Контакт

Истражувања

Таневски: Општина Охрид лаже, пари од буџетот ми исплатија и годинава

Објавено пред

Љупчо Таневски, сопственик на охридскиот портал „Охрид 1“, во интервју за „Макфакс“ зборува за парите што Општина Охрид му ги префрлала за медиумски услуги. Иако Општина Охрид во листата испратена до „Макфакс“ вели дека годинава не ги плаќале фирмите во сопственост на Таневски, тој тврди дека му префрлиле 430.481 денар. Таневски потврдува дека градоначалниците си ја купувале медиумската наклонетост, вели дека се однесувале по правилото – кој те плаќа, тој те има и дека не само нему туку и на сите други сопственици на медиуми им било јасно дека се работи за корупција што е озаконета. На ист принцип функционирале не само со градоначалниците туку и со директорите во јавните претпријатија и другите државни институции.

Таневски во интервјуто ги повикува сопствениците на медиуми кои зеле пари од Општина Охрид јавно да кажат за што им се префрлани парите изминатите години. Убеден е дека сопствениците треба јавно да проговорат, ако ништо повеќе, тогаш како благодарност кон Бакрачески, кој ги спасил од банкрот.

 

Какви услуги ѝ понудија „Мегастар“, „ЛТ трејд“ и „Охрид1“ на Општина Охрид за исплатите што ги добивале изминатите години?

„Ние никогаш не сме ѝ нуделе услуги на Општината и не сме иницирале соработка. ‘Охрид1’, како и сите други медиуми, испратил понуда по претходно добиено барање за цени за објавување огласи и соопштенија од локалната самоуправа. Таа цена била пониска од други портали, а по барање на тогашниот градоначалник, Никола Бакрачески, во договорите имаше член кој нè ограничуваше само на 10.000 денари месечно. Тоа значи дека никогаш нашите фактури не надминаа 10.000 денари. Што се однесува до ‘Мегастар продукција’, како што веќе кажав, се јавивме на тендер за снимање рекламни видеоспотови за Охрид, дадовме убедливо најниска понуда и го добивме тендерот. Проценетата вредност на набавката беше 2.600.000 денари, а ние дадовме понуда од 918.000 денари и ја работевме работата цели 9 месеци. Снимавме во три годишни времиња, под вода, во воздух, плативме поголема екипа која снимаше, плативме авторски права за музика и од таа работа профитот беше минимален. Не знам зошто од локалната самоуправа тие пари ги ставаат во медиумски услуги кога тоа не е така. Еве, во јули тие реклами се емитувани на еден телевизиски канал и платени се повеќе пари за емитување од тоа што плати Општината за снимање. Тоа кажува сè.

Според известувањето од Општина Охрид, оваа година вашите фирми немаат исплата од Општината. Зошто престанала децениската соработка?

„Тоа дека немаат исплата, не е точно! Оваа локална власт мене ми плати 430.481 денар, пари префрлени од сметката на Општината на сметката на „Мегастар продукција“. Ова го изјавувам со полна морална и кривична одговорност и тврдам дека информацијата што ја дале е лажна, а мојата е точна. Според износот што ми го платија и според она што го дале како одговор, „Охрид 1“ во оваа власт има земено колку што зела и ТВМ. Манипулациите ги прават со начинот на кој ги даваат одговорите, без да нагласат што е фактурирано во времето пред 2013 година и што по октомври 2017 година, а со цел и тоа што се плаќало како стар долг да се прикаже како делење пари на медиуми од страна на Никола Бакрачески. Точно е дека по оваа уплата (која се случи непосредно пред избивањето одредени скандали во здравството, кои одекнаа на национално ниво), соработката прекина исклучиво од лични причини. Тоа е лична одмазда на група луѓе од СДСМ Охрид, кои изминатата година спроведоа низа дејства со цел да го уништат мојот бизнис. Секако, во тоа се вклучени и поединци од најтесното опкружување на градоначалникот. Мотивот, покрај тоа што е политички, има и лични причини кои влечат корен во едно мое пријателство и тоа што јас и мојот медиум не напуштивме еден човек, туку продолживме да го поддржуваме објективно информирајќи за неговата професионална кариера за разлика од другите медиуми од Охрид, кои го премолчаа тој скандал во здравството. Ако се земе предвид моментот на исплатите и однесувањето на охридските медиуми, можам да помислам дека можеби тоа го правеле од финансиски интереси. Жално е што градоначалникот на Охрид (со кого често комуницирам) се претвори во инструмент на лични игри на одделни луѓе од СДСМ Охрид. Можеби човекот не може да се спротивстави, па прави тешки поделби на подобни и неподобни, нешто што мислевме дека е симбол на времето на Никола Груевски. Што се однесува до раководството на СДСМ во Охрид, тоа не е случај и чесно е да нагласам дека локалниот разгранок не ја води оваа глупава политика на поделби. Тоа, како што кажав, е тесен круг влијателни функционери, кои не можат да се помират дека уплатата на парите не влијаеше на овој мој личен избор, кој е резултат на мојот карактер и каде што приватните релации првпат во мојот живот ги ставив над мојот бизнис-интерес. Да не постапев така, денес ќе бев прв на листата по исплатени пари во 2018 година. Но, како што реков, тоа во овој случај беше работа на карактер, а не на бизнис-логика“.

Како сопственик на медиум, кој е Вашиот став за финансирање на медиумите со народни пари?

 „Медиумите се приватни бизниси и секој сопственик на бизнис се води од логиката да оствари профит, па така и медиумите во Охрид сме дел од трката по профит. Од друга страна, муштеријата е секогаш во право, па сосема логично, нормално и природно е медиумите да имаат предвид што пишуваат за одредени свои клиенти. Ако кај нас се рекламира некоја приватна фирма, логично е да сме внимателни да не излезе некоја информација што ќе ѝ наштети. Исто така, ако клиент е Општина Охрид, медиумите ќе се воздржани од критики, ако е некое јавно претпријатие, тоа повторно ќе е така. И тоа е така на сите овие медиуми со години.

Сметате ли дека има корупција и ограничување на медиумската независност со вакви исплати? 

„Иако сопствениците се со полна уста фалби за себе дека биле професионални новинари, тоа не е така бидејќи – кој те плаќа, тој те има и јасно им е на сите дека се работи за корупција која е озаконета. Како може сопственик на медиум да е новинар? Тој може да е само бизнисмен, кој има фирма за објавување вести и од вестите што ги објавува прави пари. Но, првин треба да дефинираме и какви други елементи на корумпирање има. Целиот овој спелт на околности во медиумите нè води до заклучокот дека додека медиумите добиваат пари од државата и услуги од функционерите, нема да бидат слободни.

Кој те плаќа, тој те има, јасно им е на сите дека се работи за корупција која е озаконета: Љупчо Таневски, сопственик на порталот „Охрид 1“

Здружението на новинарите на Македнија децидно укажа дека ваквите исплати се чиста корупција и купување медиумско внимание, кои директно ја загрозуваат независноста на медиумите. Се согласувате ли со тоа?

Тоа е точно, но Здружението, освен да укажува, не прави ништо конкретно. Што се однесува до ЗНМ и Насер Селмани, јас ќе кажам дека во два наврата одев на состаноци и трибини во Охрид. Еднаш во 2009 и еднаш во 2011. На тие состаноци само јас зборував и давав конкретни предлози, кои Насер ги запишуваше во тефтер. Барав регулирање на интернет-порталите, јасно разграничување на државните пари за реално потребни огласи (бидејќи реално некогаш има таква потреба) од напумпаните договори за промоција на поединци во милионски износи. Барав да се дефинира и суптилната и скриена корупција, која се состоеше во вработување членови на семејствата на сопствениците на медиуми. Насер изгледаше воодушевено од моите предлози, но ништо конкретно не презедоа по нив. Кога третпат дојде Насер во Охрид, локалниот претседател на ЗНМ, мојот колега, бизнисменот Горан Момироски, не ме покани на тој состанок и не добив шанса да давам нови предлози за сузбивање на корупцијата во медиумите, која е присутна со години. Друго прашање е како по толку милиони потрошени во медиумите, политичарите ќе се појават пред сиромашните граѓани што живеат со септички јами и ќе им ветуваат средување на состојбите во градот и подобар живот, а медиумите што добиле милиони тоа ќе им го соопштат на граѓаните.

Какви услуги Вашите фирми му понудија на јавното претпријатие „Проаква“ и зошто е прекината и таа соработка?

„Соработката меѓу ‘Проаква’ и ‘Охрид 1’ ја прекина Никола Бакрачески во април 2013 кога дојде на власт. Пред тоа, по барање на директорот што раководеше со претпријатието пред 2013, имавме плодна соработка. Колку што се сеќавам, во тие години ‘Проаква’ имаше проблеми да си ја плати струјата и се закануваше со исклучување од напојување. Тогашниот директор ме повика кај него за да соработуваме на подобрување на имиџот бидејќи во тоа време со аферите за исклучување на струјата во јавноста имале многу лош имиџ. Јас тоа и го сработив. Од ‘Проаква’ ми дадоа договори, почнавме да работиме и знам дека износите не беа воопшто мали, но не можам сега прецизно да се сетам колкави беа. Кога се смени власта и Никола Бакрачески стана градоначалник, нареди да се прекине соработката со моите фирми и никогаш повеќе не дозволи ‘Проаква’ да работи со моите продукции и со ‘Охрид1’, а долговите ми ги плаќаа на рати. Не постои фактура од моите фирми кон ‘Проаква’ од март 2013 до ден-денешен. Одговорот што го дале дека по овој период се плаќани пари на мојот портал исто така е неточен и лажен“.

Освен од Општина Охрид и „Проаква“, од кои други јавни институции добивавте пари?

Периодот од 2009 до 2012 година е време кога СДСМ и ВМРО-ДПМНЕ се тркаа кој повеќе ќе ги плати медиумите. И додека ние работевме со ‘Проаква’, дојде друга понуда од тогашниот директор на ЈЗУ Општа болница Охрид, кој побара исто така да го промовираме во јавноста. Потпишавме договори, работевме и со болницата и тоа исто така за високи износи. Го промовиравме директорот кој имаше амбиции да стане пратеник или градоначалник. По ова, се јави друг директор од јавно претпријатие во друга општина бидејќи амбициозните директори почнале да делат препораки за мојата фирма. Па и со него работевме. ВМРО-ДПМНЕ во тоа време додека СДСМ беше на власт во Охрид пред 2013 година користеше други маши да ги плаќа медиумите во Охрид, но успешно ги плаќаше. Од болници до национални паркови, па дури и Заводот и Музеј на град Охрид даваа пари во медиуми. Не ми е јасно зошто другите сопственици на медиуми молчат и бегаат од вашите прашања. Нека се коректни кон Никола Бакрачески и нека кажат дека во негово време им се плаќаа стари долгови. Сигурен сум дека на ТВМ и на ‘Охридњус’ им се плаќаа стари долгови пред 2013 и дека износите што ги фактурираа се многу мали, а мислам дека во подолги периоди и воопшто не фактурираа во времето на Бакрачески. Но, не ми е јасно зошто ја оставаат локалната самоуправа да дава лажни манипулативни и непрецизни одговори?! Мислам дека бизнисмените Ирена Арнаудова од ТВМ и Горан Момироски на „Охридњус“ треба да се чесни и да излезат да кажат што е точно, ако не за друго, од благодарност, да не се клевети Бакрачески со погрешните информации што ги дава Општината оти, еве, како што гледаме, тој им помогнал да не банкротираат“.

 

Истражувања

(Видео) Турците ем градат кај Стара железничка ем плаќаат казна од 2 милиона денари месечно

Објавено пред

Турската компанија „Лимак“, која го гради комплексот со дваесеткатници кај Старата железничка станица, месечно уплаќа по  2 милиони денари во буџетот на Република Македонија како казна за нереализиран договор со Министерството за транспорт и врски, покажа истражување на „Макфакс“. Во договорот фирмата е обврзана во рок од десет години да изгради хотел, но рокот истече, а хотелот не е изграден, па „Лимак“ од средината на минатата година плаќа казна за неградење. Во исто време почна и да гради, наспроти гласното противење на скопјани против нови објекти во строгиот центар на градот. Хотелот, за кој плаќа казна, како и сите останати содржини што ги најави компанијата, се на државно земјиште кое Министерството за транспорт го продаде на „Лимак“.

„Компанијата е обврзана да плаќа договорна казна во висина од 1,5 отсто од вкупно постигнатата цена на јавното наддавање на предметното земјиште за секој изминат месец во првата година од истек на рокот, односно по 2.004.336 денари месечно, почнувајќи од 24.06.2018 година“, велат од Министерството за транспорт и врски за „Макфакс“.

Казната е за неизградениот хотел „Радисон“, кој во Скопје требаше да го изгради британската компанија „ХЛХ Македонија“, која доби и одобрение за градење во 2008 година, но откако не го изградија, земјиштето беше повторно вратено во државна сопственост, а Министерството за транспорт и врски во 2012 година го продаде на „Лимак“ во пакет со целото земјиште околу Старата железничка станица. „Лимак“ ја презеле обврската да изгради хотел, а го наследил и одобрението за градење поради кое сега плаќа казна.

„Претходниот инвеститор/изведувач ја има добиено градежната дозвола во јуни 2008 година. Според договорот со министерот за транспорт, изградбата требаше да заврши во рок од 10 години по издавањето на дозволата. Крајниот рок беше јуни/2018 година. Така, бидејќи се презема локацијата, ‘Лимак’ почна да ги плаќа соодветните месечни казни. Ова се однесува само за конкретната парцела, 1.12. Не за другите локации од мултифункционалниот комплекс“, изјавија од „Лимак“ за „Макфакс“.

Од турската компанија велат дека се отворени за соработка, но не сакаат да зборуваат пред камера.

Државата, преку Министерството за транспорт и врски им продаде вкупно 41.824 квадратни метри на Турците за вкупно 231.827.204 денари, или 3,7 милиони евра, земјиште поделено во две големи парцели. „Лимак“, пак, минатата година во септември и официјално ја почна изградбата на мултифункционален комплекс кој покрај четри дваесеткатници и хотел предвидено е да има трговски центар, простор за рекреација, угостителски објекти и паркинг. Турците, заедно со комплексот, треба да ја изградат и подземната сообраќајница на Јужен булевар на која се чека уште од 2012 година.

Следно: „Лимак“ го изигра Градот, гради хотел место прво да ја изгради подземната сообраќајница

 

Прикажи повеќе...

Истражувања

(ВИДЕО) Градоначалничката на Арачиново со службени пари купувала суџук, мирисливи свеќи, пилешки гради и дрвени лажици

Објавено пред

Цигари, влажни марамчиња, мирисливи свеќи, калап за печење мафини, решо, дрвени лажици, чајник, се дел од работите што Општина Арачиново ги купувала со буџетот за репрезентација, кој најчесто е предвиден за службени ручеци, посети на странски делегации и работни состаноци.

До ноември минатата година Општина Арачиново потрошила околу 7 илјади евра во ресторани и кафеани, но повеќето од трошоците немаат допирна точка со репрезентација.

Па, така, редовно во Општината се купувале кроасани „севн дејс“, влажни марамчиња, мирисливи свеќи од лаванда, ванила, портокал, релаксирачки освежувачи за простор, кремови за раце… Општината трошела и за овошје, се купувале банани, ананас, киви. Од парите за репрезентација се издвојувало и за средства за чистење стакло, ламинат, „доместос“, влажни марамчиња, солна киселина, бришачи за стакло.

Но, не се застанало тука, па Општината решила да се поднови и во делот на домаќинството – минатата година во јануари Арачиново се подновило со решо, дрвена лажица, чајник, тацни и лажици за чај, калап за печење мафини и 5 алуминиумски овали.

Иако парите за репрезентација по правило се користат за ручеци и вечери кога доаѓаат странски делегации или претставници на државни институции, Општина Арачиново ги трошела на маслинки, пилешки шунки, руски салати, гуми за џвакање, димено месо, босански суџук, шеќер, чоколади. Еден ваков шопинг Општината ја чинел од 7 до 8 илјади денари.

Поголем дел од парите бил трошен во ресторани и кафеани, но во документите не пишува кој јадел и пиел ниту, пак, со каква цел бил одржан ручекот или вечерата, а само за дел може да се види што било нарачувано со парите. Најчесто сметките изнесуваат од 50 до 100 евра, но има и сметки од 500 евра за ручек или вечера.

Градоначалничката на Арачиново, Миликије Халими, два дена не беше достапна да одговори на нашите повици и да образложи дали со парите за репрезентација се купувале работи за домашна употреба или, пак, калапите за печење мафини биле за потребите на Општината.

Трошоците за репрезентација во општините не се регулирани на национално ниво, а само некои од општините имаат донесено правилници во кои се регулира како треба да се трошат парите за оваа намена.

Прикажи повеќе...

Истражувања

Фондот за иновации прво одобрил грант од 200 илјади евра на сопругот, па ја вработил сопругата

Објавено пред

Фондот за иновации и технолошки развој на крајот на јули годинава одобрил грант на Александар Гаврилоски, сопственик на „Билд ДООЕЛ Скопје“, а пред две недели ја вработил сопругата на Гаврилоски, Неда Икономова- Гаврилоска. Таа и пред вработувањето работела во Фондот, но како надворешен соработник. Директорот на Фондот за иновации, Јован Деспотовски не гледа ништо спорно во апликацијата за грант на компанијата „Билд“.

„Во моментот кога компанијата аплицирала за грантот, Неда Икономова-Гавриловска не беше вработена во Фондот за иновации и технолошки развој. Неа, како и многумина други ги ангажираме повремено за одделни проекти. Комисијата каде учествувала Икономова е формирана за ‘Предизвик за млади истражувачи’ (основни и средни училишта), со други надворешни членови. Нема никаква врска со Комитетот за одобрување на инвестиции на Фондот (лица именувани од Влада), што работи на евалуација на проектите од компаниите под сосема други повици и процедури“, вели директорот Деспотовски.

На „Билд ДООЕЛ“ Фондот му одобрил грант од 12.648.160 денари или околу 205 илјади евра за проектот „Примена и реализација на иновативен концепт за изградба на заштитни конструкции за земјоделски насади во секторот земјоделство“. Директорот Деспотовски вели дека иако е одобрен грантот, договорот со оваа компанија не е потпишан. Не поради непотизам или конфликт на интереси туку поради недовршена правна процедура.

„‘Билд’ си алицирал во планот за економски раст. Одлучувањето е надворешно целосно, тоа го прави Комитетот за одобрување инвестиции во Фондот за инвестиции. Комитетот одлучил да се додели грантот, но бидејќи не е комплетирана правната процедура, со нив не е потпишан договорот и не се исплатени парите“, изјави за „Макфакс“ директорот Деспотовски.

Ова е само последниот од низата скандали кои го следеа грантирањето во Фондот за иновации по објавувањето на грантистите на крајот на јули годинава. По силниот притисок во јавноста, први од одобрените грантови се откажаа компаниите поврзани со вицепремиерот за економски прашања, Кочо Анѓушев, и пратеникот Хари Локвенец. Поради нив, Фондот побара од сите добитници на грантови да се изјаснат дали се поврзани со носители на јавни функции. Од вкупно 77 компании, поврзаност со функционери пријавија четири. Тоа се компаниите поврзани со советничката за култура на премиерот, Цветанка Ласкова, со актуелниот министер за култура, Асаф Адеми, со поранешниот амбасадор Јован Донев и со поранешниот министер без ресор Веле Самак.

На компанијата „Декодикс“ на снаата на Ласкова ѝ беше одобрен грант од 19.925.977 денари. Снаата, Христина Керкез, се иззема од сопственичката структура, но и покрај тоа компанијата не ги исполни условите да добие пари од државата бидејќи е оценета како компанија со среден, кон висок ризик од влијанието на Ласкова. Нешто помалку, односно 19.925.977 денари беа одобрени на „Микросам“ на поранешниот министер без ресор Веле Самак. И оваа компанија е оценета како средно ризична од влијанието на јавниот функционер, но нејзината оценка се ближи кон низок ризик. Оценка среден ризик од надворешниот оценувач „Транспаренси интернешнал – Македонија“ добија и „Контура“ на Елена Донева поврзана со поранешниот амбасадор Јован Донев со одобрени 3.638.655 денари и „Т – сенс“ поврзана со актуелниот министер за култура Асаф Адеми, на која ѝ се одобрени 4.113.041 денари.

Фондот со овие четири компании не ги потпиша договорите оти се очекува одлука од Комитетот за одобрување инвестиции во Фондот за инвестиции по нивните изјави дека се поврзани со носители на јавни функции.

Од Фондот најавија дека Комитетот ќе ги донесе конечните одлуки за четирите компании на следната седница, закажана за 24 јануари.

Прикажи повеќе...

Најново

Македонија47 минути

Поради големото загадување на воздухот, се продолжува распустот за сите ученици

Поради големото загадување на воздухот, се продолжува зимскиот распуст за сите ученици заклучно со вторник 22 јануари, соопшти Владата на...

Македонија59 минути

„Никоб“: Обврската на вработените е да обезбедуваат, а не да напаѓаат новинари

Националната агенција за обезбедување „Никоб“ и годинава традиционално ја обезбедуваше манифестацијата на положување на Светиот Крст во водите на Вардар....

Регион1 час

(Видео) Во Атина протести против Преспанскиот договор, солзавци и нереди

Грците излегоа на протести пред зградата на парламентот против Преспанскиот договор за промена на името на Република Македонија. Уште на...

Спорт2 часа

Македонија се намачи, но го победи Чиле

Македонија официјално го заврши настапот на Светското првенство во ракомет во Германија и Данска со пласман на 15. место, откако...

Македонија4 часа

Бесплатен јавен превоз, поскап паркинг и запирање на градежните работи поради загадувањето

Наместо градоначалникот на Град Скопје Петре Шилегов, на прес-конференција денеска се појави неговиот портпарол Ваљон Салиху кој ги соопшти чекорите...

Свет5 часа

Британците го молат принцот Филип да ја врати возачката дозвола

Војводата од Единбург е забележан како вози нов „Ленд Ровер“, два дена откако учествуваше во сообраќајна несреќа на пат во...

Свет6 часа

(Видео) Ужас во француски ски-центар, две лица изгореа во пожар во хотел

Најмалку две лица загинаа а повеќе се повредени во пожар кој изби во хотел рано утрово, во ски ресортот Куршевел...

Свет6 часа

(Видео) Силен земјотрес во Чиле, двајца загинати и илјадници без струја

Силен земјотрес со интензитет од 6,7 степени по Рихтер го погоди средишниот и северниот дел на Чиле. Најмалку две лица...

Свет7 часа

Трамп понуди договор за миграција во замена за блокадата на Владата

Американскиот претседател Доналд Трамп предложи договор за миграција во кој за финансирање на ѕидот на границата со Мексико, тој нуди...

Економија7 часа

СДСМ: Кон средината на годината ќе се воведе поврат на ДДВ за физички лица

Владата предводена од СДСМ во претстојната 2019 година продолжува да ги спроведува зацртаните мерки што се во интерес на граѓаните,...

Македонија20 часа

Загаденоста на воздухот во Прилеп 20 пати над дозволеното

Прилеп вечерва доживува рекорди во загаденост на воздухот. Концентрацијата на ПМ10 канцерогените честички достигна дури 1012 микрограми, што е за...

Македонија21 час

Повредена новинарка на Канал 5 на одбележувањето на Водици

Новинарката Мирјана Мирчевска од Канал 5 телевизија заврши во болница со повреда на вратот и на раката откако, за време...

Свет23 часа

Масовни протести во Унгарија против премиерот Виктор Орбан

Неколку илјади Унгарци протестираа денеска во Будимпешта против премиерот Виктор Орбан и неговиот закон за прекувремени часови, кој досега неколкупати...

Свет23 часа

(Видео) Расте бројот на загинати во најголемата експлозија на нафтовод во Мексико

Билансот на загинати во силната експлозија на нафтовод во Мексико се искачи на 66 луѓе. Повредени се 76, изјави гувернерот...

Македонија1 ден

Загадувањето во Битола, Тетово и Струмица до шест пати над дозволеното

Присуството на штетните ПМ10 честички во воздухот во Битола, Тетово и Струмица, во изминативе два дена било и до шест...

Топ1 ден

Расправија во кафеана му претходела на пукањето во Кочани, напаѓачот е во бегство

На пукањето што се случи вчера околу 17 часот во угостителски објект во Кочани, а во кое едно лице беше...

Регион1 ден

Епидемија во Хрватска, девет лица починаа од грип

Девет лица починаa од грип во Хрватска, но за два смртни случаи во Сплит сè уште се чекаат официјални информации,...

Македонија1 ден

Директор на основно училиште склучувал договори во четири очи, го оштетил Буџетот за 1,2 милиони денари

Директор на основно училиште во Кратово, без да објавува јавни огласи, склучувал договори во четири очи за набавка на разни...

Македонија1 ден

Скопјани се гневни откако градот се искачи на прво место по загаденост во светот

Социјалните мрежи се преполни со реакции, откако вчеравечер Скопје се искачи на првото место по загаденост во светот.   Мерните...

Македонија1 ден

82 обвинители ја тужат државата за неисплатени додатоци на плата

82 обвинители од јавните обвинителства низ земјава ја тужат државата пред домашните судови за неисплатени додатоци во вкупен износ од...

Досие