Истражен судија му одреди мерка притвор на триесетгодишниот Ј.Т од Велес, осомничен за завчерашното убиство на триесет и две годишниот Блаже Стефанов, јавува Лисица.

Истражен судија му одреди мерка притвор на триесетгодишниот Ј.Т од Велес, осомничен за завчерашното убиство на триесет и две годишниот Блаже Стефанов, јавува Лисица.

Според СВР Велес, тој доцна синоќа е префрлен во истражниот затвор во Скопје. Полицијата и понатаму презема мерки за расветлување на случајот и дали во овој вооружен напад имало вмешано и други лица.

„Во текот на вчерашниот и денешниот ден се уште се преземаат опсежни мерки во врска со вчерашното убиство. Со двајцата осомничени беа извршени разговори, од кои за едниот веќе е одредена мерка притвор и е префрлен во истражниот затвор „Скопје“, а другиот е задржан во полиција“, рече Анита Стојковска, портпарол на СВР Велес.

Вооружениот напад се случи завчера во месноста Исмаил Чешма, недалеку од Велес. Убиениот Стефанов заедно со неговиот другар Благој М. со автомобил оделе кон викенд-куќата  каде што одгледувале добиток.

Кога го напуштиле автопатот и тргнале по земјениот пат наишле на заседа. Триесетина куршуми биле испукани во нивното возило марка „Голф“. На лице место бил усмртен Блаже Стефанов, кој управувал со возилото, додека неговиот сопатник имал среќа и бил погоден само во пределот на нозете. Тој веднаш бил пренесен во велешката болница но поради сериозноста на повредите бил префрлен во скопската клиника.

Убиениот и неговиот другар со прекар Штркот на велешката полиција и се познати од поодамна како сторители на повеќе кривични дела за кои досега им биле изрекувани казнени мерки. /крај/лисица/фф