Економијата на еврозоната беше во техничка рецесија во првите три месеци од оваа година, покажаа во четвртокот податоците на европската статистичка агенција „Евростат“ по надолната ревизија на растот во првиот и последниот квартал од 2022 година.

Домашниот бруто-производ (БДП) на еврозоната падна 0,1 отсто во првиот квартал во споредба со четвртиот од 2022 година и е 1,0 отсто повисок од претходната година, се вели во соопштението на „Евростат“.

Ревизијата се должи на друга процена на германскиот Завод за статистика, која покажува дека најголемата економија во еврозоната била во рецесија на почетокот на 2023 година, пренесува „Ројтерс“.

Бројката за раст во еврозоната за четвртиот квартал од 2022 година исто така се намали на -0,1 % од претходното читање од нула. Ревизиите потврдија дека и еврозоната е во техничка рецесија.

Тоа се очекуваше кон крајот на минатата година бидејќи еврозоната се бореше со високите цени на енергијата и храната и зголемувањето на каматните стапки насочени кон ограничување на инфлацијата, но раните процени сугерираа дека регионот ја избегнал рецесијата.

Заедно со Германија, БДП квартално се намалува во Грција, Ирска, Литванија, Малта и во Холандија.

Кинеската групација China Gezhouba Group Co. во понудата за изградба на тунелот Прењ доставила неточни информации и лажна документација.

Тунелот треба да се изгради на трасата на автопатот на Коридорот 5 С, на југот на Босна и Херцеговина.

Ова за Радио Слободна Европа (РСЕ) го потврдија од Јавното претпријатие „Автопати на Федерацијата Босна и Херцеговина“. Станува збор за компанија од Вухан.

Во септември минатата година државната компанија „Автопати“ на Федерацијата Босна и Херцеговина отвори тендер за доставување документација за изведувачот за изградба на тунелот Прењ.

Ова е најважниот инфраструктурен проект во Босна и Херцеговина, велат од оваа компанија. Додаваат дека тоа е деветти најдолг патен тунел во Европа. Планирано е да биде долг околу 11 километри.

Од „Автопати“ ги провериле податоците и утврдиле дека оваа кинеска компанија нема валидна документација поради што е дисквалификувана. Кинеската групација не одговорила на барањето на Радио Слободна Европа зашто доставиле лажни и неточни информации.

Во исто време, од „Автопати“ потврдиле дека China Gezhouba Group Co. никогаш не учествувала во проектите на овој субјект-компанија.

За изградба на тунелот пристигнаа осум понуди. Меѓу нив имаше уште една понуда од компанија од Кина, три од Турција и една од Индија. Покрај тоа, на тендерот се пријавија и два конзорциума од Турција и Јужна Кореја. Освен кинеската групација, лажна документација доставила и компанија од Турција.

„Неточни податоци во понудата за изградба на тунелот Прењ доставила и компанијата од Турција, „Озалтин инсаат тицарет ве Санаји А.С.“, велат за РСЕ од „Автопати“.

Нелогичности во понудите утврдила комисијата формирана од оваа компанија.

Босна и Херцеговина побара заем од ЕБОР за финансирање на изградбата на приоритетните делови од автопатот на Коридорот 5 С. Износот на заемот е 97 милиони евра. Во финансирањето на изградбата на тунелот ќе учествува и Европската инвестициска банка (ЕИБ).

Како дел од овој проект проценетата вредност на изградбата на тунелот Прењ е околу 500 милиони марки (250 милиони евра).

Изградбата ќе почне кон средината на оваа година, а работите ќе траат шест години. Планирано е да се заврши до крајот на 2028 година, со што ќе се заокружи целиот Коридор 5 С.

За многу Американци, годишната плата од 100.000 долари изгледа како симбол на успех, но тоа е релативно и сѐ зависи од тоа каде живеете.

На пример, во Њујорк, таа сума, по одбивањето на даноците и скапите сметки за живот, изнесува 36.000 долари, објави „Блумберг“.

Ова се податоци од 76-те најголеми градови во САД за да се види каде остануваат најмногу пари од имагинарните 100.000 долари, а анализата ја направи Smart Asset, давател на финансиски информации.

Најниско е рангиран Њујорк, каде што 100.000 долари завршуваат како 35.791 долар.

Меѓу 10-те најскапи градови, освен Њујорк, се: Сан Франциско, Вашингтон, Лос Анџелес, Бостон и Сиетл.

Од 100.000 долари, најмногу пари може да ви останат во Мемфис, Тенеси, каде што, по одбитоците, ќе имате 86.444 долари.