Амбасадорот на Франција во Македонија, Кристиан Тимоние, во своето обраќање за време на одблежувањето на 14.јули, националниот празник на Франција, во Македонско етно село со државниот врв на земјава, се осврна на поддршката која четврт век Франција им ја дава на Македонците за да се зајакне државата и нејзината унитарност.

– Оваа година, францускиот празник е во знакот на споделената надеж која уште повеќе ќе нè обедини, надежта за европска иднина за која се изјаснија нашите два народa, со која им се дава нов патоказ, оној за спроведување на неопходните реформи, за изградба на простор за мир и за просперитет, колективна амбиција за она што треба да биде Европа. Европа, која нема да биде целосна, како што напиша нашиот претседател Макрон во писмото до претседателот Иванов, сè додека не и се приклучат земјите од Западен Балкан. Тоа е огромната задача која ни престои на сите и поради која сè уште сме и ќе бидеме секогаш на ваша страна. Тоа не е само Европа на автопатишта и на тендери, на помош и на субвенции, туку Европа на заеднички вредности кои посакуваме да ги имаме сите а кои ние Французите ги славиме денес заедно со вас. Вредностите на нашата девиза: слобода, еднаквост, братство“, рече Тимоние.

Спротивно на тоа, како што потенцираше тој, овие вредности се важни за борба против шовинизмот, националната затвореност и стерилниот протекционизам.

„Останува сега да профункционира ефикасно Собрание кое ќе ја почитува волјата на народот, без ограниченост и реваншизам туку ќе работи за генералниот интерес…ги очекуваме мерките и нивното реално спроведување  кои конечно ќе ѝ овозможат на земјата да напредува на  европскиот пат, порача амбасадорот, кој дополни дека Франција е спремна да и помогне на Македонија да го постигне тоа низ соработка со администрацијата, судството и безбедноста.
Во име на официјален Париз, Тимоние ги поздрави напорите на земјата за возобновување на духот на мир и соработка со своите соседи, и рече дека тие истото го прават со Германија, со која пак заедно, како што рече тој, ќе продолжат да работат за европска иднина на регионот.

Амбасадорот на Франција во Македонија, Кристиан Тимоние, во своето обраќање за време на одблежувањето на 14.јули, националниот празник на Франција, во Македонско етно село со државниот врв на земјава, се осврна на поддршката која четврт век Франција им ја дава на Македонците за да се зајакне државата и нејзината унитарност.

– Оваа година, францускиот празник е во знакот на споделената надеж која уште повеќе ќе нè обедини, надежта за европска иднина за која се изјаснија нашите два народa, со која им се дава нов патоказ, оној за спроведување на неопходните реформи, за изградба на простор за мир и за просперитет, колективна амбиција за она што треба да биде Европа. Европа, која нема да биде целосна, како што напиша нашиот Претседател Макрон во писмото до Претседателот Иванов, сè додека не и се приклучат земјите од Западен Балкан. Тоа е огромната задача која ни престои на сите и поради која сè уште сме и ќе бидеме секогаш на ваша страна. Тоа не е само Европа на автопатишта и на тендери, на помош и на субвенции, туку Европа на заеднички вредности кои посакуваме да ги имаме сите а кои ние Французите ги славиме денес заедно со Вас. Вредностите на нашата девиза: слобода, еднаквост, братство, рече Тимоние.

Спротивно на тоа, како што потенцираше тој, овие вредности се важни за борба против шовинизмот, националната затвореност и стерилниот протекционизам.

– Останува сега да профункционира ефикасно Собрание кое ќе ја почитува волјата на народот, без ограниченост и реваншизам туку ќе работи за генералниот интерес…ги очекуваме мерките и нивното реално спроведување кои конечно ќе ѝ овозможат на земјата да напредува на европскиот пат, порача амбасадорот, кој дополни дека Франција е спремна да и помогне на Македонија да го постигне тоа низ соработка со администрацијата, судството и безбедноста.

Во име на официјален Париз, Тимоние ги поздрави напорите на земјата за возобновување на духот на мир и соработка со своите соседи, и рече дека тие истото го прават со Германија, со која пак заедно, како што рече тој, ќе продолжат да работат за европска иднина на регионот.