Контакт

Компании

Намалени приходите и добивката на Македонски Телеком и Т-Мобиле

Објавено пред

Групацијата Македонски Телеком и Т-Мобиле во првите девет месеци бележи пад на добивката и приходите, но и покрај тоа задржана е водечката позиција на пазарот.

 

 

Приходите од продажба на ниво на Групација во првите девет месеци на 2014 година, изнесуваат 8,2 милијарди денари (околу 133 милиони евра)што е намалување за 13 отсто во споредба со истиот период во 2013 година.

 

Нето добивката пред оданочување е намалена за 14,5 отсто во споредба со истиот период од минатата година.

 

Оперативните расходи, се намалени за 13,9% во споредба со истиот период во 2013 година, додека вкупните капитални инвестиции (CAPEX) изнесуваат 793 милиони денари.

Но, и покрај негативните трендови Македонски Телеком според интерните проценки зазема 64,6 отсто од пазарот во сегментот на фиксна телефонија и 51,5 отсто во широкопојасен интернет.

 

Наспроти падот на приходите од говорните услуги во фиксниот сегмент за 12 отсто, приходите од интернет и дигитална телевизија преку интернет протокол (IPTV) во првите девет месеци од 2014 година се зголемија за 4,8 отсто во споредба со истиот период од минатата година.

 

Фокусот на double и triple play пакетите донесе зголемување на DSL корисниците за 4,3 отсто со што корисничката база на DSL е 190 илјади корисници на крајот од првите девет месеци од 2014 година.

 

Македонски Телеком и понатаму има најголем удел на ТВ пазарот од 22, 8 отсто (интерна проценка). Бројот на IPTV корисниците е пораснат за 15,1 отсто во споредба со истиот период од минатата година. Како резултат на квалитетната услуга, интерактивноста и единственото ТВ искуство, корисничката база достигна 96 илјади корисници.

 

Во мобилната телефонија и покрај силното конкурентно опкружување Т-Мобиле Македонија останува лидер на пазарот со 46,9 отсто удел (интерна проценка) и 1,2 милиони корисници.

 

Приходите од говорните мобилни услуги се намалени за 20 отсто како резултат на намалувањето на тарифите. Продолжи трендот на зголемено користење на мобилните услуги, при што во пакетите за иста цена се опфаќаат сé повеќе минути. Тоа резултираше со зголемување на бројот на минути на користење (MOU) делумно придвижено од континуираното намалување на тарифите. Следствено, како резултат на намалувањето на цените и конкурентното опкружување  забележан е пад на просечниот приход по корисник (ARPU) за 18,8 отсто.

 

Приходите од неговорни услуги се намалија за 10,4 отсто во споредба со првите девет месеци од 2013, како резултат на помалиот број на испратени SMS, намалените интерконекциски цени на SMS и приходите од содржини. Падот на овие приходи е делумно компензиран со зголемените приходи од мобилен интернет и зголеменото користење на податочни тарифни модели, се вели во соопштението. /крај/



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

Volkswagen ID.4 е светски автомобил на годината!

Објавено пред

„World Car of the Year 2021“ е Volkswagen: Новиот и целосно електричен ID.4 преовлада над силната меѓународна конкуренција на интернационалните „World Car Awards“- наградите за автомобили. Светската награда „World Car of the Year“ ја доделуваат повеќе од 90 меѓународни автомобилски новинари од 24 земји, кои гласаат за најдобрите иновации на светскиот пазар.

Особено сме задоволни што нашиот ID.4 е прогласен за Светски автомобил на годината“, вели Ралф Брандштетер, извршен директор на патнички автомобили на Volkswagen. „Не само затоа што е една од најважните награди за автомобили во светот – туку затоа што жирито ја истакна одличната идеја на одличниот тим на Volkswagen. Модел за клучните пазари на Европа, Кина и САД ја носи нашата електрична офанзива низ целиот свет. Убедлив автомобил, одлична идеја – и награда за Светски автомобил на годината? Тоа нам ни звучи одлично!“, додаде Ралф Брандштетер.

Возилата што ги исполнуваат условите за наградата Светски автомобил на годината мора да бидат произведени во најмалку 10.000 единици годишно и да бидат понудени на најмалку два континента.

„Наградата Светски Автомобил на Годината претставува голем успех за целиот ID тим“, вели Томас Улбрих, член на бордот за развој на брендот Volkswagen. „Успеавме да развиеме автомобил што ја започнува системската промена во електро-мобилноста во најважниот светски сегмент на компактни теренци и нуди одлична секојдневна употребливост. Со него, ID.3 и со претстојните ID модели, правиме иновативна електрична мобилност на пазарот, со волумен кој е достапен за сите“.

Жирито ја пофали грижата за еколошката средина без испуштање на директни емисии, како и иновативните карактеристики на ID.4. На пример, иновативниот дисплеј за аугментирана реалност, достапен опционално. Може да проектира важни информации на ветробранското стакло, како што се насоките од системот за навигација. Возачот ги гледа овие информации во 3D, со јасен приказ за насоките во просторот пред него на оддалеченост од три до десет метри пред возилото. Ова значи дека дисплејот е совршено интегриран во реалниот надворешен свет. Кога адаптивниот темпомат (ACC) или системот за помош при патување (Travel Assist) се активни, возилото пред ID.4 е светлосно обележано на главниот дисплеј со одредена брзина за да може да се задржи потребното растојание.

ID.4 исто така поставува стандарди во дигитализацијата. Автомобилот може да добива редовни ажурирања и нови функции преку интернет. Volkswagen е првиот производител во сегментот кој го нуди ова. Возилото секогаш да биде ажурирано.

Со стекнувањето на оваа награда, на 17-тото доделување на наградата „World Car of the Year“, ID.4 ја продолжува успешната приказна на Volkswagen на овој натпревар. Не само што е добро прифатен од светските новинари, туку и од клиентите. Volkswagen планира да испорача околу 150 000 ID.4 во светот оваа година. Електричната офанзива претставува основен елемент на стратегијата „ACCELERATE“ на Volkswagen. Компанијата планира да претставува барем еден нов и целосно електричен модел на пазарот секоја година.

Поради пандемијата КОВИД 19, оваа година церемонијата на доделување на наградите за „World Car of the Year“ се одржа дигитално. Можете да се погледнете на YouTube.com/worldcartv.

Во Македонија, ID.4 официјално ќе започне со продажба во мај.

Volkswagen добитници на наградата „World Car of the Year“:

2009: Golf (World Car of the Year)
2010: Polo (World Car of the Year)
2011: up! (World Car of the Year)
2013: Golf (World Car of the Year)
2021: ID.4 (World Car of the Year)

(ПР-текст)

Прикажи повеќе...

Економија

Со шестиот пакет економски мерки поддршка од 17,8 милиони евра за 10 илјади фирми и 60 илјади вработени

Објавено пред

Шестиот пакет-мерки, усвоен на денешната 66-та седница, опфаќа седум мерки, со кои се таргетирани најпогодените сектори од корона-кризата, со вредност од 17,8 милиони евра, при што ќе се поддржат 10.000 компании, кои вработуваат приближно 60 илјади граѓани, соопштија заменик-претседателот на Владата задолжен за економски прашања, координација на економските ресори и инвестиции, Фатмир Битиќи, министерот за финансии, Фатмир Бесими, министерот за економија, Крешник Бектеши, и директорот на Развојната банка, Кире Наумов, на заедничката прес-конференција.

„На сите угостителски објекти ќе им бидат покриени 30 % од приходите, износ што ќе се пресметува како просек од просечниот месечен приход во 2019 и 2020 година, на кој ќе се аплицира за деновите во кои овие дејности беа затворени. Дополнително, сите регистрирани угостителски објекти ќе добијат 15.200 денари финансиска поддршка од вработен, заклучно со 6.4.2021 година. Со оваа мерка ќе бидат поддржани околу 6.000 угостителски објекти, кои вработуваат 17.000 луѓе, проценета вредност на мерката е 9,9 милиони евра. На речиси ист принцип, со 2,5 милиона евра, ќе се поддржат категоризираните ресторани за свадби, игротеките, ноќните клубови, приватните детски одморалишта, фитнес-центрите, фотографите и фотографските студија. Во овие категории спаѓаат околу 1.200 компании и ќе им бидат покриени 30 % од приходите, износ што ќе се пресметува како просек од просечниот месечен приход во 2019 година, дополнително ќе добијат поддршка од 15.200 денари за вработен, заклучно со 31.12.2020 година“, соопшти вицепремиерот Битиќи.

Битиќи соопшти дека категоризираните туристички агенции ќе бидат поддржани со 1,4 милион евра. Притоа туристичките агенции со А-лиценца ќе добијат до 5.000 евра, а туристичките агенции со Б-лиценца ќе добијат до 2.000 евра. Финансиска поддршка од 30.750 денари ќе добијат и сите музичари, членови на здруженијата на музичари, како и лиценцираните туристички водичи, кои во текот на 2020 година имале просечен месечен нето-приход под 15.000 денари.

Речиси два милиона евра се наменети за компаниите што ја реинвестирале добивката од 2020 година, мерка што ќе се реализира преку Развојната банка, а ќе им помогне на компаниите да ја зголемат ликвидноста, да ги реализираат своите инвестициски планови и да продолжат со својот развој преку субвенционирање каматни стапки. Преку бескаматна кредитна линија преку Развојната банка од еден милион евра ќе се поддржат медиумите што емитуваат радио и телевизиска програма.

„Во очекување на претстојната туристичка сезона и како дополнителна поддршка и помош за домашната туристичка, а со тоа и угостителска дејност, ќе се овозможат бесплатни 50.000 ПЦР-тестови за странските туристи што престојувале во државата“, рече вицепремиерот.

Министерот за економија, Крешник Бектеши, рече дека туристичко-угостителскиот сектор е најпогодениот од почетокот на кризата предизвикана од пандемијата и токму затоа Министерството за економија во првите пет сета мерки се фокусира на поддршката токму на овој сектор.

„Досега овој сектор е поддржан со над десет милиони евра, и тоа преку ваучери за домашен туризам со вкупно 6,2 милиони евра, со враќање на уплатената туристичка такса со вкупна вредност од 950 илјади евра, со грантови за туристички агенции во вредност од 1,2 милиона евра, со средства за кофинансирање настани и конференции со финансиска поддршка од државата, каде што беа наменети 24 илјади евра, преку грантови за категоризирани ресторани за свадби со 906 илјади евра, грантови за игротеки во вредност од 222 илјади евра, грантови за туристички водичи со лиценца, кои добија 82 илјади евра, како и со мерката за продолжување на лиценците за работа на дискотеките и ноќните клубови, мерка што изнесуваше 97 илјади евра“, истакна министерот за економија.

Бектеши се задржа на дел од мерките од шестиот пакет, кои ќе ги спроведува Министерството за економија, при што посочи дека за поддршка само на туристичко-угостителскиот сектор со шестиот пакет-мерки се предвидени мерки во вкупна вредност од 14,8 милиони евра.

Прикажи повеќе...

Економија

Брендот „Шел“ отсега достапен во државата

Објавено пред

„Корал фуелс“ ДООЕЛ Скопје, како подружница на Coral S.A., започна со работа со првите 2 бензински станици под брендот „Шел“ во Северна Македонија. Компанијата е официјален сопственик на лиценцата за брендовите „Шел“ во Северна Македонија.

Матичната компанија Coral S.A. (поранешна Shell Hellas SA) работи во Грција од 1926 година. Со околу 750 бензински станици кои работат под брендот „Шел“ , компанијата има удел на пазарот што надминува 23% и е лидер на пазарот во Грција. Coral S.A. ја поседува лиценцата „Шел“ за пазарите Кипар, Србија и Хрватска. Компанијата има за цел да расте како регионален играч на Балканот, обезбедувајќи горива и услуги со врвен квалитет под брендот „Шел“ .

„Корал фуелс“ влегува на пазарот во Северна Македонија преку обезбедување долгорочни договори за лиценца на брендот „Шел“ Договорот вклучува поддршка и трансфер на “know-how” поврзани со горивата, примена на нови технологии, воспоставување услуги и маркетинг со високи стандарди. Во пракса, целото истражување и развој на горивата што се одвиваат на глобално ниво, ќе бидат пренесени преку бензинските станици за да бидат од корист за потрошувачите во земјава.

„Корал фуелс“ има намера во следниот период да инвестира со планиран раст низ целата земја со отворање нови централно лоцирани бензински станици, преку кои ќе им обезбеди квалитетна услуга на своите клиенти. „Корал фуелс“ веќе работи со 2 бензински станици под брендот „Шел“ кај Смоквица, на автопатот Пријателство близу границата со Република Грција.

Каи-Уве Витерштајн, генерален директор на пазарите со лиценца, “Shell Mobility”, изјави:

„Јас сум пресреќен и горд што заедно со Coral ги носиме ‘Шел’ брендираните бензински станици во Северна Македонија. Досега со Coral остваривме многу успеси на регионалните пазари и задоволни сме што продолжуваме да растеме со нив преку договорот за бренд-лиценцирање за Северна Македонија. Овој долгорочен договор со Coral ќе му обезбеди на локалниот пазар висококвалитетни горива и масла на ‘Шел’ , одлична услуга за клиентите и низа производи за секојдневна употреба, како и дополнителни услуги дизајнирани да ги задоволат потребите на сите возачи и други клиенти. Се надевам дека клиентите ќе уживаат во искуството при посетата на услужните бензински станици од брендот на ‘Шел’“.

Џорџ Хацопулос, генерален директор на Coral SA., изјави:

„Задоволни сме што можеме да им понудиме на потрошувачите во Северна Македонија врвни горива ‘Шел’, како и пренесување на глобалното знаење за развојот на производите и услугите. Постојаната новина искомбинирана со големата групација компании кои стојат зад оваа инвестиција, создаваат единствено партнерство во нашиот натамошен раст“.

Достапни во целата наша малопродажна мрежа од бензински станици се водечкиот диференциран бензин Shell Fuelsave Unleaded 95, безоловен бензин 98-октански V-Power и Shell Fuelsave Diesel. Посебно дизајнираните продавници за секојдневна употреба и други специјални потрошувачки услуги, исто така ќе бидат наскоро достапни на пазарот.

Ерик Мано, Менаџер во Корал С. Македонија, рече:

„Нашите бензински станици се дизајнирани според највисоките стандарди за да обезбедат целосни решенија за возачите преку воведување новини, почитување на потрошувачите и активности за општествена одговорност“.

 

(ПР текст)

Прикажи повеќе...

Најново

Македонија1 час

Рашковски, од куќен притвор, ќе оди во затворот во Шуто Оризари, одлучи Кривичниот совет

Кривичниот совет ја преиначи одлуката и, наместо куќен притвор, на ексгенералниот секретар на Владата, Драги Рашковски, и на сопственикот на...

Македонија2 часа

Нови 627 случаи на Ковид-19, починати се 47 лицa

Министерството за здравство информира, во согласност со податоците од Институтот за јавно здравје, дека во последните 24 часа, од направени...

Македонија3 часа

Инспекторите утврдија дека немало прекршувања за гласањето во скафандери

Не се констатирани неправилности и протоколите се обезбедни од страна на Собранието, извести Државниот инспекторат за труд по направениот вонреден...

Македонија4 часа

Владата за комплексот спроти „Холидеј ин“: Ќе се гради ако е во согласност со Законот за градење

Одобрението за градба се издава доколку се исполнети сите услови пропишани во Законот за градење, изјави владиниот портпарол Душко Арсовски, прашан...

Македонија5 часа

Шилегов: Го остваруваме 40 години стариот сон на скопјани за трамвај, обезбедувајќи систем подобар од трамвајот

Со денешното потпишување на договорот за заем меѓу Град Скопје, Министерството за финансии и Европската банка за обнова и развој...

Топ6 часа

(Видео) 12-годишно девојче тепа врснички во Велес, во полиција повикан и родителот

Малолетничка од Велес нападна врсничка, а настанот беше снимен со мобилен телефон и објавен на социјалните мрежи. Видеото на кое...

Македонија6 часа

Филипче: Иако бројките на заразени се намалуваат, периодов мора да бидеме претпазливи

Мерките даваат резултати, оцени министерот за здравство, Венко Филипче, по редовната утринска координација со директорите на клиниките. На состанокот се...

Македонија7 часа

Обвинeние за Вера Иванова, за аферата со дијализа

До кривичниот суд во Скопје поднесено е обвинение против Вера Иванова поради сторени кривични дела перење пари и злоупотреба на...

Македонија8 часа

(Видео) ВМРО-ДПМНЕ обвинува дека Богдановиќ седел во кафеана додека сите се под клуч, тој демантира

Саша Богдановиќ вчера беше во кафеана, го служеа келнери, додека сите останати се под клуч и полициски час, обвини денеска...

Регион9 часа

Рама: Мини шенгенoт е можност за отстранување на границите меѓу Албанија и Косово

Албанскиот премиер Еди Рама го гледа мини шенгенoт како можност за, како што рече, отстранување на границите меѓу Албанија и...

Топ10 часа

Детали за убиството во Струга: Ја избол сопругата до смрт додека биле на гости кај пријатели

Дежурен јавен обвинител од Основното јавно обвинителство Струга синоќа изврши увид во стан во Струга каде што маж си ја...

Свет10 часа

(Видео) Дерек Човин прогласен за виновен за убиството на Џорџ Флојд, ова е моментот на изрекување на пресудата

Поротата синоќа донесе пресуда во врска со убиството на Афроамериканецот Џорџ Флојд. Полицаецот Дерек Човин е виновен по сите точки...

Свет10 часа

Зеленски му предложи на Путин да се сретнат во Донбас

Претседателот на Украина, Володимир Зеленски, преку видеопорака го повика рускиот претседател Владимир Путин да се сретнат каде било во Донбас....

Топ21 час

Стружанец си ја убил сопругата со нож и се обидел да се самоубие

Стружанец ја убил својата 34-годишна жена по расправија. Убиството се случило доцна вечерва. Според првичните информации од увидот на полицијата,...

Македонија21 час

Продолжени мерките за ограничување на движењето до 27 април

Владата донесе одлука со која постојните мерки за ограничување на движењето и за другите рестрикции и мерки за примена на...

Македонија22 часа

Бесплатни ковид-тестови за туристи што ќе престојуваат во државата

Со мерката 7 од шестиот антиковид-пакет на Владата ќе бидат обезбедени бесплатни ковид-тестови за странски туристи што ќе престојуваат во...

Спорт22 часа

Навивачите на Челси ја добија битката – клубот подготвен да ја напушти Суперлигата?

Дел од навивачите на Челси јасно го кажаа своето мислење за новата Европска Суперлига, откако го блокираа автобусот на својот...

Македонија1 ден

Филипче: Капацитетот на производство на Институтот „Торлак“ е милион дози на месечно ниво

Министерот за здравство, Венко Филипче, во рамките на денешната посета на Белград имаше предвидено и посета на Институтот „Торлак“, каде...

Македонија1 ден

Нови 766 заболени и 31 починат од Ковид-19

Во последните 24 часа се направени 3.171 тестирање, а регистрирани се 766 нови случаи на Ковид-19, и тоа во: Скопје...

Македонија1 ден

„Ќе можете ли да ни помогнете?“ – угостителите, игротеките и туристичките агенции на протест побараа финансиска помош

Континуирана финансиска поддршка за спас на туристичко-угостителскиот сектор побараа попладнево на протест угостителите, претставници на ноќните клубови, рестораните за свадби,...

Досие