Македонија
Околу 225 бегалци ќе презимат во Македонија?
Мал број бегалци, околу 225 има во прифатните центри во Македонија на Табановце и во „Винојуг“, за кои треба да се најде решение каде ќе ја презимат зимата, а свеста за состојбата со бегалците, ќе се подигнува со инсталација на фотографии од бегалците поставени во следните пет дена на улица „Македонија“ во Скопје.
Проектот „Бегалец сега –човек секогаш“, почна во понеделник во Скопје, со поставување на инсталацијата, како проект на УНХЦР, Високиот комесаријат за бегалци при ОН, Центарот за човекови права и Центарот за истражување, образование и развој Центар РЕД, а е финансиран од Европската унија.
„Оваа инсталација којашто ќе ви го приближи животот на бегалците и пред се кои се, дека тоа се луѓе, коишто имаат човекови права кои мораме да ги заштитиме и да ги згрижиме. Таа инсталација ќе мине низ четири градови низ Македонија. Почнува од Скопје, потоа ќе продолжи низ Прилеп, Струмица и Гостивар. Би сакал да ги поканам сите граѓани на земјава, коишто со отворено срце ги прифатија бегалците да излезат и да ги видат овие инсталации да се запознаат со бегалците“, рече Мохамед Ариф, претставник на УНХЦР во Скопје.
Бројот на бегалци во светот не се намалува, потенцира тој, туку напротив, тој е се поголем и ние треба да размислуваме како можеме повеќе да им помогнеме на беглаците.
„Се уште имаме мал број бегалци во оваа земја и работиме со владата за нив за да изнајдеме трајно решение. Но, до тогаш, им треба подобро сместување во земјава, затоа што се наоѓаме на сред зима“, вели Мохамед Ариф.
„Во моментов има околу 225 лица бегалци во државава. Обврска на власта е да се погрижат за овие лица, заедно со наша помош, да се најде трајно решение да се преместат од прифатните центри за да добијат соодветно сместување. Државните институции мора да се погрижат, а ние во тоа ги поддржуваме, се додека има бегалци во државава тие да не страдаат на ни еден начин“, вели Ариф.
Тој смета дека бројот на бегалци во Македонија е многу мал и дека до сега требаше да се реши нивниот статус и да не се разговара повеќе за тоа.
Во рамки на проектот се спроведува и обука за млади невработени лица селектирани преку локалните центри за вработување и младинските здруженија во наведените градови. Овие 40 млади невработени ќе бидат платено ангажирани во проектните активности./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ЕУ ќе му даде на Западен Балкан помош од две милијарди евра до 2027 година
ЕУ ќе додели две милијарди eвра грантови и четири милијарди поволни заеми за Западен Балкан од 2024 до 2027 година како дел од Инструментот за реформи и раст за Западен Балкан, откако беше одобрен од Европскиот парламент на денешната пленарна седница.
„Инструментот е централен дел од планот за раст за Западен Балкан“, рече коизвестувачот Тонино Пицула на пленарната седница.
Станува збор за финансирање на шесте земји од Западен Балкан на нивниот пат кон Европската Унија. Во ноември минатата година, Европската комисија го претстави Инструментот за реформи и раст за Западен Балкан за периодот од 2024 до 2027 година, кој ќе вклучува две милијарди евра грантови и четири милијарди поволни заеми.
Известувачи во име на Европскиот парламент беа хрватските европратеници Тонино Пицула и Карло Реслер.
Пицула беше ко-известувач на ЕП пред Комитетот за надворешни работи (АФЕТ), а Реслер беше ко-известувач пред Комитетот за буџет (БУДГ).
Реслер изјави за новинската агенција „Хина“ дека тоа е инструмент споредлив со националните планови за закрепнување и отпорност, но за шест земји во Југоисточна Европа надвор од ЕУ. Тој посочи дека исплатата на средствата е поврзана со конкретни реформски активности.
Реслер апострофираше дека ќе се води сметка за усогласување на надворешната и безбедносната политика и визната политика со ЕУ.
Црна Гора и Србија со години преговараат со ЕУ, Албанија официјално ги отворија пред две години, а Македонија само делумно, со оглед на тоа што за целосен старт на преговорите неопходни се уставни измени за внесување на Бугарите во Уставот. Лидерите на земјите-членки на ЕУ во март донесоа одлука да ги отворат пристапните преговори со Босна и Херцеговина. Брисел сè уште го смета Косово за потенцијален кандидат.
Македонија
Бојмацалиев: МВР работи исклучиво по закон за фер, слободни и демократски избори
Дополнителниот заменик министер за внатрешни работи Митко Бојмацалиев, заедно со директорот на Бирото за јавна безбедност Сашо Тасевски и државната секретарка Магдалена Несторовска го посетија Оперативниот Штаб во МВР во рамки на ОА „Претседателски и парламентарни избори 2024”, на кој присуствуваа и претставници на Амбасадата на Соединетите Американски Држави, ОБСЕ и ОДИХР.
Во оваа прилика Бојмацалиев ги поздрави гостите од САД, ОБСЕ и ОДИХР и уште еднаш потенцираше дека на колегите во Оперативниот Штаб им посочил да се работи исклучиво согласно законските норми и прописи, а со цел гарантирање на безбедноста на фер, слободни и демократски избори, впрочем како што се работело и досега од 2017 година навака, без забелешки за изборниот процес.
Притоа, Бојмацалиев беше брифиран за текот на изборниот процес, за активностите и мерките кои ги презема МВР во делокругот на своите надлежности.
„Бев информиран дека гласањето не беше започнато на неколку места во предвиденото вре,е, а на неколку е почнато со задоцнување или прекинато, на различни подрачја, сите поради технички проблем со читачот на отпечаток на прст. На подрачје на СВР Скопје во врска со пријава за испукана димна бомба, од страна на тим на антитероризам извршена е проверка, подигната е направата и објектот е предаден на Претседателот на Избирачки одбор. На подрачје на СВР Куманово регистрирани се два настани и тоа пријава за организирано носење на гласање на стари лица и поставен штаб во близина на гласачко место. За време на предизборниот молк, во периодот од 06,00 до 07,00 часот, регистрирани се три настани на подрачје на СВР Скопје за испишани графити”, информираше Бојмацалиев.
Македонија
Приведен охриѓанец кој го фотографирал гласачкото ливче
Полицијата во Охрид го приведе А. И. (48) затоа што го фотографирал гласачкото ливче на избирачкото место 1271 во Охрид.
По целосно документирање на настанот, против него ќе биде поднесена соодветна пријава, информираа од СВР Охрид.