Македонија
АЦВ ќе го тужи директорот на МАТ, Златко Петровски
Агенцијата за цивилно воздухопловство во преписката со МАТ и денеска тврди дека компанијата се обидела со застарени докази и одкументи да го регистрира авионот кој не бил испижан од јужноафриканскиот регистар
Агенцијата за цивилновоздухопловство (ACV) како целосно невистините ги отфрла вчерашаните обвинувањата на Златко Петровски претседател на одборот на директори на МАТ, дека Агенцијата тенденциозно не сака да го впише во регистарот на воздухоплови, вториот воздухоплов Boeing 737-500, произведен во 1991 г., со сегашна јужноафриканска регистарска ознака ZS-PKV. Како што вчера беше соопштено, МАТ до Агенцијата, во изминативе десет месеци има доставено четири барања со некомплетна документација, за впишување во македонски регистар на воздухоплови, на овој авион. Последното барање било доставено на 2 март 2009 г, кога АЦВ ја информирала авиокомпанијата дека барањето се темели на застарени докази и при прегледот на документацијата е констатирано дека постојат два различни договори за истиот авион, едниот од јули 2008, а другиот од ноември 2008 г.Покрај овие недостатоци, согласно чл. 95 од Законот за воздухопловство, утврдено е дека воздухопловот не е испишан од јужноафриканскиот регистар и МАТ нема добиено документ со кој се стекнува со право на сопственост над воздухопловот. Со оглед на фактот дека МАТ во период од 12 март до 1 парил годинава не ги отстранил недостатоците во документацијата, АЦВ на 2 априлсо Решение го одби барањето на компанијата за упис во македонскиот регистар. А од АЦВ велат деак по тоа Решение, не добиле жалба од МАТ.Во врска, пак, со наводите на Петровски дека авионот комплетно ги минал сите проверки на инспекторите на АЦВ, од самата агенција велат дека од податоците со кои тие располагаат и на овој авион рокот за замена, на ткн. носната нога е истечен во јануари 2009 г, со што практично и овој водухоплов не може да се стекне со Уверение за летање.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
СДСМ: Ја слушнавме пораката од граѓаните и ја прифаќаме, ќе продолжиме да се бориме
„СДСМ ја слушна пораката од граѓаните и ја прифаќа. Ние ќе продолжиме да се бориме за секој граѓанин, за прогресивна и европска иднина на Македонија. Резултатот на изборите на 8 мај сè уште не е одлучен“, велат од СДСМ.
„Со десничарите може да се соочиме со мрачни сценарија од минатото, кои ќе стават крај на европските перспективи и кои водат во нова долга изолација и нови поделби во општеството.
Веќе се гледа дека ВМРО-ДПМНЕ и ДУИ играат опасна игра со мултиетничкото ткиво на нашето општество. Тензиите што се сега се прават меѓу Македонците и Албанците може да нè вратат назад во грдото минато.
Затоа е исклучително важно граѓаните да излезат и да гласаат на 8 мај, за напредна држава, држава во која ќе имаме подобар животен стандард. Нема откажување од иднината!“, соопшти СДСМ.
Македонија
ВМРО-ДПМНЕ: Над 180.000 гласови предност се обврска за ВМРО-ДПМНЕ Македонија повторно да ја врати на народот
180.000 гласа разлика во корист на Силјановска Давкова и ВМРО-ДПМНЕ пред Пендаровски и СДС е порака дека народот сака промени и крај на понижувањата, соопштија од ВМРО-ДПМНЕ.
„Народот не поддржува политика на понижување на Македонија. Граѓаните јасно кажаа дека се против криминалот на СДС и ДУИ. 7 години Македонија тоне на секое поле. На почеток на секоја учебна година немаше учебници за учениците, за болните немаше лекарства, за земјоделците немаше откуп. Народот не се чувствуваше безбеден, криминалот царуваше по улиците“, велат од ВМРО-ДПМНЕ.
Како што истакнуваат, народот не сака да живее повеќе во несигурност.
„Над 180.000 гласови предност се обврска за ВМРО-ДПМНЕ Македонија повторно да ја врати на народот. Победата во вториот круг ќе биде уште поголема, а СДС и Пендаровски, заедно со нивните газди од ДУИ никогаш повеќе нема да бидат во позиција да го понижуваат народот. Македонија повторно твоја“, завршуваат од ВМРО-ДПМНЕ.
Македонија
ЦУК: Коловозите во државата на многу места се влажни и имало ситни одрони на сите патни правци
Во Центарот за управување со кризи, имало вкупно 1 694 повици на единствениот повикувачки број за итни случаи 112.
Од нив „реални“ повици биле 49,82 отсто, а 50,18 отсто биле за други потреби на граѓаните што не биле итни. Кон полиција биле упатени 69,92 отсто и кон итната медицинска помош 28,91 отсто од реалните повици кон 112 во ЦУК.
Во последното деноноќие немало евидентирани пожари на отворено.
Од ЦУК потсетуваат дека коловозите во државата на многу места се влажни и имало ситни одрони на сите патни правци во последното деноноќие.
Екипите ги отстранувале одроните на патот и нема прекин на сообраќајот.