Македонија
Градоначалникот на Аеродром најави инфраструктурни проекти за 2017 година
Нови улици, комунална и атмосферска инфраструктура, нова градинка, тениски центар се дел од инфраструктурните проекти кои ги најави градоначалникот на Општина Аеродром, Ивица Коневски, за 2017 година.
„Изминатава 2016 година посветено работевме на значајни проекти за напредокот на нашата општина, проекти што значат одговор на потребите и барањата на жителите на Аеродром, проекти за подобрување на условите за живот. Аеродром е општина, која реализираше веројатно најголем број проекти во 2016 година “, изјави градоначалникот Коневски и ги најави најзначајните проекти предвидени во Буџетот за 2017, каде акцент е ставен на инфраструктурата.
Во наредната 2017 година во Буџетот испланирани се средства за изградба на целосна комунална инфраструктура и асфалтирање на улицата „Пандил Шишков“, улицата „Коста Новаковиќ“ и изградба на три нови улици во Индустриска зона.
И Мичурин ќе добие нова улица, Долно Лисиче – атмосферска канализација, а во Јане Сандански ќе се гради тениски центар „Скопје“. Во Ново Лисиче се планира изградба на нова детска градинка. Со пари од Буџетот на општината ќе се менуваат фасади на 10 згради.
Во соработка со Град Скопје ќе се прошири и реконструираат булеварите „Трета македонска бригада“, „АСНОМ“, „Србија“ и „Февруарски поход“, улицата „Васко Карангелевски“.
„Како што може да се види, најзначајните проекти предвидени за 2017 година во Општина Аеродром се однесуваат на подобрување на инфраструктурата, образованието и спортот. Со реализација на сите овие проекти во 2017 година, Аеродром ќе остане најдобрата општина во Република Македонија и најпосакувано место за живеење“,рече градоначалникот Коневски./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Бојмацалиев: МВР работи исклучиво по закон за фер, слободни и демократски избори
Дополнителниот заменик министер за внатрешни работи Митко Бојмацалиев, заедно со директорот на Бирото за јавна безбедност Сашо Тасевски и државната секретарка Магдалена Несторовска го посетија Оперативниот Штаб во МВР во рамки на ОА „Претседателски и парламентарни избори 2024”, на кој присуствуваа и претставници на Амбасадата на Соединетите Американски Држави, ОБСЕ и ОДИХР.
Во оваа прилика Бојмацалиев ги поздрави гостите од САД, ОБСЕ и ОДИХР и уште еднаш потенцираше дека на колегите во Оперативниот Штаб им посочил да се работи исклучиво согласно законските норми и прописи, а со цел гарантирање на безбедноста на фер, слободни и демократски избори, впрочем како што се работело и досега од 2017 година навака, без забелешки за изборниот процес.
Притоа, Бојмацалиев беше брифиран за текот на изборниот процес, за активностите и мерките кои ги презема МВР во делокругот на своите надлежности.
„Бев информиран дека гласањето не беше започнато на неколку места во предвиденото вре,е, а на неколку е почнато со задоцнување или прекинато, на различни подрачја, сите поради технички проблем со читачот на отпечаток на прст. На подрачје на СВР Скопје во врска со пријава за испукана димна бомба, од страна на тим на антитероризам извршена е проверка, подигната е направата и објектот е предаден на Претседателот на Избирачки одбор. На подрачје на СВР Куманово регистрирани се два настани и тоа пријава за организирано носење на гласање на стари лица и поставен штаб во близина на гласачко место. За време на предизборниот молк, во периодот од 06,00 до 07,00 часот, регистрирани се три настани на подрачје на СВР Скопје за испишани графити”, информираше Бојмацалиев.
Македонија
Приведен охриѓанец кој го фотографирал гласачкото ливче
Полицијата во Охрид го приведе А. И. (48) затоа што го фотографирал гласачкото ливче на избирачкото место 1271 во Охрид.
По целосно документирање на настанот, против него ќе биде поднесена соодветна пријава, информираа од СВР Охрид.
Македонија
ОЈО Делчево истражува обид за изборен поткуп со бесплатно вградување водомери
Основното јавно обвинителство Делчево истражува предмет за изборен поткуп со бесплатно поставување водомери. Обвинителот Џељаљ Бајрами, претседател на комисијата на Јавното обвинителство за следење евентуални кривични дела поврзани со изборите, извести дека се издадени наредби за увид во службената документација на Јавното претпријатие „Комуналец“ во Делчево.
„Во текот на вчерашниот ден во Основното јавно обвинителство Делчево е заведен предмет по барање на Министерството за внатрешни работи за кој се побрани наредби за вршење увид во службената документација на Јавното претпријатие ’Комуналец’, со цел да се проверат наводите за евентуално сторено кривично дело поткуп при избори и гласање. Се работи за наводно поставување водомери во поголем број населени места во таа општина. Дадена е наредба за проверка на службената документација во претпријатието. Доколку се утврди дека има елементи за сторено кривично дело поткуп при избори и гласање, предметот ќе се процесира понатака“, рече обвинителот Бајрами.
Во Основното јавно обвинителство Радовиш денес е пријавено дека во село Бучим еден од гласачите наводно го покажал гласачкото ливче кон еден од набљудувачите од една политичка партија. И за овој настан обвинителот Бајрами рече дека се дадени насоки за проверка на наводите и доколку постојат елементи за сторено кривично дело, и овој предмет ќе се процесира.
Обвинителот Бајрами рече дека од аспект на Јавното обвинителство на Република Северна Македонија денешниот изборен ден се одвива без поголеми нарушувања и нерегуларности.