Македонија
Мицкоски презентираше детали од договорот за пописот пред претставници од иницијативата „Не отворам врата“

На средба со претставници од иницијативата „Не отворам врата“, денека ги запознав со деталите од постигнатиот договор за одложување на пописот, соопшти на социјалните мрежи лидерот на ВМРО-ДПМНЕ, Христијан Мицкоски.
„Заеднички се согласивме дека е добро што е одложен пописот поради лошата епидемиолошка слика и разгорената ковид-пандемија која секој ден одзема по триесетина животи и заразува по 1.300 наши сограѓани“, се вели во неговата објава.
Како што додава Мицкоски, на средбата била изразена согласнот дека нема да се поддржат резултати од попис кој нема да биде спроведен по методологијата и стандардите на Еуростат и европските практики.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Најдено починато лице во близина на пожар во Кривопаланечко

Едно лице е најдено починато во близина на пожар во сeлото Лозаново, Кривопаланечко, соопшти МВР.
Во присуство на јавен обвинител се врши увид.
Македонија
Општина Крива Паланка до граѓаните: Излезете и помогнете, состојбата со пожарите е сериозна

Крива Паланка попладнево е зафатена од голем пожар. Од општината информираат дека огнот претставува сериозна закана за домовите, шумите и животите на граѓаните.
Се апелира до сите жители да се вклучат во гаснењето.
„Ситуацијата е критична – не е време за чекање или размислување. Апелираме до сите граѓани што се во можност: излезете и помогнете!“ – се вели во пораката од Општина Крива Паланка.
На терен делуваат пожарникари, волонтери и вработени од општинските служби.
Македонија
Средба на претседателката Сиљановска-Давкова со гувернерот на Народната банка, Славески

Претседателката Гордана Сиљановска-Давковa денеска оствари прва работна средба со гувернерот на Народната банка, Трајко Славески, на којашто се разговараше за актуелните економски и монетарни состојби во земјата и важноста на стабилна и независна централна банка за долгорочниот економски развој.
Претседателката Сиљановска-Давкова беше информирана за монетарната политика, стабилноста на девизниот курс, инфлациските текови и состојбите во банкарскиот систем.
Таа ја истакна важноста на унапредувањето на меѓуинституционалната соработка и координацијата на економските политики со цел одржување на макроекономската стабилност и поттикнување на инвестициите и растот.
Гувернерот Славески ја нагласи определбата на Народната банка за проактивно следење на глобалните и домашните економски движења и приспособување на политиките со цел зачувување на стабилноста и довербата во финансискиот систем.
На средбата беше заклучено дека одржувањето на стабилните и претпазливи политики и конструктивниот дијалог меѓу институциите се основа за натамошен економски напредок на државата.