Македонија
Македонија и Албанија за надминување на бариерите
Меѓуграничната соработка е пример за надминување на политичките и историски бариери со цел развој на соседните држави
Меѓуграничната соработка е пример за надминување на политичките и историски бариери со цел развој на соседните држави.
Ова денеска во Скопје го изјави евроамбасадорот Ерван Фуере, на првиот повик од втората компонента од ИПА фондовите 2007 за меѓународна соработка меѓу Македонија и Албанија, во вредност од 680 илјади евра.
“Една од најважните причини за успешна меѓугранична соработка е тоа што луѓето се во срцето на процесот на соработка“, рече Фуере.
Целта на проектот, каде македонската Влада учествува со 120 илјади евра, е економски и социјален развој на општините во меѓуграничниот појас.
“Ова е значаен пример на соработка на две држави кои се уште не се членки на Европската унија (ЕУ)“, изјави македонскиот министер за локална самоуправа Муса Џафери.
Средствата се наменети за мали проекти, од 20 до 50 илјади евра, што се однесуваат на економскиот развој, туризмот, одржлив еколошки развој како заштита, промоција и менаџирање на природните ресурси и еко системот, како и социјална кохезија и културни размени во двете држави.
“Партнерството што се развива меѓу локалната заедница, цивилното општество, бизнис секторот, е гаранција за успех“, посочи евроамбасадорот Фуере.
Според најавите, на 17 јуни во Струга ќе се одржи Информативен ден каде ќе се презентираат условите за аплицирање, а главен услов е проектите да се имплементираат во македонските општини што се дел од меѓуграничниот појас со Албанија.
Апликанти може да бидат сите непрофитни организации, фондации, локални власти, регионални структури како и стопанските асоцијации./крај/ис
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Приведен охриѓанец кој го фотографирал гласачкото ливче
Полицијата во Охрид го приведе А.И.(48), затоа што го фотографирал гласачкото ливче на избирачкото место 1271 во Охрид.
По целосно документирање на настанот, против него ќе биде поднесена соодветна пријава, информираа од СВР Охрид.
Македонија
ОЈО Делчево истражува обид за изборен поткуп со бесплатно вградување водомери
Основното јавно обвинителство Делчево истражува предмет за изборен поткуп со бесплатно поставување водомери. Обвинителот Џељаљ Бајрами, претседател на Комисијата на Јавното обвинителство за следење на евентуални кривични дела поврзани со изборите извести дека се издадени наредби за увид во службената документација на Јавното претпријатие „Комуналец“ во Делчево.
„Во текот на вчерашниот ден во Основното јавно обвинителство Делчево е заведен предмет по барање на Министерството за внатрешни работи за кој се побрани наредби за вршење увид во службената документација на Јавното претпријатие ’Комуналец“ со цел да се проверат наводите за евентуално сторено кривично дело поткуп при избори и гласање. Се работи за наводно поставување водомери во поголем број населени места во таа општина. Дадена е наредба за проверка на службената документација во претпријатието. Доколку се утврди дека има елементи за сторено кривично дело поткуп при избори и гласање, предметот ќе се процесира понатака“, рече обвинителот Бајрами.
Во Основното јавно обвинителство Радовиш денес е пријавено дека во село Бучим еден од гласачите, наводно, го покажал гласачкото ливче кон еден од набљудувачите од една политичка партија. И за овој настан обвинителот Бајрами рече дека се дадени насоки за проверка на наводите и доколку постојат елементи за сторено кривично дело и овој предмет ќе се процесира.
Обвинителот Бајрами рече дека од аспект на Јавното обвинителство на Република Северна Македонија денешниот изборен ден се одвива без поголеми нарушувања и нерегуларности.
Македонија
Одѕивот до 13 часот е 26,35 отсто – најмногу гласале во Новаци, а намалку во Врапчиште
Процентот на избирачите кои гласале до 13 часот е 26,35 отсто, информираше претседателот на Државната изборна комисија, Александар Даштевски.
Според податоците, најголема е излезноста во Новаци – 42,87, а најмала во Врапчиште 10,18 отсто.
Заклучокот е дека досега гласањето се одвива мирно на сите избирачки места.
До ДИК се доставени 140 приговори за заштита на избирачко право, од нив 16 се усвоени и на избирачите им е овозможено да остварат право на глас, 8 се отфрлени како неуредни, а 9 одбиени. Останатите се во обработка.