Македонија
Делегации од Германија и Израел во општина Битола
Како дел од комеморативните активности по повод 75 години од депортацијата на Евреите, Македонско-германската иницијатива за помирување, предводена од Ханс Јоаким Шолц, свештеник на Протестантската црква во Баден, Германија, денес оствари средба со градоначалничката на Битола Наташа Петровска. На средбата Шолц и врачи на Петровска специјални обележја за градот Битола и за Еврејските гробишта во знак на благодарност за вклучувањето на Битола во мисијата на македонско-германската иницијатива за помирување.
Веднаш по оваа средба, градоначалничката се сретна и со делегација, предводена од Амбасадорот на Израел во Македонија, Дан Ориан. И двете средби беа придружувани од млади луѓе, од Германија и Израел, кои низ посебни мелодии создадоа една несекојдневна атмосфера која наоколу опсипуваше со многу љубов и искреност.
„Денешната посета е навестување на активностите кои ќе се реализираат утре. И едните и другите, покажаа дека носат во себе огромна љубов, верба за иднината, сакајќи да се потсетат на она што се случило во минатото, токму на овие простори, да си подадат рака едни кон други и да им покажат на возрасните, на политичарите, на лидерите, дека она што го сакаат младите е обединет свет. Свет кој што ќе отвори перспектива за нив, за напредок од секаков аспект и духовен и технолошки, она што ќе значи мир и човечки вредности, она за што ние возрасните треба да се избориме. Така што морам да признаам дека денешниот ден посебно го доживеав и сигурна сум дека утре во Битола ќе се случи голем ден, голем настан, кој ќе значи почеток на будење на целиот свет, дека Битола бил центарот на многу збиднувања и дека Битола заслужува да биде посебен град, за навистина сите овие вредности да допрат до сечие срце“, изјави градоначалничката на Наташа Петровска.
Организатор на комеморативните активности по повод 11 март е Општина Битола, во соработка со Здружението АРХАМ, носител на проектот за ревитализација на еврејското минато во Битола и уредување на парк на живите на Еврејските гробишта во Битола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
На 30 јуни внатрепартиски избори за претседател на СДСМ
На денешната седница Извршниот одбор на СДСМ донесе Одлука за распишување вонредни внатрепартиски избори за претседател на СДСМ на 30 јуни 2024 година (недела), по повлекувањето од функцијата на претседателот Димитар Ковачевски.
Согласно роковите во Статутот на партијата ќе има доволен период за подготовка на кандидатурите и програмите, претставување на кандидатите пред членството и активна регистрација, соопшти партијата.
На седница којашто ќе се одржи в четврток, 30 мај 2024 година Централниот одбор на СДСМ треба да го усвои Правилникот за критериумите, начинот и роковникот за спроведување на постапката на највисоко демократско ниво од страна на Централната изборна комисија.
Македонија
Мицкоски на средба со евроамбасадорот Гир: злоупотребите со европското знаменце нема да се применуваат, потенцирана европската заложба на ВМРО-ДПМНЕ како идна влада
Претседателот на ВМРО-ДПМНЕ Христијан Мицкоски заедно со потпретседателот Тимчо Муцунски оствари средба со амбасадор на ЕУ во Македонија, Дејвид Гир.
На средбата беше потенцирана силната европска заложба на ВМРО-ДПМНЕ како идна влада, што е еден од трите главни постулати на делување, покрај борбата со криминалот и корупцијата и забрзаниот економски развој.
Мицкоски кажал дека државата мора да се трансформира во секое поле и да се подобри значајно животот на луѓето.
Идната влада предводена од ВМРО-ДПМНЕ, како што е наведено во соопштението, своето делување ќе го базира исклучиво на законите, и злоупотреби како претходната влада во минатото со европското знаменце нема да се применуваат.
Заклучок е дека граѓаните заслужуваат европска иднина, и таа мора да дојде што побрзо, информираат од ВМРО-ДПМНЕ.
Сервисни информации
Сообраќајна несреќа на патот Василево-с.Градошорци, сообраќајот пренасочен
Во 18.15ч. магистралниот пат Василево-с.Градошорци е затворен во двата правци и сообраќајот е пренасочен по стариот пат, поради случена сообраќајна незгода, информираат од АМСМ.
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.