Надворешна политика
Бесими: Македонските граѓани веруваат во ЕУ, но почнува да се чувствува и незадоволство заради чекањето
Граѓаните на Република Македонија сè уште во голем процент веруваат во Европската Унија, но незадоволството од должината на процесот почнува да се чувствува, што доведува до намалување на кредибилноста на процесот.
Ова во вторник го изјави вицепремиерот задолжен за европски прашања Фатмир Бесими, во рамки на посетата на Големото Војводство Луксембург, кој од јули го презема претседавањето со Советот на ЕУ.
Бесими оствари средби со министерот за надворешни и европски работи на Луксембург, Жан Аселборн и претседателот на Комитетот за надворешни и европски работи, одбрана, соработка и имиграција, Марк Ангел.
Тој од соговорниците побара поддршка за отпочнување на долгоочекуваниот преговарачки процес за влез во ЕУ, а при тоа решението за името да се бара во раната фаза на преговорите.
Бесими ја истакна неопходноста од европско интегрирање на земјите од Западен Балкан, како единствена гаранција за стабилност и просперитет во Регионот. Во таа насока ја изрази потребата и очекувањето дека процесот на проширување на Европската унија, покрај другите актуелни приоритети, ќе се најде на високо место во агендата на Луксембуршкото претстојно претседателство со Советот на ЕУ.
Вицепремиерот Бесими побара поддршка од Луксембург и директно за Македонија, особено во овие времиња кога се соочуваме со сериозни предизвици, кои имаат влијание врз евроинтегративниот процес, а чие ненавремено, неинклузивно и несоодветно решавање може да доведе и до нарушување на стабилноста, вклучително и потенцијални меѓуетнички тензии.
Притоа, тој ја поздрави дискусијата за политичката ситуација и носењето на Заклучоците за Република Македонија, од страна на Советот на ЕУ, што го покажува интересот на земјите членки за задржување на Република Македонија на патот кон ЕУ. Од наша страна, заклучоците ги разбираме како патоказ за фокусирање кон клучните приоритети кои треба да се реализираат за надминување на актуелната ситуација.
На крајот тој нагласи дека и покрај сите околности и потешкотии со кои Република Македонија се соочува во овој период, Владата и администрацијата вложуваат континуирани напори во насока на фокусирање на реформскиот процес и генерирање на позитивни сигнали во клучните области.
Од страна на соговорниците беа презентирани главните акценти на програмата и приоритетите на Луксембуршкото претседателство со Советот на ЕУ, вклучително и плановите за оддржување на следниот состанок на Советот за Стабилизација и Асоцијаџија, како и најава за можен неформален состанок на Советот на ЕУ за општи работи со присуство на министрите за европски прашање на земјите на западен Балкан.
Соговорниците, исто така, истакнаа дека Луксембург го поддржува процесот на проширување како еден од столбовите на ЕУ, на кој гледаат како основа за позитивни промени во земјите кандидати, во таа насока искажаа безрезервна поддршка за аспирациите на РМ за интеграција во ЕУ, но воедно ја изразија и загриженоста дека освен прашањето за името на кое до неодамна гледаа како единствена пречка, се јавуваат и дополнителни пречки за натамошна интеграција во ЕУ, меѓу кои се истакна моменталната политичка ситуација во државата, и назадувањето во неколку клучни области, што генерира лоша меѓународна репутација. Тие изразија надеж за нивно надминување преку конструктивен и инклузивен дијалог.
На крајот министерот Аселборн нагласи дека Луксембург останува и понатаму отворен за редовна коминикација на високо политичко ниво, кое ќе продолжи и за време на нивното претседавање со Советот на ЕУ. /крај/мф/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.