Македонија
Царовска: Ги зголемивме социјалната помош и платите, решен е и проблемот на стечајците
Министерството за труд и социјална политика успешно ја имплементираше социјалната реформа, оцени министерката Мила Царовска на прес-конференција и нагласи дека 30.000 домаќинства или околу 120.000 граѓани веќе три месеци земаат социјална помош повисока во просек за 300 отсто.
„Ако претходно за основните социјални трансфери се издвојуваа околу 100 милиони денари месечно , сега кај граѓаните враќаме двојно повеќе и вкупната исплата за ГМП и детски и образовен додаток за август изнесуваше околу 200 милиони денари“, нагласи Царовска.
Таа рече дека за само три месеци, детскиот додаток им се исплаќа на 20.230 деца што е за три пати повеќе, а образовниот на 8.681 деца, што е за три и пол пати повеќе од претходно. До крајот на реформата, Царовска очекува околу 70.000 деца да примаат детски и образовен додаток, што ќе биде за 20 пати повеќе од претходно.
Министерката подвлече и дека 1.170 вработени во Центрите за социјални работи добиле историско зголемување на платите во просек за 4.363 денари по вработен, за што се обезбедени дополнителни 8 милиони денари месечно. Обезбедено е и историски највисоко покачување за 3.138 негователи и воспитувачи во градинките. Тие сега, како што истакна Царовска, земаат плата во просек за 3.000 денари повиока од претходно односно добиле покачување за 16 проценти, за што се обезбедени 13 милиони денари месечно. Дополнително зголемување од 5 проценти ги очекува и со септмвриската плата која ќе се исплати во октомври и со тоа вкупниот пораст на плати ќе биде 21 процент, рече Царовска.
Министерката говореше и за оние кои останале без стаж за пензионирање, нагласувајќи дека за нив е воведена социјалната пензија во висина од 6.000 денари и првите над 200 уплати се веќе реализирани. Таа потсети и дека минималната плата достигнала 12.507 денари и се изедначила во сите сектори, вклучително и кај одделите производство на текстил, облека и кожа, каде минималната плата претходно изнесувала околу 8. 000 денари.
„Благодарение на ова решение, 50.000 работниици од трудово интензивните индустрии добиваат плати повисоки за околу 4.000 денари месечно. Во моментот се прават последните пресметки за ново законско решение со кое платите ќе продолжат да растат“, рече Царовска.
Во однос на стечајците, министерката образложи дека со новите законски измени обесштетени се околу 11.000 стечајци, кои долго време биле оставени без никаков надоместок. Тие секој месец до нивно пензионирање ќе добиваат надометок од околу 8.200 денари со што, како што нагласи Царовска, се исправаат големи неправди наследени од претходната власт.
„Само за исплатата во јули годинава државата за оваа намена издвои приближно 1,3 милиони евра – пари директно вратени кај граѓаните. Очекувам во скоро време да имаме законски измени со коишто материјално ќе обезбедиме и уште 1.000 стечајци со што вкупната бројка ќе биде 12.000“, додаде министерката Царовска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Сервисни информации
Преку денот сончево со мала до умерена облачност, утрото претежно ведро и наместа постудено
Времето денеска со претежно ведро и наместа постудено утро. Преку денот ќе биде сончево со мала до умерена облачност. Попладне во планинските региони ќе има услови за краткотраен локален дожд. Ќе дува слаб до умерен ветер претежно од западен правец. Минималната температура ќе биде во интервал од -1 до 7, а максималната ќе достигне од 16 до 23 степени.
Во Скопје ќе биде сончево со мала до умерена облачност и со слаб ветер од северозападен правец. Минималната температура ќе се спушти до 3, а максималната ќе достигне до 21 степен.
Во сабота попладне ќе има услови за локална нестабилност со краткотраен пороен дожд и грмежи. Потоа следува период на стабилно и топло време.
Скопје
Без струја делови од општините Петровец, Ѓорче Петров и Сарај
ЕВН Македонија АД известуваат дека без електрична енергија денеска ќе останат делови од општините Петровец, Ѓорче Петвов и Сарај.
– во периодот од 08.30 до 14.30 часот, корисниците од с. Кожле, Тунел Катланово, с.Бадар (општина Петровец)
– во периодот од 09.00 до 11.00 часот, корисниците од дел од ул. 52 кон обиколница во Стопански Двор ( општина Ѓорче Петвов )
– во периодот од 09.00 до 11.00 часот, дел од корисниците во Сарај кај општината (општина Сарај)
Македонија
Сајкоски: Вчера докажавме дека Македонија не толерира некој да ја тероризира– граѓаните во нас препознаа луѓе кои ќе донесат правда во државата
„Вчера докажавме дека само заеднички, единствени како никогаш досега можеме да успееме. Можеме да успееме заеднички и да прегазиме секој противник, секој оној којшто прави штета на нашата држава и затоа ќе го снајде она што го снајде овој наш противник вчера. Ќе го снајде истото и на 8 мај. Голема победа на ВМРО-ДПМНЕ и коалицијата „Твоја Mакедонија“, голема победа на македонските граѓани и македонскиот народ. Почитувани кичевчани вие го покажавте револуционерниот дух. Тој никогаш не згаснал во вас. Покажавме дека можеме и дека ќе направиме се, дека имаме храброст, дека имаме елан да се спротивставиме и дека ние сме победнички расположени. Победнички за да ја донесеме Македонија онаму каде што и е местото Им дадовме јасно до знаење дека Кичевчани не толерираат повеќе изживување врз нив. Дека Македонија не толерира повеќе некој да ја тероризира! Ние не толерираме да лажат и крадат. Ние таквите ги казнуваме“, истакна на вечерашниот митинг во Кичево носителот на листата на пратеници на ВМРО-ДПМНЕ во ИЕ 5, Ѓорѓија Сајкоски.
Тој исто така повика на уште помасовна излезност на 8 мај за да се донесе историска победа за Македонија.
„Сакам исто така да ве повикам на 8 мај да излеземе во што поголем број и да донесеме историска победа на Македонија. Да донесеме историска победа за ВМРО-ДПМНЕ и коалицијата „Твоја Македонија“, потенцираше Сајкоски.
Тој истакна и дека оваа е историска победа бидејќи граѓаните во ВМРО-ДПМНЕ препознаа луѓе коишто можат да ја донесат правдата во Македонија.
„Ние почитувани испишуваме историја. Испишуваме историја затоа што првпат од позиција на опозиција води некој политички субјект во Македонија со 180 илјади гласови. Испишуваме историја затоа што во нас препознаа македонските граѓани луѓе коишто се чесни, коишто се трудољубиви и луѓе коишто можат да ја донесат правдата во Македонија“.
Тој упати порака и до оние кои не излегоа на гласање дека ако сакаат да живеат во подобра Македонија треба да се придружат во големата победа на ВМРО-ДПМНЕ.
„Ако сме согласни дека треба да имаме подобро здравство, подобро образование, дека инфраструктурата во ИЕ 5 е катастрофална и дека треба да направиме комплетно нова, придружете се. Придружете се во голема победа за Македонија. Придружете се и само така, само единствени може да победиме и може да донесеме влада којашто никој не може да ја уценува и може да донесеме премиер што испорачува. Да испорача да имаме одлична инфраструктура, да бидеме први во регионот наместо последни и да направиме економски бум“, истакна Сајкоски и додаде:
„Поканете го секој, разговарајте со секој затоа што ВМРО-ДПМНЕ и коалицијата „Твоја Македонија“ се политички субјекти којшто мислат добро за сите во Македонија. ВМРО-ДПМНЕ и коалицијата го заслужува вашиот глас, бидејќи ВМРО-ДПМНЕ беше и остана браник на македонската државност“.