Македонија
(Видео) Советниците на ВМРО-ДПМНЕ ќе побараат да се поведе постапка против директорот на „Дрисла“: „Депонијата е јавно претпријатие на сите граѓани“
Денеска е вторник и петти ден откако контејнерите се преполнети и истурени на улиците, вели Стефан Андоновски, советник во Советот на Град Скопје од ВМРО-ДПМНЕ на денешната панел-дискусија со наслов „Предизвиците на главниот град и локалната самоуправа како сервис на граѓаните“.
„Доаѓајќи наваму забележав на главните градски улици, не зборувам за споредните затоа што тоа вчера беше кажано дека главните градски улици се чисти и сега се чистат споредните улици, тоа не точно бидејќи денеска поминував на главните булевари во Скопје, нечистотијата е сè уште присутна“, рече тој.
Андоновски посочи дека градоначалничката Арсовска влегла во една клановска битка со политичка партија и во рамките на таа битка одлучила да брка луѓе од работа од „Комунална хигиена“ укажувајќи дека тоа го направила по 2 години од своето стапување на функцијата.
„Градоначалничката Арсовска влезе во клановска битка со една политичка партија и во рамките на таа клановска битка таа се одлучи да брка луѓе од работа од ‘Комунална хигиена’. И, внимавајте, тоа не го направи пред 2 години кога дојде на функција, но таа чекаше една година, прво, со тогашниот директор, па го разреши, па дојде директорката Мазнева и со неа 11 месеци чекаше да види дали овие луѓе биле во Германија или не биле, а во исто време треба да потсетам дека директорката во првите 2-3 недели од своето функционирање имаше еден тек на непродолжување договори на дело затоа што повторно тезата беше овие луѓе не доаѓаат на работа и никој не ги видел“, изјави Андоновски.
Андоновски го коментира блокирањето на општините Аеродром и Кисела Вода да го одложат сметот во депонијата „Дрисла“ потенцирајќи дека тоа јавно претпријатие е на сите граѓани и дека Арсовска намерно ја блокирала акцијата на градоначалниците на ВМРО-ДПМНЕ сè со цел да прикаже дека наводно таа го решава проблемот.
„Ова затворање на депонијата ‘Дрсла’ мене ми е очекувано, но мора да се има на ум дека таа депонија е на сите нас. Тоа е јавно претпријатие на сите нас и додаде дека со тоа се блокирала акцијата на градоначалниците. Јас проверував дали депонијата ‘Дрисла’ има работно време, но тие работат 24 часа и може во кое било време да се јавите и да одложите отпад. И со тоа се блокира акцијата на градоначалниците. Зошто? За да може градоначалничката да се размавне и да покаже дека таа го решава проблемот. Тоа беше многу интересно, во 2 часот ноќта таа го решаваше проблемот на следниот начин, багер земен од ЈП ‘Улици и патишта’ ги туркаше контејнерите на улица, поминува друг багер ги собира и ги товара во камиони на ЈП ‘Водовод и канализација’ за потоа, замислете, апсурдот да биде најголем, пратена е пожарна да ги мијат улиците. Значи, пожарникари ги миеја улиците од расфрланото ѓубре од страна на Градот“, кажа Андоновски.
Како што најави Андоновски, на следната седница како советничка група на ВМРО-ДПМНЕ, ќе побара од надзорните и управните одбори на ЈП „Дрисла“ да поведе постапка против директорот, како и јавното претпријатие „Комунална хигиена“ да достави извештај за работењето за да се виде кои и колку вработени не оделе на работа.
„На следната седница на Советот на Град Скопје ќе побарам од надзорните и управните одбори да поведат постапка против директорот на ЈП ‘Дрисла’, ја имаат таа надлежност, и во исто време ќе побара од надзорниот и управниот одбор на ЈП ‘Комунална хигиена’ да достави извештај за работењето и да видиме кои и колку се тие вработени кои не оделе на работа“, заклучи Андоновски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Здружението на судии загрижено за изјавите за Управниот суд: со нив се врши притисок врз судиите и судиското одлучуваљње
Здружението на судии во врска со реакцијата на Управниот суд на РСМ, ја искажува својата загриженост за изјавите на поединци со кои, како што се истакнува во соопштението, директно или индиректно се врши притисок врз судиите и судиското постапување и одлучување.
Како што велат, припадноста кон одредена политичка партија и можноста за идно владеење односно учество во извршната власт, не смее да се користи за коментирање, заканување или влијание врз судиското одлучување.
Оценуваат дека таквите изјави се штетни пред се за политичките субјекти кои ги пласираат во јавноста, а истовремено може да се разберат и како обид да се поткопа непристрасноста и интегритетот на судиите.
„Во однос на неоснованите обвинувања кои беа упатени на адреса на Претседателот на Управниот суд на РСМ, како Здружение на судии даваме целосна поддршка на колегите од именуваниот суд и напоменуваме дека секој избран судија е независен во своето одлучување и таа независност му е Уставно загарантирана. Па во тој правец и при најмал сомнеж за евентуален обид за притисок или влијание врз неговата работа, без разлика од кого доаѓа, е должен да ги извести надлежните судиски инстанци. Воедно, сите останати општествени чинители, а особено претставниците на политичките партии се должни да ја почитуваат загарантираната судиска независност што е во духот и на демократскиот развој и Европскиот просперитет на земјата“, потенцираат од ова здружение.
Македонија
Одбиена тужбата на „Европскиот фронт“ за избирачкото место во Долнени
Управниот суд ја одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија” за избирачкото место 1470 во Долнени на Парламентарните избори 2024.
„Европскиот фронт“ поднесе седум тужби против решенија на ДИК на Парламентарните избори 2024.
Досега Управниот суд ja одби како неоснована и тужбата за избирачкото место 1194, во Општина Крушево.
Македонија
Мицотакис со предупредување: Ако некои веруваат дека можат да го игнорираат Договорот, треба да разберат дека нивниот пат кон Европа ќе остане затворен
Грчкиот премиер Киријакос Мицотакис уште еднаш ја предупредува Македонија дека прекршувањето на Договорот од Преспа, со кој се реши долгогодишниот спор за името меѓу двата соседа, ќе ги загрози амбициите на балканската земја за членство во ЕУ, пишува грчки „Катимерини“
Говорејќи од градот Верија во северна Грција за време на неговата кампања пред изборите за Европскиот парламент во јуни, Мицотакис изјави дека трите меморандуми за разбирање поврзани со договорот од 2018 година нема да бидат ратификувани од Парламентот се додека новото раководство во Скопје продолжи со прекршување на договорот.
„Ако некои веруваат дека можат да го игнорираат договорот, треба да разберат дека нивниот пат кон Европа ќе остане затворен, а меморандумите нема да бидат ратификувани освен ако не се почитува она што го предвидува договорот“, рече тој.