Македонија
Њујорк тајмс: Македонија ја вoзвишува старата слава
Поставувањето на споменикот „Воин на коњ“ на плоштадот Македонија во Скопје, предизвика внимание и кај угледниот американски весник „Њујорк тајмс“, кој денеска објавува репортажа на две страни.
Авторот во воведот на текстот пишува дека Бугарите во Македонците гледаат Бугари кои говорат со акцент. Србија го користи терминот за државата Јужна Србија и одбива да ја признае автономноста на црква, а Грција обвинува за крадење на името, идентитетот и националните симболи.Во прецизно дефинира демонстрација на политичко и цивилно инженерство, работниците на централниот плоштад во главниот град Скопје ја поставија 14,5 метри високата бронзена статуа на Александар Велики, тешка 30 тони на 15 метри високиот пиедестал, се наведува во текстот.„Ова е начин Македонија да го афирмира своето национално постоење“, вели Василики Неофотицос, антрополог на државниот универзитет Њујорк во градот Бафало, кој го проучува политичкиот идентитет на Македонија. „Македонија на овој начин сака да ја унапреди тезата дека ова е камен-темелникот на западната цивилизација“, смета Неофотицос. Повеќе нема филозофска дилема. Македонија се наоѓа во најтешкиот пост-комунистички период. Грција веќе 20 години ги држи во заложништво нејзините меѓународни односи, бидејќи смета дека името Македонија припаѓа на хеленскиот идентитет и дека грчката северна провинција го носи тоа име.Ако не може да има богатство, Македонија, држава со 31 отсто стапка на невработеност, сака биде призната. Играњето на картата на наоѓање на врски со антички глобална славна личност, им импонира на луѓето, кои што се чувствуваат маргинализирани со векови.„Ние сме многу горди на Александар“, вели Петко Божиновски (48), облечен во црна маица со македонско знаме, аплаудирајќи заедно со неколку стотина лица на поставувањето на споменик во вторникот.„Конечно, нашиот Александар се врати во својата татковина“, додаде Петковски.Проектот е контроверзен, чини 9,4 милиони евра, односно 13 милиони долари. Но, некои работи се бесценети, велат фановите на споменикот.На Македонија и беше ветен прием во НАТО во 2008 година, но Грција стави вето поради нерешениот спор со името. Во 2005 година, Македонија исто така доби кандидатски статус за влез во Европската унија, но се уште нема добиено датум за старт на преговорите, поради противењето на Грција.„Зошто ние би требале да го смениме името заради Грција?“, вели Алекс Трајановски пензиониран дипломат, кој додава дека Македонија е призната под уставното име од 135 држави.Грција е подеднакво тврдоглава. Новиот министер за надворешни работи Ставрос Ламбринидис на своите помошници им рече дека поставувањето на споменикот ќе биде една од главните точки во надворешната политика и оцени дека станува збор за провокација која предизвика иредентизам и е најголема закана за Балканот.Њујорк тајмс во текстот ги информира читателите за историјата на спорот околу името, како и за тужбата што ја покрена Македонија пред меѓународниот суд.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Сервисни информации
Променливо облачно со повремени врнежи од дожд, а на планините со повремен снег
Времето денеска ќе биде, променливо облачно со повремени врнежи од дожд, а на планините со повремен снег.
Локално, врнежите ќе бидат поројни, проследени со појава на ретки грмежи. Ќе дува слаб до умерен ветер од северозападен правец. Минималната температура ќе биде во интервал од 5 до 10, а максималната ќе достигне од 11 до 18 степени.
Во Скопје променливо облачно со повремени врнежи од дожд. Кон крајот на денот врнежите ќе престанат. Ќе дува слаб до умерен ветер од северен правец. Минималната температура ќе се спушти до 8, а максималната ќе достигне до 15 степени.
Од петок следува период на претежно стабилно и потопло време со пораст на температурите на воздухот.
Скопје
Осум скопски општини денеска без струја
Според добиеното известување од ЕВН Македонија АД, Регионалниот центар за управување со кризи-Град Скопје, информира дека, поради планирани технички зафати во електро дистрибутивната мрежа, денеска без електрична енергија ќе останат неколку скопски општини.
· Во периодот од 08:30 до 14:00 часот, дел од корисниците на ул.Максим Горки, реон Дом на градежници (општина Центар).
· Во периодот од 09:00 до 14:00 часот, поголемиот дел од потрошувачите на ул.Ринхини.(општина Ѓорче Петров)
· Во периодот од 09:00 до 10:30 часот, корисниците од с.Визбегово, дел од с.Мирковци, Бразда, Глуво, Чардак, Оризари.(општините Бутел, Шуто Оризари и Чучер Сандево)
· Во периодот од 09:00 до 15:00 часот, корисниците од ул.Кавалска.(општина Кисела Вода)
· Во периодот од 09:00 до 12:00 часот, корисниците на пат за Долно Лисиче, од Кодакопласт, кон Паци Петрол до реката, од Св.Петар и Павле по патот кон Долно Лисиче.(Аеродром)
· Во периодот од 09:00 до 10:00 часот, корисниците од дел од ул. 4031, село Марино.(општина Илинден)
· Во периодот од 09:00 до 13:00 часот, корисниците на дел од бул.Борис Трајковски (од Техноскоп до кружниот тек пред Драчево).(општина Кисела Вода)
· Во периодот од 10:30 до 12:00 часот, корисниците од с.Сандево, Бањане, Горњане, Дел од с.Мирковци.(општина Чучер Сандево)
· Во периодот од 13:00 до 15:00 часот, дел од корисниците на ул. Исаија Мажовски и Воин Драшкоци.(општина Ѓорче Петров)
Македонија
Димитриевски до Пендаровски: Разликата е огромна, откажете се од оваа битка и оставете нè да победиме во вториот круг
Денеска ЗНАМ заедно со сите свои пддржувачи ја испишува новата политичка историја на македонската политичка сцена, рече вечерва претседателскиот кандидат на ЗНАМ, Максим Димитриевски. Иако е јасно дека не влегува во вториот круг, Димитриевски првиот круг од изборите го смета за голем успех.
„Можам да потврдам дека се роди третата политичка сила во македонскиот политички блок во државата која што имаме намера во следниот период дополнително да ја потврдиме и надградиме, со цел еден ден граѓаните да имаат можност да изберат нешто ново“, рече Димитриевски.
На противкандидатите им честиташе за успехот и се заблагодари на можноста да води кампања за која рече дека не била еднаква за сите оти законот кој е во сила не дава еднаква можност за медиумско претставување на сите партии.
Рече дека е горд на секој глас што го добиле како партија регистрирана пред само три месеци.
„Факт е дека јас како кандидат и ЗНАМ освоивме повеќе од 80.000 гласови. Регистриравме субјект кој постои нешто повеќе од три месеци и со граѓанската поддршка се етаблираше на трето место во политичкиот блок. Сметам дека тоа е одличен појдовен резултат за понатамошна борба. Јас не се сеќавам дека во историјата на плурална Македонија имало вакви примери, да имате партија со некаде три и пол илјади членови, а да освоите над 80.000 гласови. Искрено сум горд на секој тој еден глас што дојде, како поддршка за мене и ЗНАМ. И покрај тоа што трендовите се тие, десницата добива, а левицата губи, единствено десницата доживеа пораз во бастионот на асномска Македонија, а тоа е Куманово“, рече Димитриевски.
Порача на сите политичари дека треба да учат од овие избори оти граѓаните дале јасна насока каде сакаат да се движи државата, а посебна порака упати до Стево Пендаровски, кој освои повеќе 100.000 гласови помалку од Гордана Сиљановска-Давкова.
„Почитуван мој претседателе, разликата е огромна. Доколку сакате да опстане централната и левата идеја во државата, откажете се од оваа битка и оставете не да победиме во име на граѓаните во вториот круг“, порача Димитриевски.
Кога ќе завршат парламентарните избори, Димитриевски е уверен дека ЗНАМ ќе биде политички фактор за стабилност во државата без кој нема да може да се формира идната влада. Најави дека кога ќе ги почнат преговорите за формирање парламентарно мнозинство, на сите политички партии ќе им ги испорачаат нивните предлози за црвените линии на македонскиот народ.