Контакт

Компании

Здравје Радово промовираше нов јогурт, наскоро со уште една фабрика и нови вработувања

Објавено пред

Млекарницата Здравје Радово во вторникот во Скопје го промовираше новиот функционален јогурт Здравје +, а воедно најави дека наскоро ќе отвори нов производствен капацитет во Битола и ќе отвори нови работни места.
 

Млекарницата Здравје Радово во вторникот во Скопје го промовираше новиот функционален јогурт Здравје +, а воедно најави дека наскоро ќе отвори нов производствен капацитет во Битола и ќе отвори нови работни места.

 

 

Со новиот јогурт, Здравје Радово ја збогати палетата на висококвалитетни млечни производи, во кои се и стандардните јогурти Здравје со 3,2 и 1,5 масленост.

 

Извршниот директор на компанијата Панделе Панделески истакна дека виталноста, енергијата и хармонијата биле трите столба на кои што работеле технолозите на фабриката при изработката на новиот јогурт.

 

„Овој производ е наменет за сите оние кои внимаваат на себе и на своето здравје. За деновите кога виталноста значи се, кога е потребна енергија плус, и кога хармонијата е движечка сила која носи здравје. Новиот функционален јогурт Здравје + го раздвижува дигестивниот систем, создавајќи рамнотежа во организмот на нашите консументи“ изјави Панделески.

 

Директорката на маркетинг Милка Исјановска посочи дека компанијата внимателно ја разработувала целата стратегија, од дизајн до маркетинг алатки.

 

„Големите компании како Млекара Здравје Радово не треба само да го следат вкусот на консументите, тие треба да бидат креатори на здрави и квалитетни вкусови.

 

Одговорноста кон потрошувачите е огромна, затоа ќе продолжиме да инвестираме во здравјето на нашите потрошувачи. Здравје + е функционален високо квалитетен јогурт каков што заслужуваат нашите консументи“, рече Исјановска.

 

Од компанијата најавија дека до крајот на годината ќе биде отворена целосно нова модерна фабрика во Битола која ќе работи со нова технологија и ќе ги исполнува највисоките стандарди.

 

Директорот Панделески појасни дека  потребата за нова фабрика се наметнала од зголемената побарувачка и со отворањето на можноста за извоз на големиот руски пазар.

 

„Големата побарувачка на наши производи ја наметна потребата од дополнителни капацитети за производство. Со гордост можам да најавам дека во овие турбулентни времиња кај нас и во поширокото опкружување, одлучивме да инвестираме во нов, четврти капацитет“, рече Панделески, додавајќи дека тоа ќе биде можност за вработувања на нови лица.

 

Исјановска, пак, најави дека како први производи кои ќе излезат од новиот капацитет ќе бидат ухт и свежото млеко во нови модернизирани пакувања.

 

Млекарницата Здравје Радово, која започна со осум вработени и дневна обработка на 2.500 литри млеко, денес има над 340 вработени, а капацитетот за обработка надминува 100.000 литри млеко на ден./крај/ап



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

„Окта“ инсталира фотоволтаична централа на меѓународното училиште НОВА

Објавено пред

„Окта“ АД Скопје и меѓународното училиште НОВА преку меѓусебна соработка пуштија во употреба две фотоволтаични централи, поставени на покривот на двете згради на училиштето. Централите ќе произведуваат електрична енергија од обновливи извори, од која дел ќе се користи за потребите на училиштето, а остатокот ќе биде наменет за слободниот пазар. Ова е четврта фотоволтаична централа поставена од „Окта“, што е дел од стратегијата на компанијата за учество на пазарот за производство и снабдување со електрична енергија преку примена на иновативни технологии и заштита на животната средина.

„Со поставувањето на новата фотоволтаична централа ја продолжуваме трансформацијата на ‘Окта’ во модерна енергетска компанија, која континуирано ги зголемува своите капацитети за производство на енергија од обновливи извори. Преку ваквите проекти исто така им помагаме на нашите партнери да ја рационализираат потрошувачката на струја преку значителна заштеда во споредба со користењето енергија генерирана од согорување фосилни горива. Дополнително, за нас е особено важно да придонесеме кон развивање на свеста од потребата за поголема употреба на обновливите извори на енергија и намалување на влијанието на јаглеродот што има значителни ефективрз животната средина“, изјави Вук Радовиќ, главен извршен директор на „Окта“.

Двете фотоволтаични централи се со вкупна инсталирана моќност од 125kW и очекуван животен век над 25 години. Поставени се вкупно 440 фотонапонски панели од светски реномираниот производител MulticrystallineTrinaSolar, два инвертора HUAWEI SUN2000-60 KTL-MO и еден инвертор HUAWEI SUN2000-33KTL-А. На годишно ниво централите ќе произведуваат околу 160 MWh зелена електрична енергија.

„Како училиште, во кое главниот фокус е ставен на иновативноста и примената на технолошкиот развој, во согласност со еколошката одговорност, поставувањето на фотоволтаичната централа е целосно во корелација со сето она за кое се залагаме и што им го пренесуваме како вредност на нашите ученици. Соработката со ‘Окта’ покажа дека е возможна успешна синергија помеѓу голема енергетска компанија и меѓународно училиште. Веруваме дека оваа инвестиција ќе има позитивен придонес во нашето оперативно работење, но уште поважно, ќе ја подигне свесноста кај целата наша ученичка популација за потребата од личен придонес кон одговорно однесување во нашето опкружување“, рече Иван Новаковски, директор на меѓународното училиште НОВА.

„Окта“ претходно инсталира три фотоволтаични централи, од кои една за сопствени потреби, во кругот на компанијата, и по една на Факултетот за електротехника и информациски технологии во Скопје и на фабриката за конфекција и трикотажа АД „Единство“ во Струмица. Во претстојниот период енергетската компанија планира пуштање во употреба уште еден ваков производствен капацитет.

 

(ПР-текст)

Прикажи повеќе...

Економија

Peugeot – бренд што зад себе носи 210 години исполнети со емоции, индивидуалност и иновации

Објавено пред

Години на иновација, на постојано надминување на просекот за постигнување на максимумот, секогаш во чекор со иднината и во тек со најновите побарувања на современиот клиент.

Низ годините тимот на Peugeot неуморно работеше на постојан раст на Брендот. Peugeot се докажа како традиционалист, иноватор, како креативно и уникатно дизајнерско решение, како првенец во воведување на новитети, како современ реалист кој е по мерка и за најпребирливите потрошувачи. Бренд кој во своето работење се потпира на два главни постулати: емоција и движење!

Денес, Peugeot се издвојува со својата неуморност во воведување на иновативни решенија и креирање на уникатен дизајн и 100% електрични верзии за секој модел во гамата. При тоа произведувајќи 100% еколошки возила, практични, економски безбедни, со значително повисоко ниво на уживање на корисникот.

На 26. септември 1810 година, компанијата PEUGEOT Frères Aînés беше официјално основана од страна на „контрибутор со готовина“, запишан во Централен регистар, што сè уште се наоѓа во архивите Тере-Бланш. (Terre-Blanche), Дубс (Doubs).

Повеќе од два века, фамилијата Peugeot е присутна во модната револуција почнувајќи од 19 век, со воведување на челичната жица во кринолинските здолништа, А потоа ја покренува ревозлуцијата за мобилност со велосипеди и автомобили.

Со фокус на истражување и развој, Peugeot секогаш се прилагодувал на временските промени, стилови и потреби од страна на клиентите и на тој начин постојано бил чекор напред.

Peugeot е Бренд изграден од страна на креативни луѓе, инженери, дизајнери, кои со векови ги „предизвикуваат“ нормите, со цел да креираат и осмислат нови стандарди на возење и управување.

Благодарение на оваа алијанса на слободоумни мажи и жени, Peugeot никогаш не престана да се надградува како Бренд и продолжи да прераснува во стабилен и моќен идентитет низ годините.

Затоа денес овој Бренд слави цели 210 години на градење успешна приказна!

За да ја прослави својата богата историја, тим од Peugeot Design Lab дизајнираше лого за одбележување на 210-годишнината од постоење. Лого кое е креација на беспрекорните умови на тимот. Лавот, е прикажан странично во логото подвлечено со стрела.

Станува збор за најстарото постоечко лого на Брендот (регистрирано во 1858 година) кое симболизира три квалитети прикажани од самиот почеток: флексибилност, моќ и издржливост и брзина. Стрелата го симболизира терминот брзина.

Насловот „210 години“ се однесува на историјата на брендот, но и на следните 210 години што доаѓаат. Подвлечени се црно-белите бои на логото кои упатуваат на умереност и економичност, мантрата на Peugeot. Кругот околу Лавот го истакнува логото како амблем, на кој секој ќе биде горд да го користи како свој.

Повеќе од 2 века подоцна – Peugeot фамилијата се уште расте повеќе од било кога.

Тоа се 210 години поминати во „кршење на правилата“, 210 години следење на мудрите зборови на Armand:

“Si nous sommes assez hardis et habiles, nous ferons de Peugeot l’une des plus grandes affaires industrielles de France”.

„Ако сме доволно паметни и силни, од Peugeot ќе создадеме еден од најголемите бизниси во индустријата на Франција“.

Очигледно и биле доволно смели. Доволно смели, за дури и да се прошират на светски рамки.

 

 

(ПР текст)

Прикажи повеќе...

Економија

ВМРО-ДПМНЕ: „Мерките“ на Влада ќе затворат речиси 15.000 микро и мали претпријатија

Објавено пред

Владата на Зоран Заев задоцни со мерките за помош на бизнис-секторот и компаниите. Освен што мерките на Владата не беа навремени, тие се неправилно распределени по сектори и се нетранспарентни, обвини ВМРО-ДПМНЕ.

„Во својот извештај ‘Транспаренси интернешнл’ укажа дека владата нема механизми за заштита од крадење на парите кои стигнуваат од ММФ за справување со корона-кризата. За немањето слух на Владата на Заев реагираше и невладиниот сектор, кој бараше поголема транспарентност за ефектот на владините мерки.

Вредноста на бескаматните кредити од Ковид 1 линијата беше 5,7 милиони евра. Вредноста на Ковид 2 линијата беше 8 милиони евра. Заедно 13,7 милиони евра за вкупно 1.300 домашни компании, во најголем дел микро претпријатија. Вкупно само 13,7 милиони евра. Дали е ова доволно за власта, дали се спасија многу фирми?

Согласно податоци од извештајот за финансиска стабилност од Народната банка, бројот на микро претпријатија на крајот од 2019 година изнесува 34.402, а бројот на мали претпријатија изнесува 18.582. Вкупно, 52.984 микро и мали компании. Од нив, според Анкетното истражување на претпријатијата од страна на македонските организации на работодавачи, 27% пријавиле дека кризата со Ковид-19 сериозно влијае врз нивното работење и пријавиле целосно затворање на фирмите. Значи, околу 14.304 микро и мали претпријатија кажале дека ќе затворат. И сега, Владата на СДСМ се фали дека спасила 1.300 фирми, што е само 9% од оние кои рекле дека ќе затворат. За кои успешни политики говори СДСМ?! Што со останатите 91 процент?

Како за споредба, во времето на ВМРО-ДПМНЕ беа обезбедени вкупно 350 милини евра кредити од Европската инвестициска банка за кредитирање на микро, малите и средни претпријатија, во услови на намалено кредитирање од домашните банки прво поради глобалната финансиска криза, а потоа и кризата во евро зоната. Кредитите беа дистрибуирани преку банките, со субвенционирана камата од државата. Овие кредити спасија илјадници фирми и беа главниот тек на кредитирање и поддршка на фирмите! Во услови на длабока криза, како што е оваа, кога некои фирми уште не можат да работат и се затворени, владата на СДСМ обезбеди само 13,7 милиони евра бескаматни кредити. Воедно, од претходно одобрени средства од ЕИБ од 2018 година, кои стоеја на располагање дури во август и септември по 6/7 месеци ги повлече остатокот од 50 милиони евра кредити со ниска камата на располагање на фирмите преку банките!

Мерките на СДСМ се ненавремени и недоволни во првиот квартал од годината, кога немаше ковид-криза, буџетскиот дефицит беше 120 милиони евра! За што и каде отидоа парите?!

Зоран Заев и неговата Влада ја задолжија државата за нови милијарда евра за само три месеци, период во кој 40.000 луѓе без работа, а економијата отиде во минус 12,7%.

Зоран Заев и Владата на СДСМ во ек на криза ја поскапија струјата за 7,4 проценти. Тоа само покажува дека криминалот и корупцијата на мафијата на власта ги јадат економијата и стандардот.

Затоа изборот е или мафијата на Заев или Македонија. Народот ќе ја одбере Македонија“, порачаа од опозициската партија.

Прикажи повеќе...

Најново

Европа50 минути

Напаѓачот уапсен, полицијата пронајде мачета и сатар на местото на нападот во Париз

„Бев во мојата канцеларија. Слушнав врисоци на патот. Погледнав низ прозорецот и видов жена која лежеше на подот и имаше...

Европа2 часа

Четири лица прободени со нож во близина на седиштето на „Шарли Ебдо“

Најмалку четири лица се повредени во напад со нож во близина на поранешните канцеларии на францускиот сатиричен магазин „Шарли Ебдо“...

Македонија2 часа

Пендаровски до Пахор: Споделуваме сегашност во НАТО, уверен сум дека ќе имаме и заедничка иднина во ЕУ

Денеска во претседателскиот кабинет во „Вила Водно“ претседателот Стево Пендаровски на церемонија со највисоки државни и воени почести го пречека...

Македонија3 часа

Казна за Рудникот САСА – ќе плати 65 илјади евра поради истекувањето јаловина

Откако при направениот увид и констатиран прекршок водостопанскиот инспектор на Државниот инспекторат за животна средина предложи постапка за посредување согласно...

Свет3 часа

(Видео) Ковид-19 создал мутација којашто е уште позаразна

Резултатите од една нова студија покажуваат дека Ковид-19 создал нова мутација која се чини дека е уште позаразна, а експертите...

Македонија3 часа

Николовски ќе бара мотивациско писмо од директорите за да спречи корупција

Вицепремиерот Љупчо Николовски бара од граѓаните да не очекуваат чудо за брзо време бидејќи проблемот со корупцијата во Македонија постои...

Македонија4 часа

Маричиќ не поддржува бирање државен јавен обвинител со политички договор

Не веруваме дека е добар начин на избор на обвинител со политички договор меѓу партиите, рече министерот за правда, Бојан...

Регион4 часа

(Видео) Во Србија се урна воен авион „Миг 21“

Авионот на српската армија „Миг 21“ се урна утрово при извршување на редовна задача за летање во селото Брасина, во...

Свет5 часа

Водечкиот германски епидемиолог предупредува: Пандемијата допрва ќе почне

Водечкиот германски епидемиолог Кристијан Дростен во својот говор на Светската здравствена конференција во Берлин предупреди на предвременото славење на успехот...

Свет5 часа

Трамп: Бајден ќе ја уништи Флорида, мојот план ќе го уништи вирусот

Како дел од предизборната кампања, американскиот претседател, Доналд Трамп, ги посети Северна Каролина и Флорида, некои од државите каде што...

Свет5 часа

Бројот на заболени од Ковид-19 во САД надмина 7 милиони

Бројот на заболени со коронавирус во САД вчера надмина седум милиони, што е повеќе од 20 проценти од вкупниот број...

Македонија5 часа

Заев: Бруталноста од полициски службеници врз граѓани Роми е за најсилна осуда

Премиерот Зоран Заев го осуди вчерашниот инцидент, во кој полицајци брутално тепаат Роми. Според него, таквото однесување е срамно за...

Регион5 часа

Албански претседател: Косово гарант за безбедноста на Балканот

Претседателот на Албанија, Илир Мета, на 75. заседание на ООН изјави дека членството на Косово во ООН би било корисно...

Свет20 часа

Гутереш: Вирусот се шири во сите правци, потфрли заедничката соработка

Генералниот секретар на ОН, Антонио Гутереш, денеска изјави дека светот не успеал да соработува во борбата против пандемијата на Ковид-19....

Топ21 час

(Видео) Во Визбегово пронајдена мини лабораторија за масло од канабис, уапсени три лица

Попладнево, околу 15 часот, Единицата за недозволена трговија со дрога извршила претреси во скопско Визбегово, при што пронајдена била мини...

Европа22 часа

Додека Навални закрепнуваше во Берлин, во Русија му го заплениле станот

Сметките на рускиот опозициски политичар Алексеј Навални се замрзнати, а неговиот стан во Москва е одземен додека тој во болница во...

Македонија23 часа

Двајца починати и 152 новозаразени со Ковид-19

Министерството за здравство информира дека во последните 24 часа се направени 1.630 тестирања, а регистрирани се 152 нови случаја на...

Македонија24 часа

Владата ќе го разгледа барањето за продложување на породилното отсуство

Владата ќе ги разгледа барањата на родителите кои предлагаат времено продолжување на породилното отсуство за месец или два и ќе...

Свет24 часа

Ниту едно вакцинирано лице во Москва немало компликации

Не се забележани компликации кај ниту едно од 3.000 лица кои биле вакцинирани против коронавирусот во Москва како дел од...

Македонија1 ден

Врховниот суд ја потврди 4-годишната казна за Сеад Кочан

Врховниот суд ја потврди 4,8-годишната казна на Сеад Кочан за случајот „Труст“, која од Апелација му ја намали од изречените...

Досие