Контакт

Daily news

Кои се новите вработени во Секторот за комуникации на Владата?

Објавено пред

Најмалку 40 лица работат на односи со јавност и комуникации во Владата. 13 лица се таму од претходната гарнитура, додека годинава во Владата во Секторот за односи со јавност дополнително биле ангажирани 25 лица, како и 1 портпарол, и 1 посебен советник за односи со јавност во кабинетот на Претседателот на Влада. Макфакс преку Барање за слободен пристап до информации ги доби имињата на сите нововработени во овој сектор.

Новинари, граѓански активисти и директори на невладини организации, популарни фејсбукџии и твитерџии. Макфакс преку Барање за слободен пристап до информации ги доби имињата на сите нововработени Секторот за односи со јавност. Во Владата од новата гарнитура биле ангажирани 25 лица, 1 портпарол и 1 посебен советник за односи со јавност, додека таму во секторот за информирање се уште работат и 13 лица од претходната гарнитура. Во овој сектор лицата имаат различни обврски а дел од нив се занимаваат со меѓународни односи, истражувања, анализа, медиумски мониторинг или пак се дел од фото/видео тимови.

Во Владата како дел од тимовите за односи со јавност се вработија многу лица кои беа познати во јавноста како критичари на претходната власт, доста од нив беа дел и од граѓанскиот сектор, додека други се сметаат за влијателни на социјалните мрежи. Зошто власта ги одбра токму овие луѓе како дел од новиот тим и дали на овој начин сака да влијае врз критички настроената јавност? Дали беа избрани преку некои специфични критериуми и имаше ли услови кои треба да ги исполнат за да станат дел од државната служба?

„Во секторот за односи со јавност се ангажирани искусни професионалци во областите: меѓународни односи, истражување, анализа и европски интеграции, нови медиуми и дигитална транспарентност, медиумско известување, организација на процеси и настани, медиумиски мониторинг и други, чија основна и едиствена задача е да работат за да обезбедат професионален комуникациски сервис, навремено информирање, транспарентност со цел да ја вратат довербата на граѓаните во институциите“, велат од Владата.

Јавноста веќе го знае портпаролот на Владата, Миле Бошњаковски. На веб сајтот на Владата, со сите детали за образованието и праксата транспарентно е објавена неговата биографија. Објавен е и неговиот контакт телефон, мејл, Твитер и Телеграм. Тој дипломирал на Филозофскиот Факултет при Универзитетот „Св. Кирил и Методиј“ во Скопје, на Институтот за историја. Во моментов работи и на магистерската теза, за Менаџмент на Стратегиски комуникации. Професионалната кариера ја започнал како новинар подоцна уредник и водител во националната телевизија Канал 5 во 1999 година, а станува уредник и водител на централните вести на МРТВ јавниот сервис во 2002 година. Покрај телевизискиот ангажман Бошњаковски соработува со печатени медиуми, како и новински агенции во Македонија – Макфакс, неделник ЗУМ, неделник Форум итн. Тој во 2006 година ја презема улогата на Директор на корпоративни комуникации во Т-Мобиле Македонија, сектор во чија одговорност влегува надворешната комуникација, интерната како и корпоративната одговорност на компанијата. Повеќе детали за неговата биографија на следниот линк.

Марјан Забрчанец од август годинава, е ангажиран како посебен советник за односи со јавност на претседателот на Владата, Зоран Заев. Забрчанец ни ја достави неговата биографија, но во неа не се достапни податоци за формалното образование. Тој работел како ПР менаџер (2007 – 2010) во една од водечките маркетинг и ПР агенции во земјава, New Moment. Во јавноста е најпознат како претседател и извршен директор на Младинскиот образовен форум – МОФ – една од најпознатите младински организации, а оваа организација ја водел од 2003 до 2007 година како и од 2010 до 2014 година. Под негово водство во оваа организација се формираше и Радио МОФ. Тој исто така бил ангажиран и како консултант, соработник или менаџер за неколку телевизиски проекти: Зебра, Еврозум Нова Дебата итн. Раководеше и со граѓанската кампања “Заслужуваме подобро” и ја координираше коалицијата на 80-тина граѓански организации “Граѓаните за Македонија”. Бил ангажиран и како независен консултант за кампањата “За живот во Македонија” за парламентарните избори, декември 2016. Бил член во одборите на неколку организации и фондации (Фондацијата Отворено Општество Македонија, Реактор-истражување во акција, Асоцијацијата за борба против рак БОРКА, Транспарентност Македонија). Инаку тој е долги години близок и со Бојан Маричиќ, кој е во кабинетот на Зоран Заев, а претходно беше директор на невладината Македонскиот центар за европско образование.

Во Секторот за комуникации во Владата работи и Мила Стаменова. Таа учествувала на конференцијата „Поинт“ во Сараево, каде е достапна и нејзината биографија. Таму е наведено дека била менаџер на националната кампања на СДСМ за парламентарните избори 2016 „За живот во Македонија“. Работела на развивање на комуникациска стратегија и консултација на односи со јавност. Дополнително, наведено е дека таа ги  координирала дневните активности со аналитиката и тимовите за социјални медиуми во Центарот за комуниникации со јавноста. Дипломирала Човечка географија и планирање, а има магистерски студии на Универзитетот Ултрехт во Холандија. Наведено дека нејзиниот фокус бил во приватниот и невладиниот сектор и дека работела како урбанистички експерт за приватна консултантска компанија на студија за дизајнирање зеленило долж реките во Скопје и како фриленс експерт за Регионалниот Центар за животна средина. Неофицијално, низ годините и таа била соработник на проекти на организацијата Младински образовен форум (МОФ).

Во Владата во комуникацискиот сектор исто така работи и Илија Жупаноски, кој е еден од поранешните директори на невладината организација Младински образовен форум (МОФ). Тој на оваа позиција бил три ипол години од 2007 до 2010 година и го наследил Забрчанец во периодот додека работел во New Moment, кој потоа повторно се вратил на чело на МОФ во 2010 година. Долги години работел како координатор на дебатната мрежа во оваа организација и исто така е во пријателски односи со Забрчанец. Жупановски според неговиот профил на Linkedin сега ја води единицата – социјални медиуми и дигитална транспарентност во Владата. Работел и како менаџер за развој на бизнис во компанијата „Октопус“ за иновативни безбедносни информациски системи. Завршил Економски факултет на УКИМ и е магистер по информациски системи на универзитетот Лунд.

Макфакс претходно објави дека во Владата и министерствата во моментот најмалку 120 луѓе работат односи со јавност (ПР) и комуникации. Платите и хонорарите на вработените што работат односи со јавност во Владата и министерствата ги чинат граѓаните најмалку 690 илјади евра годишно, покажуваат податоците за 2016. Повеќе детали за првиот дел од сторијата на следниот линк.

Продолжува утре…

Кристина Озимец

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Свет56 минути

Поради лекарски грешки годишно умираат 2,6 милиони луѓе

Околу 2,6 милиони луѓе годишно умираат од ненамерни грешки во амбулантите и болниците низ светот, се вели во анализата на...

Спорт2 часа

Драма во Љубљана! Македонија ја „собори“ и Словенија, остана во игра за осминафинале!

Откако вчера македонските одбојкари ја забележија историската прва победа на едно Европско првенство, денеска повторно на „крилата“ на Никола Ѓорѓиев,...

Регион3 часа

Кучиња намирисаа 11 килограми хероин во возило кај Драч

Албанец од Косово, Агим Сиљејмани (50), кој веќе неколку години живеел во Швајцарија, е уапсен во албанскиот пристаништен град Драч...

Македонија4 часа

Нов пожар во околината на Прилеп, гори шумата над манастирот во село Селце

Нов голем пожар денеска се појави кај село Селце, во непосредна близина на манастирот „Св.Димитрија“. Со пожарот е зафатена густа...

Македонија6 часа

Иванов: Антикорупциска манипулира, закупот е 1.950, а не 4.500 евра

Експретседателот Ѓорге Иванов реагира откако антикорупциската комисија даде препорака до Владата да се раскине договорот за закуп на неговите деловни...

Македонија8 часа

ВМРО-ДПМНЕ предлага анкетна комисија за работењето на СЈО

Пратеничката група на ВМРО-ДПМНЕ денеска до Собранието поднесе предлог-одлука за основање анкетна комисија за утврдување на евентуалното нестручно, несовесно и...

Македонија8 часа

Апелациониот суд ги потврди доживотните затворски казни за „Диво Насеље“

Апелациониот суд Скопје ги одби жалбите на обвинетите во предметот „Диво Насеље“ и во целост ја потврди првостепената пресуда за...

Македонија8 часа

Антикорупциската комисија ќе побара Иванов да ја пресели канцеларијата од „Џеваир“

Државната комисија за спречување на корупцијата (ДКСК) ќе побара од Службата за општи и заеднички работи при Владата (СОЗР) да...

Македонија9 часа

(Видео) Туск: Северна Македонија направи сè што се очекуваше за влез во ЕУ

Претседателот на Европскиот совет, Доналд Туск, по денешната средба со премиерот, Зоран Заев, изјави дека Северна Македонија направила сè што...

Македонија9 часа

(Видео) Заев: „Рекет“ е силен тест за судството

„Рекет“ е силен тест за судството и успехот во правосудните реформи. Со решавање на овој случај и законот за Јавното...

Македонија11 час

„02 Иницијативата“: Ништо не е реализирано од програмата за намалување на загадувањето за 2019 година

Од програмата за намалување на аерозагадувањето за 2019 со два милиона евра нема ништо реализирано, а објавена e само една...

Свет12 часа

Путин, Ердоган и Рохани: Да се формира одбор за изработка на нов Устав во Сирија

Лидерите на Турција, Русија и на Иран, Реџеп Таип Ердоган, Владимир Путин и Хасан Рохани, се согласија на состанокот во...

Свет13 часа

Трамп: Иран стои зад нападот на Саудиска Арабија, но ќе почекаме да се докаже

Треба да се почека додека со сигурност не се дознае извршителот на нападот на Саудиска Арабија, изјави американскиот претседател Доналд...

Свет13 часа

Хамнеи: Никогаш нема да преговараме со САД

Иран никогаш нема да преговара со САД, политиката на Вашингтон заснована на максимален притисок ќе пропадне, изјави врховниот ирански верски...

Македонија13 часа

Пратеници формираа иницијатива за една изборна единица

Во Собранието на Северна Македонија се формира иницијатива за една изборна единица, во која се вклучија 12 пратеници од 10...

Македонија14 часа

Почнува внатрешното уредување на собите во студентскиот дом „Гоце Делчев“

Државниот студентски центар преку Министерството за образование и наука почнува со внатрешното  уредување на собите во В и Г-блоковите во...

Свет1 ден

Путин ѝ понуди оружје на Саудиска Арабија

Рускиот претседател Владимир Путин во Анкара ѝ понуди на Саудиска Арабија да ѝ продаде свое оружје, по нападите на нафтените...

Свет1 ден

(Видео) Еруптира најактивниот вулкан во Јапонија, исфрли пепел до 4.000 метри висина

Еруптира еден од најактивните вулкани во Јапонија, Сакуријам, и над кратерот исфрла облак од пепел на најмалку 1.000 метри висина,...

Македонија1 ден

(Видео) Активисти за заштита на животните упаднаа на собир на Шилегов и Марин

Активисти за заштита на животните упаднаа на собир во скопската населба Аеродром каде што средба со граѓаните имаа градоначалниците на...

Македонија1 ден

Укинат притворот на Стевчо Јакимовски

Судот му го укина куќниот притвор на поранешниот градоначалник на општина Карпош, Стевчо Јакимовски, и му определи мерки на претпазливот....

Досие