Македонија
(Видео) Градинката „Мајски цвет“ доби нов објект во населбата Тафталиџе 2
Градинката „Мајски цвет“ во скопската населба Тафталиџе 2 доби целосно нов објект, со што капацитетот за сместување на деца е зголемен за дополнителни 150 метри квадратни, информираат од Општина Карпош.
Од локалната самоуправа додаваат дека стариот објект од монтажен карактер е заменет со нов од цврста градба, при што истиот е енергетски ефикасен и нуди можност за сместување на 95 деца.
Со новиот објект на градинката се отвораат дополнителни четири простории, кои се опремени со нови дидактички материјали (играчки и едукативни средства изработени од екоматеријали, интерактивни ѕидови за цртање и нов мебел и опрема).
При денешната работна посета, градоначалникот на општина Карпош, Стефан Богоев, и министерката за труд и социјална политика, Мила Царовска, посочија дека продолжуваат со унапредување на условите во предучилишното образование.
„Со ова темпо продолжуваме и во претстојниот период, каде што во завршна фаза е опремувањето на целосно новата градинка во Бардовци, а за 2019 година предвидуваме и реконструкција на градинката ‘Мајски цвет’, во Тафталиџе 1. Благодарение на поддршката од МТСП, оваа година го зголемивме и воспитниот кадар во градинките во Карпош, со цел да овозможиме квалитетна детска заштита и сеопфатно предучилишно образование“, рече Богоев.
Царовска посочи дека дидактичките материјали во оваа градинка се меѓу најсовремените и дека објектот ги задоволува сите потребни критериуми и стандарди.
Таа истакна дека заложбата на МТСП и Владата е до крајот на мандатот, 50 отсто од децата на претшколска возраст да бидат вклучени во предучилишното образование.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ВМРО-ДПМНЕ: Над 180.000 гласови предност се обврска за ВМРО-ДПМНЕ Македонија повторно да ја врати на народот
180.000 гласа разлика во корист на Силјановска Давкова и ВМРО-ДПМНЕ пред Пендаровски и СДС е порака дека народот сака промени и крај на понижувањата, соопштија од ВМРО-ДПМНЕ.
„Народот не поддржува политика на понижување на Македонија. Граѓаните јасно кажаа дека се против криминалот на СДС и ДУИ. 7 години Македонија тоне на секое поле. На почеток на секоја учебна година немаше учебници за учениците, за болните немаше лекарства, за земјоделците немаше откуп. Народот не се чувствуваше безбеден, криминалот царуваше по улиците“, велат од ВМРО-ДПМНЕ.
Како што истакнуваат, народот не сака да живее повеќе во несигурност.
„Над 180.000 гласови предност се обврска за ВМРО-ДПМНЕ Македонија повторно да ја врати на народот. Победата во вториот круг ќе биде уште поголема, а СДС и Пендаровски, заедно со нивните газди од ДУИ никогаш повеќе нема да бидат во позиција да го понижуваат народот. Македонија повторно твоја“, завршуваат од ВМРО-ДПМНЕ.
Македонија
ЦУК: Коловозите во државата на многу места се влажни и имало ситни одрони на сите патни правци
Во Центарот за управување со кризи, имало вкупно 1 694 повици на единствениот повикувачки број за итни случаи 112.
Од нив „реални“ повици биле 49,82 отсто, а 50,18 отсто биле за други потреби на граѓаните што не биле итни. Кон полиција биле упатени 69,92 отсто и кон итната медицинска помош 28,91 отсто од реалните повици кон 112 во ЦУК.
Во последното деноноќие немало евидентирани пожари на отворено.
Од ЦУК потсетуваат дека коловозите во државата на многу места се влажни и имало ситни одрони на сите патни правци во последното деноноќие.
Екипите ги отстранувале одроните на патот и нема прекин на сообраќајот.
Сервисни информации
Преку денот сончево со мала до умерена облачност, утрото претежно ведро и наместа постудено
Времето денеска со претежно ведро и наместа постудено утро. Преку денот ќе биде сончево со мала до умерена облачност. Попладне во планинските региони ќе има услови за краткотраен локален дожд. Ќе дува слаб до умерен ветер претежно од западен правец. Минималната температура ќе биде во интервал од -1 до 7, а максималната ќе достигне од 16 до 23 степени.
Во Скопје ќе биде сончево со мала до умерена облачност и со слаб ветер од северозападен правец. Минималната температура ќе се спушти до 3, а максималната ќе достигне до 21 степен.
Во сабота попладне ќе има услови за локална нестабилност со краткотраен пороен дожд и грмежи. Потоа следува период на стабилно и топло време.