Македонија
(Видео) ВМРО-ДПМНЕ предложи 15 мерки за спречување ширење на штетите од делта-сојот
И покрај огромната бројка на починати од коронавирус во Македонија, Венко Филипче, живее во филмот дека спроведувал мерки за заштита на населението, истакна Оливер Зафировски, член на Комисијата за здравство на ВМРО-ДПМНЕ.
„Ефектот од работата на Филипче до сега е речиси 160.000 заразени од Ковид-19 и приближно 6.000 починати. Делта-сојот веќе во Македонија претставува опасност да избувне како нов бран наесен и да предизвика големи проблеми. Државите во светот спроведуваат ригорозни мерки при влез, а само во Македонија нема никаква контрола“, потенцира Зафировски.
Со цел да не биде предоцна, рече Зафировски, Комисијата за здравство на ВМРО-ДПМНЕ претставува 15 предлог-мерки со цел спречување ширење на штетите од делта-сојот на Ковид-19.
„Филипче, наместо да се занимава со други активности, основна цел треба да му биде да го заштити здравјето на сите граѓани во Македонија“, рече Зафировски.
Според него, Комисијата за здравство на ВМРО-ДПМНЕ предлага: професионализација на Комисијата за заразни болести, забрзување на вакцинацијата против Ковид-19, зголемување на контролата на границите, достапност на тестирање на Ковид-19 на целото население, jасен и прецизен бел план за здравствениот систем при новиот бран на Ковид-19.
Во предлог-мерките, според Зафировски, се и зголемување на достапноста за рендген и лабораториските анализи за пациенти заболени од Ковид-19, актузлизирање и обновување на протоколите за третман на Ковид-19, мапирање на здравствениот персонал, план за пациентите со други дијагнози, мапирање на здравствените капацитети, одредување болници посветени на Ковид-19, мапирање на постојната функционална апаратура, достапност на соодветен третман за пациенти со Ковид-19, достапност на лична заштитна опрема, постковид-центри за пациенти што прележале Ковид-19.
„Да го организира здравствениот систем, немаше Македонија да биде на високото 5. место на светската листа на починати на милион жители, немаше да има вакцинирано само 10 проценти од населението во Македонија. Филипче само лаже. Лаже дека го организирал здравствениот систем, лаже дека спроведувал мерки, лаже за набавка на вакцини и за што уште не“, рече членот на Комисијата за здравство на ВМРО-ДПМНЕ, Оливер Зафировски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Сервисни информации
Преку денот сончево со мала до умерена облачност, утрото претежно ведро и наместа постудено
Времето денеска со претежно ведро и наместа постудено утро. Преку денот ќе биде сончево со мала до умерена облачност. Попладне во планинските региони ќе има услови за краткотраен локален дожд. Ќе дува слаб до умерен ветер претежно од западен правец. Минималната температура ќе биде во интервал од -1 до 7, а максималната ќе достигне од 16 до 23 степени.
Во Скопје ќе биде сончево со мала до умерена облачност и со слаб ветер од северозападен правец. Минималната температура ќе се спушти до 3, а максималната ќе достигне до 21 степен.
Во сабота попладне ќе има услови за локална нестабилност со краткотраен пороен дожд и грмежи. Потоа следува период на стабилно и топло време.
Скопје
Без струја делови од општините Петровец, Ѓорче Петвов и Сарај
ЕВН Македонија АД известуваат дека без електрична енергија денеска ќе останат делови од општините Петровец, Ѓорче Петвов и Сарај.
– во периодот од 08.30 до 14.30 часот, корисниците од с. Кожле, Тунел Катланово, с.Бадар (општина Петровец)
– во периодот од 09.00 до 11.00 часот, корисниците од дел од ул. 52 кон обиколница во Стопански Двор ( општина Ѓорче Петвов )
– во периодот од 09.00 до 11.00 часот, дел од корисниците во Сарај кај општината (општина Сарај)
Македонија
Сајкоски: Вчера докажавме дека Македонија не толерира некој да ја тероризира– граѓаните во нас препознаа луѓе кои ќе донесат правда во државата
„Вчера докажавме дека само заеднички, единствени како никогаш досега можеме да успееме. Можеме да успееме заеднички и да прегазиме секој противник, секој оној којшто прави штета на нашата држава и затоа ќе го снајде она што го снајде овој наш противник вчера. Ќе го снајде истото и на 8 мај. Голема победа на ВМРО-ДПМНЕ и коалицијата „Твоја Mакедонија“, голема победа на македонските граѓани и македонскиот народ. Почитувани кичевчани вие го покажавте револуционерниот дух. Тој никогаш не згаснал во вас. Покажавме дека можеме и дека ќе направиме се, дека имаме храброст, дека имаме елан да се спротивставиме и дека ние сме победнички расположени. Победнички за да ја донесеме Македонија онаму каде што и е местото Им дадовме јасно до знаење дека Кичевчани не толерираат повеќе изживување врз нив. Дека Македонија не толерира повеќе некој да ја тероризира! Ние не толерираме да лажат и крадат. Ние таквите ги казнуваме“, истакна на вечерашниот митинг во Кичево носителот на листата на пратеници на ВМРО-ДПМНЕ во ИЕ 5, Ѓорѓија Сајкоски.
Тој исто така повика на уште помасовна излезност на 8 мај за да се донесе историска победа за Македонија.
„Сакам исто така да ве повикам на 8 мај да излеземе во што поголем број и да донесеме историска победа на Македонија. Да донесеме историска победа за ВМРО-ДПМНЕ и коалицијата „Твоја Македонија“, потенцираше Сајкоски.
Тој истакна и дека оваа е историска победа бидејќи граѓаните во ВМРО-ДПМНЕ препознаа луѓе коишто можат да ја донесат правдата во Македонија.
„Ние почитувани испишуваме историја. Испишуваме историја затоа што првпат од позиција на опозиција води некој политички субјект во Македонија со 180 илјади гласови. Испишуваме историја затоа што во нас препознаа македонските граѓани луѓе коишто се чесни, коишто се трудољубиви и луѓе коишто можат да ја донесат правдата во Македонија“.
Тој упати порака и до оние кои не излегоа на гласање дека ако сакаат да живеат во подобра Македонија треба да се придружат во големата победа на ВМРО-ДПМНЕ.
„Ако сме согласни дека треба да имаме подобро здравство, подобро образование, дека инфраструктурата во ИЕ 5 е катастрофална и дека треба да направиме комплетно нова, придружете се. Придружете се во голема победа за Македонија. Придружете се и само така, само единствени може да победиме и може да донесеме влада којашто никој не може да ја уценува и може да донесеме премиер што испорачува. Да испорача да имаме одлична инфраструктура, да бидеме први во регионот наместо последни и да направиме економски бум“, истакна Сајкоски и додаде:
„Поканете го секој, разговарајте со секој затоа што ВМРО-ДПМНЕ и коалицијата „Твоја Македонија“ се политички субјекти којшто мислат добро за сите во Македонија. ВМРО-ДПМНЕ и коалицијата го заслужува вашиот глас, бидејќи ВМРО-ДПМНЕ беше и остана браник на македонската државност“.