Контакт

Политика

ДОМ ќе поднесе кривични пријави против „Макстил“ и „Југохром“

Објавено пред

Демократската обнова на Македонија – ДОМ ќе поднесе кривични пријави против фабриките „Макстил“ и „Југохром“ за загрозување на здравјето на луѓето и  уништување на животната средина.

ДОМ ги подготви кривичните пријави против „Макстил“ и „Југохром“ за кривичните дела:  „загадување на животната средина и природата„ и „загрозување на животната средина со отпадни материи“, соопшти партијата во сабота.

 

„Се повикуваме на прекршување на одредбите од Законот за животна средина, член 138 став (1), за непочитување на рокот 01.04.2014 за еколошко прилагодување, како и на Уставот на РМ, член 43 став (2) во кој се наведува дека „секој е должен да ја унапредува и штити животната средина”.Кривичните пријави се поради загрозување на здравјето на граѓаните на Скопје и Тетово, како  и поради уништување на животната средина во градовите и нивната околина“, се вели во писменото соопштение на ДОМ.

 

Законот за животна средина е донесен во 2005, а металуршкиот сектор имаше обврска да подготви оперативни планови за еколошко прилагодување до крајот на 2006. Во секој оперативен  план, велат од ДОМ, беа наведени предлог-мерките за отстранување на одредени еколошки проблеми (емисии на супстанци во воздухот, водите и почвата), со рок и цена на чинење. Краен рок за реализација на активностите од оперативниот план беше 01-ви април годинава, кога загадувачите требаше да бидат еколошки прилагодени и да добијат А-интегрирана еколошка дозвола.

 

За жал, велат од ДОМ, „Макстил“ и „Југохром“ не го испочитуваа Законот и не ги отпочнаа навреме набавките на потребната опрема, па продолжија да загадуваат со несмалено темпо, не обрнувајќи внимание на поплаките на јавноста и укажувањата и казните од институциите.

 

„ДОМ ги чекаше резултатите од последните мерења на квалитетот на воздухот, за да ги приложи како доказ, но со оглед на тоа што сè уште не се познати, за доказ ќе ги приложиме резултатите од претходните мерења за квалитетот на воздухот, каде има драматични пикови за надминување на дозволената граница“, се наведува во соопштението.крај/мф

Македонија

(Видео) Заев: Подобрените услови во здравството ги мотивираат лекарите во борбата против вирусот

Објавено пред

Во изминатите три години ги подобривме условите во над 30 јавноздравствени установи, a инвестицијата во Здравствениот дом во Тетово е еден од многуте примери за нашата посветеност во унапредување на здравствениот систем, рече претседателот на СДСМ во Тетово.

Како што нагласи тој, зголемени им се платите на лекарите специјалисти, на медицинските сестри, но и на помошно-техничкиот персонал во здравството.

„Со тоа го подигнавме нивото на здравствената заштита за пациентите и овозможивме подобри услови за работа за нашите здравствени работници, кои денес се целосно мотивирани во борбата против коронавирусот“, посочи Заев.

За следниот мандат тој најави уште повеќе инвестиции во здравството и уште подобар здравствен систем.

„Платите во здравството ги зголемуваме 40 отсто до 2024 година, односно по 10 отсто секоја година. 33 милиона евра вложуваме во одделенијата за интензивна нега, за нивна модернизација и набавка на современа опрема. Овде во Тетово набавуваме современа медицинска опрема за потребите на Ургентниот центар. Набавуваме и нови 70 возила за итната медицинска помош“, истакна лидерот на СДСМ додавајќи дека во заштитата на јавното здравје не смее да има компромиси.

Прикажи повеќе...

Македонија

(Видео) Пендаровски: Полигонот за вежби „Криволак“ е еден од нашите ресурси што можеме да му ги понудиме на НАТО

Објавено пред

Претседателот на државата и врховен командант на вооружените сили, Стево Пендаровски, ги посети припадниците на Армијата во армискиот полигон „Криволак“. Истовремено, Пендаровски изврши обиколка на инженерската единица која изведува инженерски работи во рамките на проектот за уредување на полигонот.

Одговорните команданти го информираа претседателот Пендаровски дека, почнувајќи пред 2 месеца, инженерскиот баталјон заедно со Канцеларијата за одбранбена соработка при Амбасадата на САД, реализира проекти за поправка на постојната патна инфраструктура, како и за обележување и пробивање траси за нови патни правци.

Исто така, одговорните на полигонот го информираа претседателот Пендаровски за тековните, како и за идните планирани активности во насока на инфраструктурно подобрување на „Криволак“, со систем обиколница и внатрешно поврзување со вкупна должина од 74 км, со подготовка за воспоставување влезови на полигонот од север, запад и од исток. Со новата инфраструктура, како што истакнаа претставниците на инженерскиот баталјон, ќе се зголеми мобилноста во рамките на полигонот, како и капацитетот за изведување вежби на ранг на други развиени земји.

Како 30-та земја членка на НАТО, Северна Македонија, како што рече претседателот Пендаровски, има што да им понуди на своите сојузници во алијансата.

„Полигонот за вежби „Криволак“, во кој изминатиот период се вложува многу со цел да се модернизира армискиот полигон, е еден од нашите ресурси што можеме да му ги понудиме на НАТО“, додаде претседателот Пендаровски.

При посетата на армискиот полигон „Криволак“ претседателот Пендаровски беше информиран и за претстојната вежба „Одлучен удар 21“, како и за интензивната соработка на нашата Армија со Канцеларијата за одбранбена соработка при Амбасадата на САД. Во рамките на таа соработка е и донацијата на материјали за изградба и поправка на патната инфраструктура на полигонот „Криволак”. Ова, како што истакна претседателот Пендаровски, е директна придобивка од членството на Северна Македонија во НАТО и соработката со САД како еден од нашите најголеми стратешки партнери.

Прикажи повеќе...

Македонија

(Видео) Николовски: СДСМ за три години направи пресврт во меѓународната политика

Објавено пред

СДСМ за три години направи историски пресврт во меѓународната политика и ги оствари стратешките цели на државата за кои сонувале татковците на нашата народност со векови. НАТО и ЕУ станаа реалност, со признат и загарантиран македонски јазик и идентитет, изјави генералниот секретар на СДСМ и носител на листата во ИЕ 3, Љупчо Николовски.

„Си отворивме врати што за нас отсекогаш биле затворени. Сега доаѓа редот да ја искористиме шансата. Да се свртиме навнатре и да работиме решиме внатрешни прашања, кои нè мачат со децении, а во исто време да ја искористиме неповторливата економска шанса за раст што ни се отвора со членството во НАТО и преговорите со ЕУ“, рече тој.

Притоа, додаде Николовски, македонскиот јазик, македонскиот идентитет, македонската посебност, денеска се признаени од сите.

Според него, единствени што ја омаловажуваат македонската гордост, нарекувајќи не северџани и други грозни измислици, се самите членови на ВМРО-ДПМНЕ.

„Во преговорачката рамка на ЕУ јасно е наведено дека јазикот на кој треба да се преведе европското законодавство е македонски јазик. Македонски јазик е и јазикот наведен во нашата лична карта во Обединетите нации. Македонски јазик е јазикот на кој ја водиме меѓународната комуникација. Апсолутно ништо не им остана на ВМРО-ДПМНЕ и Христијан Мицкоски, освен лагите. Дека сме го губеле јазикот, сме го губеле идентитетот“, рече Николовски.

Единствено што губиме, додаде тој, се остатоците од режимот на ВМРО-ДПМНЕ, кој нè врати десетици години.

Тој вети дека до 2024 ќе бидат отворени 80 % од поглавјата за интеграција во ЕУ, а за 6 години, ќе го затвориме преговарачкиот процес.

Прикажи повеќе...

Најново

Македонија52 минути

168 новозаразени и тројца починати од Ковид-19

Министерството за здравство информира дека во последните 24 часа се направени 1.470 тестирања, а регистрирани се 168 нови случаи на...

Регион2 часа

Србија воведува нови рестрикции поради коронавирусот, најстрого ќе биде во Белград

Во Србија, која веќе два дена е потресена од големи немири, донесени се нови мерки за превенција од коронавирусот. Како...

Регион4 часа

Без гушкање и бакнување, дозволен е само бакнеж на младенците – Хрватска воведува нови правила за свадби

Директорот на хрватскиот Институт за јавно здравје, Крунослав Чапак, истакна дека свадбите нема да бидат забранети и откри кои ќе...

Свет5 часа

(Видео) „Победата дојде“ – во болницата во Бергамо нема пациенти со Ковид-19 во одделот за интензивна нега

Во болницата „Папата Јован“ во Бергамо, Италија, нема повеќе пациенти со коронавирус на одделот за интензивна нега, и тоа 137...

Регион5 часа

(Видео) Полицијата нападнала две новинарки на протестот во Белград

Две новинарки на порталот „Нова.рс“ вчера биле нападнати од страна на полицијата на протестот во Белград. Порталот објави дека новинарката...

Топ5 часа

Комбе со 50 мигранти се превртело на патот Валандово – Струмица, возачот побегнал

Во вечерните часови на 8 јули на регионалниот пат Валандово – Струмица, пред крстосницата за село Раборци, се превртело комбе...

Македонија6 часа

Глоба за угостителски објект, на иста маса седеле четири лица што не биле од исто семејство

Обвинителството предложи глоби за угостителски објект во Скопје и за управителот на правното лице поради непочитување на мерките за заштита...

Регион7 часа

Брнабиќ: Ова се најнасилни протести досега

Премиерката на Србија, Ана Брнабиќ, рече дека протестите од изминатите два дена во Белград се најнасилните протести досега, но рече...

Македонија7 часа

Државјаните на Србија, Косово, Црна Гора и БиХ може да влезат во земјата само со негативен тест

Државјаните на Србија, Косово, Црна Гора и БиХ од денеска може да влезат во земјата само со негативен тест за...

Регион8 часа

Повредени 19 полицајци и 17 демонстранти на протестот во Белград

За време на синоќешните протести и немири пред Собранието на Србија во Белград  повредени се 19 полицајци и 17 демонстранти....

Македонија8 часа

(Аудио) Објавен разговорот меѓу Заев и лажната Грета Тунберг

Руските пранкери Владимир Кузнетсков и Алексеј Столиров го објавија разговорот со поранешниот премиер Зоран Заев, кој мислел дека разговара со...

Регион18 часа

Вулин: Ова е обид за државен удар, се радуваат сите непријатели на Србија

Српскиот министер за одбрана Александар Вулин вечерва во изјава за ТВ „Пинк“ рече дека она што се случува втора вечер...

Регион19 часа

(Видео) Српската полиција со жестока реакција ги растера демонстрантите од пред Собранието

Група луѓе предводени од Сојузот за Србија се собра попладнево пред српското собраните. Полицијата направи кордони пред влезот во зградата....

Регион20 часа

(Видео) Белград под опсада: Полицијата фрли солзавец, демонстрантите гаѓаат со факли

На протестите во Белград избија и првите инциденти пред Собранието. Се слушнаа неколку детонации, а полицијата фрла солзавец. Демонстрантите извикуваат...

Свет22 часа

Бројот на заболени од коронавирус низ целиот свет надмина 12 милиони

Низ целиот свет oд новиот коронавирус досега се заразиле над 12 милиони луѓе, односно 12.002.132, според најновите податоци објавени на...

Регион1 ден

Вучиќ: Имаме сознанија за вмешаност на странски служби во вчерашниот протест

Претседателот на Србија, Александар Вучиќ, ги осуди синоќешните протести организирани пред националното собрание, оценувајќи ги како акт на политичко насилство....

Македонија1 ден

За гласање на изборите се пријавиле 137 заболени од коронавирус

Вкупно 137 лица позитивни на коронавирус се пријавиле за гласање на предвремените парламентарни избори, а Државната изборна комисија добила пријави...

Македонија1 ден

163 новозаболени од Ковид-19 во земјата, починаа осум лица

Министерството за здравство информира дека во последните 24 часа се направени 1.794 тестирања, а регистрирани се 163 нови случаи на...

Македонија1 ден

Владата итно ќе одлучува за ПЦР-тестот за патници од регионот

Премиерот Оливер Спасовски информира дека Комисијата за заразни болести ѝ препорачала на Владата од утре при влез во нашата земја...

Регион1 ден

Белград по синоќешниот хаос – запалени автомобили, смет, скршени стакла

Заменик-градоначалникот на Белград, Горан Весиќ, објави на „Фејсбук“ фотографии од хаосот што остана на улиците на Белград по синоќешните немири....

Досие