Македонија
Над 10 илјади деца во 40 градови и населени места ќе чекорат во Бадниковите поворки
Под мотото БАДНИК ЗА СИТЕ! – РАДОСТ ЗА СИТЕ!, денеска, ден Бадник, во 40 градови и населени места во Македонија, над 10 илјади деца, ќе земат учество во Бадниковите поворки кои што оваа година бележат 10 години од возобновувањето на оваа древна православна традиција.
За Бадниковите поворки во Скопје, денот ќе започне во раните утрински часови со поставување на најголемото бадниково колаче во дворот на Соборниот храм, како подвиг на двајца пекари Горан Петковски и Зорица Трајковска, кои ја прифатија поканата на Здружението Бадникови поворки, да дадат свој придонес кон празнувањето и да го овековечат рецептот за подготовка на традиционално бадниково колаче какво што се правело отсекогаш. Колачето кое го симболизира бебенцето Исус, е високо 3 метри, а тешко над 100 кг. Поднесена е апликација до Гинис од каде се очекуваат инструкции за следната година Македонија да има БАДНИК ЗА ГИНИС во сите сегменти од традиционалното православно празнување. Инаку, за сите посетители кои ќе дојдат да го видат најголемото бадниково колаче, тимот пекари има подготвено околу 5000 бадникови колачиња кои ќе бидат поделени меѓу народот.
Активностите на Бадниковите поворки во Скопје уште во раните утрински часови, опфаќаат и посета на Домот за стари лица каде што група дечиња во придружба на старите бадникари, ќе ги израдуваат лицата сместени во домот. Освен што ќе им ја отпеат коледарската песна „Вечниот Бог“, имаат подготвено и други изненадувања за нив.
За тоа време, деца од Бадниковата поворка во Охрид, ќе го посетат Претседателот Стево Пендаровски кој заедно со своето семејство, празниците ги поминува токму во Охрид. Оваа веќе востановена традиција да се коледарува кај Таткото на државата, за прв пат ќе ја доживее семејството Пендаровски кое како и секое друго семејство, со голема радост се подготвува да ги дочека коледарчињата и да го прослави големиот христијански празник Божик.
Освен во Скопје и Охрид, со многу пригодни активности се ангажирани и Бадниковите поворки во останатите 38 градови и населени места : Битола, Охрид, Струга, Кичево, Прилеп, Дебар, Велес, Штип, Крушево, Куманово, Струмица, Богданци, Виница, Ростуше, Луково, Велгошти, Кривогаштани, Гевгелија, Валандово, Свети Николе, Тетово, Гостивар, Ресен, Могила, Демир Капија, Кавадарци, Пробиштип, Радовиш, Неготино, Кочани, Делчево, Македонска каменица, Дојран, Вратница, Брвеница, Старо село, Беловиште, Рогачево и Теарце, каде распеаните коледарчиња ќе сеат љубови и радост и ќе го најавуваат Христовото Раѓање.
Очекувано, најголем број, од околу 3000 коледарчиња се очекуваат низ улиците на Скопје, а на ниво на Македонија повеќе од 10 000 деца ќе чекорат во Бадниковите поворки.
Што се однесува до централната манифестација во Скопје,стартува во 10:30 часот пред црквата Св.Димитриј” каде што семејствата со деца, најпрво ќе дојдат да подигнат бесплатни ѕвездички за децата, а потоа и да учествуваат во формирањето на најголемата Бадникова поворка предводена од Елена Ристеска, Влатко Лозаноски, Димитар Андоновски, Стефан (Некст тајм), Давид Темелков и Златните славејчиња.
Во 11:15 часот, поворката предводена од македонските музички ѕвезди, ќе се упати кон Соборниот храм каде што ќе се случи и најавеното обединување на Старите скопски бадникари со Бадниковите поворки. По тој повод,ќе бидат доделени признанија и подароци на бадникарите со најдолг стаж, а во рамките на божикниот концерт што го подготвуваат нашите музички ѕвезди, ќе биде промовирана и најново возобновената божикна песна “Христос се роди денес” во интерпретација на Вера Милошевска – Љубојна и традицискиот оддел при ДМБУЦ “Илија Николовски – Луј”.
Со доделување пакетчиња на сите деца и покана до сите семејства, побожно во мир, љубов и со добра волја да ги прослават божикните празници, ќе биде заокружено овогодинешното чествување на Празникот на Христовото Раѓање.
Информација за медиумите: Изјави од пејачите Елена Ристеска, Влатко Лозаноски, Димитар Андоновски, Стефан (Некст тајм) и Давид Темелков ќе можете да земете од 10:45 до 11:10 ч. пред Свети Димитриј.
Изјави од Вера Милошевска како интерпретатор на најново возобновената божикна песна „Христос се роди денес“ и Виолета Томовска како добитник на пригоден подарок Божикна пештера за долгогодишен придонес во традиционалното одбележување на Бадник, ќе можете да земете во периодот од 11:15 до 11:30 часот кај бината во Соборен храм.
Таму крај најголемото бадниково колаче во Соборен храм, достапни за изјава ќе бидат и пекарите Горан Петковски и Зорица Трајковска .
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Џафери за порасната трева околу Владата: Градоначалничката доби соодветен одговор со изборниот резултат, граѓаните гледаат и вреднуваат
Техничкиот премиер Талат Џафери по денешниот отчет за сработеното во првите 100 дена од Владата што ја предводи, даде објаснување за порасната трева околу Владата за што имаше многу реакции од граѓаните. Одговарајќи на новинарско прашање за тревата, Џафери објасни дека тоа е обврска на Град Скопје, па од таму и изборниот резултат на партијата што ја предводи градоначалничката на Скопје, Данела Арсовска.
„Разбирам дека има реакции по тоа прашање. Според процедурите и прописите, земјиштето е сопственост и во надлежност на Град Скопје. Според договореното и обврските, ‘Паркови и зеленило’ како јавно претпријатие што се грижи за изгледот на градот е надлежно и за оваа работа. Владата ниту има предвидено средства ниту, пак, може да предвиди средства за работи што се надлежност на друга институција. Во овој контекст, јас жалам што излезе вака, но, секако, и на изборите соодветен одговор доби и градоначалничката на градот Скопје во однос на изборниот резултат. Граѓаните гледаат, граѓаните оценуваат, вреднуваат и си го дадоа својот одговор“, рече Џафери.
Нова алтернатива, партијата која на изборите ја предводеше градоначалничката Данела Арсовска, освои 3.516 гласа, односно 0,35 отсто од гласовите на запишаните избирачи.
Македонија
(Видео) Џафери: Груби ниту е Влада ниту е партија
Ниту Европскиот фронт ниту ДУИ не повикува ниту, пак, мотивира на бојкот, беше оставено на слободната волја на граѓаните да ја изразат на гласачкото место, рече премиерот Талат Џафери на денешната прес-конференција.
Во однос на бојкотот на Артан Груби на вториот круг на претседателските избори, Џафери рече дека неговиот став е индивидуален и дека не став ниту на Владата ниту на партијата.
„Индивидуалните ставови не може да се претставуваат како генерални ставови на субјектот. Груби ниту е Влада ниту е партија. Јас имав изјава како премиер на избирачкото место и потврдив дека ги зедов двете ливчиња и гласав. Индивидуалниот став не е општ став по кој може да се извлече заклучок. Нека си е министер, индивидуа е во однос на Владата, не е став на Владата, ниту на партиските органи. Индивидуално може да каже што сака, тоа е слобода и на мисла и на изразување“, одговори Џафери и додаде дека не може да се повикува на одговорност.
Македонија
Главчев: Се надевам дека Северна Македонија ќе ја продолжи европската перспектива, повеќе нема да правиме отстапки
Се надевам дека Северна Македонија ќе ја продолжи својата европска перспектива. Од наша страна, немаме каде да правиме повеќе отстапки. Згора на тоа, позицијата што ја имаме е паневропска позиција.
Ова го изјави вршителот на должноста премиер на Бугарија, Димитар Главчев по победата на кандидатот на ВМРО-ДПМНЕ Гордана Силјановска-Давкова на претседателските избори во Северна Македонија, јави „БГНЕС“.
„Да почекаме да видиме каква влада ќе се формира во Северна Македонија“, рече привремениот премиер.
Главчев додаде дека Бугарија нема повеќе да прави отстапки во однос на пристапните преговори на РСМ во ЕУ и ставот што го имаат е паневропската позиција.
„На нашите пријатели од Северна Македонија мора да им биде јасно дека ако не ги почитуваат барањата за прифаќање членство во ЕУ, тоа нема да функционира“.