Контакт

Компании

„Европа АД“ ја доби битката со „Пионир“ пред српските судови

Објавено пред

Стопанскиот суд во Белград ги отфрли сите обвинувања на српски „Пионир“ според кои „Европа“ АД – Скопје наводно фалсификувала нивни бонбони, соопшти македонската компанија во четвртокот.

 

Македонската компанија со 132-годишно искуство, чии количини од производот„Бонбон ноар“ пред неколку месеци беа запленети од властите кај северниот сосед, доби и правна потврда на тоа што од самиот почеток јавно го тврдеше – дека овие слатки се оригинални, односно дека воопшто не го повредуваат жигот на српскиот конкурент.

Следна постапка на „Европа“ АД – Скопје ќе биде поднесување тужба против „Пионир“ за изгубена добивка и за нарушен углед.

 

„Обвинувањата за фалсификат, запленувањето на стоката, како и поднесената пријава, беа настани во чие развивање „Европа АД“ немаше никаква улога. Нашата компанија со децении работи на српскиот пазар, каде што има долгогодишни, докажано лојални, купувачи. Тие самите знаат да го изберат вистинскиот квалитет, а со тоа што верно ги следат нашите производи истакнуваат дека и самите ја препознаваат разликата помеѓу плагијат и фалсификат“,вели Сава Димитрова, претседател на управниот одбор на „Европа“ АД – Скопје. 

 

„Пионир“ поднесе тужба пред српските судови и во неа бараше: да се утврди дека „Европа“ АД – Скопје го повредила жигот на компанијата и да се забрани производството, испораката, извозот, понудата и ставањето во промет на „Бонбон ноар“. За секоја од овие точки познатиот македонски бренд доби правна потврда дека се неосновани и целосно отфрлени. Тоа значи дека македонското претпријатие ќе може слободно и во иднина да го продава овој продукт во Србија затоа што сега има и судска одлука дека тој не е плагијат на „Негро“ на „Пионир“.

 

„Ова решение и правно го потврди тоа што ние пред неколку месеци го нагласивме – дека е во прашање крајно несериозно обвинување што нема издржаност во реалноста. „Европа“ АД – Скопје секогаш ги има предвид потребите, почитта и ставовите на своите потрошувачи и знаејќи го тоа на ум, ние никогаш не би си дозволиле да направиме нешто со кое би ја нарушиле таа доверба. Сосема спротивно, понатаму посветено ќе продолжиме да ги подобруваме веќе долго популарните производи, но и да креираме нови“,- истакнува Димитрова.

 

„Европа“ АД – Скопје уште еднаш потсетува дека во поглед на содржината, „Бонбон ноар“ е непроменет продукт којшто се создава повеќе од половина век. Тој за првпат е внесен во каталогот на компанијата пред повеќе од три децении, односно во 1982 година. Под актуелната амбалажа, пак, бонбоната се продава од 2003 и оттогаш е присутна и на пазарот во Србија, значи безмалку цели 11 години. Македонската компанија нагласува дека „Бонбон ноар“ и „Негро“ имаат различен состав.

 

Слично е што обете се базирани на лакрицот како состојка, меѓутоа, процентот на масното полнење, филувањето и изгледот на самата бонбона немаат допирни точки. Лакрицот во светот на бонбоните е применет од неколку стотини производители. Амбалажата на најголем дел од нив е комбинација од црна, бела и црвена боја. Причина за тоа е токму лакрицот чијшто изглед најчесто се комуницира со овој колорит. И глобални марки како „Харибо“, „Салос“, „Јанки“ и „Клене“ за своите бонбони базирани на лакриц со години се придржуваат до истиот пристап, се појаснува во соопштението на скопксата компанија. /крај/

 

Економија

„Изиџет“ укинува една третина од работните места

Објавено пред

Британската нискобуџетска авиокомпанија „Изиџет“ објави дека планира да укине 4.500 работни места и да ја смени флотата на авионите за да се приспособи на помалата потрошувачка на урнатиот пазар за патувања поради Ковид-19.

Компанијата вработува 15 илјади луѓе во осум европски земји, а следните денови планира да почне процес на советување за планираните откази.

Најавија дека во втората половина од годината ќе летаат со речиси 30 проценти капацитет, што одговара на 302 авиона или 51 помалку од претходно планираните за 2021 година.

Како што се додава во соопштението, од компанијата се насочуваат на намалување на трошоците и дека продолжуваат со разговори со компании за лизинг за продажба на авионите за да се соберат дополнителни средства.

Се проценува дека продажбата би можела да собере меѓу 300 и 650 милиони фунти, малку повеќе од процените во април.
Коронавирусот ги фрли на колена авионкомпаниите во светот принудувајќи ги да ги приземјат авионите и да укинат десетици илјади работни места за да може да се подготват за значително поинаков пазар на патувања во следните три години.

Ирски „Рајанер“, најголемиот нискобуџетски конкурент на „Изиџет“, потоа „Бритиш ервејс“ и „Вирџин Атлантик“ уште во април најавија намалување на бројот на вработени за 18 илјади.

Прикажи повеќе...

Економија

„Епл“ повторно отвора 100-ина продавници во САД

Објавено пред

„Епл“ објави дека ќе отвори 100-ина свои продавници во САД, кои беа затворени поради пандемијата на коронавирусот.

На почетокот на мај, во зависност од епидемиолошката состојба, „Епл“ полека почна да ги отвора продавниците во САД, прво во Алјаска, Ајдахо и во Алабама.

Според новововедените процедури за безбедност, пред влегувањето во продавницата на клиентите и вработените им е се мери температурата, а задолжително е носење заштитни маски, кои се обезбедени од компанијата во случај клиентот да нема, и задолжително е одржување на пропишаното растојание.

„Епл“ почна да ги затвора своите капацитети во Кина во јануари и почна со нивно повторно отворање кон средината на март.

Во средината на март, по прогласувањето на пандемијата, компанијата ги затвори сите свои продавници во целиот свет.

Само еден месец подоцна, во средината на април, „Епл“ почна да ги отвора своите продавници во светот, прво во Јужна Кореја, а потоа и во Европа, Азија и во САД.

Прикажи повеќе...

Економија

Pеugeot управувач: од едноставна рачка до мултифункционален управувач

Објавено пред

На прв поглед, од самото појавување на автомобилот, управувачот е механички дел што најмалку еволуирал во неговата форма и функција. Сепак, никогаш не престанал да се менува, ниту пак се обидувал некогаш да ја смени својата кружна форма.

Првично многу едноставен и посветен само на контролата на возилото, тој постепено станува покомплексен. Функционалноста на управувачот постепено се надградувала со додавање на секундарни функции како што се: сирена, радио контроли, регулирање на брзината или контроли на ограничување, менување брзини преку систем за контрола на импулси и воздушно перниче. Материјалот на управувачот исто така значително се променил. Неговата рамка, првично изработена од дрво, станува челик, потоа алуминиум, и конечно магнезиум.

Првиот управувач се појавил во јули 1894 година на трката Париз-Руан, Опремени со рачка како управувач, автомобилите PEUGEOT, со 2-степени на пренос и 4 цилиндри, изгледале како моторизирани кабини.

Пионерите на автомобилизмот, всушност, сфатија дека е полесно за возачот да управува автомобил со помош на кружен управувач, наместо шипка или рачка. Па, управувачот со кружна форма постепено ја заменил рачката, која во тоа време служела како единствен систем за управување на автомобилите од тоа време. Постепено, автомобилите се развивале преку повеќе технолошки решенија, ослободувајќи се од концептот на “кочија со коњи“. Вака PEUGEOT Type 36 се разликувал од претходните модели, направени врз база на моторизирани кабини во 1901 година. Тој бил опремен со две големи иновации: капак на моторот на предната страна и управувачот наместо рачка.

Всушност управувачот претставува иновативен отскок за Брендот PEUGEOT!

Кружниот облик го олеснува држењето на управувачот при маневрирање, но исто така го овозможува и потребниот напор за ефикасно да се вртат тркалата на автомобилот. Управувачот може исто така да се соедини и со системот за управување со моќност при ниски вртежи, со цел полесно да се ротира управувачот при маневрирање. Додека управувачот останува архитектонски производ, тој исто така стана отскочна даска за иновации, што треба да одговори на барањата за перфектна видливост на контролната табла при возење и ергономски приоритети, но да биде поддршка за правилна дистрибуција на воздухот од вентилаторите.

Овие иновации се изразуваат и преку промените во материјалите што се користат при производство на управувачи. Техниката за меко полнење, обложувањето со кожа и други материјали се силни показатели на развојот на PEUGEOT како бренд.

Управувачот со меко полнење е резервиран за основните модели, додека full-grain кожата е наменета за повисоките верзии. За да биде разновиден, управувачот нуди и други ситни детали за поудобно возење, кои вклучуваат потпирачи за палецот и рамни површини за одмарање, обложени од кожа – што дава дополнителна чувствителност на допир.

Во спортскиот свет, управувачот е надграден со присуство на навлаки (GTi, GT-Line) или обоено шиење – што го истакнуваат управувачот. Всушност, моторниот спорт често има силно влијание врз технолошки иновации или софистицираност кај автомобилите.

PEUGEOT уште повеќе се истакнува со својата иновативност, нудејќи револуционерен ентериер базиран на компактен управувач, со екран на допир и head-up дисплеј, познат како PEUGEOT i-Cockpit. Како централен елемент, компактниот управувач го олеснува управувањето и се зголемува уживањето при возење. Со помала потреба да ги испружите рацете и помал опсег на движење за време на маневри, што ја подобрува брзината на возачот и агилноста додека обезбедува порелаксирана положба за возење.

PEUGEOT i-Cockpit продолжува да се развива и станува широко распространет елемент во целата гама (PEUGEOT 208, 2008, 308, 3008, 5008, 508, Rifter и Partner).

Во 2016 година, со лансирањето на PEUGEOT 3008 SUV, управувачот стана уште покомпактен.

Редизајниран обрач на управувачот кој е зарамнет на двете страни обезбедувајќи подобро држење и поголема прегледност за возачот и простор за нозете. До денес, додека PEUGEOT продолжува со иновативните решенија, преку 3D i-Cockpit, лансиран во 2019 година на новите модели PEUGEOT 208 и 2008 година, оваа револуционерна и единствена возачка позиција привлече скоро 6 милиони возачи. Затоа, PEUGEOT i-Cockpit и неговиот уникатен компактен управувач станаа препознатливи во DNK кодот на брендот.

Конечно, овие промени се дел од една едноставна амбиција: да се обезбедат технички решенија кои овозможуваат да се дизајнираат ентериери со стилска визија за иднината и да се обезбеди пасивна безбедност на највисоко ниво со напредни и компатибилни технологии.

(ПР-текст)

Прикажи повеќе...

Најново

Македонија13 часа

Агенцијата за национална безбедност го демантира Чулев: Не располагаме со опрема за следење на комуникации

Агенцијата за национална безбедност не располага ниту со опрема за следење на комуникации, ниту со медијациски уреди за активирање на...

Регион14 часа

Црна Гора на чекор до прогласување крај на епидемијата

Во Црна Гора ниту денеска нема нов случај на коронавирус, а црногорските медиуми пишуваат дека ако овој тренд продолжи уште...

Топ16 часа

АД „Водостопанство“ и еден раководител ќе одговараат за смртта на 15-годишното момче што се удави во Пчиња

Полицијата поднесе кривична пријава против АД „Водостопанство“ на Македонија и раководител на сектор за речен слив и речни корита поради...

Македонија16 часа

Филипче: ВМРО-ДПМНЕ прави сериозна манипулација со бројките за смртност од коронавирус

ВМРО-ДПМНЕ прави сериозна манипулација со бројките за смртност од коронавирусот и тоа е навистина загрижувачки. Не разбирам како може да...

Македонија16 часа

Пријава за фирма од Скопје – продавала производ за кој лажела дека нема глутен

Полицијата поднесе пријава против фирма во Скопје и нејзиниот сопственик поради измама на купувачи – односно продажба на производ на...

Македонија18 часа

Хрватските граници нема да бидат отворени за туристи од Македонија

Хрватскиот премиер, Андреј Пленковиќ, најави денеска отворање на границите за туристи од 10 земји, меѓу кои не е Македонија. „Успеавме...

Македонија19 часа

При влез во ресторан ќе се покажува лична карта, а следните 10 дена се период за едукација на угостителите

Инспекторатите нема да ги казнуваат гостите во угостителските објекти, туку фирмите доколку не се почитуваат протоколите за работа, најави директорот...

Македонија19 часа

Потврдени 38 нови случаи на Ковид-19, од кои над 20 се од Скопје, починаа уште 3 лица

Денеска, потврдени се 38 нови случаи на Ковид-19, со што вкупната бројка на дијагностицирани е 2.077 лица, oздравени се 16...

Македонија19 часа

Чулев: На литијата во Струга имаше затајување на функцијата на полицијата, истрагата е во тек

Техничкиот министер за внатрешни работи, Наќе Чулев, вели дека ѝ натаму се работи на идентификација на лицата што учествувале на...

Македонија20 часа

Регистриран првиот случај на починат здравствен работник од Ковид-19

Во земјата е регистрирана првата смрт на здравстветен работник како последица од коронавирусот. Станува забор за дипломираниот фармацевт Петар Мојсоски,...

Македонија21 час

Игротеките бараат финансиска поддршка и датум за почеток со работа

Групацијата на забавни и рекреативни дејности во рамките на Услужната комора при Сојузот на стопанските комори на Македонија достави четири...

Македонија21 час

Независниот синдикат на полицијата: Наградата за полицајците да се исплати во платата во јуни

Независниот синдикат на полицијата побара техничкиот премиер и министерот за внатрешни работи итно да се договорат за наградата за полицајците...

Македонија23 часа

Кафулињата и рестораните почнуваат со работа, сѐ уште е забрането организирање свадби и родендени

Со одлука на Владата, од денеска почнуваат со работа кафетериите и угостителските објекти со посетители во отворените делови на овие...

Македонија23 часа

Филипче: Само заеднички може да ја надминеме оваа состојба од која ќе излеземе посилни и помудри

Министерот за здравство, Венко Филипче, изјави дека почнува да се враќа животот во нормала и почнуваат да се отвораат бизнисите,...

Економија23 часа

Парична помош за оние што останале без работа во периодот од 11 март до 30 април

Работниците што поради корона-кризата останале без работа, независно од времето поминато во работен однос, ќе може бргу да дојдат до...

Регион24 часа

Кипар ќе им ги плати трошоците за одмор на сите туристи што ќе заболат од Ковид-19

Кипарските власти порачаа дека ќе ги покријат трошоците за одмор во земјата за секој што ќе биде позитивен на коронавирусот...

Македонија2 дена

Продолжува да важи платеното породилно отсуство до завршувањето на времените мерки

Владата донесе Уредба за примена на Законот за работните односи за време на вонредна состојба, во која е предвидено отсуството...

Европа2 дена

Меркел: Уште сме на почетокот со пандемијата

Германската канцеларка Ангела Меркел ги оцени како позитивни досегашните постигнувања во борбата против коронавирусот, но како што рече, општеството е сè...

Европа2 дена

Европската комисија предлага 1.850 милијарди евра за заздравување на економиите

Европската комисија предложи инструмент за заздравување на економиите од корона-кризата, вреден 750 милијарди евра, и повеќегодишна финансиска рамка (ВФО) од...

Регион2 дена

Во Хрватска трет ден нема нови случаи, се укинува забраната за свадби

Трет ден по ред во Хрватска не е потврден ниту еден нов случај на коронавирус. Со ова вкупниот број на...

Досие