Македонија
(Видео) Стоилковски: Функционерите од власта да одговорат зошто се фотографирале со бегалецот од затвор
Избеганиот од Шуто Оризари, Нафи Абдиовски, со единствена затворска казна што чека правосилност, би излегол од затвор на 4 март 2040 година, изјави портпаролот на ВМРО-ДПМНЕ, Наум Стоилковски. Тој рече дека 16 неправосилни пресуди се со единствена затворска казна од 17 години, 6 месеци и 20 дена.
„Нема сектор за внатрешни работи во Македонија каде што Нафи не е баран за престап. Баран е од СВР Свети Николе, баран е од СВР Кичево, баран е од СВР Тетово, баран е од СВР Штип, баран е од СВР Струга, баран е од СВР Скопје. Осуден на 8 месеци, повратник затвореник, чека правосилност за 16 прекршоци и единствена затворска казна од 17 и пол години, спротивно на законот, наместо во ‘Идризово’, го носат во Шуто Оризари и му даваат оцена да биде во полуотворено одделение и човекот им избегал. Уште едно филмско сценарио, трилер за соработка на мафијата и власта. И никој досега не презел одговорност, ниту ќе има одговорност ниту ќе има оставка. Случајот е сценарио, молкот тоа го потврдува“, рече Стоилковски.
Тој побара од власта да одговори зошто имаат фотографии со осуденикот.
– Министерот за внатрешни работи, Оливер Спасовски, мора да одговори што бара во прегратка со овој човек, познат на сите СВР во Македонија? Но, и да одговори за врските на Абдиовски со сите негови колеги.
– Министерот Љупчо Николовски мора да одговори за врската со Абдиовски, дали и во кој дел соработувале? Можеби во делот за борба со корупцијата.
– Министерот за политички систем, Артан Груби, мора да одговори за блискоста и за евентуалната соработка со Абдиовски штом вака интимно се фотографираат?
– Владиниот портпарол, Муамет Хоџа, мора да одговори за блискоста со Абдиовски, очигледна од вакви срдечни фотографии направени срeде Влада?
– Советникот во владиниот кабинет, Љубе Бошкоски, мора да одговори за врската со Абдиовски, дали му е соработник, дали му помага во привлекувањето странски директни инвестиции?
– Владината служба мора да одговори колку пати Абдиовски бил во Владата, кој сè го примил за Абдиовски да има цело портфолио фотографии од Владата, внатре од кабинети, дури и од премиерскиот кабинет.
– Поранешниот владин портпарол, а сега член на кабинетот на Стево Пендаровски, Миле Бошњаковски, мора да одговори на што се должат блискоста и непосредноста со Абдиовски за заеднички фотографии во Владата? Дали можеби имаат фотографии и од посети на Абдиовски и на вилата „Водно“?
– Стево Пендаровски исто така мора да одговори за релацијата со Абдиовски како очигледен член на неговиот изборен штаб и заедничките фотографии?
– Довчерашниот министер, па владин советник, сега амбасадор во чекање, Едмонд Адеми, за амбасадорското место во Мадрид, мора да одговори кога го примил и за што разговарал со Абдиовски, колку се блиски за вакви фотографии да излегуваат од министерски кабинет кога беше министер?
– Томислав Тунтев, но и Агенцијата за цивилно воздухопловство, чиј директор е, мора да одговори што барал Абдиовски во директорскиот кабинет, каква врска има меѓу нив двајцата, каква работа има Тунтев со човек баран од сите сектори за внатрешни работи наместо да работи и да ги заработи оние 3.300 евра плата месечно?
– Миле Зечевиќ, но и СДС, мора да одговори за врските на генералниот секретар на СДС со Нафи Абдиовски, за неговата улога во изборните процеси во Македонија?
– СДС и владината служба мора да одговорат и за врските на Абдиовски со Зоран Заев, фотографија во неговиот кабинет со Мила Царовска, долгогодишна министерка во Владата на СДС.
– Понатаму, врските на Абдиовски со поранешниот генерален секретар на владата, Мухамед Зеќири.
– СДС и Владата мора да одговорат на врските на Абдиовски со експратеникот, сега професор на Факултет за безбедност, Павле Богоевски. СДС мора да одговори за фотографиите и блискоста на овој баран човек од сите сектори за внатрешни работи во Македонија со поранешниот генерален секретар, Кирацовски, како и за редица пратеници, функционери, познати лица на СДС.
– Собранието, ама и ДУИ, мора да одговори што бара Талат Џафери да се фотографира со човек познат на сите СВР во државата?
„Почитувани, оваа низа нема крај. Се работи за човек за кој постојат сериозни врски со СДС, со Владата, а има значително сериозно досие. И СДС повторно ќе глуми дека нема одговорност за неговото бегство, дека нема врска со него, ќе ги чува милениците директори, а од затвор излегуваат сите што поседуваат владин ‘фемили’ фотоалбум.
Со сите овие ликови, во портмонето на сите криминалци, ниту реформи ќе има ниту правда во Македонија е можна. Во затвор одат само оние што не ѝ слугуваат на мафијата, оние што немаат врска со СДС и со ДУИ.
Вакви бегства не се случајни, затоа потребна е сериозна истрага што се случува со затворите, а тоа невозможно со овие лица на власт. Бараме оставка и одговорност веднаш, првин од Филип Андов-Сокол, директор на затворот во Шуто Оризари, а претходно советник на Заев, како и оставка од сите во Владата.
Оставка, избори, па право и правда“, рече Стоилковски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Сервисни информации
Преку денот сончево со мала до умерена облачност, утрото претежно ведро и наместа постудено
Времето денеска со претежно ведро и наместа постудено утро. Преку денот ќе биде сончево со мала до умерена облачност. Попладне во планинските региони ќе има услови за краткотраен локален дожд. Ќе дува слаб до умерен ветер претежно од западен правец. Минималната температура ќе биде во интервал од -1 до 7, а максималната ќе достигне од 16 до 23 степени.
Во Скопје ќе биде сончево со мала до умерена облачност и со слаб ветер од северозападен правец. Минималната температура ќе се спушти до 3, а максималната ќе достигне до 21 степен.
Во сабота попладне ќе има услови за локална нестабилност со краткотраен пороен дожд и грмежи. Потоа следува период на стабилно и топло време.
Скопје
Без струја делови од општините Петровец, Ѓорче Петвов и Сарај
ЕВН Македонија АД известуваат дека без електрична енергија денеска ќе останат делови од општините Петровец, Ѓорче Петвов и Сарај.
– во периодот од 08.30 до 14.30 часот, корисниците од с. Кожле, Тунел Катланово, с.Бадар (општина Петровец)
– во периодот од 09.00 до 11.00 часот, корисниците од дел од ул. 52 кон обиколница во Стопански Двор ( општина Ѓорче Петвов )
– во периодот од 09.00 до 11.00 часот, дел од корисниците во Сарај кај општината (општина Сарај)
Македонија
Сајкоски: Вчера докажавме дека Македонија не толерира некој да ја тероризира– граѓаните во нас препознаа луѓе кои ќе донесат правда во државата
„Вчера докажавме дека само заеднички, единствени како никогаш досега можеме да успееме. Можеме да успееме заеднички и да прегазиме секој противник, секој оној којшто прави штета на нашата држава и затоа ќе го снајде она што го снајде овој наш противник вчера. Ќе го снајде истото и на 8 мај. Голема победа на ВМРО-ДПМНЕ и коалицијата „Твоја Mакедонија“, голема победа на македонските граѓани и македонскиот народ. Почитувани кичевчани вие го покажавте револуционерниот дух. Тој никогаш не згаснал во вас. Покажавме дека можеме и дека ќе направиме се, дека имаме храброст, дека имаме елан да се спротивставиме и дека ние сме победнички расположени. Победнички за да ја донесеме Македонија онаму каде што и е местото Им дадовме јасно до знаење дека Кичевчани не толерираат повеќе изживување врз нив. Дека Македонија не толерира повеќе некој да ја тероризира! Ние не толерираме да лажат и крадат. Ние таквите ги казнуваме“, истакна на вечерашниот митинг во Кичево носителот на листата на пратеници на ВМРО-ДПМНЕ во ИЕ 5, Ѓорѓија Сајкоски.
Тој исто така повика на уште помасовна излезност на 8 мај за да се донесе историска победа за Македонија.
„Сакам исто така да ве повикам на 8 мај да излеземе во што поголем број и да донесеме историска победа на Македонија. Да донесеме историска победа за ВМРО-ДПМНЕ и коалицијата „Твоја Македонија“, потенцираше Сајкоски.
Тој истакна и дека оваа е историска победа бидејќи граѓаните во ВМРО-ДПМНЕ препознаа луѓе коишто можат да ја донесат правдата во Македонија.
„Ние почитувани испишуваме историја. Испишуваме историја затоа што првпат од позиција на опозиција води некој политички субјект во Македонија со 180 илјади гласови. Испишуваме историја затоа што во нас препознаа македонските граѓани луѓе коишто се чесни, коишто се трудољубиви и луѓе коишто можат да ја донесат правдата во Македонија“.
Тој упати порака и до оние кои не излегоа на гласање дека ако сакаат да живеат во подобра Македонија треба да се придружат во големата победа на ВМРО-ДПМНЕ.
„Ако сме согласни дека треба да имаме подобро здравство, подобро образование, дека инфраструктурата во ИЕ 5 е катастрофална и дека треба да направиме комплетно нова, придружете се. Придружете се во голема победа за Македонија. Придружете се и само така, само единствени може да победиме и може да донесеме влада којашто никој не може да ја уценува и може да донесеме премиер што испорачува. Да испорача да имаме одлична инфраструктура, да бидеме први во регионот наместо последни и да направиме економски бум“, истакна Сајкоски и додаде:
„Поканете го секој, разговарајте со секој затоа што ВМРО-ДПМНЕ и коалицијата „Твоја Македонија“ се политички субјекти којшто мислат добро за сите во Македонија. ВМРО-ДПМНЕ и коалицијата го заслужува вашиот глас, бидејќи ВМРО-ДПМНЕ беше и остана браник на македонската државност“.