Половина од Македонците ја поддржуваат американската акција против Осама бин Ладен во која тој беше убиен на 2 мај оваа година.

Половина од Македонците  ја поддржуваат американската акција против Осама бин Ладен во која тој беше убиен на 2 мај оваа година.

Ова го покажува анкетата на Брима Галуп, според која 52 отсто ја поддржуваат американската акција, од кои 12 отсто потполно ја поддржуваат акцијата во која е убиен Осама бин Ладен, а поголемиот дел од нив 40 отсто даваат делумна поддршка и се противат на начинот како е изведена акцијата и повеќе сакале тој да биде уапсен, но не и убиен, 9 отсто се спротивставуваат на оваа акција, 7 отсто не слушнале за инцидентот, а 32 отсто немаат определен став по ова прашање.

Според првата глобална анкета после настанот, постои широка поддршка низ светот со 81 отсто што ја поддржува американската акција против Осама бин Ладен.

Поддржувачите на акцијата сепак се поделени помеѓу потполни поддржувачи на тоа дека бин Ладен е убиен, вкупно 39 отсто од вкупно анкетираните и делумна поддршка (42%) кои се противат на начинот како беше изведена акцијата и повеќе сакаа да го видат Осама бин Ладен уапсен отколку убиен.

Само 9 отсто не ја одобруваат акцијата, а 10 отсто не одговориле велејќи дека немаат мислење или не знаат за оваа акција.

Глобалното истражување беше спроведено од Gallup International (во асоцијација со WIN групацијата), најстарата и најголемата светска мрежа на независни истражувачки агенции.

Примерокот изнесува 20,995 мажи и жени кои беа избрани според стандардни процедури. Истражувањето се спроведе во 25 земји од сите делови на светот претставувајќи ги најголемите нации како Кина, Индија и САД а и помали како Исланд. Во примерокот се претставени Азија, Африка, Источна и Западна Европа и Америка и го претставува мислењето на луѓе кои припаѓаат на различни етнички групи, религии, социо-економски групи, возрасти и пол.

Интересно, но не и изненадувачки е дека само половината, 53 отсто од анкетираните се сигурни дека убиениот во акцијата беше Осама бин Ладен, останатите се поделени помеѓу оние кои мислат дека акцијата била лажна 22 отсто. А 24 отсто не дале одговор.

Анализата на резултатите покажува дека во основа има две тенденции во перцепцијата на овој настан. Во еден дел од светот како што се САД, Канада, Финска и Германија голем дел од граѓаните 70 отсто и повеќе сметаат дека убиениот е Осама бин Ладен додека наспроти тоа во друга група земји мал дел од испитаниците е уверено дека Осама бин Ладен е убиен, како во Македонија 16 отсто , Русија, 17 отсто, Пакистан 25 отсто, Босна и Херцеговина 28 отсто, Тунис 29 отсто , Србија 31 отсто  итн., додека резултатите во останатите земји варираат помеѓу овие две тенденции./крај/бд