Контакт

Интервју/Дебата

(Видео) Дебата на Стаменковска и Зекири: Ако ВМРО-ДПМНЕ не бојкотира, ќе повика на гласање

Објавено пред

Владеjачкото мнозинство тврди дека никој нема да направи манипулација за време на референдумот и да гласаат луѓе од Пустец и фантоми, а опозицијата е уверена дека секој граѓанин ќе треба да излезе под присила и уцена. Пратеничката на ВМРО-ДПМНЕ, Невенка Стаменковска, рече дека доколку партиските органи одлучат да не се бојкотира референдумот, тие јавно ќе излезат да ги повикаат граѓаните да гласаат.

Пратеникот Мухамед Зекири вели дека граѓаните мора да бидат консултирани, a одлуката потоа да ја донесат институциите. Тој вели дека доколку нема доволна излезност на референдумот, а мнозинството граѓани се изјасниле „против“ Договорот со Грција, тогаш тој нема да се спроведе. На прашањето зошто прашањето на референдумот не е поставено без делот каде се споменуваат ЕУ и НАТО, тој вели дека на овој начин ги потсетуваат граѓаните за што гласаат.

„Во прашањето се содржат ЕУ и НАТО зашто се поврзани со Договорот  меѓу Македонија и Грција. Прашањето е вакво за да ги потсетиме граѓаните дека ова е за членство во алијансата и унијата. Референдумот не е обврзувачки, затоа што така е направена проценката од мнозинството пратеници. Резултатите од референдумот се обврзувачки“, вели Зекири.

Пратеничката на опозициската ВМРО-ДПМНЕ, Невенка Стаменковска, реплицираше дека со вакво прашање, целта е да се збунат граѓаните.

„Прашањето е намерно така поставено за да ги збунат потенцијалните гласачи кои би излегле на референдумот, бидејќи вакво референдумско прашање немало ни во една држава. Уставот кажува дека треба да има прашање што е јасно, прецизно и поврзано со еден единствен одговор. Овде може да имаме варијација од 10 различни одговори“, вели Стаменковска.

За време на дебатата, Зекири рече дека Мицкоски имал понуда за задолжителен референдум со конкретно прашање.

„Претседателот на ВМРО-ДПМНЕ знае дека на лидерската средба му беше понудена можност за задолжителен референдум со конкретно прашање, кој тој не го прифати и ние отидовме на оваа варијанта на којашто отидовме. Мене ми е жал што тие не можат да се решат. Има неколку фракции и недоразбирање внатре во партијата и не знаат што да признаат. Тоа што партијата нема став, а Милошоски има друг став покажува дека тие се како раштиман оркестар“, вели Зекири.

Според Стаменковска, ако владејачкото мнозинство сакало задолжителен референдум, ќе го усвоеле амандманот на ВМРО-ДПМНЕ.

„Ако вие имавте намера овој референдум да биде задолжителен, ќе го усвоевте нашиот амандман. Вие гласавте против и тоа е повеќе од јасно. Вие гледате популистички, за секое наше барање и амандман вие гласавте против“, тврди Саменковска, која на прашањето зошто не присуствувале како пратеници на седницата за распишување референдум, иако најавија, вели дека ставовите ги кажале неколкупати пред да почне седницата, a не се појавиле бидејќи било илузорно да се објаснуваат со пратениците на СДСМ.

Ако одлуката на нашите членови е да се бојкотира референдумот, ќе постапиме така. Очигледно криминалните групи што биле против ЕУ и НАТО кои ги споменуваше министерот за внатрешни работи се оние кои ќе ви помогнат да успее референдумот.

„Ако референдумот беше распишан според член 120 од Уставот, тешко дека ќе ви беше успешен бидејќи бара поголем цензус на излезност. Но, бидејќи го распишавте според член 73, каде се бара помал број граѓани да излезат да гласаат, имате можност да направите манипулација“, рече Стаменковска обраќајќи му се на Зекири.

Пратеникот од редовите на власта, Мухамед Зекири, вели дека на нив не им е јасна позицијата на ВМРО-ДПМНЕ.

„Референдумот ќе успее. Ние сме во комуникација со граѓаните. Граѓаните сакаат да се видат како дел од ЕУ и НАТО. Не се сакаме да гледаме наши граѓани како вадат бугарски пасоши и документи од други земји за да станат дел од тоа семејство“, тврди Зекири.

Двајцата пратеници се согласни дека измените на Изборниот законик со кои се предвидува повеќе средства од државата да се слеваат во партиите биле неопходни. Но, Зекири тврди дека парите не ги обединуваат партиите, а, пак, Стамнековска смета дека на ваков начин ќе нема начини за злоупотреба на финансиите.

Интервју/Дебата

(Видео) Поповска од ДОМ: Оптимист сум дека на следните избори ќе гласаме во една изборна единица

Објавено пред

Пратеничката од партијата ДОМ, Лилјана Поповска, во интервју за „Макфакс“ изјави дека очекува да помине иницијативата за една изборна единица бидејќи, како што вели, има политичка волја од најголем дел од политичките партии, а истото мислење го делат и добар дел од граѓаните, кои се изјасниле во анкетите во нивните истражувања. Поповска вели дека СДСМ треба да си стои на зборот и да ѝ даде поддршка на парламентарната група од 12 пратеници, кои поднесоа иницијатива за промена на Изборниот законик.

„Сметаме дека е дојдено време државата да стане една изборна единица и сметам дека за разлика од пред 4 години, овој пат ќе успееме да добиеме поддршка од сите политички партии бидејќи одлуката за промена на Изборниот законик треба да се донесе со консензус. Го иницираме оваа прашање за да не се доведеме во ситуација пред изборите в година големите партии повторно да се договорат и донесат козметички промени. На 30 септември имаме закажано средба со премиерот и лидер на СДСМ, Зоран Заев, на оваа тема. Сметаме дека СДСМ ќе си стои на ветувањето што го даде пред изборите и ќе ја поддржи иницијативата. Нашиот предлог е испратен до сите политички партии, а средби очекуваме и со лидерите на ВМРО-ДПМНЕ и ДУИ“, вели Поповска.

Таа вели дека ваков модел на избори имаат повеќето од европските држави, а иницирањето на процесот е во согласност со препораките на ОБСЕ и ОДИХР. Според неа, државата да стане една изборна единица нема да биде придобивка само за малите, туку и за големите партии, кои исто така губат гласови во 6 изборни единици.

„Овој процес е фер и правичен. Малите партии на овој начин не ќе мора да коалираат со големите по секоја цена, односно да се создаваат вештачки коалиции. Имаме партии, како, на пример, ВМРО-НП, која во парламентот нема свој претставник, а имаше повеќе од доволно гласови за пратеничко место. Истото важи и за големите, и тие губат гласови на шест места, а со тоа и мандати. На овој начин ќе добиеме и поголема шареноликост, повеќе демократизација во парламентот, што во секој случај ќе биде најголема придобивка за граѓаните“, додава Поповска.

ДОМ и другите помали партии се залагаат и за отворени листи, но засега, како што рече Поповска, главно се концентрирани да помине измената на Изборниот законик за една изборна единица, па потоа да се лобира за оваа прашање.

Прикажи повеќе...

Интервју/Дебата

(Видео) Исмаили: Два месеца сум на терен, култура мора да има и надвор од Скопје

Објавено пред

Два месеца со ресорот култура раководи министерот за култура, Хусни Исмаили. Докторот по медицински науки Исмаили е третиот министер за култура во актуелната власт. Тој доаѓа на местото на неговиот сопартиец Асаф Адеми, кој замина од функцијата поради приватни причини.

Во своето прво интервју Исмаили вели дека е министер кој сака проблемите да ги види одблизу и постојано оди на терен. Според него, на овој начин полесно се согледуваат состојбите и се доаѓа до решенија. Основната цел му е конечно да се спроведе деметрополизација, односно децентрализација на културата.

Критиките дека културата е политизирана ги прифаќа и вели дека би лажел кога би рекол дека е поинаку, но тој ќе се обиде културата да влијае врз политиката, а не обратно.

За годишниот конкурс за култура и реакциите кои вообичаено следат по објавување на резултатите, Исмаили вели дека транспарентноста е најважна, а оние што ќе одлучуваат како дел од комисиите ќе мора сериозно да го вложат својот авторитет и да понесат одговорност.

За поларизацијата по етничка линија, критериумите и широката слика на состојбата со култура во интервјуто со Исмаили.

Магистар е по медицински науки во областа на ревматологија, а постдипломски студии завршил во Тузла, Босна и Херцеговина.

Како што стои во неговата биографија доставена до Собранието, работел како професор во средното медицинско училиште во Тетово, бил матичен лекар и лекар специјалист, исто во Тетово. Доцент е на Медицинскиот факултет при тетовскиот универзитет.

Во неговата биографија има и посебен дел што се однесува на неговите културни активности.

Во деведесеттите години од минатиот век бил уредник на книги, организатор на првиот Саем на книгата на приватните албански издавачки куќи, уредник на радиодрами, уредувал радиоемисии од областа на културата.

Бил уредник и раководител на 80 документарни телевизиски емисии на албански јазик и е еден од основачите на издавачката куќа „Логос А“.
 
Автор е на повеќе научни трудови и изданија од областа на медицината.
 
 

Прикажи повеќе...

Интервју/Дебата

(Видео) Интервју со министерот Сугарески: Уривање во Охрид од септември, а на Матка по завршување на жалбите

Објавено пред

Уривањето на дивоградбите во Охрид ќе почне во текот на септември, а уривање ќе има и на Матка, но откако ќе истечат законските рокови за жалби по поднесените барања за легализација на дивите платформи, најави во интервју за „Макфакс“ министерот за транспорт и врски Горан Сугарески. Тој објасни дека Охрид врши сериозни подготовки на акцијата за уривање.

„Освентоа што прогласи мораториум за градење Охрид веќе избра фирма која што ќе урива, предвиде средства за уривањето во висина од 1,5 милион денари и прави динамичен план за уривањето. Приоритет ќе имаат дивоградбите во заштитеното јадро и во националниот парк ’Галичица’“, рече министерот Сугарески.

Државата ќе ја помогне акцијата со дополнителни средства за уривањето, а според министерот нови средства ќе предвиди и локалната самоуправа во буџетот за следната година оти како што нагласи, не може да се очекува сите дивоградби, чија официјална бројка ќе ја објават многу скоро, да бидат урнати до февруари, кога истекува рокот даден од УНЕСКО за задржување на заштитатата на Охрид.

Министерот Сугарески рече дека не знае за петицијата за измена на членот 15 од Законот за градежно земјите со која граѓаните бараат да се дозволи продажба на државно градежно земјиште за окрупнување на парцела само доколку лицето поседува 80 отсто од парцелата, наспроти сегашниот член во законот кој дозволува откуп на државно земјиште доколку лицето е сопствени на само 30 отсто од парцелата. Граѓаните бараат ваква измена за да се спречи раскрчмување на државно земјиште како она спроти хотелот „Холидеј Ин“ кое беше продадено заради окрупнување на парцелата за изградба на згради спротивно на интересот на јавноста која побара парк на местото на паркингот.

„Не знам за оваа иницијатива, но со задоволство ќе ја разгледам. Сметам дека одлуката за вакво нешто треба да ја донесеме заедно со градоначалниците“, рече Сугарески.

Министерот објасни дека работат на изградба на 550 километри патна мрежа и одговори на забелешкте на опозијата која замери дека СДСМ немаат свои проекти туку дека ги дорабтуваат нивните.

„ВМРО-ДПМНЕ остави пустош со почнатите и недовршени автопатишта, и не може ниту една власт да остава недовршени и несредени проекти, а потоа да викаат дека биле нивни. ВМРО-ДПМНЕ за 12 години изградиле 650 километри патишта, а ние за една година над 500 километри патишта. Разликата е евидентна. На многу патишта нема реконструкција од времето на Тито. Да не почнувале вакви патишта од ВМРО-ДПМНЕ, ваков пример во градежништвото не сме виделе, нешто што не го познава градежнишвото како автопатот Кичево-Охрид. 50 проценти беше направен автопатот Миладиновци-Штип, ние за година и пол 50 проценти завршивме, тие за четири години го правеа. Немало причина за четири години да не го направат. Битола-Кременица е чист проект на СДСМ. Куманово-Бељаковце е ВМРО-ДПМНЕ? Што се фали со 20 проценти направен пат. Не може секоја власт да ги остава проектите, а потоа да вика дека е нивен проект. Гасовод 98 проценти од кракот Неготино до Битола нема мрднато, ископана беше една дупка, сега е направена целата работа. До 4 септември се првите два километри за патот до Блаце. Кичево-Охрид е еклатантен пример како не треба да се работи во градежништвото. Ако било се готово на автопатот Демир Капија-Смоквица, Груевски ќе го пропуштеше да не го пушти во употреба? “, рече министерот Сугарески.

За железничкиот сообраќај Сугарески вели дека се уште се подготвува приватизација на МЖ„Транспорт“, по довршување на пругата Битола – Кременица во скоро време се очекува да биде пуштена во сообраќај нова линија, а интензивно се работи на пругата кон Бугарија.

Министерот рече дека не се откажува и од заложбите и за домашна авиокомпанија иако првата анализа покажала дека домашна авиокомпанија би била финансики неодржлива.

Прикажи повеќе...

Најново

Европа2 часа

(Видео) Десетици илјади демонстранти на улиците во Барселона, студентите се судрија со полицијата

Десетици илјади поддржувачи на независноста на Каталонија протестираат во центарот на Барселона против пресудите на нивните водачи, барајќи отцепување од...

Македонија2 часа

Ципрас: Понекогаш европските вредности се посилни на Балканот, отколку во Европа

Поранешниот грчки премиер Алексис Ципрас го осуди фактот дека лидерите на земјите-членки на ЕУ не успеаја да се постигнат согласност...

Култура3 часа

Министерството за култура го осуди вандализмот, бара да се заштити Аквадуктот

Министерството за култура енергично го осудува вандалскиот чин на оштетување на Аквадуктот, коj е дел од културно наследство, при што...

Македонија3 часа

(Видео) Интервју со Села: 18 години не одговарал ниеден функционер од ДУИ

Претседателот на Алијансата за Албанците, Зијадин Села, во интервју за „Макфакс“ рече дека не може да се оочекува ЕУ да...

Македонија3 часа

Влада: Во тек се консултации, Заев носи одлуки во интерес на граѓаните и државата

Во тек се интензивни консултации после заклучоците на Европскиот совет, премиерот Зоран Заев носи одлуки водејќи се исклучиво од интересите...

Македонија5 часа

Лидерската средба ќе се одржи в недела во вилата на Водно

На иницијатива на претседателот Стево Пендаровски, в недела – 20 октомври во кабинетот на претседателот во „Вилата Водно“, со почеток...

Европа5 часа

Макрон: Земјите од соседството на ЕУ не е нужно да бидат нејзини членки

Францускиот претседател, Емануел Макрон, во првото обраќање во јавноста откако стави вето за пристапните преговори за Северна Македонија и Албанија...

Македонија6 часа

Туск: Верувам дека ова е кратка криза, а не крај на проширувањето на ЕУ

По завршувањето на самитот на ЕУ во Брисел, претседателот на Европската комисија, Жан-Клод Јункер, и претседателот на Европскиот совет, Доналд...

Македонија7 часа

Конте: Одлуката на ЕУ за Северна Македонија и Албанија е историска грешка

Италијанскиот премиер, Џузепе Конте, изјави дека одлуката на Европската Унија да не го отвори пристапниот процес за Северна Македонија и...

Македонија7 часа

(Видео) Пендаровски свика лидерска: Не е време за разочарување, туку за обединување

По одлуката на Советот на Европската Унија да не даде датум за почеток на преговорите за членство на нашата држава...

Јоханес Хан Јоханес Хан
Македонија7 часа

Хан: Одговорноста за овој неуспех не е на Северна Македонија, туку на ЕУ

Еврокомесарот за проширување, Јоханес Хан, вели дека одговорноста за одлуката да не им се додели датум за преговори на Северна...

Македонија7 часа

(Видео) Мицкоски: Предвремени парламентарни избори за да се надмине кризата

Одлуката за недобивање датум е пораз, но не пораз на народот, туку на политиките на Заев и оваа власт, навлезена...

Македонија8 часа

Димитров: ЕУ јасно да каже дали е отворена за европска иднина на Западен Балкан

Министерот за надворешни работи, Никола Димитров, преку својот налог на „Tвитер“ побара од Европската Унија да биде директна со земјите...

Европа9 часа

Пучдемон им се предаде на белгиските власти

Поранешниот лидер на Каталонија, Карлес Пучдемон, им се предаде денеска на белгиските правосудни органи кога Шпанија издаде нов налог за...

Топ10 часа

Воз удри во автомобил во Прилеп, повредени четири лица

Четири лица се повредени во железничка несреќа што се случила во близина на меѓуградската автобуска станица во Прилеп. Според информациите на...

Свет11 час

Трамп во нова трговска офанзива, воведе царини на многубројни европски производи

Дополнителни царини во вредност од 7,5 милијарди американски долари за низа европски производи денеска воведоа САД, што претставува нова трговска...

Свет12 часа

Eксплозии и пукање во Сирија еден ден по договорот за прекин на огнот

Експлозии на гранати и пукање во областа на градот Рас ел-Ајн во североисточна Сирија на само еден ден по договорот...

Европа13 часа

(Видео) Барселона во пламен, протестите излегоа од контрола

Илјадници луѓе синоќа излегоа на протест на улиците на Барселона, четврти ден по ред. Како што пренесуваат локалните медиуми, на...

Свет1 ден

Турција ги прекинува воените операции во Сирија

Американскиот потпретседател Мајк Пенс изјави дека постигнал договор со турскиот претседател Реџеп Таип Ердоган за прекин на огнот во северна...

Регион1 ден

Рама: Направивме сè што побараа од нас

Го направивме тоа што го бараа, изјави албанскиот премиер Еди Рама., по состанокот со комесарот на ЕУ за соседска политика...

Досие