Контакт

Интервју/Дебата

Нови тендери за „Бауер БГ“ за проблематичниот кружен тек во Кисела Вода

Објавено пред

Нови два тендери за непредвидени работи доби градежната компанија „Бауер БГ“ за изградба на булевар Србија и кружниот тек со улицата Христо Татарчев со вредност од над 230 илјади евра. За изградба на овој проект, кој се гради речиси три години, досега биле доделени тендери во вредност од повеќе од 2,6 милиони евра. Граѓаните на Кисела Вода неколкупати излегуваа на протест бидејќи тврдат дека предвидениот проект е згрешен и небезбеден, како и дека со него ќе се затвори улица и пристап до 300 куќи во населбата.

„Бауер БГ“ на почетокот од мај добила два нови тендери од Градот Скопје. Едниот е за изведба на непредвидени работи при изградба на булевар Србија и кружниот тек со улицата Христо Татарчев и е во вредност од околу 24 илјади евра. Вториот тендер е повторно за изведба на непредвидени работи на истата улица, како и рушење постоечки објекти и изградба на новопроектирани ѕидови во вредност од околу 209 илјади евра. Двата тендера се добиени преку постапка со преговарање без претходно објавување оглас, а како критериум за доделување на договорот е наведена најниската цена.

Овој булевар се гради речиси три години, додека тендерите и анекс-договорите за негова изградба кои ги добива компанијата продолжуваат. За изградбата и кружниот тек заедно со тендерите за непредвидени работи досега оваа компанија, според информациите на Електронскиот систем за јавни набавки, добила нешто повеќе од 2,6 милиони евра.

Додека се множат тендерите за проектот, на терен улицата е во хаос. Несоодветно одбележана сигнализација и безредие во сообраќајот е она што го затекнавме на лице место на недозавршениот кружен тек каде бројни возила и пешаци секојдневно минуваат. Токму за овој проект граѓаните на Кисела Вода веќе неколкупати протестираа и обвинуваат дека проектот ќе им го затвори пристапот до куќите и сметаат дека е целосно згрешен.

Опасна точка од која може да има смртни последици во сообраќајот

Жителите веќе поднеле петиција до Градот Скопје за да алармираат за небезбедното решение на кружниот тек кај последна „дваесет и четворка“ со кое е предвидено вклучување во сообраќај од улица преку банкина и тротоар.

„Од градоначалникот на општина Кисела Вода јавно беше изнесено дека проектот е грешен и дека се работи на нова проектна документација со цел да се изнајде соодветно сообраќајно безбедно решение за вклучување на двете постојни улици кон кружниот тек, вие како инвеститор продолживте со стариот проект и се обидовте да ги затворите двете улици“, се вели во писмото испратено до Град Скопје од граѓаните.

Граѓаните од улиците Христо Татарчев 1, 3, 6, 9 и 11 до Градот реагирале дека доколку ова решение на кружниот тек биде дозволено, тоа може да стане место на судир и сообраќајки со смртни последици. Тие бараат целосно ревидирање на проектот и да биде доставен на ревизија до Градежниот факултет, како и корекција и доработка на проектот со што ќе биде проектирано ново безбедно решение. Дополнително, сметаат дека со сегашниот проект ќе биде затворен пристапот до нивните домови, како и до една фабрика со неколку стотици вработени.

„Цело време им укажуваме дека не треба да ни ја затворат улицата, меѓутоа бидејќи ДУП-от на општина Кисела Вода не е донесен, а донесен е само ГУП-от, фактички Градот ја работи улицата според него. Во овој проект се исклучени овие улици и ги нема. Ако сакаат нас да нè приклучат тие треба да направат ревизија на проектот и да се утврди дека овде има безбедносен проблем во сообраќајното решение.

Тие не можат нас да нè лажат дека оваа улица нема да биде затворена затоа што не можат да добијат технички прием, ниту, пак, можеме ние безбедно да гравитираме на сообраќајницата со кружниот тек затоа што ние ќе ја сносиме вината за неправилно приклучување од споредна на главна улица“, вели за „Макфакс“ Светлана, еден од жителите во овие улици.

Град Скопје: Се доцни поради нерешени имотно-правни односи

За тоа зошто „Бауер БГ“ добила тендери без претходно објавување оглас, како и зошто изградбата на овој булевар кој веќе се гради подолг период сè уште не е завршена, од Градот Скопје за „Макфакс“ велат дека изборот на понудите за непредвидените работи на булеварот Србија се спроведени согласно со Законот за јавни набавки и анекс-договорите се објавени на веб-страницата на Бирото за јавни набавки.

„Потребата за изведба непредвидени работи произлезе затоа што атмосферскиот колектор со дијаметар од 1500 милиметри при изведба на градежните работи се установи дека е плиток и мора да се заштити со бетонска заштита. Вториот договор е направен за рушењето на објектите и огради од околните објекти и изградба на нови огради наместо срушените, кои според проектот, се на трасата на проширувањето на булеварот, а се предмет на експропријација.

Нерешените имотно-правни односи и дел од непредвидените работи се единствената причина за доцнењето на завршните работи, и со нивното затворање се очекува до крајот на оваа градежна сезона проширувањето целосно да заврши. Постапките за експропријација на објектите кои се на трасата на проширувањето се во тек, овластен проценител изврши проценка и се преговара со сопствениците околу обештетувањето“, велат од Градот.

Иако на терен се чини дека градежните зафати се далеку од завршени, оттаму информираат дека проектот за продолжување на булеварот Србија, од кружниот тек кај Цементарница до улицата Христо Татарчев, со формирање нов кружен тек е во завршна фаза и најголемиот дел од градежните активности е веќе готов.

Се нижат тендери за „Бауер БГ“, една од омилените фирми во „СК-2014“

„Бауер БГ“, една од компаниите кои градеа бројни објекти во проектот „Скопје 2014“, само за првата недела од  мај добила три тендери за градба во вкупна вредност од 750 илјади евра. Освен двата тендера од Град Скопје, градежната компанија добила тендер за ревитализација на улици и патишта од општината Гази Баба во вредност од 520 илјади евра.

Компанијата добила тендер и во април од Општина Центар во вредност од околу 49 илјади евра за непредвидени работи кои биле вклучени во основниот договор од 2017 година, склучен помеѓу Општина Центар – Скопје и „Бауер БГ“ за реконструкција на постоечка улична мрежа (коловоз со тротоари) и изградба на водоводна мрежа и атмосферска канализација на улица Питу Гули – 2. И оваа постапка е направена со преговарање без претходно објавување оглас.

Фирмата добила тендер во јануари и од општина Чаир за зимско одржување на улиците за зимската сезона во вредност од 38 илјади евра. „Бауер БГ“ и минатата година добивала бројни тендери од Општина Гази Баба, Министерство за животна средина и просторно планирање, ЈП „Водовод и канализација“ – Скопје, Дирекција за технолошки индустриски развојни зони, а интересно е што добила тендер и од специјалното обвинителство за изведување градежно-занаетски работи за адаптација на деловни простории во октомври 2017 година.

Раст во времето на ВМРО-ДПМНЕ

„Бауер БГ“ е една од компаниите кои беа често ангажирани во градењето објекти од контроверзниот проект на власта на ВМРО-ДПМНЕ, „Скопје 2014“. Неофицијално дознавме дека работењето на оваа компанија, која доживеа огромен раст со добивањето државни тендери во времето на претходната власт, ја анализира специјалното обвинителство.

Прашања за тоа зошто доцни изградбата на булеварот Србија и продолжуваат тендерите без оглас за овој проект, како и дали работењето на компанијата е предмет на анализа на СЈО испративме и до претставник на компанијата, како и на нивниот официјален мејл, но до објавувањето на текстот немаме одговор. Се обидовме да ја контактираме компанијата и преку нивниот телефон, но тој не функционира.

Според дата-базата на БИРН за проектот „Ск 2014“, оваа компанија добила 7% од вредноста на сите договори во проектот или вкупно повеќе од 43 милиони евра. Таа е петтиот најголем изведувач на проектот и ги градела плоштадот Скендербег, фасадата на Владата, Драмскиот театар, Државниот завод за ревизија, Геолошки завод и АД за стопанисување со станбен и деловен простор (Палата „Емануел Чучков“), фасадите во централно градско подрачје, Оградата околу Владата, кривичниот суд, оградата на мостот Гоце Делчев, мостот Мајка Тереза, а ја правела и реконструкцијатата на Собранието.

БИРН лани објави дека токму градежната компанија „Бауер БГ“ е една од компаниите кои во 2015 година купувале деловни простории од ЕВН Македонија и од јавното претпријатие Македонски шуми и по неколку месеци ги продале на тогаш сѐ уште владејачката партија ВМРО-ДПМНЕ за повисока цена. Според пишувањата на БИРН, „Бауер БГ“ првпат добила тендер од државна институција во 2008 година кога со оваа општина раководел ексградоначалникот на Скопје, Коце Трајановски, а соработката се зголемила кога тој застанал на чело на главниот град.

Кристина Озимец



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Интервју/Дебата

(Видеоинтервју) Богоевски: Не давам оставка, јас сум легитимен претставник на шарената револуција

Објавено пред

Чии ставови брани сега пратеникот Павле Богоевски, оние на шарената револуција или на СДСМ, беше главната тема на интервјуто за „Макфакс“, каде што тој зборуваше за актуелните теми поврзани со амнестијата, измените во Кривичниот законик, бегството на Никола Груевски, како и критиките од неговите соборци од шарената револуција.

Богоевски беше еден од најгласните противници на амнестијата. Во повеќе наврати тврдеше дека амнестија за 27 април нема да има, но сепак гласаше за Законот за амнестијата.

„Во моментот немав информации дека помирувањето ќе резултира со амнестија. Мојот став за 27 не е променет, мислам дека е срам тоа што е направено. Јас се извинувам, но ниту еден одделен став ниту една репутација не е вредна за да се помине во изолација“, вели тој и додава дека со пратеникот Крсто Мукоски не разговара, а со Сашо Василевски само се поздравува.

„Кога сфатив дека нема што друго да се направи за да се добијат 80 гласа за уставните промени, тогаш го променив ставот за амнестијата“, вели тој.

Богоевски признава дека неговата репутација е нарушена, вели дека се кае што станал пратеник, но дека мора да ги исполни обврските додавајќи дека политиката е валкана работа.

Иако неговите соборци од шрената револуција жестоко го критикуваат, тој вели дека се смета за легитимен претставник на шарената револуција, а критиките од неговите соборци ги смета за нормални.

„Би бил разочаран ако тие имаат поинаков став од критичкиот“, вели Богоевски.

Тој не сака да разговара за бегството на експремиерот, сега азилант во Унгарија, Никола Груевски. На нашите прашања кусо одговараше дека ќе чека да заврши истрагата за да го каже својот став.

На прашањето дали како последица на разочарувањата што ги предизвика тој има намера да поднесе оставка, Богоевски е дециден дека такво нешто нема да се случи додека Македонија не се исправи на патот кон ЕУ и НАТО.

 

Прикажи повеќе...

Бегството на Груевски

(ИНТЕРВЈУ) Унгарски новинар: Се кладам дека Орбан е замешан во бегството, Груевски ќе заврши во Москва

Објавено пред

Питер Ерделај е уредник и новинар во еден од ретките унгарски медиуми кои се независни и надвор од контрола од Владата на Виктор Орбан. Тој работи во веб порталот 444.hu, кој има над 350 илјади посети дневно, а Ерделај се занимава со истражувачки теми, национална безбедност и корупција.

Како и за секој друг новинар, случајот со бегството на премиерот Никола Груевски во Будимпешта и барањето политички азил во државата која остро се противеше на влезот на мигрантите, е предизвик за пишување и истражување, но толкувањата за тоа како и зошто се случило бегството се различни, во зависност од тоа во чии раце се медиумите. За Унгарија е познато дека Виктор Орбан под своја контрола ги држи најголемите телевизиски куќи, слично како и за време на владеењето на Груевски, кога со владини реклами буквално се купуваа и правеа вестите. Тоа е само една од сличностите во владеењето на Орбан и на Груевски. Втората сличност, е анти-Сорос пропагандата.

Со познатиот унгарски истражувачки новинар разговаравме за начинот на кој медумите во Унгарија го третираат барањето за азил на поранешниот премиер Груевски, за инволвираноста на Орбан во целиот случај и за можните понатамошни сценарија.

„Најкратко кажано, унгарските медиуми се поделени на провладини и на независни, иако ситуацијата е малку покомплицирана од тоа. Медиумите контролирани од власта, кои се мнозинство, спинуваат многу наративи за барањето на политички азил на вашиот поранешен премиер, особено дека Груевски бил таргетиран од Сорос, кој е третиран како ‘вештерка’ во Унгарија, исто како и во Македонија. Независните медиуми се изненадени или шокирани од веста. Никогаш досега сме немале сличен случај и како што тој се развива, така станува сè поинтересно, посмешно и позабавно“, вели Ердалај за „Макфакс“.

Тој вели дека „би се кладел“ дека унгарскиот премиер Виктор Орбан до некој степен е вмешан во организирањето на бегството на Груевски, особено по обелоденувањето на информациите дека тој се движел со дипломатско возило од унгарската амбасада во Тирана, од каде што го продолжил патот во Црна Гора. На нашето прашање дали смета дека Груевски ќе добие политички азил во Унгарија, тој одговара:

„Не знам дали ќе добие азил, но чудно би било власта да потроши толку пари и политички капитал за да го донесе тука, а потоа да му го одбие барањето. Мое мислење е дека процесот ќе се развлекува, а потоа ќе „исчезне“ од видикот на унгарските власти, за тие да не ја направат тешката одлука. Можеби Груевски ќе заврши во Москва, но сето ова се нагаѓања, тешко е да се предвиди конечниот епилог“, смета тој.

Сепак, со оглед на политичката ситуација во Унгарија, каде што ретко се преземаат одлуки без зелено светло од кабинетот на премиерот, Ерделај смета дека Груевски не би можел ниту да побара азил без тоа да го знае лично тамошниот премиер Орбан.

„Чисто се сомневам дека било кој од Канцеларијата за имиграција би направил било каква одлука за Груевски без да побара насоки од кабинетот на премиерот. Ова е чувствителна тема, зошто некој би ризикувал да направи „погрешна“ одлука? Оттаму би се кладел дека Орбан е замешан до некој степен“, вели унгарскиот новинар.

На прашањето дали ваквите одлуки на Унгарија би ја нарушиле позицијата на земјата во Европската унија, Ерделај без многу размислување вели дека ова нема да биде првпат Унгарија да носи одлуки кои можеби не се дочекуваат со раширени раце од страна на ЕУ.

„Дури и ЕУ да се противи на одлуката, а не се сомневам дека не им се допаѓа, што можат да сторат? Ваквите случаи не можат да се решаваат на ниво на ЕУ, па дури и да можеа, Орбан знае да ги прекршува стандардите на ЕУ и на НАТО и повторно се извлекува“, смета тој.

Тој вели дека унгарските медиуми, исто како и Хелсиншкиот комитет за човекови права пишуваат и реагираат на начинот на кој Груевски побарал азил, на сосема нетипичен начин и надвор од стандардните протоколи.

„За азил се аплицира во транзитните зони, во Србија, каде што барателите на азил се задржуваат додека нивниот случај не се расчисти. Најголем дел од барањата за азил се одбиваат бидејќи Србија се смета за безбедна земја. Оттаму, случајот со македонскиот поранешен премиер е надвор од сите стандардни протоколи“, вели Ерделај.

За крај, го прашуваме унгарскиот новинар зошто смета дека Груевски ја одбрал токму Унгарија како свое место за прибежиште, а тој без двоумење одговара дека е поради политички и бизнис интереси, а како резултат на сличностите што ги делат двајцата лидери, едниот поранешен а едниот актуелен.

„Анти-Сорос пропагандата ги зближи, Груевски беше првиот кој застана зад Орбан за ова прашање. Нивната про-руска тенденција е повеќе од очигледна, па затоа тука се шпекулира дека неговата крајна дестинација ќе биде Москва. Нашите сознанија се дека и двајцата имале ист американски советник, имаат слични карактерни особини, а разликата е само што Орбан има повеќе пари и со тоа и повеќе можности и што Унгарија е поголема земја и членка на ЕУ и на НАТО“.

Сепак, интересот на Унгарија во случајов сè уште останува нерасчистено прашање, и во македонската, а очигледно и во унгарската јавност.

Прикажи повеќе...

Интервју/Дебата

(Видеоинтервју) Филипче: Додека да се направи новиот Клинички, инвестираме таму каде што е најкритично

Објавено пред

Информациите дека се разгледува можноста Детската кардиохирургија да биде префрлена во приватната болница „Филип Втори“ на Жан Митрев во јавноста роди големи полемики во однос на тоа дали ова значи деградирање на јавното здравство и стимулирање на лекарите да преминуваат во приватниот сектор.

Најавата за можно јавно-приватно партнерство меѓу јавното здравство и приватна болница за првпат се случува во Македонија, па оттаму оправдани се и дилемите во јавноста дали и колку овој систем може да профункционира во земјава, особено што неразјаснети остануваат голем број прашања околу покривањето на трошоците, капацитетот на операциите на децата на годишно ниво, како и перспективите на јавното здравство.

Во интервју за „Макфакс“, министерот за здравство, Венко Филипче, објаснува на кој начин би течел процесот на јавно-приватно партнерство, тврдејќи дека „во овој момент не може да се обезбеди интегриран тип на здравствени услуги кои бараат мултидисциплинарен пристап“.

Кадарот кој од Детската кардиохирургија ќе премине во „Филип Втори“, според Филипче, ќе биде платен од приватната болница, а операциите за децата ќе бидат целосно обезбедени од фондот. Тој за „Макфакс“ демантира дека преговарал по завршувањето на мандатот кариерата како неврохирург да ја продолжи токму во „Филип Втори“.

Недостигот од покрупни инвестиции во здравството и преминувањето кон јавно-приватни партнерства министерот за здравство го правда со фактот што сè уште се чека на изградбата на новиот Клинички центар, за кој не може да даде прецизен рок кога и каде би бил изграден.

„Нема да правиме големи инвестиции во еден стар кампус и затоа инвестираме онаму каде што е најкритично“, вели тој.

Со Филипче разговаравме и за новиот тендер за реагенси тежок 35 милиони евра, откако претходниот беше поништен поради сериозни пропусти во постапката, а обвинителството отвори истрага.

Министерот признава дека се соочил со суштински проблеми во неговиот сектор откако дошол на функцијата, но вели дека е задоволен од досегашната негова работа, како и од соработката со директорите на клиниките, кои беа поставени на функциите како партиски кадри.

Прикажи повеќе...

Најново

Македонија11 час

ВМРО-ДПМНЕ и СДСМ не сакаат да се договорат за една изборна единица

Многуте повици од помалите партии за измени на Изборниот законик, со кои ќе се воведе една изборна единица и отворени...

Анализи11 час

Политиката го подели СЈО на табори

„Чарлиевите ангели“ ги нема. Катица Јанева, Ленче Ристоска и Фатиме Фетаи речиси една година не се појавуваат на заеднички прес-конференции....

Македонија12 часа

Ѓорчев: Не се грижам кој ќе биде противкандидат од СДСМ, тие го излажаа народот

Без да одговара на новинарски прашања, пратеникот од ВМРО-ДПМНЕ, Влатко Ѓорчев ја објави кандидатурата за претседател на државата. Тој повеќе...

Истражувања15 часа

(Видео) „Лимак“ и Градот ги изиграа скопјани, се гради хотел место прво да се изгради подземната сообраќајница

Место прво да ја изгради подземната сообраќајница па потоа да ги гради содржините над земја, турската компанија „Лимак“ кај Стара...

Македонија15 часа

Врховните судии ќе расправаат дали СЈО може да отвора истраги и да презема предмети

Адвокати на обвинети во предметите на специјалното јавно обвинителство, преку неколку иницијативи, бараат од Врховен начелно правно мислење за постапките...

Македонија15 часа

Нимиц: Длабоки и опасни последици ако не успее преспанскиот договор

Специјалниот пратеник на Обединетите нации, Метју Нимиц, предупредува дека пропаѓањето на преспанскиот договор би имало опасни последици за двете страни,...

Свет15 часа

Шпанските спасувачи во трка со времето – ќе успеат ли да го извлечат двегодишното дете од бунарот

Шпанските спасувачи се во трка со времето и неизвесно е дали ќе успеат да го извлечат двегодишното дете кое пред...

Македонија16 часа

Протестот за воздухот в сабота за едни политички за други неопходен

Нова најава за протест против загадувањето на воздухот од синоќа ги подели скопјани на верници и луѓе кои повеќе не...

Македонија16 часа

Зоран Заев: Мијалков ги охрабрувал пратениците да гласаат за промена на името

Претседателот на Владата, Зоран Заев, во интервју за „Алсат“ призна дека ексдиректорот на УБК, Сашо Мијалоков, лично разговарал со 8-те...

Регион16 часа

Во Грција почна расправата за ратификација на преспанскиот договор

Грчкиот парламент ја почна расправата за ратификувањето на преспанскиот одговор, а гласањето сепак ќе се случува в петок, пишува грчката...

Свет18 часа

(Видео) Петгодишни девојчиња на минус 45 степени избегале од градинка во Сибир

Две девојчиња на возраст од пет години избегале од градинка во рускиот град Јакутск во Сибир, при што се здобиле...

bugarija-eu bugarija-eu
Регион18 часа

Бугарија става крај на продажбата на државјанства

Бугарија планира да стави крај на програмата за продажбата на државјанства на богати поединци, соопшти Министерството за правда во Бугарија,...

Вести18 часа

(Видео) Москва: Патникот кој се обиде да киднапира руски авион бил под дејство на алкохол

Рускиот истражен комитет објави дека патникот осомничен за киднапирање на патничкиот авион на „Аерофлота”, немал никаков вид експлозив или оружје...

Свет18 часа

Конгресот му забрани на Трамп да излезе од НАТО

Претставничкиот дом на американскиот Конгрес усвои закон за поддршка на НАТО, со кој му се забранува на американскиот претседател, Доналд...

Регион19 часа

Косовскиот суд осуди повеќе лица за тероризам во Сирија

Судот во Приштина осуди едно лице на пет години затвор поради учество во терористички групи во Сирија. Од судот соопштија...

Свет19 часа

Американските сенатори Меконел и Шумер ќе гласаат за граничниот ѕид

Лидерот на мнозинството во Сенатот, Мич Меконел, закажа гласање во четврток за целосно финансирање на пограничниот ѕид што го бара...

Свет20 часа

Мадуро: Венецуела ќе ги преиспита односите со САД и ќе преземе политички мерки

Каракас ќе ја преиспита својата врска со САД откако американскиот потпретседател, Мајк Пенс, изрази поддршка за идејата на опозицискиот водач...

Свет21 час

Еврејска група тужи бразилски карикатурист поради карикатура на Нетанјаху и Болсонаро

Еврејската заедница во Бразил го тужи славниот политички карикатурист Ароира за антисемитизам поради карикатура што ги прикажува бразилскиот претседател, Јаир...

Македонија1 ден

Собранието објави оглас за aнтикорупциската комисија, Тасева обвинува дека добрите антикорупционери не се пожелни

Собранието го објави огласот за избор на новиот состав на Комисијата за спречување на корупцијата. Огласот ќе трае 7 дена...

Свет1 ден

Вес Мичел поднесе оставка, идниот месец заминува од Стејт департментот

Вес Мичел, помошник-државен секретар на САД, наредниот месец заминува од функцијата во Стејт департмент поради лични и професионални причини. „Две...

Досие