Македонија
Претседателот Иванов во Кнесетот се сретна со претседателот на израелскиот Парламент

Македонскиот претседател Ѓорге Иванов денеска го посети израелскиот Парламент во Ерусалим, каде се сретна со претседателот на Кнесетот Реувен Ривлин
Руевен Ривлин на средбата изрази особено задоволство од динамиката на развојот на односите меѓу двете држави. За претседателот Иванов тој рече дека лично го смета за голем пријател на Израел што, според неговите зборови, било потврдено со изјавите што македонскиот претседател ги дал овие денови во рамките на неговата посета на Израел. Претседателот на израелскиот Кнесет очекува конкретизација на соработката во иднина, преку формирање Комитет за соработка меѓу парламентите на двете земји и негова посета на Република Македонија. Претседателот Иванов истакна дека со неговата посета на Израел отпочнува нова динамика на интензивни контакти меѓу двете држави на највисоко ниво, оценувајќи дека зголемена соработка меѓу парламентите е вистински чекор во насока на зајакнување на билатералните односи во сите области и на сите нивоа. Македонскиот претседател денеска ќе се сретне уште и со претседателот на Владата на Израел, Бенјамин Нетанјаху, како и со шефот на израелската дипломатија Авигдор Либерман. Инаку, посетата на Иванов на Израел со интерес е проследена од страна на израелските електронски и печатени медиуми, кои објавуваат детали од активностите на македонскиот претседател во рамките на неговиот престој во еврејската држава. Водечкиот весник на англиски јазик „Џерусалим пост“ издвојува значаен простор посветен на македонскиот претседател, во кој се објаснуваат односите меѓу двете држави и Република Македонија е прикажана како голем пријател на Израел. Претседателот Иванов работната посета на Израел ја завршува вечерва, со учество на панел-дискусијата на тема „Лидерски разговори: Претворање на кризите во можности“, во рамките на Меѓународната конференција „Facing tomorrow 2009“, организирана од страна на израелскиот претседател Шимон Перес.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сончево со мала до умерена облачност, попладне со изолирана појава на пороен дожд и грмежи

Времето денеска ќе биде сончево и топло со мала до умерена облачност. Ќе дува слаб до умерен ветер од југозападен правец. Попладне ќе има услови за изолирана појава на нестабилност со пороен дожд и грмежи. Минималната температура ќе биде во интервал од 7 до 14, а максималната ќе достигне од 24 до 31 степен.
Во Скопје, сончево и топло со мала до умерена облачност. Ќе дува слаб до умерен ветер од југозападен правец. Минималната температура ќе се спушти до 13, а максималната ќе достигне до 30 степени.
Под влијание на влажен бран во деновите од викендот и во понеделник времето ќе биде променливо облачно и посвежо со врнежи од дожд. Локално врнежите ќе бидат пообилни (над 30 l/m2), проследени со појава на грмежи и засилен северен ветер (над 70 km/h).
Од вторник ќе има стабилизирање на времето и пораст на дневната температура.
Македонија
Каја Калас денеска во Скопје ќе се сретне со Мицкоски

Високата претставничка на Европската Унија за надворешни работи и безбедносна политика, Каја Калас, денес доаѓа во Скопје.
Калас ќе се сретне со премиерот Христијан Мицкоски, а со министерот за надворешни работи и трговија Тимчо Муцунски ќе го отворат првиот дијалог за безбедност и одбрана меѓу ЕУ и Северна Македонија, што следува по склучувањето на билатералниот договор за безбедносното и одбранбеното партнерство во ноември минатата година.
Македонија
Два случаи на мајмунски сипаници во Македонија: потврди Институтот за јавно здравје

Денес во ЈЗУ Институт за јавно здравје од Клиниката за кожни болести биле упатени двајца пациенти суспектни за Monkeypox – Мајмунски сипаници и како што е соопштено од таму, било упатно назначено кај истите да се направи испитување и за ХИВ, сифилис и херпес.
„Институтот за јавно здравје изврши лабораториски испитувања на 3 различни начини со што лабораториски се потврдија два случаи на Monkeypox – Мајмунски сипаници. Бидејки за прв пат во нашата држава се лабораториски потврдени Monkeypox – Мајмунски сипаници, после добиените резултати, веднаш се реагираше брзо, се превземаа соодветни мерки и се известија надлежните институции, Министерство за здравство, Клиниката за кожни болести, Инфективна клиника и др.
Согласно протоколите по добиеното известување, докторот кој ги примил пациентите ги информира пациентите за добиените резултати.
Потоа следи епидемиолошка анкета од страна на епидемиолози од Институтот за јавно здравје.
Стручни лица епидемиолози од ИЈЗ се вратени на работа и пристапија кон епидемиолошко анкетирање на двете лица, како би се добиле податоци кои би биле исклучително важни за понатамошно постапување. Анкетата е се уште во тек“, се нагласува во официјалното соопштение.
Ќе биде препорачано, на позитивните пациенти, велат од таму, да се јават на Инфективна клиника.
Нагласуваат дека Институтот за јавно здравје ќе продолжи да ја следи состојбата.
„Во моментов нема простор за паника, бидејќи брзо и навремено институционално се превземаат сите потребни мерки. Вечерва се мобилизирани сите институционални капацитети за надминување на
последиците од ваквата појава и се превземаат сите превентивни мерки. Во текот на утрешниот ден ќе следат подетални информации за јавноста“, се потенцира во соопштението.