Македонија
Град Скопје набави шест ековозила за администрацијата во вредност од 6,3 милиони денари
Градот Скопје денеска ги промовираше новите хибридни возила што се набавени за потребите на градската администрација со цел, како што велат од Град Скопје, да бидат пример за одговорно однесување кон животната средина и проблемот со аерозагадувањето.
„Исполнуваме уште едно од предизборните ветувања, дека Градот Скопје и градската администрацијата ќе бидат пример и стимулатор на еколошкиот начин на живеење. Имено, Град Скопје, за потребите на градската администрација набави шест нови хибридни автомобили од марката ‘тојота јарис’ во вкупен износ од 6,3 милиони денари со вклучен ДДВ. Со тоа го обновуваме остарениот возен парк на градската администрација. Последната набавка на возила во Град Скопје била извршена во 2012 година кога биле набавени дизел-автомобили ‘форд фиеста’, кои се нееколошки возила“, рече градоначалникот Шилегов, на промоцијата на новите ековозила.
Тој објасни дека емисиите на CO2 кај новите хибридни возила изнесуваат околу 4,8 g/km, а потрошувачката на гориво (бензин) изнесува 3,7 литри за 100 километри со што ќе се прават сериозни заштеди во однос на одржувањето. Возилата се набавени со гарантен период од 6 години или 200.000 километри.
„Додека ја предводам градската администрација сите возила што ќе ги набавуваме за нејзините потреби ќе бидат на електричен или на хибриден погон. Градот Скопје упатува порака кон граѓаните дека сите мораме да ја штитиме животната средина и преку вакви примери да придонесеме да се намали аерозагадувањето од сообраќајот“, порача Шилегов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ВМРО-ДПМНЕ: Над 180.000 гласови предност се обврска за ВМРО-ДПМНЕ Македонија повторно да ја врати на народот
180.000 гласа разлика во корист на Силјановска Давкова и ВМРО-ДПМНЕ пред Пендаровски и СДС е порака дека народот сака промени и крај на понижувањата, соопштија од ВМРО-ДПМНЕ.
„Народот не поддржува политика на понижување на Македонија. Граѓаните јасно кажаа дека се против криминалот на СДС и ДУИ. 7 години Македонија тоне на секое поле. На почеток на секоја учебна година немаше учебници за учениците, за болните немаше лекарства, за земјоделците немаше откуп. Народот не се чувствуваше безбеден, криминалот царуваше по улиците“, велат од ВМРО-ДПМНЕ.
Како што истакнуваат, народот не сака да живее повеќе во несигурност.
„Над 180.000 гласови предност се обврска за ВМРО-ДПМНЕ Македонија повторно да ја врати на народот. Победата во вториот круг ќе биде уште поголема, а СДС и Пендаровски, заедно со нивните газди од ДУИ никогаш повеќе нема да бидат во позиција да го понижуваат народот. Македонија повторно твоја“, завршуваат од ВМРО-ДПМНЕ.
Македонија
ЦУК: Коловозите во државата на многу места се влажни и имало ситни одрони на сите патни правци
Во Центарот за управување со кризи, имало вкупно 1 694 повици на единствениот повикувачки број за итни случаи 112.
Од нив „реални“ повици биле 49,82 отсто, а 50,18 отсто биле за други потреби на граѓаните што не биле итни. Кон полиција биле упатени 69,92 отсто и кон итната медицинска помош 28,91 отсто од реалните повици кон 112 во ЦУК.
Во последното деноноќие немало евидентирани пожари на отворено.
Од ЦУК потсетуваат дека коловозите во државата на многу места се влажни и имало ситни одрони на сите патни правци во последното деноноќие.
Екипите ги отстранувале одроните на патот и нема прекин на сообраќајот.
Сервисни информации
Преку денот сончево со мала до умерена облачност, утрото претежно ведро и наместа постудено
Времето денеска со претежно ведро и наместа постудено утро. Преку денот ќе биде сончево со мала до умерена облачност. Попладне во планинските региони ќе има услови за краткотраен локален дожд. Ќе дува слаб до умерен ветер претежно од западен правец. Минималната температура ќе биде во интервал од -1 до 7, а максималната ќе достигне од 16 до 23 степени.
Во Скопје ќе биде сончево со мала до умерена облачност и со слаб ветер од северозападен правец. Минималната температура ќе се спушти до 3, а максималната ќе достигне до 21 степен.
Во сабота попладне ќе има услови за локална нестабилност со краткотраен пороен дожд и грмежи. Потоа следува период на стабилно и топло време.