Надворешна политика
Македонски манифест: Најпрво признавање на македонската нација, а потоа заедничко славење на празници
![](https://makfax.com.mk/wp-content/uploads/2016/11/mak20manifest.jpg)
Македонски манифест силно ги поддржува заложбите за добрососедство на Балканот, и инсистира на тоа, но без искрени и отворени односи меѓу соседите тоа просто не е можно, порачуваат македонските интелектуалци од оваа организација, во отворено писмо до бугарскиот претседател Росен Плевнелиев.
Македонски манифест силно ги поддржува заложбите за добрососедство на Балканот, и инсистира на тоа, но без искрени и отворени односи меѓу соседите тоа просто не е можно, порачуваат македонските интелектуалци од оваа организација, во отворено писмо до бугарскиот претседател Росен Плевнелиев.
„Македонскиот и бугарскиот народ се посебни народи, со посебни јазици, и тоа е апсолвирано од светската наука и од светската политика, со исклучок на бугарските политичари, научници, новинари и пропагандисти кои продолжуваат да фантазираат за Санстефанска Бугарија. Тој проект беше и остана мртов, како што призна и неговата авторка – Русија. Во времето на комунистичката диктатура дури еден националист како Тодор Живков сфати дека постојат македонска нација и јазик и без условување потпиша пет договори меѓу Бугарија и Македонија, на бугарски и на македонски јазик
По симнувањето на Живков од власта во 1989 година, Бугарија прокоцка историска шанса безусловно да ја признае Република Македонија со нејзината нација и јазик. Оттогаш наваму, спротивно на логиката на меѓународното право и на добрососедството, Бугарија преку институциите на Европската унија прави притисок врз Македонија за потпишување Договор за добрососедство врз нерамноправен и асиметричен принцип. Тоа нас, Македонците, нè повредува и нè прави многу внимателни кога треба да се потпише нов договор со сосед кој јавно не ги признава нашата нација, јазик, култура, историја и традиција“, велат од Македонски манифест.
Според членовите на оваа организација, добрососедството подразбира заемно признавање и почитување на вредностите на нациите и не може да постои држава без народ, а тоа мора да го разбере и Европската Унија и конечно самата да се европеизира и да престане да ја поддржува бугарската политика на негирање и непризнавање.
„Со одбивањето да ги признае македонската нација и јазик, Бугарија практично ја признава Македонија само како географски поим. Излегува дека бугарската држава бара добрососедство од нација која за неа не постои. Како тогаш сакате да имате добрососедство и договор со некој што „не постои“? Ако за Бугарија постои само географска Македонија, тогаш договорот за добрососедство треба да го потпише некој географски објект – реката Вардар, Шар Планина или Охридското Езеро. Во случајов, од македонска страна договорот мора да го потпишат претставници на македонската нација. Доколку Бугарија не признава Македонци и македонска нација, нема кој да го потпише таквиот договор“, велат од организацијата.
„Истото важи и за бугарскиот притисок врз Македонија за заедничко славење на историските датуми. Без признавање на македонската нација такво славење е невозможно, бидејќи е спротивно на историската правда. Заеднички датуми кои ги поврзуваат Македонија и Бугарија се, на пример, Денот на победата над фашизмот, 9 мај или почетокот на дипломатските односи меѓу двете држави. Илинденското востание не може да се слави заедно. Како што велат, уште во 1903 година, веродостојните историски факти и познати писатели и новинари како Хенри Брејсборд: „Востаничкото движење во стварноста е вистинско македонско движење, подготвувано од Македонци, водено од Македонци и потпомогнато од страсното сочувствување од огромното мнозинство словенско население“. Затоа и востаниците создаваат своја државна институција преку Крушевската република, затоа и подготвуваат леарница за леење на сребрени и бакарни пари како платежно средство на слободната македонска држава. Што се однесува до сесловенските просветители Кирил и Методиј, тие треба да се слават заеднички не само од Македонија и Бугарија, туку од сите словенски народи, па и од цела Европа како нејзини покровители. Бугарски карактер и приоритет на овој настан е уште една во низата историски фантазии.
Една позната поговорка вели: „Не прави му го на другиот тоа што не сакаш тебе да ти го прават“. За да има добрососедство меѓу Македонија и Бугарија мора да бидат направени конкретни чекори.
Прв чекор е да ги признаете македонската нација и јазик, исто како што Македонија ги признава бугарската нација и јазик. Заемното признавање значи почит и раѓа доверба. Без доверба нема добрососедство, независно колку договори за добрососедство ќе се потпишат“, му порачуваат на Плевнелиев, интелектуалците од Македонски манифест./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Средба на претседателите на Собранијата на Македонија и Украина, Митрески и Стефанчук
![](https://makfax.com.mk/wp-content/uploads/2024/02/Ukraina-1.jpg)
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
![](https://makfax.com.mk/wp-content/uploads/2024/02/османи.jpg)
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
![](https://makfax.com.mk/wp-content/uploads/2024/02/османи.jpg)
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.