Македонија
Демант на Општина Кисела Вода на советничката Ацева од СДСМ: Тоа е обид да се дискредитира работата на општината
Во насока на вистинито и објективно информирање на јавноста, Општина Кисела Вода е должна да реагира и да ги демантира грубите лаги изнесени на денешната прес конференција на советничката од СДСМ, Бојана Ацева, се вели во официјалната реакција од Општина Кисела Вода.
„Обидот да се дискредитира работењето на Општина Кисела Вода која денес, за прв пат после 1996 год е речиси раздолжена општина и обврските се сведени на тековно работење, додека на терен имаме реализација на 70% од предвидената четиригодишна програма говори само за паниката и безидејноста во која се наоѓа СДСМ.
Игнорирајќи недоспеани долгови, кредити, кредити во грејс период, СДСМ фингира ситуација и прикажува помал долг од реалниот во време на нивниот градоначалник, па дури и заборава на долгови генерирани во тек на цел еден месец, кој не влегува во третиот квартал, па се обидува со лажни информации да ја збуни јавноста.
Советничката Ацева која нејзините ментори научени на неработа и расипништво, очигледно лошо ја подготвиле, пред органите на правдата, ќе треба да се одбрани за искажаните лаги, клевети и обидот да ја дискредитира институцијата, а со тоа да ги донесе во заблуда и нашите сограѓани“, се додава во напишаната реакција.
„Обвинувајќи го градоначалникот Ѓорѓиевски дека го зголемил долгот на општина Кисела Вода за 40 милиони денари, таа вели: “Ако во 2021 година долгот на општината бил 56 милиони денари, сега долгот е неверојатни 96 милиони денари! Ако се додадат и долговите кон добавувачи се доаѓа до огромни 146 милиони денари долгови!”
Изјавата на прес конференција дека општината должела само 56 милиони денари по основ на кредити во 2021 година, а сега должи 96 милиони е апсолутна невистина. На денот на преземањето на функцијата, обврските по основ на кредити согласно 3 квартал од 2021 година изнесуваат 110 милиони денари, а тука дополнително не е вклучен и кредит во износ од 26 милиони денари, кој во тој момент сеуште е на грејс период и истиот е земен во текот на претходниот мандат. Од ова произлегува дека вкупните обврски по кредити кои се наследени изнесуваат 136 милиони денари, а не 56 милиони денари.
За разлика од советничката која јавно изнесува лаги и за истите ќе биде покрената постапка, реалните долгови по основ на кредити на општина Кисела Вода се наведени во самата завршна сметка, износ кој што е дополнително намален за 6.465.358,00 денари, заклучно плаќањата направени во 2023 година по основ на рати за кредити. Обврска ни е да ја информираме јавноста дека ниту еден од овие кредити не е земен од актуелниот градоначалник, односно сите се наследени.
На ден 01.11.2021 година, кога градоначалникот Ѓорѓиевски го презема градоначалничкиот мандат, состојбата на буџетот на Општина Кисела Вода изнесува 24.056.900,00 денари, притоа оваа состојба е дури и пред исплата на плати, што дополнително се намалува за околу 10 милиони денари. Ова значи дека почетокот на мандатот градоначалникот го наследува со реална состојба од околу 14 милиони денари на сметка и преку 180 милиони денари долгови, плус кредит во грејс период или разликата помеѓу обврските и средствата е неверојатни – 166 милиони денари и кредит оставен во наследство.
На 31.12.2022 година, согласно завршна сметка на Општина Кисела Вода, имаме состојба од 111.121.126,00 милиони денари и вкупни обврски во износ од 146 милиони денари по завршна сметка, со што разликата помеѓу обврските и средствата на буџетската сметка се – 33 милиони денари.
После исплата на обврските, после исплатени плати, на сметка на општина Кисела Вода на 10.03.2023 година салдото изнесува 20.504.533,00 денари, а доспеаните обврски се сведени на минимално ниво што ќе биде потврдено и во извештајот за првиот квартал од 2023 година при завршување на периодот.
За сево ова, нашите служби стојат на располагање со соодветна документација.
Би сакале да проговориме и во врска со лажните обвинувања околу набавката на горивото. Да прашаме, како во 2021 година, без криза, се трошеле 800.000 денари и во 2022 година со огромно зголемување на цените повторно се трошеле 800.000 денари, согласно зборовите на советничката.
За да нема никакви дезинформации во иднина, на почетокот на 2022 година и при креирањето на буџетот на Општина Кисела Вода се предвидоа само 500.000,00 денари износ кој би бил доволен при нормално работење и нормално ниво на цените. Со ребаланс на буџетот беа доставени уште 300.000,00 денари за кои се општината имаше потреба поради рекордно високите цени и ненавремените мерки на владата. Со оглед на тоа што цената не е сеуште значително намалена, поучени од ненавремената политика на Владата во делот на цените на електричната енергија и горивото, внимателно ја следиме ситуацијата и предвидовме повеќе финансиски средства за гориво за да не мора повторно да се доведеме во ситуација на анекси и ребаланси за оваа намена. Договорот не мора да биде искористен во целост и при овие услови и цени нема ни да биде.
Дополнително, дел од долговите што Градоначалникот Орце Ѓорѓиевски ги наследи, а за кои Ацева не проговори, се однесуваа и на обврски за гориво. Во 2022 година беа исплаќани и дел од обврски направени во 2021 година, а со тоа дел од обврските што ги пренесуваме во 2023 година се однесуваат исто така и на гориво, мора да имаме ставка во буџетот за исплата. Согласно нашата финансиска политика и принципите на буџетското работење Општина Кисела Вода мора да има соодветно предвидени ставки во буџетот дури и кога исплатите се однесуваат на долгови од претходни години. И на крајот, околу користењето на службените возила, СДСМ не може да сфати дека тие се користат, но исклучиво во службени цели. За разлика од минатото, никој после работно време нема клуч од нив, не се паркирани во приватни дворови, ниту пак пред монденски летувалишта во соседните земји.
Почитуваната советничка Ацева, треба да знае дека граѓаните немаат лоша меморија, не се наивни и мора да престанат да ја омаловажуваат нивната интелигенција. Сите документи за кои говориме во овој документ, се јавно достапни на нашата веб страница, а работата на општината е потранспарентна од било кога досега. Народот веќе еднаш ја казни СДСМ на локалните избори со тоа што му даде 7000 гласови повеќе на градоначалникот Ѓорѓиевски наспроти нивниот противкандидат и тогашен градоначалник Темелковски. Лажењето и манипулирањето ни тогаш не даде резултати, па малку е наивно што веруваат дека на тој начин повторно ќе стигнат до мандат во кој повторно ништо нема да се работи. А, за сработеното наспроти несработеното, говори и тоа што, од основниот Буџет за 2018 год, исплатени се капитални инвестиции во износ од 88.656.363 денари за целата година. За само два месеци од тековната 2023година, кога градоначалник е Орце Ѓорѓиевски, имаме исплата за капитални инвестиции од 81.541.953 денари“, се посочува во официјалниот демант.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Спасовски: Силен СДСМ е потребен за европска иднина, не сакаме враќање на режимот
Носителот на листа на кандидати за пратеници од ИЕ2, предводена од СДСМ и коалицијата, Оливер Спасовски, даде изјава за медиумите во Ѓорче Петров, со повик до граѓаните за масовна излезност на 8 мај за бројот 1.
„Ве повикувам – Излезете на 8 мај, силен СДСМ во Собранието е потребен заради иднината на државата! Да не дозволиме враќање на режимот! Десничарската партија ВМРО ДПМНЕ е истата таа на Груевски, а знаеме сите што значи преголема моќ во нивни раце – крај на ЕУ перспективи, крај на поголеми плати и пензии, крај на можности за младите и крај на соживот и меѓуетничка кохезија“, рече Спасовски.
Притоа, тој истакна дека граѓаните не сакаат враќање на режимот.
„Доволно беше чекањето за Европа и никој не сака враќање назад по патот кон нестабилност и изолација. ДПМНЕ ќе ја одложуваат евроинтеграцијата во недоглед, сега зборуваат за рокови. Истото тоа го правеше и Груевски, тие само ќе продолжат кај што застана тој. Ќе го вратат национализмот, насилството, апсењето новинари и тепањето студенти, прислушувањата и грабежот на народни пари. За тоа да немате дилема!“, рече Спасовски, повикувајќи ги граѓаните да гласаат за СДСМ и коалицијата.
„Сите сме исправени пред голем предизвик, секој еден член и активист на СДСМ, секој граѓанин, Македонци, Албанци, Роми, Срби, Влади, Бошњаци, Турци и сите други – имаме обврска, заради аманетот од предците борците од НОБ и АСНОМ кои ја изградиле Македонија, и уште поважно, заради генерациите кои доаѓаат, да им оставиме европска држава, европски живот дома!
Затоа е важно на 8 мај сите да излеземе и да го поддржиме СДСМ, затоа што ДПМНЕ ќе го донесе повторно режимот кој долго време се трудевме да го срушиме. СДСМ е единствената партија која ја движи државата напред, кон прогрес, интересот на граѓаните и развојот на државата – секогаш пред сѐ и над сѐ.
Мора да сме силни и единствени СДСМ, заради иднината на државата. Да ги зачуваме слободата и напредокот на државата! Нема да се откажеме – Сите масовно на 8 мај гласаме за број 1!“, рече Спасовски.
Македонија
МОН: Се реконструира студентскиот дом Кузман Јосифовски – Питу во Скопје
Активностите за реконструкција на студентскиот дом „Кузман Јосифовски – Питу“ во Скопје предвидени во договорот кој на почетокот на годината МОН го потпиша со австриската компанија „Штрабаг“, како најповолен понудувач на меѓународниот тендер, започнаа да се реализираат на терен. За 18 месеци објектот ќе добие подобрена одржливост, ќе биде енергетски ефикасен што значи ќе придонесе за почиста животна средина, но и ќе обезбеди финансиски заштеди, извести Министерството за образование и наука.
„Ова е прва фаза од проектот за енергетски ефикасна рехабилитација на државните студентски домови во Република Северна Македонија. Наскоро ќе започне и реконструкцијата на „Стив Наумов“ во Скопје, а потоа, во следните две фази ќе се реконструираат уште 7 други студентски домови во Скопје, Прилеп, Битола, Штип и Охрид.
Предвидена е промена на водоводната инсталација отстранување на причините за појава на влага во објектите, промена на комплетната електрична инсталација и поставување на енергетски ефикасни LED светилки, промена на инсталацијата за греење, комплетна промена на санитаријата, изработка на енергетски ефикасни фасади на објектите, поставување на фотоволтаици за производство на електрична енергија, а ќе се опремуваат и соби за студенти со посебни потреби.
Проектот се реализира со заем од Германската развојна банка (KfW) од 20 милиони евра и грант од 5 милиони евра преку Програмата за регионална енергетска ефикасност за Западен Балкан на Европската Унија“, соопшти Министерството за образование и наука.
Македонија
Мицкоски: Народот се обединува околу промените, новата Влада на ВМРО-ДПМНЕ ќе направи се за да одговараат криминалците
„На овие избори народот јасно кажа каква е политичката реалност во Македонија, а тоа е дека Владата односно двете партии од Владата треба да заминат во опозиција. Гордана Силјановска Давкова, Коалицијата „Твоја Македонија“ предводена од ВМРО-ДПМНЕ во однос на Стево Пендаровски и Коалицијата која што го подржа Стево Пендаровски во првиот круг имаат 183.000 гласа разлика. Нешто што досега во македонската историја, во демократска Македонија не се случило да кандидат од опозиција да има таков силен резултат, и тоа е јасна порака на народот дека се потребни промени“, истакна претседателот на ВМРО-ДПМНЕ, Христијан Мицкоски од митингот во Конче.
Мицкоски додаде дека народот се обединува околу промените.
„Од друга страна ги слушате пораките од Мала Речица, од ДУИ, тие велат дека требало да се слуша народот. И да ние го слушаме народот, народот и во тој случај донесе правилна одлука и испрати јасна порака дека Гордана Силјановска Давкова, Коалицијата „Твоја Македонија“ предводена од ВМРО-ДПМНЕ има за 20% повеќе гласови отколку што имаат двајцата провладини кандидати односно владини кандидати, а тоа се Бујар Османи и Стево Пендаровски заедно. Односно 363.000 наспроти 301-302.000 од прилика колку што имаат тие двајца“, рече Мицкоски.
Тој посочи дека пораката од граѓаните е јасна, правецот по кој што треба да се движи Македонија е јасен. ВМРО-ДПМНЕ и Коалицијата повикуваат на уште поголема поддршка од граѓаните во вториот круг.
„Заедно да ја завршиме историјата која што ја започнавме уште пред неколку години односно пред 30-тина месеци за време на локалните избори кои што се случија во 2021 година“, порача тој.
Мицкоски укажа дека на ВМРО-ДПМНЕ најважна е поддршката на народот.
„Време е заедно со вас граѓаните да ставиме точка на оваа историја, бидејќи таа точка ќе ја определи траекторијата по која што ќе се движи Македонија – дали Македонија ќе биде горда, достојна, трансформирана, онака како што сите ние сакаме да ја видиме нашата држава, или ќе биде ограбена, обесправена, понижена, омаловажена како што беше досега изминативе 6 ипол години“, додаде тој.
Тој посочи дека според резултатот од првиот круг на претседателски избори е јасно по кој пат граѓаните одлучија Македонија дека треба да се движи.
„Мојата порака е до нашите сограѓани Турци, знам дека овде Бујар Османи освои 100 гласа и знам дека прилично беа активни некои од функционерите на турската партија овде во општина Конче, и ги бараа гласовите за Бујар Османи. Јас ќе споделам со вас нешто кое што не сум го зборувал досега но мислам дека треба да се знае, а тоа е следново, претседателот на турската партија кој што подоцна заврши во прегратките на Али Ахмети, пред да заврши таму беше кај мене. И кога дојде кај мене ми рече претседателе доаѓам од средба со Али Ахмети и сакам да знаете дека на тој човек му треба медицинска нега, тој е ваков, таков, почна да го навредува и да користи недолични зборови“, рече Мицкоски.
Тој додаде дека му се заблагодарил на средбата и веќе никогаш му се нема јавено за да разговараат.
„А, следниот ден од медиумите прочитав дека тој отишол во прегратките на овој за кој што велеше дека му е потребна медицинска нега. И таму потоа продолжи да функционира како политичар“, појасни Мицкоски.
Мицкоски вети дека новата Влада на ВМРО-ДПМНЕ и Коалицијата „Твоја Македонија“ ќе направи се за да криминалците одговараат.