Контакт

Компании

„Европа АД“ ја доби битката со „Пионир“ пред српските судови

Објавено пред

Стопанскиот суд во Белград ги отфрли сите обвинувања на српски „Пионир“ според кои „Европа“ АД – Скопје наводно фалсификувала нивни бонбони, соопшти македонската компанија во четвртокот.

 

Македонската компанија со 132-годишно искуство, чии количини од производот„Бонбон ноар“ пред неколку месеци беа запленети од властите кај северниот сосед, доби и правна потврда на тоа што од самиот почеток јавно го тврдеше – дека овие слатки се оригинални, односно дека воопшто не го повредуваат жигот на српскиот конкурент.

Следна постапка на „Европа“ АД – Скопје ќе биде поднесување тужба против „Пионир“ за изгубена добивка и за нарушен углед.

 

„Обвинувањата за фалсификат, запленувањето на стоката, како и поднесената пријава, беа настани во чие развивање „Европа АД“ немаше никаква улога. Нашата компанија со децении работи на српскиот пазар, каде што има долгогодишни, докажано лојални, купувачи. Тие самите знаат да го изберат вистинскиот квалитет, а со тоа што верно ги следат нашите производи истакнуваат дека и самите ја препознаваат разликата помеѓу плагијат и фалсификат“,вели Сава Димитрова, претседател на управниот одбор на „Европа“ АД – Скопје. 

 

„Пионир“ поднесе тужба пред српските судови и во неа бараше: да се утврди дека „Европа“ АД – Скопје го повредила жигот на компанијата и да се забрани производството, испораката, извозот, понудата и ставањето во промет на „Бонбон ноар“. За секоја од овие точки познатиот македонски бренд доби правна потврда дека се неосновани и целосно отфрлени. Тоа значи дека македонското претпријатие ќе може слободно и во иднина да го продава овој продукт во Србија затоа што сега има и судска одлука дека тој не е плагијат на „Негро“ на „Пионир“.

 

„Ова решение и правно го потврди тоа што ние пред неколку месеци го нагласивме – дека е во прашање крајно несериозно обвинување што нема издржаност во реалноста. „Европа“ АД – Скопје секогаш ги има предвид потребите, почитта и ставовите на своите потрошувачи и знаејќи го тоа на ум, ние никогаш не би си дозволиле да направиме нешто со кое би ја нарушиле таа доверба. Сосема спротивно, понатаму посветено ќе продолжиме да ги подобруваме веќе долго популарните производи, но и да креираме нови“,- истакнува Димитрова.

 

„Европа“ АД – Скопје уште еднаш потсетува дека во поглед на содржината, „Бонбон ноар“ е непроменет продукт којшто се создава повеќе од половина век. Тој за првпат е внесен во каталогот на компанијата пред повеќе од три децении, односно во 1982 година. Под актуелната амбалажа, пак, бонбоната се продава од 2003 и оттогаш е присутна и на пазарот во Србија, значи безмалку цели 11 години. Македонската компанија нагласува дека „Бонбон ноар“ и „Негро“ имаат различен состав.

 

Слично е што обете се базирани на лакрицот како состојка, меѓутоа, процентот на масното полнење, филувањето и изгледот на самата бонбона немаат допирни точки. Лакрицот во светот на бонбоните е применет од неколку стотини производители. Амбалажата на најголем дел од нив е комбинација од црна, бела и црвена боја. Причина за тоа е токму лакрицот чијшто изглед најчесто се комуницира со овој колорит. И глобални марки како „Харибо“, „Салос“, „Јанки“ и „Клене“ за своите бонбони базирани на лакриц со години се придржуваат до истиот пристап, се појаснува во соопштението на скопксата компанија. /крај/

 

Економија

(Видео) Поглед кон иднината: Системот Night Vision во новиот Opel Grandland

Објавено пред

– Премиера во Opel: Системот Night Vision, базиран на камера, дебитира во новиот Grandland

– Рано детектирање: До 100 метри со инфрацрвена визија

– На прв поглед: Целосните функции на Night Vision и предностите прикажани во кратко видео

– Двојна безбедност: Night Vision и IntelliLux LED® Pixel светла ја претвораат ноќта во ден

Новиот Opel Grandland е опремен со најсовремени технологии и системи за помош при возење кои го прават возењето поудобно, полесно и пред сѐ побезбедно. Една од овие технологии што посебно „сјае“ сега во зима кога е темно и видливоста е послаба е “Night Vision”. Новиот SUV предводник, кој е достапен и како моќен и ефикасен plug-in хибрид, е првиот модел на Opel што го има системот “Night Vision”. Како и прилагодливите IntelliLux LED® Pixel светлата, им помага на возачите на Grandland да ги забележат луѓето и животните неколку моменти порано. Двата системи ја претвораат ноќта во ден и ја зголемуваат безбедноста на сите учесници во сообраќајот во самрак и во темница.

Opel визирот со Night Vision и IntelliLux LED® Pixel светла

Новиот Opel Grandland комбинира елегантен, храбар дизајн со врвни технологии. Не само што новото лице на брендот Opel визирот, веднаш привлекува погледи, туку и паметно интегрира иновативни системи, правејќи ги практично невидливи за голо око и на тој начин беспрекорно обединувајќи го дизајнот и технологијата.

Еден од нив е системот “Night Vision” базиран на камера, кој ја слави својата премиера во Opel Grandland. Видеото на YouTube покажува како функционира системот “Night Vision” и предностите што ги нуди за нешто помалку од една минута.

Инфрацрвената камера сокриена под Opel визирот го прави возењето ноќе побезбедно, особено на лошо осветлени патишта како што се селските патеки или во шума. “Night Vision” системот детектира луѓе и животни до 100 m, врз основа на нивната температурна разлика од околината.

Штом камерата ќе детектира пешак, велосипедист или животно на страна на патот, ја покажува нивната позиција во 12“ информативен центар за возачот во дигиталната пилотска кабина Pure Panel.

Лицето или животното пред возилото се означени во боја, јасно се разликуваат од околината. Со овој систем (кој во Германија е достапен за моделите со Ultimate и Business Elegance ниво на опременост) возачите на Grandland можат да препознаат потенцијално опасна ситуација неколку моменти порано и да ја прилагодат својата брзина или да преземат заобиколни активности навреме.

“Night Vision” системот е достапен во новиот Grandland во комбинација со прилагодливите IntelliLux LED® Pixel светла. Исто така, интегрирана зад Opel визирот, пионерската технологија за осветлување со 168 LED елементи – 84 по предно светло – обезбедува беспрекорна адаптација на светлосниот зрак според ситуацијата при возење и околината, без при тоа да се прави отсјај за да не се заслепат другите учесници во сообраќајот. Матричната функција прецизно го исклучува светлосниот зрак за сообраќајот од спротивната страна во милисекунди, додека другите области остануваат целосно осветлени со долгото светло.

Заедно, двата система обезбедуваат двојна безбедност, претворајќи ја ноќта во ден и обезбедувајќи релаксирано возење во секое време, дури и при неповолни светлосни услови.

 

(ПР текст)

Прикажи повеќе...

Економија

200 НОВИ ВРАБОТУВАЊА: Мајорел – Глобален водечки контакт центар доаѓа во Скопје

Објавено пред

Мајорел, водечки глобален провајдер на сеопфатни решенија за корисничкa поддршка, отвoра прва канцеларија во Скопје, дополнително проширувајќи го својот глобален географски печат. Новата компанија ќе отвори стотици нови работни места во регионот, потпирајќи се на висококвалификуваната работна сила во земјава, која зборува повеќе јазици, како и на образованите млади генерации во земјава.

За таа цел Томас Мекенброк, извршен директор на Мајорел, изјави:

„Со нетрпение очекуваме да го зголемиме присуството на Мајорел во Северна Македонија во текот на следните години. Гледаме голем потенцијал во овој регион, кој отсекогаш бил дел од нашите амбициозни планови за понатамошно проширување. Би сакал да ја искористам оваа прилика да им посакам добредојде на сите нови членови на Мајорел семејството во тимот во Скопје и да им посакам успех додека заедно се впуштаме во оваа нова возбудлива авантура“.

Повеќејазичниот контакт-центар на компанијата е лоциран во срцето на Скопје, со одлични транспортни линкови, во модерен четирикатен канцелариски комплекс. Новата канцеларија на Мајорел има капацитет да прими 350+ вработени.

Тимот во Скопје ќе обезбедува услуги за корисничка поддршка на клиенти преку чет, телефон и електронска пошта за еден од нивните клиенти, глобален бренд од туристичката индустрија.

Комуникациските и јазичните вештини се главните квалификации што компанијата ги бара кај кандидатите и нуди дополнителни обуки за развој на своите вработени. Сите работни позиции се на веб-страницата на компанијата.

„Еден од клучните фактори во одлуката на Мајорел да влезе во Скопје, е квалификуваната работна сила со силни јазични вештини, особено со познавање на германски, англиски, италијански и турски јазик. Мајорел има за цел да постави нови стандарди на локалниот пазар на труд, обезбедувајќи извонредни пакети за вработување и работна средина која промовира безбедност, благосостојба, раст и можности за професионален развој на вработените“ – изјави Џос Доренбуш, менаџер за глобална експанзија во Мајорел.

ЗА МАЈОРЕЛ

Ние дизајнираме, градиме и испорачуваме целосна корисничка поддршка за дел од најценетите компании во светот, родени од дигиталната ера и вертикално брендирани. Нашиот сеопфатен глобален печат во 34 земји на пет континенти, со повеќе од 66.800 членови на тимот и 60 јазици, докажува дека можеме да испорачаме флексибилни решенија кои ја користат нашата уникатна експертиза во културолошка повеќеслојност, што е од суштинско значење за вистински извонредно корисничко искуство.

Имаме длабока експертиза во доменот на корисничка поддршка од Front до Back Office. Покрај тоа нудиме, Digital Consumer Engagement, CX консалтинг и иновативен пакет на сопствени дигитални решенија за разни индустрии. Ние сме глобален лидер во содржински сервиси, доверба и сигурност. Ние веруваме дека токму заради целата оваа разновиднот Мајорел може да направи огромна разлика во оваа индустрија.

Главното седиште на Мајорел е во Грузија.

Прикажи повеќе...

Економија

Именувани тројца нови членови на Управниот одбор на НЛБ д.д. Љубљана, меѓу кои и Антонио Аргир

Објавено пред

На вчерашниот прв состанок на Надзорниот одбор на НЛБ д.д Љубљана годинава, членовите се фокусираа на имплементација на стратегијата на НЛБ Групацијата и статусот на вклучување на факторите за управување со еколошките и социјални аспекти во деловниот модел на НЛБ Групацијата. На седницата, Надзорниот одбор назначи и тројца нови членови на Управниот одбор, со што истиот се прошири на вкупно шест члена. За нови членови на Управниот одбор на НЛБ д.д именувани се: Хедвика Усеник, Антонио Аргир и Андреј Ласиќ. Сите доаѓаат од НЛБ д.д или НЛБ Групацијата, имаат долгогодишно искуство и се веќе докажани во својата работа.

НЛБ Групацијата од неодамна порасна и стана клучен играч на дури седум пазари во Југоисточна Европа, со успешното купување на Комерцијална банка Белград во декември 2020 година.

Овој раст продолжува со активно барање нови можности за органски раст или проширување преку спојувања и аквизиции. Исто така, стратегијата на Групацијата се фокусира на интензивна дигитализација и корисничко искуство со врвен квалитет, како и посветеност кон одржливо работење и развој. Сето ова бара и ќе бара и во иднина уште посеопфатно, координирано и ефикасно управување, како на одделните деловни сегменти, така и на Групацијата во целина, но и искористување на сите синергии во рамките на Групацијата.

Управниот одбор на Банката, надополнет со три нови членови е соодветно подготвен за овој предизвик и претставува најдобра комбинација на разновидни знаења, искуства и компетенции. Петгодишниот мандат на новите членови ќе започне откако ќе добијат согласност од Централната банка на Словенија, а дотогаш ќе продолжат да ги извршуваат функциите – извршни помошници на Управниот одбор.

Примож Карпе, претседателот на Надзорниот одбор истакна: „Надзорниот одбор беше свесен од потребата да се комплетира Управниот одбор на Банката доколку сакаме и во иднина добро да управуваме со Групацијата, да продолжиме успешно да работиме и да ги исполниме стратешките заложби дадени кон засегнатите страни, првенствено кон нашите клиенти, акционерите и кон вработените. Драго ми е што ги најдовме вистинските луѓе во Групацијата кои ќе продолжат успешно да ја водат како eден тим и во иднина. Ова е секако многу комплексна задача во високо конкурентна и променлива средина, но ние сме убедени дека тие ќе одговорат на задачата“.

Блаж Бродњак, извршниот директор потенцира: „Со сите тројца колеги многу добро се познаваме, долги години работевме и дишевме заедно, а ги знаат и нашите клиенти, нашите партнери и целиот тим на вработени во НЛБ Групацијата. Убеден сум дека тие се најдобриот избор и со гордост, радост и доверба кон нив го очекувам нивното приклучување кон Управниот одбор на НЛБ д.д“.

На состанокот, членовите на Надзорниот одбор исто така го забележаа напредокот во стратегијата на НЛБ Групацијата и заклучија дека таа е на пат да стане регионален шампион и клучен двигател на одржливиот развој.

Кои се тројцата новоименувани членови на Управниот одбор на НЛБ д.д Љубљана?

Во моментов сите тројца се извршни помошници на Управниот одбор на НЛБ д.д: Хедвика Усеник, за работа со население и приватно банкарство; Антонио Аргир, за НЛБ Групацијата и Андреј Ласиќ, за корпоративно и инвестициско банкарство.

Хедвика Усеник е искусен банкарски професионалец со над 20 години искуство во меѓународни банкарски Групации. Кариерата ја започнува во 1996 година како истражувач на Институтот за економски истражувања, а во 2001 година се приклучува на UniCredit Банка Словенија, кадешто има различни менаџерски позиции во сегментот на работа со население и корпоративно банкарство. Од 2014 година, до нејзиното доаѓање во НЛБ во 2018 година, таа е одговорна за Секторот за работа со население и е член на Управниот одбор во банката. Од 2020 година, таа е извршен помошник на Управниот одбор на НЛБ за работа со население и приватно банкарство, одговорна за деловната мрежа на банката, НЛБ Контакт центарот и управување со продажба и развој. Освен работа со население, нејзините клучни области на експертиза вклучуваат корпоративно банкарство, финансирање на трговија и извоз, управување со сегменти, производи и канали и дигитална трансформација. Таа е претседателка на Надзорниот одбор на НЛБ Склади и член на Надзорниот одбор на НЛБ Банка Бања Лука. Таа е и член на Комитетот за одржливост на НЛБ Групацијата.

Антонио Аргир целата своја кариера ја гради во НЛБ Банка Скопје. Во банката се вработува во 1999 година како кредитен референт за корпоративни клиенти, долгорочни и инвестициски заеми, а подоцна поминува неколку години во Деловна мрежа како координатор, раководител на експозитура и директор на Секторот Деловна мрежа. Во 2015 година станува член, а половина година подоцна и претседател на Управниот одбор на НЛБ Банка Скопје. Тој се приклучи на раководството на НЛБ во Љубљана на 1 јануари 2022 година, а кормилото на НЛБ Банка Скопје му го предаде на Бранко Грегановиќ. Аргир беше член на Македонската банкарска асоцијација, а од 2018 година ја извршуваше функцијата потпретседател на Стопанската комора на Северна Македонија. Под раководство на Антонио Аргир, НЛБ Банка Скопје забележа исклучителен раст во сите сегменти од своето работење и значително зголемување на профитабилноста на Банката, а цената на акцијата на НЛБ Банка Скопје се зголеми за пет пати. Денес, НЛБ Банка Скопје е угледна и стабилна финансиска институција и лидер во иновациите и дигитализацијата на банкарските производи и услуги на пазарот.

Андреј Ласиќ, пред да дојде во НЛБ, ја започнал својата кариера во SKB, Société Générale Group во 1997 година, каде што бил извршен директор за големи корисници и институционални инвеститори. Тој се приклучува на НЛБ во 2013 година, како извршен директор за клучни клиенти. Како извршен помошник на Управниот одбор за корпоративно и инвестициско банкарство тој го покрива сегментот мали и средни претпријатија и клучни клиенти, финансирање на трговија и инвестициско банкарство, старателски услуги и меѓународно финансирање. Тој е претседател на Управниот одбор на НЛБ Банка Белград, член на Управниот одбор на НЛБ Банка Сараево, член на Надзорниот одбор на НЛБ Лиз&Го и член на Комитетот за одржливост на НЛБ Групацијата. Тој е и претседател на Одборот на претпријатија при Здружението на банки на Словенија и член на уредничкиот одбор на словенечкото банкарско списание.

За НЛБ Групацијата

НЛБ Групацијата е водечка банкарска и финансиска групација во Југоисточна Европа. Покрај НЛБ д.д., НЛБ Групацијата се состои од седум банки-ќерки, лизинг компанија, друштво за управување со фондови, управување со недвижен имот и неколку останати компании. НЛБ д.д. е друштво чии акции котираат на Љубљанската берза, а глобалните сертификати за депозит на Лондонската берза. НЛБ Групацијата е институција од системско значење, со повеќе од 10% пазарен удел на сите пазари, една од првите топ три пазарни позиции во земјите каде е присутна и вкупна актива од повеќе од 21 милијарда евра, а банките членки на Групацијата се важни даватели на финансиски услуги на пазарите во ЈИЕ и лидери во различни бизнис-сегменти. Во третиот квартал од 2021, НЛБ Групацијата оствари 205,5 милиони евра добивка по оданочување, 100,9 милиони евра или 96% повисока, споредено со истиот период минатата година.

Во 2021, Групацијата направи важни чекори кон постигнување на своите стратешки цели на три главни полиња: традиционално банкарство- работа со население и корпоративно банкарство, каде што се во тек повеќекратни иницијативи за дигитализација за да се овозможат побрзи и поефикасни услуги на клиентите; надградба на внатрешните процеси во насока на зајакнување на капацитетите на вработените преку употребата на податоци и технолошки платформи, и имплементација на одржливост.

Во 2021 година, НЛБ најмногу се фокусираше на подобрување во управувањето со ризиците поврзани со климатските промени и животната средина. Исто така беше поставена и рамката за одржливост на НЛБ Групацијата која вклучува и анализа на влијанието, што резултираше во три основни области на влијание за Групацијата: клима, ефикасно и безбедно користење на ресурсите и конечно, избалансиран и инклузивен економски и социјален систем. Овие области, заедно со континуираниот развој на политиките за управување со животна средина и социјални аспекти и интеграцијата на факторите на управување со животна средина и социјални аспекти, остануваат фокус и во 2022 година.

(ПР-текст)

Прикажи повеќе...

Најново

Свет46 минути

Лавров: Преговорите со САД и НАТО не се завршени – нема да дозволиме рушење на нашите интереси

Рускиот министер за надворешни работи Сергеј Лавров изјави за новинарите дека Москва не сака војна, но дека нема да дозволи...

Свет2 часа

Тропска бура однесе 77 животи во Jужна Африка

Бројот на загинати во тропската бура Ана, која погоди три јужноафрикански земји – Мадагаскар, Мозамбик и Малави, се искачи на...

Свет2 часа

Бајден: Одлучно ќе одговориме ако Русија ја нападне Украина

Американскиот претседател Џозеф Бајден во телефонски разговор со украинскиот лидер Володимир Зеленски ја потврдил подготвеноста на Вашингтон да одговори одлучно...

Македонија16 часа

Регистрирани нови 1.861 случај на Ковид-19 и 27 починати

Министерството за здравство информира, во согласност со податоците од Институтот за јавно здравје, дека во последните 24 часа направени се...

Свет19 часа

НАТО со нови барања до Москва

Откако американскиот државен секретар Ентони Блинкен изјави дека САД ѝ испратиле на Москва одговори на безбедносните барања на Русија, истото...

Македонија20 часа

СОНК: Второто полугодие да почне онлајн, училиштата можат да бидат опасен кластер

Самостојниот синдикат за образование, наука и култура бара Владата да ја повлече одлуката за почеток на второто полугодие со физичко...

Топ23 часа

Осомничениот за сообраќајката кај Лисиче возел под дејство на алкохол и поминал на црвено

Јавното обвинителство од Скопје донесе наредба за спроведување истражна постапка против 21-годишниот скопјанец за кого постои сомнение за тешки дела...

Европа23 часа

Лавров: САД не одговараат на најважното прашање – ширењето на НАТО кон исток

Рускиот министер за надворешни работи, Сергеј Лавров, денеска изјави дека содржината на американскиот одговор на рускиот предлог за безбедносни гаранции...

Македонија1 ден

Писмо со закани по живот од терористичка организација добил јавниот обвинител Јовески

Државниот јавен обвинител извести дека во текот на вчерашниот ден, преку препорачана пратка експедирана од Пошта Битола на 17.1.2022 година...

Европа1 ден

Данска ги укинува сите ограничувања, короната е исклучена од категоријата на критични болести

Данските власти донесоа одлука за исклучување на Ковид-19 од категоријата на критични болести, а од 1 февруари ќе бидат укинати...

Европа1 ден

Војник застрелал петмина стражари во фабрика за оружје во Украина

Војник на украинската национална гарда од засега непознати причини пукал во припадници на обезбедувањето во воена фабрика во Днепар, при...

Македонија2 дена

Наставата продолжува со физичко присуство на 1 февруари

Владата донесе одлука наставата во основното и средното образование на учениците да продолжи со физичко присуство на 1 февруари. Оваа...

Македонија2 дена

Се намалува периодот на карантин на седум дена

Владата на денешната седница донесе одлука за намалување на периодот на изолација за лицата кај кои лабораториски е утврдено присуство...

Македонија2 дена

Нови 2.019 случаи на коронавирус, починаа 19 лица

Во последните 24 часа направени се 6.119 теста, а регистрирани се 2.019 нови случаи на Ковид-19: Скопје – 968, Битола...

Македонија2 дена

ЦУК апелира до граѓаните да не се движат под опасната карпа на Матка, се преземаат активности за превенција

Центарот за управување со кризи апелира до граѓаните да не се движат на местото под опасната карпа на Матка, поточно...

Топ2 дена

(Видео) Разбиена криминална група, запленетa марихуана вредна 50.000 евра

Основното јавно обвинителство за гонење организиран криминал денеска донело наредба за истрага против три лица за кои постои сомнение дека...

Македонија2 дена

Преку снимки од надзорните камери околу мостот Гоце Делчев ќе се расветлуваат причините за несреќата

Обвинител од скопското основно јавно обвинителство извршил увид и презема дејствија за утврдување на фактите за настаната тешка сообраќајна несреќа...

Топ2 дена

Пешак прегазен пред мостот Гоце Делчев

Тешка сообраќајна несреќа се случила денеска, нешто по 11 часот, во центарот на Скопје. Пешак бил прегазен во близина на...

Македонија2 дена

Мицевски: Бараме укинување на Пржинската влада

Дополнување на дневниот ред, со точка за предлог-закон за изменување на Законот за Владата на Република Македонија по скратена постапка,...

Топ2 дена

Фатална сообраќајка во Лисиче – загина возач, а тешко повредена е неговата 15-годишна ќерка

Дежурен обвинител од скопското Основно јавно обвинителство извршил увид на местото на тешка сообраќајна несреќа што се случила синоќа околу...

Досие