на одредбите од договорот одржаа осум рунди, одредувајќи го декември 2015 година како прелиминарна дата за согласност на владите од ЕУ со нацрт текстот на документот.

Договорот за сеопфатна зона на слободна трговија СЕТА (Comprehensive Economic and Trade Agreement) меѓу ЕУ и Канада, пак, треба да стане почетна точка за склучување на договорот TTIP. Проектот е целосно развиен, но сè уште не е потпишен. Доколку биде одобрен од Советот на Европа и од Европскиот парламент, треба да стапи на сила во 2016 годна.

Во моментов, голем број земји, главно од Латинска Америка, се заговара раскинување на договорот со САД, а во некои, како Јужна Африка, веќе го започнаа овој процес./крај/мф/сн

Извор: Макфакс



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Анализа

Разорувачкиот пример на економски и социјален „мазохизам“

Објавено пред

Откако пред неполни три години човештвото се соочи со глобалната пандемиска – здравствена криза што мултиплицирано се зголеми на почетокот од оваа 2022 година со руската воена инвазија во Украина, согласно сите извештаи за реалните состојби, научни анализи и аргументирани предвидувања извесно е дека оваа есен – зима ќе кулминираат економската, енергетската, инфлаторната, ценовната и социјалната криза со епски пропорции.

dobivaj vesti na viber

Jeff Bezos, основачот и извршен претседател на „e-commerce” гигантот Amazon, кој е најрелевантен барометар за „здравјето” на јавната потрошувачка односно, клучниот генератор на економскиот развој, предупредува на неизбежност од голема рецесија на светската економија. Истите ставови ги споделуваат и David Solomon (CEO Investment Bank Goldman Sachs) или пак Jamie Dimon (CEO JP Morgan Chase) кој по последното интервју од 10 октомври ќе изјави дека „економијата ќе влезе во рецесија следните шест до девет месеци”.
Elon Musk (CEO Tesla & SpaceX), е уште попрецизен велејќи дека „ние сме веќе во рецесија која веројатно ќе трае до пролетта 2024 година и само најјаките ќе преживеат”.

Ваквата драматична криза кај сите национални економии наметна алармантна, вонредна состојба која пак ургентно бара вонредни и радикални економски стратегии и оперативни мерки за одржување во живот и избегнување на целосен економски колапс.

Скоро без исклучок сите одговорни политички, економски и финансиски лидери од европските земји се согласуваат со дијагнозата дека се работи за најсериозна ,,ЕГЗИСТЕНЦИЈАЛНА ЗАКАНА” која наметнува неопходност од нови приоритети преку забавување или целосно времено одложување на претходно донесените национални стратегии и развојни проекции.

Метафорично, кризата ги претвори националните економии како „пациент во клинички шок со акутни животно загрозувачки проблеми каде се неопходни интервентни реанимациони процедури а не некакви блазирани совети за долгорочните погодности од поинтензивно пешачење и физички вежби во природа на чист воздух или пак совети за органска исхрана и здрав диетален програм(!?)”.

Така на пример германскиот канцелар и неговиот владин кабинет интервентно одлучија да го стопираат планираното затворање на преостанатите три нуклеарни централи, но и да рестартираат неколку од веќе „пензионираните” нуклеарни капацитети. Од егзистенцијална важност е да се обезбеди електрична енергија за домаќинствата, индустријата и инфраструктурата во Германија.

Ваквата тешка одлука е донесена и под голем притисок на неколку други партнерски земји од ЕУ, како Словачка и Унгарија. Белгија исто така планираше да ги затвори своите два нуклеарни реактори (со капацитет од 2.1 GW) до 2025 година, но во март одлучија да ги задржат во функција барем за уште 10 години. „Bloomberg” објави дека новата влада на Шведска ќе побара од државната компанија „Vattenfall AB” да планира и изгради нови нуклеарни централи за да ја задоволи растечката побарувачка на електрична енергија во земјата.

Притисната од драматичната реалност, германската влада прави „очајнички” обиди за да го задржи функционирањето на националната економија но и запалените светла и снабдување со електрична енергија во сите домаќинства за да се помине зимата. И покрај претходно прифатената обврска на Германија за постепено исклучување на ископување и користење на јаглен до крајот на оваа декада, во оваа нова реалност се вратија назад на најсигурниот и најбрз начин на производство на електрична енергија од фосилните горива. Така, во овие неколку месеци ефикасно возобновија и вратија во функција на неопределено време, најмалку 20 термо електрани на јаглен. Ветерните турбини близу до отворениот коп на рудникот „Garzweiler” во Северна Рајна-Вестфалија а со кој управува германскиот енергетски гигант „RWE”, се демонтираат и отстрануваат за да се отвори простор за проширување на копот и интензивна експлоатација на јаглен.

Дури и најавторитетните граѓански групации за заштита на животната средина се согласуваат дека јагленот е најбрзиот но и најефикасниот одговор на енергетската криза. Karsten Smid од „Greenpeace Germany” вели „Ние мораме да разбереме дека кризната состојба во која би немале енергија, би немале струја нити топлина во домовите и канцелариите оваа зима, е далеку посериозно прашање од било која друга тема и заложба”.
Факт е дека во кризни времиња генерално сите луѓе покажуваат поголем интерес за информации, читање, проучување, слушање и осознавање.

Така дури и најекстремните екологисти ја разбраа и прифатија реалноста дека без рударство и многукратно зголемување на неопходните количини од ретките, критични минерали и метали (бакар, литиум, никел, графит, кобалт…), општоприфатената програма за глобална транзиција во „зелена економија” – е само обична ДЕКЛАРАТИВНА ЖЕЛБА! Според извештаите на Светска Банка, притисокот за „зелена” технологија и производство на енергија од обновливи извори (ветер, сончева и геотермална), како и високософистицираните решенија за складирање на таквата енергија ќе резултира со побарувачка од околу 3 милијарди тони минерали и метали, односно ќе биде потребно 500% зголемување на производството на критични минерали и метали до 2050 година. Неизбежно се наметнува заклучокот дека современото одржливо рударство е клучна алка во процесот на транформација кон „зелената економија”.

Видлив е трендот да големите автомобилски компании како Ford, Chrysler, Volkswagen, Mercedes, кои се обврзаа за забрзана транзиција и замена на нивните производни програми со електрични возила широко достапни до 2035 година (!?), интензивно стратешки се поврзуваат капитално со големите рударски компании кои работат и применуваат нови технологии и високи стандарди за одржливо рударство.

Така и американската администрација на претседателот Joe Biden неодамна додели грант од вкупно 2.8 милијарди долари за значително поттикнување на домашното рударство на критичните минерали и метали потребни за производство на моќните батерии за електричните возила.

Доколку во контекст на сé претходно наведено во овој текст повторно се навратам на разочарувачкиот пример со сосема неоправдано наметнатата неизвесност или повеќегодишниот „limbo” статус на Проектот за мега странската инвестиција – рударски комплекс за бакар „Иловица-Штука”, неизбежно ќе воочиме дека во односот на нашата држава кон овој проект има јасни елементи на економски, финансиски, енергетски и социјален „МАЗОХИЗАМ”.

Искрено, како горд македонски државјанин чувствувам наплив на „срамотизам” при самото потсетување на крајно непристојното игнорирање и упорно избегнување на директна конструктивна комуникација со највисокиот менаџмент и бордот на директори на проектната компанија Euromax Resources, како и со клучните инвеститори со потврдено позитивен авторитет на глобалната деловна сцена. Со неодговорно наметнатата административна „рашомонијада” кон овој Проект (во последните 7 години!), како да постои некаков нерационален „мораториум” за објективно согледување на реалноста и за повлекување на практични и ефективни одлуки. Се прашувам зошто, дури и во вакви најкризни времиња, кај нас се повторува синдромалното пореметување на деструктивна „умствена миопија” додека и понатаму продолжуваме да пимпламе со односот кон нашата колективна иднина.

Пасивноста, игнорантноста и самосожалувањето со својата „мртва тежина” не притискаат и во ваква драматична криза се всушност најголемата неправда кон сите нас. И покрај нашите политички, етнички, верски, социјални и културни различности, крајно време е СИТЕ да се обединиме во справувањето со овие егзистенцијални предизвици, да се обединиме за опстанок но и за прогрес, за отворање на нови работни места, за повисок животен стандард, конечно стопирање на иселувањето, посреќен и подостоинствен живот!

Да бидам конкретен – Во актуелните турбулентни времиња единствена реално остварлива, повторувам единствена реална мега – странска инвестиција која е веќе присутна во нашата држава и е целосно подготвена ВЕДНАШ да започне со оперативна реализација е токму проектот на Euromax Resources за современ рударски комплекс за бакар „Иловица-Штука”! Само за првите две години на изградба обезбеден е буџет за инвестирање на 350 милиони евра; во текот на целиот период на оперативно функционирање редовно ќе се исплаќаат по околу 75 милиони евра секоја година на повеќе домашни кооперанти; секоја година ќе се уплаќаат приближно по 25 милиони евра во државниот буџет, а околу 4 милиони евра во буџетите на локалните управи; рударскиот комплекс ќе генерира редовен извоз од околу 200 милиони евра годишно; според актуелните статистички податоци се проценува дека ќе придонесе за просечно зголемување на Бруто Домашниот Производ – БДП, за околу 4% на национално ниво; за целокупното времетраење со оперативното работење потребни се 3200 нови директни и индиректни работни места од најразлични професии…

Клучен инвеститор е глобалниот деловен гигант – Групацијата TRAFIGURA или една од водечките светски дистрибутерски, трговски, логистички и производни компании. Тие се лидери во секторот на „commodities” или природни суровини кои ни се неопходни за „преживување” оваа зима, како нафта и нафтени деривати, природен гас, LPG&LNG, метали и минерали, енергија и обновливи извори на енергија. Мултинационална корпорација која има свои компании во 48 држави на сите континенти. Во финансиските резултати за 2021 година, Групацијата TRAFIGURA објави приход од 231.3 милијарди долари (што е за цели 16 пати поголем износ од македонскиот БДП!), а само за првата половина од 2022 година вкупниот приход изнесува 170.6 милијардри долари и нето профит од 4.7 милијарди долари…

А ние, ние со празните реторики, бескрајните игри и одолговлекувања наместо да побараме соработка неразумно ги присилуваме да дигнат раце од инвестицијата во овој мега Проект, но и од повеќе други потенцијални проекти во нашата држава каде како партнери со Групацијата TRAFIGURA, сосема извесно и за многу краток период би можеле да постигнеме реален пресврт со забележителен економски, енергетски, финансиски и социјален прогрес.

Д-р. Живко Груевски

ПР

Прикажи повеќе...

Анализа

Мицкоски: Ветуваа живот, а донесоа соларни и марихуана-картели, корупција и криминал

Објавено пред

Лидерот на опозициската ВМРО-ДПМНЕ, Христијан Мицкоски, на „Фејсбук“ пишува дека „македонските граѓани плаќаат најскапа струја во споредба со граѓани на другите држави во регионот. Невистини се тврдењата на Владата дека граѓаните во Македонија плаќаат субвенционирана, најевтина струја во Европа. Имено, според Евростат, цената на струјата што македонските граѓани ја плаќале во првото полугодие од 2022 година била 89,5 €/MWh“.

dobivaj vesti na viber

„Според Евростат, во првото полугодие од 2022 година граѓаните во регионот плаќаат многу поевтина струја (слика 1) во споредба со македонските граѓани:
Србија 58,9 €/MWh
БиХ 73,3 €/MWh
Турција 74,8 €/MWh
Косово 55,5 €/MWh
Црна Гора 79,2 €/MWh

Ветуваа живот, евтина струја, нема претплата за МТВ, бројчаници итн… а што донесоа? Во првото полугодие од 2017 година македонските граѓани плаќаа струја за цена од 69,5 €/MWh (слика 2) или 22,5 % помалку од цената на струјата што ја плаќале во првото полугодие од 2022 година“, стои во објавата на првиот човек на опозициската партија.

Прикажи повеќе...

Daily news

Владата ќе направи целосен ремонт на урбанизмот

Објавено пред

Владата подготвува пакет-измени на постојните и носење целосно нови уредби кои ќе ги опфатат законите за градење, за просторно и за урбанистичко планирање, за катастар, за експропријација, за еврокодови, најавува денес „Дојче веле“.

dobivaj vesti na viber

Веќе било формирано национално координативно тело во кое се вклучени претставници од Владата, од министерствата, од општините, од другите надлежни институции, како и од здруженијата на архитекти, на градежници, но и претставници на стручната и научната фела со кое раководи професорот Мирослав Грчев.

„Во следните два месеца ќе изготвиме интервентни измени на кои стручњаците укажаа, пред сè, со цел да се отстранат аномалиите и противречностите. Потоа ќе започнеме со изработка на сосема нов сет закони, процес што ќе трае 7-8 месеци“ откриваат од Владата.

Само Законот за градењето во последните 5 години бил менуван 25 пати. Со ова, според надлежните, настанал вистински хаос во регулативата и на терен. Речиси на иста линија е и стручната фела. Во Комората на овластени архитекти и инженери (КОАИ) сметаат дека е крајно време да се воведе ред.

Урбаниот хаос ќе се средува и со законски измени и со засилен надзор, велат од Владата. Сепак, негираат дека ќе има уривање на објекти – сè што досега било направено, а било во рамките на постојните закони, ќе остане.

„Основна цел е подобрување на животот на граѓаните. Урбаниот хаос го нарушува просторот. Во Скопје досега масовно се градеше без план, проблемот е помал во другите градови, но таму не се внимаваше воопшто на она што се нарекува архитектонско решение или урбанистички изглед на локалната единица… Ова е болната точка што ќе треба да ја коригираме иако нема можност состојбата целосно да ја вратиме назад, но мора да ја смениме генералната перцепција дека во сферата на урбанизмот владее хаос, дека владее корупција и тоа е она што нè боли сите нас“, велат извори во Владата.

Архитектите предупредуваат дека, освен законските измени, мора да се донесат и сосема нови урбанистички планови и тоа не само за главниот град.

Каква е моментната состојба доволно зборува податокот дека сега во централното градско подрачје на Скопје во тек е изградба на десетици големи станбени згради, од кои добар дел и со по стотина и повеќе стана.

Прикажи повеќе...

Најново

Македонија9 часа

Османи: Владата направи огромна грешка што го постави јазикот како алатка за популистичка егзибиција, време е да се престане со националистичко родео

Владата направи огромна грешка што го постави јазикот како алатка за дневна политика и популистичка егзибиција. Со тоа тие ја...

Топ10 часа

Претходно осудувано лице: скопјанецот кој го усмрти пешакот со мотоцикл, немал возачка дозвола

Основното јавно обвинителство Скопје донесе Наредба за спроведување истражна постапка против 25-годишен скопјанец, осомничен за -Тешки дела против безбедноста на...

Топ10 часа

МНР со детали за несреќата во Србија: загинатиот Македонец има 39 години, тешко повреден е уште еден македонски државјанин

МНР соопшти дека до Амбасадата на Република Северна Македонија во Белград е доставена информација за сообраќајна незгода. Според соопштението несреќата...

Македонија11 часа

МВР со апел до граѓаните: да не отвораат линкови од СМС пораки, можат да бидат цел на криминални групи

Секторот за компјутерски криминал при Министерството за внатрешни работи, ги информира граѓаните дека во изминатиот период се забележани зголемен број...

Македонија13 часа

Јаневска: Во изминатите седум години имаме 17.000 ученици и 7.000 студенти помалку, се празнат училниците

Во седум изминати години имаме 17.000 ученици и 7.000 студенти помалку. Училниците и амфитеатрите се празнат. Ако тоа не се...

Македонија14 часа

Предлогот на Мицкоски за даночење на самците кореспондира со идеите од авторитарни режими, реагира Мрежата за заштита од дискриминација

За време на настанот „Демографски трендови, предизвици и можни решенија – Развој на стратешки документи за демографска отпорност“, претседателот на...

Топ14 часа

Драма во Шуто Оризари – насилници со палки, боксови и со клоци претепале вработен во „Водовод“

Тројца насилници со железни и дрвени палки, клоци и боксови претепале вработен во „Водовод“ пред пунктот на претпријатието во Шуто...

Македонија16 часа

Поднесено обвинение против директорот на болницата за геријатрија за примање поткуп од 20.000 евра

Обвинителството поднесе обвинение против директорот на ЈЗУ Специјализирана болница за геријатриска и палијативна медицина во Скопје, Мухсин Арифи, и уште за...

Македонија16 часа

Владата размислува да ги даночи немажените и неженетите, рече Мицкоски

Владата размислува за дополнителни даноци за немажени и за неженети, соопшти премиерот Христијан Мицкоски говорејќи дека е време за држава во...

Македонија18 часа

Од денеска до вторник топлотен бран во Македонија, се активираат препораките за заштита на населението

Министерството за здравство ја информира јавноста дека во согласност со прогнозите од УХМР и врз основа на акцискиот план за...

Топ18 часа

Уапсен 42-годишник од Радовишко, силувал 77-годишна жена

На втори јули, во 17 часот полициски службеници од СВР Струмица- ОВР Радовиш го лишиле од слобода 42-годишниот А.С. од...

Топ19 часа

39-годишен Македонец е загинатиот во несреќата во Србија

Во сообраќајна несреќа што се случи рано утрово на автопатот Нови Сад – Суботица загина македонски државјанин, додека друг се...

Македонија19 часа

Најголем интересот за студии по медицина и социјална заштита, порасна бројот на запишани студенти за една година

Во академската 2024/2025 година се запишале 53.535 студенти, што претставува зголемување од 2,3 процента во однос на претходната година. Според...

Регион19 часа

(Видео) Студенти уапсени на ливада пред Факултетот за драмски уметности во Белград

Белград, Нови Сад и Ниш денес ќе бидат целосно блокирани, најавија студентите на големите собири синоќа. Žandarmerija u Cvijićevoj. pic.twitter.com/IEpLk4p9d8...

Свет20 часа

(Видео) Трамп: Не постигнав никаков напредок во разговорот со Путин

Американскиот претседател Доналд Трамп вчера им изјави на новинарите дека не постигнал никаков напредок во врска со завршувањето на војната...

Европа21 час

(Видео) Брутален руски напад врз Киев по разговорите Путин – Трамп

Руските сили започнаа повеќечасовен ракетен и беспилотен напад врз украинскиот главен град Киев во текот на ноќта, насочен кон станбени...

Регион22 часа

(Видео) Студентите: Тотална блокада на Србија наутро; Вучиќ: Ве молам, вразумете се

Белград, Нови Сад и Ниш денес ќе бидат целосно блокирани. Студентите го најавија ова на големите собири синоќа. Тие најавија...

Македонија22 часа

Приближно половина час се чека на Богородица и на Табановце

Сообраќајот на државните патишта се одвива непречено, по суви коловози, извести АМСМ. Интензитетот на сообраќај на патните правци надвор од...

Македонија23 часа

Сончево и многу топло, температурата денеска до 40 степени

Времето денеска ќе биде претежно сончево и многу топло со слаб до умерен ветер од јужен правец. Минималната температура ќе...

Топ1 ден

Уапсен мотоциклистот кој усмрти пешак на кејот во Скопје

Полицијата го уапси мотоциклистот кој завчера усмрти пешак на кејот во Скопје, на пешачка патека во близина на Паркот на...