Македонија
(Видео) Арсовски: Дали Заев не воведува еколошка такса за петрол кокс само затоа што негова фирма го користи?
Лицемерието на Заев и СДСМ со воведувањето на еколошката такса за горивата, односно покачувањето на цената на горивата за граѓаните се покажува на дело, обвини Димче Арсовски, портпарол на ВМРО-ДПМНЕ.
Според него, со новиот закон не се воведува еколошка такса за деривати и енергенси кои загадуваат десетици пати повеќе, а тоа, според него, е од причина што фамилијата Заеви не сака да даде, туку сака да земе.
„Замислете, според нашите информации, петрол коксот што се увезува, или нафтениот кокс познат во јавноста, загадува десетици пати повеќе од горивото што го возат граѓаните, а го користат многу фабрики низ Македонија, но главниот интерес, според нашите информации, за невоведување еколошка такса за овој дериват, односно енергенс е токму кај семејството Заеви“, рече Арсовски.
Според него, нивната циглана „Еленица“ годишно троши над 3.500 тони петрол кокс. Арсовски потсети дека во 2019 година била укината акцизата за петрол кокс.
„Еве јавно прашуваме дали ‘Еленица’ користи петрол кокс и дали е амнестирана од овие давачки? Акцизата во просек излегувала околу 45-50 евра по тон петрол кокс зависно од јачината на енергенсот, што значи дека на контото на Заеви со укинување на оваа давачка одат над 170.000 евра годишно. Наместо да дадат на државата за тоа што загадуваат, тие практично земаат“, рече Арсовски.
Тој повтори дека ВМРО-ДПМНЕ на секој можен начин ќе го блокира ова, како што кажа, покачување на цените на горивата за граѓаните.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ВМРО-ДПМНЕ: Над 180.000 гласови предност се обврска за ВМРО-ДПМНЕ Македонија повторно да ја врати на народот
180.000 гласа разлика во корист на Силјановска Давкова и ВМРО-ДПМНЕ пред Пендаровски и СДС е порака дека народот сака промени и крај на понижувањата, соопштија од ВМРО-ДПМНЕ.
„Народот не поддржува политика на понижување на Македонија. Граѓаните јасно кажаа дека се против криминалот на СДС и ДУИ. 7 години Македонија тоне на секое поле. На почеток на секоја учебна година немаше учебници за учениците, за болните немаше лекарства, за земјоделците немаше откуп. Народот не се чувствуваше безбеден, криминалот царуваше по улиците“, велат од ВМРО-ДПМНЕ.
Како што истакнуваат, народот не сака да живее повеќе во несигурност.
„Над 180.000 гласови предност се обврска за ВМРО-ДПМНЕ Македонија повторно да ја врати на народот. Победата во вториот круг ќе биде уште поголема, а СДС и Пендаровски, заедно со нивните газди од ДУИ никогаш повеќе нема да бидат во позиција да го понижуваат народот. Македонија повторно твоја“, завршуваат од ВМРО-ДПМНЕ.
Македонија
ЦУК: Коловозите во државата на многу места се влажни и имало ситни одрони на сите патни правци
Во Центарот за управување со кризи, имало вкупно 1 694 повици на единствениот повикувачки број за итни случаи 112.
Од нив „реални“ повици биле 49,82 отсто, а 50,18 отсто биле за други потреби на граѓаните што не биле итни. Кон полиција биле упатени 69,92 отсто и кон итната медицинска помош 28,91 отсто од реалните повици кон 112 во ЦУК.
Во последното деноноќие немало евидентирани пожари на отворено.
Од ЦУК потсетуваат дека коловозите во државата на многу места се влажни и имало ситни одрони на сите патни правци во последното деноноќие.
Екипите ги отстранувале одроните на патот и нема прекин на сообраќајот.
Сервисни информации
Преку денот сончево со мала до умерена облачност, утрото претежно ведро и наместа постудено
Времето денеска со претежно ведро и наместа постудено утро. Преку денот ќе биде сончево со мала до умерена облачност. Попладне во планинските региони ќе има услови за краткотраен локален дожд. Ќе дува слаб до умерен ветер претежно од западен правец. Минималната температура ќе биде во интервал од -1 до 7, а максималната ќе достигне од 16 до 23 степени.
Во Скопје ќе биде сончево со мала до умерена облачност и со слаб ветер од северозападен правец. Минималната температура ќе се спушти до 3, а максималната ќе достигне до 21 степен.
Во сабота попладне ќе има услови за локална нестабилност со краткотраен пороен дожд и грмежи. Потоа следува период на стабилно и топло време.