Контакт

Компании

„Европа АД“ ја доби битката со „Пионир“ пред српските судови

Објавено пред

Стопанскиот суд во Белград ги отфрли сите обвинувања на српски „Пионир“ според кои „Европа“ АД – Скопје наводно фалсификувала нивни бонбони, соопшти македонската компанија во четвртокот.

dobivaj vesti na viber

 

Македонската компанија со 132-годишно искуство, чии количини од производот„Бонбон ноар“ пред неколку месеци беа запленети од властите кај северниот сосед, доби и правна потврда на тоа што од самиот почеток јавно го тврдеше – дека овие слатки се оригинални, односно дека воопшто не го повредуваат жигот на српскиот конкурент.

Следна постапка на „Европа“ АД – Скопје ќе биде поднесување тужба против „Пионир“ за изгубена добивка и за нарушен углед.

 

„Обвинувањата за фалсификат, запленувањето на стоката, како и поднесената пријава, беа настани во чие развивање „Европа АД“ немаше никаква улога. Нашата компанија со децении работи на српскиот пазар, каде што има долгогодишни, докажано лојални, купувачи. Тие самите знаат да го изберат вистинскиот квалитет, а со тоа што верно ги следат нашите производи истакнуваат дека и самите ја препознаваат разликата помеѓу плагијат и фалсификат“,вели Сава Димитрова, претседател на управниот одбор на „Европа“ АД – Скопје. 

 

„Пионир“ поднесе тужба пред српските судови и во неа бараше: да се утврди дека „Европа“ АД – Скопје го повредила жигот на компанијата и да се забрани производството, испораката, извозот, понудата и ставањето во промет на „Бонбон ноар“. За секоја од овие точки познатиот македонски бренд доби правна потврда дека се неосновани и целосно отфрлени. Тоа значи дека македонското претпријатие ќе може слободно и во иднина да го продава овој продукт во Србија затоа што сега има и судска одлука дека тој не е плагијат на „Негро“ на „Пионир“.

 

„Ова решение и правно го потврди тоа што ние пред неколку месеци го нагласивме – дека е во прашање крајно несериозно обвинување што нема издржаност во реалноста. „Европа“ АД – Скопје секогаш ги има предвид потребите, почитта и ставовите на своите потрошувачи и знаејќи го тоа на ум, ние никогаш не би си дозволиле да направиме нешто со кое би ја нарушиле таа доверба. Сосема спротивно, понатаму посветено ќе продолжиме да ги подобруваме веќе долго популарните производи, но и да креираме нови“,- истакнува Димитрова.

 

„Европа“ АД – Скопје уште еднаш потсетува дека во поглед на содржината, „Бонбон ноар“ е непроменет продукт којшто се создава повеќе од половина век. Тој за првпат е внесен во каталогот на компанијата пред повеќе од три децении, односно во 1982 година. Под актуелната амбалажа, пак, бонбоната се продава од 2003 и оттогаш е присутна и на пазарот во Србија, значи безмалку цели 11 години. Македонската компанија нагласува дека „Бонбон ноар“ и „Негро“ имаат различен состав.

 

Слично е што обете се базирани на лакрицот како состојка, меѓутоа, процентот на масното полнење, филувањето и изгледот на самата бонбона немаат допирни точки. Лакрицот во светот на бонбоните е применет од неколку стотини производители. Амбалажата на најголем дел од нив е комбинација од црна, бела и црвена боја. Причина за тоа е токму лакрицот чијшто изглед најчесто се комуницира со овој колорит. И глобални марки како „Харибо“, „Салос“, „Јанки“ и „Клене“ за своите бонбони базирани на лакриц со години се придржуваат до истиот пристап, се појаснува во соопштението на скопксата компанија. /крај/

 

Компании

Кирил Лазаров – „Никоб“ е бренд што го создадоа задоволните клиенти

Објавено пред

Денеска претседателот на Владата на Република Северна Македонија ја посети НИКОБ Групацијата и му беа презентирани услугите кои НИКОБ Обезбедување, НИКОБ Медикал и НИКОБ Лаб ги нуди на пазарот.

dobivaj vesti na viber

Беа презентирани дел од капацитетите на физичкото обезбедување на НИКОБ обезбедување, патролното обезбедување, транспортното обезбедување, капацитетите на НИКОБ Медикал и НИКОБ Лаб, возилата, медицинските тимови.

Посетата беше заокружена со презентирање на Центарот за Кеш услуги и Националниот мониторинг центар, услуги кои се уникатни во Македонија и се на ниво на земјите членки на Европската Унија.

Она што беше иновативно е презентирањето на персоналната камера која ќе биде дел од личната опрема на физичкото, патролното и транспортното обезбедување и интергирање на камери во возилата кои ќе имаат за цел да ги снимаат сите интервенции.

При посетата на премиерот се реализирање и средба со менаџментот на НИКОБ Групацијата на која му беа презентирани идните инвестиции во здравствениот сегмент, но и нов инвестициски циклус во безбедносните системи.

Посетата заврши со пресконференција на претседателот на Владата и сопственикот на НИКОБ Групацијата, Кирил лазаров.

Ова е изјавата на Кирил Лазаров, сопственик на НИКОБ групацијата од денешната посета на премиерот:

Почитувани медиуми,

Почитуван премиере,

Ви благодарам на сите што дојдовте,

Му благодарам на премиерот на денешната посета,

Денеска имавме можност по неколку основи да бидеме домаќини на претседателот на Владата, и тоа заради;

– 25 години од основањето на НИКОБ обезбедување,

– 1 година од основањето на НИКОБ Медикал,

– 1 Година од основањето на Никоб Лаб,

– 5 години од основањето на Центарот за Кеш Услуги

И, секако неколку години по ред сме фирма која е една од најголемите работодавци со домашен капитал во државата. Денес НИКОБ групацијата вработува околу 2600 вработени. Во последните три години инвестиравме околу 15 милиони евра во сите 4 правни субјекти, и тоа значи во опрема, човечки капитал, млади доктори и медицински персонал, стипендии, објекти, системи, возен парк итн. НИКОБ групацијата има годишен обврт на капитал од околу 30 милиони евра. Во овој период инвестиравме во деловните простории и канцларии креирајќи квалитетна, удобна и пријатна работна средина на вработените во администрацијата.

Го информиравме премиерот за идните инвестициски планови во делот на медицината, зајакнување на капацитетите на обезбедувањето со примена на нови технологии и системи како би ја зголемиле продуктивноста на вработените, а на клиентите би им понудиле уште подобра безбедносна и здравствена заштита. Нашите планови се да го зајакнеме приматот на лидери на пазарот во сегментот на обезбедувањето на имот и лица, со тоа што ќе понудиме услуги кои сеуште ги нема во Македонија во делот на приватното обезбедување. Планираме секој вработен од физичкото, патролното и транспортното обезбедување да имаат интегрирана

персонална камера на својата униформа, а ќе имплементираме и камери во возилата кои ќе ни даваат јасна позиција и слика кога ќе се интервенира.

Она на кое сум посебно горд е што инвестиравме во примарниот здравствен сегмент кој се покажа како неопходен во најголемата светска пандемија стекнавме доверба на околу 5000 пациенти и поминавме над 35.000 киломитери со НИКОБ Медикал како во државата така и во странство, за само една година. Инвестиравме и задржавме млад здравствен кадар – доктори и медицински персонал, во опрема и модерни возила.

Би сакал да истакнам дека со само една година постоење на НИКОБ Лаб станавме лидери во тестирањата за ковид 19. И, со нашето влегување на пазарот практично ги намаливме цените на приватните тестирања за Ковид 19 за повеќе од 50% и значително го помогнавме државниот здравствен систем со брзите медицински интервенции и нашите капацитети.

Суштината на нашите услуги е дека им помогнавме на граѓаните да имаат избор, да имаат достапност и квалитет и што можеби е најважно прифатливи цени за семејниот буџет.

Почитувани,

Денес она што е НИКОБ, лидер во обезбедувањето на имот и лица и потенцијален лидер и во здравствениот сегмент не е резултат на некаков поклон или концесија, туку е резултат на напорна работа, добар тим, лојални работници, предвилива работна средина, стратешки концепт за понатаму и постојани инвестиции кои го диктира новото време и барањата на клиентите.

Не може нешто да постои и опстои и да се развива цели 25 години ако во тоа не биде вградени принципите на чесност, работливост, инвестиции и иновативен пристап.

За нашата работа ние даваме отчет само на нашите клиенти, нашата вредност е во 22 000 задоволни клиенти, база која постојано расте, таа база не ни ја поклонил никој, сами ја стекнавме со работа и визија.

Не сме случајно и лидери во тестирањето за ковид 19 со НИКОБ Лаб ниту е случајна бројката од 10,000 интервенции со брзата медицинска услуга на НИКОБ Медикал, сето тоа е наша благородна мисија у ние сме тука за граѓаните и заедниците и се водиме по нивните барања и нивниот интерес.

Профитот не е наша главна цел, затоа и ги намаливме цените на ковид тестирањата од 5000 ден на 1600 денари и тоа го препозна секој.

Е, тоа е пример за вистинска конкуренција, но и искрен пристап кон граѓаните.

Не се водевме по брз, нечесен и немилосрден профит во сред најголемата пандемија, туку достапност, брзина, квалитет и цени прифатливи за сите.

Лидери сме во обезбедувањето на имот и лица, во бројот на клиентите или во тестирањата само затоа што клиентите и граѓаните така избраа.

Ќе продолжиме уште поактивно со уште подобри и подостапни услуги.

Ви благодарам

ПР

Прикажи повеќе...

Економија

Peugeot и Opel доминантни со своите гами на електрични и plug-in хибридни возила

Објавено пред

На 18.5.2022 година во природен амбиент пред ресторанот „Камник“, Еуроимпекс Генералниот увозник за Peugeot и Opel за Македонија, Србија, Црна Гора, Косово и Албанија, заедно со дилерската мрежа од двата бренда, организираше дружење со 100% електричнната и plug-in хибридна гама на Peugeot и Opel.

dobivaj vesti na viber

Импресивно беше друштвото од 10 електрични и plug-in хибридни возила, во исто време и на исто место, давајќи акцент на широчината и изборот кој го нудат гамите на двата бренда.

Добро е позната стратегијата на компанијата „Стелантис“ која се покажува како високо-успешна меѓу автомобилските гиганти. Кај брендовите Peugeot и Opel, електричните модели се одликуваат со батерии кои имаат импресивна автономија. Кај овие два бренда, клиентите имаат привилегија да го изберат моделот кој го посакуваат, а потоа да го изберат и погонувањето за моделот кој го сакаат. Па така на пример, кај Peugeot 2008 или кај Оpel Mokka, потенцијалните клиенти може да изберат помеѓу бензин, дизел или електричен погон.

Модлуларните платфоми го нудат луксузот кој клиентите го посакуваат т.е. тие овозможуваат возилото да биде електрично или plug-in хибрид, а притоа да се добие внатрешен и капацитет на багажниот простор ист по големина како и кај моделот погонуван од мотор со внатрешно согорување.

Кога станува збор за хибридната технологија, брендовите Peugeot и Opel во своето портфолио не понудуваат Mild Hybrid (MHEV) или Hybrid (HEV). Двата бренда целат високо и во однос на хибридната технологија се понудува Plug-in хибрид, кој е врвот на хибридното стебло понудувајќи батерија со најголем капацитет.

Иднината е електрична, а денес се дружеввме со следниве 10 модели: Peugeot e-208, e-2008, новиот Peugeot 308 PHEV, 3008 PHEV, 508 PSE PHEV, Peugeot e-Rifter, Opel Corsa-e, новата Opel Astra PHEV, Opel Mokka-e, новиот Opel Grandland PHEV и Opel Combo-e.

На истиот настан, ексклузивно и пред-премиерно за македонскиот пазар, беше изложена и новата Opel Astra со 1.6 Plug-in хибриден мотор и 180 коњски сили во својата премиерна „Kult“ жолта боја, како и долгоочекуваниот спортски Peugeot PSE со 1.6 Plug-in хибриден мотор и 360КС кој се истакна со својот моќен стил во новата „Selenium Grey“ боја и динамични детали во зелена „Kryptonite“ боја.

„Електричните погони целосно ќе ги потиснат моторите на внатрешно согорување и во блиска иднина ќе станат главен двигател на транспортните средства. Ние, Еуроимпекс и нашата дилерска мрежа, веќе активно работиме во насока на имплементирање на промените и иднината секако ја дочекуваме подготвени. Работиме во насока на 100%-на експертиза и професионалност и се гордееме со нашата богата понуда на електрични и plug-in хибридни возила.“ – изјави Зоран Серафимовски, Извршен директор на Еуроимпекс.

Повеќе информации за моделите и услугите можат да се добијат во салоните на Peugeot и Opel, како и на веб страните peugeot.mk, opel.mk и на дилерските страници.

Електрифицираните модели се достапни за нарачка.

ПР

Прикажи повеќе...

Економија

Зошто е важно да се штеди и како депозитите може да помогнат во иднина?

Објавено пред

Дали некогаш сте се запрашале зошто треба да штедите? Едноставно, штедењето е секогаш добро, без разлика дали во моментот имате цел за штедење или не. Можете да штедите за разни работи. Не само за она што се вика „црни денови“, туку и за најразлични убави работи. На пример, за купување стан, за образование на децата, за свадби, или едноставно можеби за некој нов домашен апарат, нови чевли, чанта, за годишен одмор или било што друго. Кога ќе заштедите за нешто и ќе го купите со заштедата, тогаш задоволство ќе ви биде уште поголемо и истовремено ќе имате волја и желба повторно да штедите за нешто друго.

dobivaj vesti na viber

Притоа, секако најдобро е штедењето во банка. Банкарските депозити нудат многу придобивки и предности, а во продолжение прочитајте ги најважните:

1. Банкарските депозити се сигурни и безбедни

Парите кои ги оставате како депозит во банка се заштитени од кражби, пожари, поплави и сите други несакани ситуации кои можат да се случат доколку ги чувате во вашиот дом.

2. Банкарските депозити можат да ви донесат дополнителни приходи

Депозитот во банка, доколку не ги употребувате средствата, туку ги орочите на одреден временски период, ќе ви ја зголеми заштедата. Колку повеќе време остануваат вашите пари на „чување“ во банката, толку е поголема каматата која банката ќе ви ја исплати при подигнување на депозитот. Доколку предвреме ги подигнете парите, банката нема да ви исплати камата, па така, мотивирани сте да ја чувате вашата заштеда подолго.

3. Банкарските депозити може да ви обезбедат поповолни услови за кредит

Доколку веќе имате оставено депозит во вашата банка и сакате да подигнете кредит, веќе сте во предност! Банкарскиот депозит лесно може да се пренасочи како обезбедување за добивање кредит, без притоа да ја изгубите каматата од вашиот депозит.

Како штедач, имате право на избор каков вид на банкарски депозит сакате да направите и кој од нив ќе резултира со најмногу придобивки за вас. Токму таков избор на депозитни производи ви нуди Халкбанк.

Кој не би сакал да штеди и истовремено да заработува знаејќи дека парите му се безбедни? Со каматна стапка која прогресивно расте на секои 6 месеци, Evolve депозитот од Халкбанк претставува идеален начин за штедење. Минималниот износ на вложување е 3000 денари, рокот на орочување е 24 месеци. Со Evolve депозитот со можност за дополнителни уплати остварувате принос од 2,7% за штедење во денари или 1,7% принос за штедење во евра за рок од 24 месеци сметано на иницијалниот влог.

Доколку пак сакате флексибилно да управувате со вашиот депозит и да вршите неограничени уплати или исплати кои може да се вршат и на вашето електронско/мобилно банкарство тука е Флекси депозитот на Халкбанк. Добивате фиксна каматна стапка до 1,3% за штедење во денари и до 0,9% за штедење во евра за рок од 36 месеци. Услов е состојбата на вашиот депозит да не се намали под 30.000 денари или 500 еур. Воедно, може да преминувате од еден во друг ранг на износ со тоа што колку поголема е вашата заштеда – толку повеќе добивате. Каматата се пресметува дневно, а се исплаќа на крајот на рокот на орочувањето.

Уште еден одличен вид на депозит од Халкбанк е секако онлајн депозитот. Бидејќи живееме во дигиталната доба, онлајн депозитот е брз начин за обезбедување на вашата заштеда. Онлајн депозитот може да се отвори преку електронско/мобилно банкарство на рок од 6, 12 и 24 и има високи фиксни каматни стапки за штедење во денари и евра, споредбено со традиционалниот начин на отворање на депозит преку шалтерите на банката На рок од 24 месеци каматната стапка за денари е 1,2%.

Бидејќи никогаш не е доцна да се почне со штедење, одберете производ кој најмногу ви одговара и креирајте депозит.

 

(ПР текст)

Прикажи повеќе...

Најново

Европа4 часа

Бајден: „Епидемијата на мајмунски сипаници причина за загриженост“

„Епидемијата на сипаници е нешто за што сите треба да бидат загрижени“, изјави денеска американскиот претседател Џо Бајден. Тој додаде...

Економија5 часа

Бектеши: Трговците во туристичките места ќе можат да работат во недела и на празници

Министерството за економија веќе предложи до Собранието измени и дополнувања на Законот за трговија со кои се овозможува работа во...

Регион6 часа

(Видео) Тепачка меѓу навивачи на „Хајдук“ со полицијата на автопатот кај Загреб, имало и повредени

Синоќа навивачите на Хајдук се судрија со полицијата на автопатот А1 во близина на одморалиштето Дешинец, пренесуваат хрватските медиуми. Според...

Европа6 часа

Подољак: Нема да има отстапување на територија

Украина ја отфрла можноста да се согласи на прекин на огнот со Русија и порача дека Киев нема да прифати...

Европа7 часа

Велика Британија: Регионот Северен Доњецк е приоритет на Русија

Министерството за одбрана на Обединетото Кралство објави неодамнешен извештај за ситуацијата во Украина. Единствената руска оперативна чета со возила за...

Економија7 часа

Западот во страв- Светот има залихи на пченица за само десет недели?

Русија и Украина сочинуваат околу една четвртина од светскиот извоз на пченица, а Западот стравува дека Путин се обидува да...

Економија7 часа

Пад на „Волстрит“ седма недела по ред, инвеститорите стравуваат од рецесија

По големите осцилации на „Волстрит“, цените на акциите паднаа минатата недела, седми пат по ред, бидејќи инвеститорите стравуваат дека поради...

Европа19 часа

Зеленски: Го скршивме ’рбетот на руската армија

Украинскиот претседател Володимир Зеленски изјави дека неговата војска нанела сериозна штета на руските вооружени сили и покрај падот на клучниот...

Европа22 часа

Ди Мајо: „Потребна ни е дипломатска контраофанзива“- Италија презентира план за мир во Украина

Италија разви план за постигнување мир во Украина, изјави италијанскиот министер за надворешни работи Луиџи Ди Мајо, пренесуваат локалните медиуми....

Топ23 часа

Патнички воз удрил во автомобил кај Прилеп

Вчера во 17.40 часот во Полициската станица Прилеп било пријавено дека непосредно до железничко стојалиште „Тројкрсти“ – Прилеп се случила...

Свет23 часа

Австралискиот премиер Морисон го признал поразот, гласовите сè уште се пребројуваат

Австралискиот премиер Скот Морисон ја загуби власта откако земјата ја избра првата лабуристичка влада по речиси десет години, според локалните...

Европа24 часа

Секое десетто дете во светот работи, ќе ги има и повеќе поради сиромаштијата, заклучува Уницеф

Повеќе од 160 милиони деца се вработени во светот, или секое десетто дете на возраст од пет до 17 години,...

Економија1 ден

Ребаланс на буџет: Растот проектиран на 3,2, инфлацијата на 7,2 проценти а дефицитот на 5,3 проценти од БДП

Нови, дополнителни 76 милиони евра во случај да се потребни нови мерки за заштита на стандардот на граѓаните и поддршка...

Свет1 ден

Русија му забрани влез на Бајден: „Властите на САД поттикнуваат русофобија“

Русија забрани влез во земјата на 963 Американци, меѓу кои и претседателот, Џо Бајден. Забраната се однесува и на државниот...

Европа1 ден

Британска министерка: Мора и Молдавија да ја опремиме со модерно оружје, амбициите на Путин не запираат

Лиз Трас, британската министерка за надворешни работи, откри дека Велика Британија започнала разговори со своите меѓународни сојузници за испраќање модерно...

Европа1 ден

Москва ги стави Каспаров и Ходорковски на списокот на странски агенти

Поранешниот светски шампион во шах, Гари Каспаров и олигархот Михаил Ходорковски, двајца противници на рускиот претседател Владимир Путин во егзил,...

Европа1 ден

Северна Кореја петти ден по ред има над 200.000 новозаразени со Ковид-19

Северна Кореја петти ден по ред објави дека има повеќе од 200.000 новозаразени кои страдаат од треска предизвикана од Ковид-19,...

Европа1 ден

(Видео) Торнадо во Германија, околу 50 лица се повредени

Најмалку 50 лица, од кои 10 потешко, се повредени во торнадо што мина низ неколку места во западна Германија. Според досега...

Регион1 ден

Лажните дојави за бомби во Србија стигнале од странство, на листата се и земји од Африка

Во последните неколку недели имаше низа извештаи за поставени бомби низ Србија, а и евакуации поради анонимните закани. Српското МВР...

Македонија2 дена

Архиепископот Стефан и српскиот патријарх ќе служат литургија и во Скопје на Денот на сесловенските просветители

Со радост му соопштуваме на верниот народ дека од 23 до 24 мај 2022 година во посета на Македонската православна...