Македонија
АД ЕСМ: Сите набавки се направени на транспарентен начин во согласност со законот
АД ЕСМ потпиша договор за рамковна спогодба за јавна набавка за сервис и редовни периодични прегледи на гасни мотори во подружницата „Енергетика Скопје“ со економскиот оператор „Спектартермо“ ДОО Скопје.
„Компанијата ‘Спектартермо’ е единствена компанија што има лиценца за извршување ваква дејност. Официјална лиценца претходно имала компанијата ‘Флекспауер’, но годинава им е одземена лиценцата од производителот и ѝ е дадена на нова компанија“, велат од компанијата.
Појаснуваат дека во согласност со Законот за јавните набавки, кога се работи со преговарање, а се преговара само и единствено со компании што се овластени и единствени за вршење одредена дејност, АД ЕСМ продолжува со преговорите со оние што ја имале лиценцата, во овој случај се работи за компанијата „Спектартермо“, која е единствена која има лиценца за вршење оваа дејност.
Јавната набавка е спроведена во согласност со Законот за јавните набавки и Бирото за јавни набавки, децидни се од АД ЕСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Претрес и кај Иџет Мемети во случајот со барањето поткуп
Синоќа по наредба на судија на претходна постапка извршен е претрес во домот на членот на Советот на јавни обвинители Иџет Мемети во Тетово и претрес во службените простории на Советот на јавни обвинители.
Претресот е поради сомнеж дека Мемети заедно со врховниот судија, Наке Горгиев, имал влијание злоупотребувајќи ја позицијата член на Советот на јавни обвинители во случајот барање на мито за олеснителни околности.
Мемети е и поранешен министер за правда, уставен судија, државен советник во Владата и член на Државната изборна комисија.
Судијата Наке Георгиев вчера беше приведен, откако бил фатен со мито.
Македонија
Османи изрази задоволство за донесената одлука за отворање на Aмбасада на Казахстан во Скопје
Министерот за надворешни работи, Бујар Османи денес ги прими копиите од акредитивните писма на новоименуваниот вонреден и ополномоштен амбасадор на Република Казахстан во Република Северна Македонија, Сатибалди Буршаков.
Министерот Османи изрази задоволство за донесената одлука за отворање на Aмбасада на Казахстан во Скопје, при што беше констатирано дека ваквиот потег ќе придонесе кон продлабочување на односите меѓу двете земји.
Соговорниците го поздравија и досегашниот развој на билатералните односи и разговараа за потенцијалите за натамошно унапредување на севкупната соработка, со посебен акцент на можностите за зајакнување на соработката на полето на економијата, трговската размена, туризмот, културата и образованието.
Скопје
Дел од неколку скопски општини без струја
Регионалниот центар за управување со кризи на Град Скопје, по добиеното известување од ЕВН, ги известува граѓаните дека поради технички зафати во електро дистрибутивната мрежа без електрична енергија ќе останат:
· од 08:00 – 14:00 часот, корисниците од дел од с. Студеничани. (Општина Студеничани)
· од 09:00 – 14:00 часот, корисниците од дел од улиците: Ринхини и Езерци во нас. Влае. (Општина Карпош)
· од 10:00 – 12:00 часот, корисниците од ул. Пелистерска бр. 2, во нас. Карпош 3. (Општина Карпош)
· од 13:00 – 14:30 часот, корисниците од дел од ул. Миле Поп Јорданов, (објектите во околината на Градинката Пролет). (Општина Карпош)