Македонија
(Видео) Земон: Ќе ги бранам интересите на заедниците кои ги нема во Уставот

Ќе ги бранам интересите на заедниците кои ги нема во Уставот, изјави на прес-конференција Рубин Земон, кој вчера стана пратеник во Собранието, на местото на Томислав Тунтев од СДСМ, кој поднесе оставка.
„За првпат ќе има пратеник кој ќе ги брани интересите на малите заедници, кои се заведени како други, а тука спаѓаат Евреите, Хрватите, Торбешите, Бошњаците, Египѓаните, Унгарците, Бугарите. Ќе почнат да се слушаат интересите на овие заедници“, изјави Земон.
Додаде дека иако ги нема во преамбулата на Уставот, не смее да се дозволи овие заедници да бидат дискриминирани.
„Има многу горчливи проблеми во општеството, но еден од приторитетите како пратеник во Собранито ќе биде подигнувањето на свеста на политичките субјекти и наметнувањето на политиките на општествени права и кохезија кои треба да го намалат влијанието на етноцентристичките и етнократските парадигми кои предолго се застапени кај нас“, истакна Земон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без струја денеска делови од Бутел и Аеродром

Од ЕВН Македонија АД известуваат дека денеска без електрична енергија ќе останат:
– во периодот од 08.20 до 12.30 часот, дел од корисниците од ул. 1 во населба Радишани. (општина Бутел)
– во периодот од 09.00 до 12.00 часот, корисниците од ул. Горно Лисиче лоцирани на потегот од Маг Комерц, А-М Стил, Феромонт Инжинеринг кон село Долно Лисиче. (општина Аеродром)
Македонија
Дел од Аеродром денеска без вода

Од ЈП Водовод и Канализација известуваат дека денеска поради уличен дефект на 3-та Македонска Бригада бб, прекинато водоснабдување ќе имаат објектите на Вива, Метро, Центро, Спорт М и Форд, општина Аеродром.
Водоснабдувањето ќе биде прекинато од 08:00 часот до завршување со санација на дефектот.
Македонија
Променливо облачно со повремен локален дожд

Времето денеска ќе биде променливо облачно со повремени локални врнежи од дожд. Ќе дува умерен до засилен ветер претежно од северен правец (локално над 60 km/h). Минималната температура ќе биде во интервал од 4 до 9, а максималната ќе достигне од 7 до 13 степени.
Во Скопје, променливо облачно со повремен локален дожд. Ќе дува умерен, во делови од котлината повремено засилен ветер од северен правец. Минималната температура ќе се спушти до 9, а максималната ќе достигне до 12 степени.
Времето во наредните денови
До среда ќе се задржи претежно облачно време со повремени локални врнежи од дожд и студени утра. Ќе дува умерен до засилен, а долж Повардарието повремено силен ветер од северозападен правец. Потоа следи период на стабилно и суво со постепен пораст на дневната температура.