Контакт

Daily news

Das ist д-р Неле Карајлиќ!

Објавено пред

 

dobivaj vesti na viber

На денешен ден (6 април) пред четврт век започна војната во Босна и Херцеговина. Ниту една војна нема една вистина. Некогашниот заштитен знак на бендот „Забрањено пушење“ и ТВ серијата „Топ листа надреалиста“ во Скопје го претстави неговото романескно видување на Сараево од неговите најубави години.

Средовечен господин и неговата сопруга влегуваат во скопскиот хотел „Русија“. Господинот се приближува до пултот и му се обраќа на рецепционерот дека има резервирана соба на име Ненад Јанковиќ. Рецепционерот, по кратко пребарување во листата, љубезно му одвраќа дека нема резервација на такво име.
„Ох, извинете, а дали има резервација на име Неле Карајлиќ?“, прашува гостинот. По потврдниот одговор веќе нема недоразбирања – Dast ist (Ова е) д-р Неле Карајлиќ, некогашниот фронтмен на сараевскиот бенд „Забрањено пушење“ и популарната ТВ серија „Топ листа надреалиста“. Тука, секако, е алузијата на првиот албум на бендот „Das ist Walter“, насловен според репликата од крајот на филмот „Валтер го брани Сараево“ на Хајрудин Крвавац, во која нацистичкиот германски офицер го посочува цело Сараево како непокорен град во Втората светска војна, амблематски претставен преку водачот на движењето на отпорот Валтер (Велимир-Бата Живоиновиќ). Патем, ова се случува во градот во кој Карајлиќ пред 36 години, тогаш само како „војник Ненад Јанковиќ“, служел во ЈНА.

Така Неле го остави багажот во собата, се освежи, и заедно со сопругата Сања дојде на Саемот на книгата, каде што Трендо пред бројната публика го промовираше македонското издание на неговата книга „Фајронт во Сараево“ (издавач е „Арс Ламина“).
„„Ретки се писателите популарни како мене, ха, ха. Се шегувам, не сум човек кој паѓа на популарност. Не велам дека не ми е мила популарноста, но таа не е единствениот мотив да се занимавам со книжевноста, како што некогаш се занимавав со рокенролот“, , вели Неле на почетокот на нашиот разговор.

Секое зло за добро

Веројатно на целиот Балкан постои изреката дека некое зло понекогаш е со добри резултати. Инфарктот што го доживеал Неле Карајлиќ пред 6 години бил последица на неговиот дотогашен турбулентен стил на живот. Па, кога веќе морал да се откаже од интензивното занимавање со музиката и концертите, Неле седнал – а можеби уште лежел во болничката постела – кога го почнал неговиот роман „Фајронт во Сараево“. Приказната започнува со неговиот инфаркт во Младеновац, гратче близу Белград, и посетата на двајца „менаџери“, Судбината и Смртта. И двајцата му нудат „договори“, па Неле, размислувајќи за нив, решава да ја остави во аманет неговата слика во зборови на родното Сараево од најубавите години. Тој град во седумдесеттите и осумдесеттите години на минатиот век беше епицентарот на ексјугословенската музичка, филмска („Се сеќаваш ли, Доли Бел“ и „Татко на службен пат“ на Кустурица, „Кудуз“ на Адемир Кеновиќ), театарска (проектот „Аудиција“, Младен Материќ) и поп-културна сцена. Добриот (колективен) дух на југословенството, со сите негови доблести и маани. Конечно, но не и најневажно, и најдобрите вицеви и шеги беа „made in Sarajevo“…
Неле Карајлиќ вели дека Горан Бреговиќ и Влатко Стефановски со нивната музика можеле да бидат и од Белград и Подгорица, но „Забрањено пушење“ и „Топ листа надреалиста“ можат да се идентифицираат првенствено и единствено со Сараево. Како во големите и страсни љубовни врски, еднаш прекинатата релација на Неле со Сараево веќе никогаш не можеше да биде обновена. Барем не на пријатен начин.
Во годините по воената халварија на екс Југославија и, посебно крваво, на Босна и Херцеговина, во Сараево се враќаа и Бреговиќ и Здравко Чолиќ, но никогаш Неле и Емир Кустурица. Кустурица „стигна“ до Вишеград, каде што го основа Андриќ-град (нарекуван и Камен-град). Неле, пак, пред две години, заедно со веселото друштво од Јахорина, и на нивно големо инсистирање за прв пат по 25 години се спуштил во Сараево. Тоа му било и последен, бидејќи иако бил во приватно друштво и во тивок ресторан доволни биле два пара очи на случајни минувачи па најпрвин социјалните мрежи да се запалат со коментари за неговото присуство во Сараево, а потоа да се создадат услови и за вистински пожар и немили сцени.
Неле, така, по втор пат физички заминал од Сараево. Во „Недеља кад је отишао Хасе“, една од култните песни на „Забрањето пушење“, последниот натпревар кој го одиграл фудбалерот Асим-Хасе Ферхатовиќ е само „продолжена“ стилска фигура која го опишува заминувањето на Јосип Броз Тито. Има нешто во тоа што денешно Сараево не го сака Карајлиќ со сличниот интензитет како што некогашното Сараево го сметаше за свој заштитен знак. Го памети ли Неле денот кога за прв заминал од Сараево?

„Секако, тоа беше 2 април, четврток, 1992 година. Мојата приказна за раскинот со Сараево е малку поинаква со онаа на Кустурица. Кај него аспектот беше повеќе национално обоен, додека кај мене беше социјален. Во секој случај, и јас и Кустурица имаме сличен табу во денешно Сараево“, вели Карајлиќ.
Интересно е што и највлијателниот лик на рокенрол сцената од ерата на осумдесеттите, Бранимир Џони Штулиќ од „Азра“, од 1990 година е заминат во Холандија, и до сега не успеале никакви молби и обиди на загрепчани да го вратат назад.

„Џони размислува на свој начин и си го живее својот живот. Не знам дали делиме слична судбина, бидејќи Џони е во доброволен егзил. Тој не сака да се врати во Загреб, а мене не ми даваат да се вратам во Сараево. Денес не сакам да се вратам, но и кога сакав, не ми даваа“, објаснува Карајлиќ.

Илегалниот живот на рокенрол ѕвездите

Карајлиќ вели дека припадниците на сараевската младина, како деца на комунизмот и партизанските филмови, меѓусебно си давале прекари како некогашните илегалци.Тогашното урбано рокенрол движење „Нов примитивизам“ било сметано за субверзивно, па Неле вели дека добро им дошле прекарите по кои биле познати во јавноста. Кога стиховите од песните на „Забрањено пушење“ или неговата реченица „Црко нам маршал“ на концерт во Риека, алудирајќи на Тито а „вадејќи“ се на името на засилувачот (кој, сепак, бил од марката „Vox“), биле на дневен ред на босанскиот или југословенскиот Централeн комитет на Сојузот на комунистите, „чуварите“ на идеолошкиот дух барем не им ги знаеле вистинските имиња.
„Вистинските имиња не ни ги знаеа ниту националните и воените лидери кога започна војната во Босна и Херцеговина, што уште еднаш ја потврди нашата далекувидност“, полушеговито додава Неле.

Самопрогласениот д-р Карајлиќ вели дека постојат многу сопственици на титули „доктор на науки“. стекнати со лажни научни трудови, а само тој е единствениот лажен доктор. Оваа „титула“ ја добил од рајата од маалото, бидејќи бил многу дрдорлив. Неговиот татко Срѓан бил вистински доктор на науки, професор по арапски јазик, книжевност и философија на факултетот за ориенталистика на сараевскиот Универзитет, чиј што студент бил и Карајлиќ. Најпрвин рокенролот, а подоцна и војната, го спречиле Неле да ги положи преостанатите два-три испити и да има барем вистинска титула ориенталист.
„Од него како татко и како професор научив многу работи, ме подготви за времињата кога многу патував по светот, а тоа е дека постојат разни култури и цивилизации, и дека секоја од нив не е подобра или полоша, туку е посебна. Арапскиот јазик го заборавив, бидејќи го студирав пред 30 години, но предизвикував неочекуван ефект пред десеттина години на турнеите со ‘No smoking orchestra’ (белградската верзија на ‘Забрањено пушење’), во Турција или по арапските земји, кога на публиката ќе им се обратев на арапски или турски јазик. Добивав неподелени симпатии“, се сеќава Неле.
Тој беше миленик на ексјугословенсјката публика и заради нескротливиот темперамент со кој ја „ораше“ сцената, се качуваше на звучниците или скокаше во публиката. Знаеше да го земе цвеќето од рацете на водителката на некогаш популарниот ТВ фестивал во Неум и да го изеде, без разлика што подоцна заврши во болница заради тешки отоци на устата, бидејќи цвеќето било прскано со пестициди.

Некогаш и негде

Денес, кога се сеќава на периодот на „Забрањено пушење“, вели дека четирите издадени албуми се дури и премногу за тоа што го направиле.
„Не може да се спореди тоа време со денешното. Ние пет години чекавме на можноста да го снимиме првиот албум, а денешните клинци веднаш ќе стават своја песна на Јутјуб“, смета Карајлиќ.
Како негов последен албум со философијата на „Забрањено пушење“ го смета „Ја нисам одавде“, снимен во 1997 година во Белград, на кого има и дел од неговата музика за филмот „Црна мачка, бел мачор“ на Кустурица. Насловот на тој албум звучи како тригер за неговиот роман.
„Да, можеби е така, но среќа што Господ ме поштеди да го пишувам тогаш, бидејќи приказната ќе беше многу погорчлива. Вака, со дистанца од 20 години, многу сум пореален од тој период“, смета Неле.
Подоцна следуваше ерата на „No smoking orchestra“ со Кустурица, па кавгата со него. И денес не комуницираат, иако како што вели Неле, веќе не се ни сеќава зошто се скарале. Затоа, пак, останува документарецот „Super 8 stories“ („Приказни на камера суперосумка“) на истиот Кустурица како документ за поствоеното „Забрањено пушење“ со интернационален опус, но и за едно пријателство. А токму во овој документарец, во делот за настапот на Неле и “No smoking orchestra“ во Лондон, свое видување за „Забрањено пушење“ дава и Џо Страмер (од некогаш култната панк-група „Клеш“), дефинирајќи ја нивната музика како луда грчко-еврејска музика на минатото и иднината.

Каква ќе биде иднината на Карајлиќ? Можеби повеќе свртена кон театарот и мултимедијалната сцена. Веќе ја има поставено претставата „ФБИ диосиеја Тесла“ во новосадскиот театар, а течат и преговорите со македонските театри за нејзино гостување. /крај/мф/сс

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

dobivaj vesti na viber

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

dobivaj vesti na viber

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

dobivaj vesti na viber

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Македонија37 минути

Вработените во „Еуроникел“, кои останаа без работа, ќе добијат можност да се вратат во фабриката, новите газди со производството почнуваат во јуни

Речиси 600 вработени во кавадаречката фабрика „Еуроникел индустри“ ќе добијат можност повторно да се вратат на работа во следните 90...

Македонија1 час

Тошковски: Приведен е и трет осомничен во врска со убиството на лекарот во скопска Железара

Техничкиот министер за внатрешни работи, Панче Тошковски, денеска изјави дека е приведено уште едно лице во врска со убиството на...

Економија3 часа

Трендафилов најави неколку протести: Во вторник ќе ги охрабриме судиите да ја преиначат срамната пресуда за конфискација на Работничкиот дом

Претседателот на ССМ, Слободан Трендафилов, денеска, на прес-конференција, за 2 април најави протест, кој ќе почне пред седиштето на ССМ...

Топ4 часа

Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец

Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против...

Македонија4 часа

(Видео) „ДПМНЕ и Тошковски ја загрозуваат безбедноста на граѓаните“, вели Талевски

„Два месеца откако ВМРО-ДПМНЕ го презеде раководењето со Министерството за внатрешни работи, безбедносната состојба во Прилеп никогаш не била полоша....

Економија4 часа

„Растот на платите со кои се фали Битиќи е лага, платите се стопија со порастот на трошоците на живот“, велат од ВМРО-ДПМНЕ

„Уште една голема манипулација на СДСМ кои се во очај! Во отсуство на било какви економски резултати, Фатмир Битиќи на...

Македонија7 часа

Ванковска: Преспанскиот и бугарскиот договор се колонизаторски договори

Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека...

Свет7 часа

Масовен руски напад врз Харков: Бомби паѓаа цела ноќ, две лица загинаа

Во текот на ноќта руските војници гранатираа 17 населени места во областа Херсон, при што загинаа две лица, а четворица...

Свет8 часа

Две тела пронајдени во автомобил под урнатиот мост во Балтимор, паднале од височина од 50 метри во водата

Полицијата во американската сојузна држава Мериленд објави дека две тела биле пронајдени во автомобил во реката Патапско, каде што мостот...

Македонија8 часа

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат Асаф Еисин, велат од ВМРО-ДПМНЕ

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф...

Регион8 часа

Потрагата по Данка Илиќ продолжува трет ден, се проверуваат телефоните на родителите

И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување...

Свет8 часа

Путин: Обвинувањата дека Русија ќе ја нападне Европа по Украина се целосна глупост

Рускиот претседател Владимир Путин ги осуди обвинувањата на Западот дека Русија планира да се бори против Европа. Ги нарече „целосна...

Свет8 часа

Маж во Илиноис уби четири лица и избоде петмина, нападот траел 20 минути

Четири лица загинаа, а пет се повредени во напад во Рокфорд, Илиноис, додека 22-годишен осомничен е уапсен. Полицијата, исто така,...

Македонија23 часа

Турската демократска партија се приклучува на Европскиот фронт, Ахмети: Овој сојуз е историски

По потпишувањето на коалицијата за Европскиот фронт со ДПА на Мендух Тачи, Народното движење на Скендер Реџепи Зејд, ПДЕ на...

Македонија1 ден

Тошковски: Ќе сторам сè МВР да гарантира организирање на безбедни избори

Денеска министерот за внатрешни работи Панче Тошковски присуствуваше на панел дискусија „Зајакнување на соработката помеѓу институциите за проценка на изборните...

Македонија1 ден

Дисциплински постапки за петмина полицајци за пукањето пред тетовската болница

Поднесени се две две кривични пријави од СВР Тетово против М. Т., полициски службеник во Полициската станица за граничен надзор...

Македонија1 ден

ГРОМ, Интегра и ПЦЕР се здружија: коалицијата „Храбро за Македонија“ нема да поддржи уставни промени ниту пред ниту по изборите

Политичките партии Граѓанската опција за Македонија (ГРОМ), Интегра и Партијата за целосна еманципација на Ромите (ПЦЕР) денес се здружија во...

Македонија1 ден

„Вреди“: Албанците нема да му простат на Бујар Османи за случајот Монструм

Претходно кога објаснувавме кој е Бујар Османи, дојде време да се откриваат неговите корупциски скандали, но и политичките ставови што...

Македонија1 ден

Мицкоски: Имаме принципиелен договор за настап на парламентарните избори врз кој ќе функционираме како идна влада

Ние имаме принципиелни разговори и преговори и принципиелен заеднички договор за настап на следните парламентарни избори и очекуваме понатаму, врз...

Свет1 ден

Бајден: Да ja ​​заштитиме Украина од месарот Путин

Американскиот претседател Џозеф Бајден уште еднаш го навреди рускиот претседател Владимир Путин говорејќи пред гласачите во американската сојузна држава Северна...