Свет
Итингер: Опасноста од недостиг од гас во зима го прави Јужен тек прифатлив
Европа претстојната зима може да почувствува недостиг од гас, предупреди во понеделникот еврокомесарот Гинтер Итингер, откако рано утрото во Киев, Русија и Украина не постигнаа договор, а руски „Газпром“ ги прекина испораките за Украина, преку чиишто гасоводи транзитира рускиот гас за европските потрошувачи, и рече дека Јужен тек е проект кој ЕУ би можела да го прифати.
Европа претстојната зима може да почувствува недостиг од гас, предупреди во понеделникот еврокомесарот Гинтер Итингер, откако рано утрото во Киев, Русија и Украина не постигнаа договор, а руски „Газпром“ ги прекина испораките за Украина, преку чиишто гасоводи транзитира рускиот гас за европските потрошувачи, и рече дека Јужен тек е проект кој ЕУ би можела да го прифати.
„Следните седмици нема да бидат проблематични, ќе ги примаме вообичаените количества гас“, изјави претставникот на Европската комисија за енергетика, Гинтер Итингер, но истакна дека доколку Украина ги исцрпи своите резерви, „ќе има проблеми, доколку следната зима биде остра“, пренесува AFP.
Еврокомесарот за енергетика претходно изјави дека Украина располага со задоволувачки резерви од 12 милијарди кубни метри природен гас, и најави нов круг преговори во јуни со цел да се реши руско-украинскиот гасен спор поради кој „Газпром“ ги намали испораките на гас за соседната земја.
„Украина располага со задоволувачко количество од околу 12 милијарди кубни гас“, и тоа според Итингер би требало да ја поштеди Европа од какви да се рестрикции во испораката на гас за ЕУ преку Украина, пренесува Reuters.
Привремениот украински премиер Арсениј Јаценјук минатиот четврток изјави дека Украина има акумулирано 13,4 милијарди кубни метри гас во своите подземни објекти за резерви. Јаценјук на седница на неговиот кабинет изјави дека за зимскиот период на земјата и’ се неопходни 18,5 милијарди кубни метри гас.
Итингер во понеделникот соопшти дека ќе повика на нови тристрани преговори во јуни и оти е убеден дека Русија ќе ги изврши своите обврски кон Европската унија кога станува збор за испораките на природниот гас.
Рускиот енергетски холдинг „Газпром” соопшти во понеделникот дека ќе продолжи да ги снабдува со природен гас европските потрошувачи во „полн обем”, и го предупреди Брисел дека украинскиот партнер мора да обезбеди гасот за Европа да мине низ Украина и оти поради тоа би можело да дојде до нарушување на испораките. „Гасот за европските потрошувачи се испорачува во полн обем, а од ‘Нафтогаз’ се бара да осигури тој да мине низ гасоводниот систем на земјата“, изјави портпаролот на руски „Газпром”, Сергеј Купријанов, пренесе РИА Новости.
Итингер досега посредуваше во неколкуте кругови од трилатералните преговори меѓу Русија, Украина и Европската унија. Спорот меѓу Русија и Украина околу цената на гасот го комплицираше и прашањето за легалноста, но и оправданоста од изградбата на гасоводот Јужен тек, кој „Газпром“ го гради за директно да испорачува гас до Европа, заобиколувајќи ја Украина.
Итингер досега изјавуваше дека тој проект во сегашната фаза ги прекршува законите, но во понеделникот истакна дека „тоа прашање не е нерешливо“. „Јужен тек е проект кој навистина можеме да го прифатиме“, изјави еврокомесарот за енергетика./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
РЕ-Ново
Жена лажирала дури 17 бремености во текот на 24 години, добила 100.000 евра
Италијанка завршила во затвор бидејќи лажирала дури 17 бремености во текот на 24 години за да добие речиси 100.000 евра породилни надоместоци.
Барбара Џоел (50) излажала дека родила пет деца и направила уште 12 спонтани абортуси, а за да успее измамата, носела перници под кошулата за да изгледа како да има труднички стомак, пренесува „Јутарњи лист“.
Го лажирала и начинот на кој оди за да изгледа како да носи дете, а со тоа акумулирала значителен број слободни денови од работа. Џоел ги отфрли сите обвинувања и продолжува да тврди дека нејзините пет деца навистина постојат и дека сите нејзини бремености, вклучително и спонтани абортуси, биле реални.
Џоел тврдеше дека го родила своето последно дете во декември, но полицајците рекоа дека ја набљудувале претходните девет месеци и дека целата бременост била лажна. Таа е обвинета и за кражба на изводи од матичната книга на родените и други документи од клиника во Рим, пренесува италијанскиот весник „Ил Матино“.
Со ваков вид измама се занимава од 2000 година и на тој начин обезбедила бенефиции од над 94.000 евра. Дејвид Пичинато, 55-годишниот партнер на Џоел, наводно ѝ кажал на полицијата сè, а за време на испрашувањето рекол дека „добро знаел“ дека таа никогаш не била бремена.
Се верува дека сведочел против Барбара за да добие помала казна, иако и самиот бил обвинет за помагање во нејзината измама.
„Направила лажни сертификати и ги донела“, наводно им рекол Пичинато на истражителите. „Тоа го знам од 2012 година, односно од почетокот на нашата врска. Џоел беше осудена на една година и шест месеци затвор, но не се појави на изрекувањето на пресудата. Нејзиниот адвокат наводно покажал две потврди, кои потврдуваат дека е болна.
Економија
Еврото го слави својот 25-ти роденден: Треба да се воведе во дигиталната ера
Неопходно е еврото да се внесе во дигиталната ера и да се изгради унија на пазарот на капитал и посилна банкарска унија, најавија европските лидери во пресрет на 25-годишнината на европската валута.
Еврото стапи на сила пред 25 години, на 1 јануари 1999 година, а денес е валута на дваесет земји со 350 милиони жители, од кои Хрватска стана последна членка на почетокот на оваа година.
Претседателот на Еврогрупата Пашал Донохое, претседателката на Европската централна банка (ЕЦБ) Кристин Лагард, претседателката на Европскиот парламент Роберта Мецола, претседателот на Европскиот совет Шарл Мишел и претседателката на Европската комисија Урсула фон дер Лајен ја одбележаа таа годишнина со заедничка напис објавен на веб-страницата на ЕЦБ.
„Заедничката валута го олесни животот“
Во написот објавен вчера, тие пишуваат дека заедничката валута ѝ даде на Европската унија „едноставност, стабилност и суверенитет“ и го олесни животот на европските граѓани кои сега можат лесно да ги споредуваат цените, трговијата и патувањето.
Со текот на годините, еврото се соочуваше со големи предизвици, вклучително и прашања за неговото опстанок, пишуваат европските лидери, нагласувајќи дека „секогаш ќе се најдат вистинските одговори“, како што е усогласениот систем на супервизија на банките по големата криза во 2008 година.
„Денес поддршката за заедничката валута меѓу граѓаните на еврозоната се приближува до рекордни нивоа“, посочија тие, предупредувајќи дека работата „не е завршена“ бидејќи Европа се соочува со нови предизвици со кои поединечни држави не можат да се справат сами.
Унијата се соочува со растечки геополитички тензии, првенствено руската „илегална војна“ против Украина, забрзана климатска криза и невидени предизвици за европската конкурентност од другите делови на светот.
Затоа, прашањата како одбраната, зелената и дигиталната транзиција ќе бидат клучни во иднина. Само за декарбонизација на економиите ќе бидат потребни 620 милијарди евра годишно до 2030 година, предупредија тие.
ЕУ мора да изгради вистинска унија на пазарите на капитал за да ги „мобилизира приватните финансии“, да ја зајакне банкарската унија и да ги реформира фискалните правила. Еврото треба да влезе во „дигиталната ера“ и мора да се подготват темелите за потенцијално „дигитално евро“ кое ќе биде комплементарно на готовината.
Лидерите предупредуваат дека „со неколку земји кои моментално се во процес на пристапување во ЕУ“, алијансата мора да го задржи капацитетот да „дејствува решително“.
„Проширувањето и продлабочувањето меѓусебно не се исклучуваат. Но, проширувањето може да бара промени во организацијата на ЕУ“, се заклучува во написот.
Свет
Убиени 41 член од исто семејство во Газа
Министерството за здравство во Појасот Газа соопшти дека 41 член на исто семејство загинале во израелското бомбардирање на нивната куќа во централниот дел на градот Газа.
Министерството објави список со имињата на 41 член на семејството Малка, од кои сите загинаа во нападот што се случи во зори во населбата Зајтун во Појасот Газа, пренесува AFP.
На ова следуваа реакциите на корисниците на социјалните мрежи на веста за смртта на толку голем број членови на исто семејство, кои споделија список со имињата на загинатите, како што наведоа.
Тие ги осудија злосторствата на окупацијата со која беа истребени цели семејства и избришани од матичната евиденција, наведуваат некои од нив во своите објави.