Региони
Уреден нов простор за параглајдеристите на Мечкин Камен
Проектот на УСАИД за експанзија на мали бизниси свечено во средата беше започнат од просторот за параглајдинг летови на Мечкин Камен – Исток во Општина Крушево, во присуство на директорот на мисијата на УСАИД во Македонија, Џејмс Стаин, заедно со градоначалникот на Крушево, Ѓорѓи Дамчески, директорот на Агенцијата за поддршка и промоција на туризмот, Кристијан Џамбазовски, претседателот на Воздухопловната Федерација на РМ, Владимир Бараков, и инструкторот по параглајдинг Златко Спиркоски.
Во рамките на споменатиот проект беше отворија новоопременото полетилиште, кое сега располага со нова мини-метеоролошка станица, ветроказ, рампа за проверување на опрема за параглајдинг и информативна табла со корисни информации за полетилиштето и условите на него. „Во последниов период, силно расте популарноста на активниот туризам. Сакаме да и помогнеме на Македонија да се поврзе со глобалниот пазар за активен туризам и да ги изгради капацитетите на услужните компании за активен туризам кои се активни во земјата“, рече Стаин. „Новата опрема која УСАИД ја донираше ќе им го олесни на пилотите планирањето и спроведувањето на летови, ќе им заштеди време, но и ќе охрабри поголем број на посетители да пробаат да летаат со параглајдер”, прецизираше директорот на мисијата на УСАИД во Македонија.Стаин го најави и настанот „Откриј го Крушево“, кој ќе се одржи овој викенд: „На 27-ми јули, овој еднодневен настан ќе им го покаже на домашните посетители најдоброто од туристичката понуда на Крушево, од пешачки и велосипедски патеки и параглајдинг, до тури со коњи, традиционални занаети, храна и концерт на Мечкин Камен. Дури и тие кои го имаат посетено Крушево и порано ќе откријат нови работи за кои можеби не знаеле претходно”, рече. На настанот присуствуваа и претставници од Центарот за развој на Пелагонискиот плански регион, претставници од Воздухопловната федерација на Македонија, од мобилниот оператор „Оне“, со чија донација мини-метеоролошките станици добија СИМ картички за емитување на податоците на интернет, како и инструктори и пилоти по параглајдинг.По завршувањето на официјалниот дел од настанот присутните официјални лица и претставници на медиумите земаа учество во тандем-параглајдинг лет, како демонстрација на подобрените услови за летање на полетилиштето.Во 2014 година, проектот на УСАИД за експанзија на мали бизниси ќе опреми вкупно четири полетилишта за параглајдинг во Република Македонија со рампи за проверка на параглајдинг опремата, мини-метеоролошки станици, ветрокази и информативни табли. Овие активности се дел од иницијативата на Проектот за развивање на капацитетите на македонскиот туристички сектор за подобрување на пристапот кон глобалниот пазар на активен туризам./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Опасен отпад детектиран во близина на скопското село Орман
При редовна обиколка од страна на Државниот инспекторат за животна средина на територијата на Општина Ѓорче Петров, на 10 октомври лоцирано е одлагање на згура од преработка на акумулаторски батерии на во близина на селото Орман. Станува збор за опасен отпад во количина од околу 500 до 600 тони.
„Според затекнатата состојба на теренот, а според Листата на видови на отпад (Сл.Весник на РМ бр.100/2005) се работи за отпад со шифра 10 04 – Отпад од пирометалургија на олово,10 04 01*- троски од примарно и секундарно производство, која според класификацијата спаѓа во класата на опасен отпад“, информираат од Државниот инспекторат.
Сопствениците на катастарската парцела на која се наоѓа отпадот со решение од Државниот инспекторат се задолжени да извршат неговата дислокација во рок од 30 дена од издавање на решението.
Граѓаните на социјалните мрежи бараат одговорност и одговор од каде доаѓа отпадот и кој е виновникот за неговото одложување токму на оваа локација која е во непосредна близина на реката Лепенец и населените места Волково и Орман.
Македонија
ЦУК: Активни два пожари, вчера регистрирани 26 пожари
Активни се два пожари од вкупно 26 на отворен простор што се регистрирани вчера во државава, информира утрово Центрот за управување со кризи (ЦУК).
-Активни се пожарите во Општина Македонски Брод, село Белица под Солунска Глава, каде што гори ретка борова шума, сува трева и грмушки и во Општина Чашка кај село Крива Круша, каде што гори сува трева и папрат, се наведува во соопштението.
Изгаснатите 24 пожари од вкупно 26 во последното деноноќие биле во:
– Општина Гази Баба, кај клучка кај Арачиново (каде што горела трска);
– Општина Аеродром. покрј ул.„Ѓорѓи Капчев“ (отпадоци);
– Општина Бутел, кај населбара „Кучевишка Бара“ (сува трева);
– Општина Илинден, кај с.Бунарџик (сува трева);
– Општина Новаци, кај с.Бач (сува трева);
– Општина Прилеп, 5 пожари, кај Индустриско училиште (сува трева), с.Селце (сува трева), с.Големо Коњари (сува трева), с.Новоселани (сува трева) и кај Прилепско Езеро (сува трева, грмушки и шума); – Општина Долнени, помеѓу селата Рилево и Сливје (сува трева);
– Општина Кривогаштани, 3 пожари, кај с.Локвени (сува трева), помеѓу Кривогаштани и Врбјни (сува трева) и помеѓу с.Кривогаштани и с.Светомитрани (сува трева);
– Општина Гевгелија, кај с.Ѓавато (сува трева); – Општина Велес, с.Иванковци (сува трева);
– Општина Чашка, с.Стари Град (сува трева и трње);
– Општина Штип, помеѓу конфекција Албатрос и Штипска млекара (сува трева и грмушки);
– Општина Куманово, 2 пожара, с.Карабичани (сува трева) и с.Романовце (стрниште);
– Општина Старо Нагоричане, 2 пожара,: с.Кокино (сува трева и борови гранки); с.Никуљане (стрниште);
– Општина Крива Паланка, с.Луке (букова шума и сува трева) и во – Општина Кратово: с.Татомир (каде што горела сува трева).
Македонија
ЦУК: Во последното деноноќие имало 10 пожари на отворено
Во текот на вчерашниот ден, според извештаите во Секторот за операции и координација во Центарот за управување со кризи (ЦУК), во државата во последното деноноќие имало регистрирано вкупно 10 пожара на отворено, до утрово како активен се уште се води само еден.
– Активен се води се уште пожарот што изби од 13:00 часот помеѓу селата Римница и Бибај, во месноста „Рибничка Планина“ во Општина Маврово – Ростуше, со којшто се зафатени високи пасишта, смреки, папрат, поедини стебла од бука, ела и шума.Заради напристпаноста за возилапожарникарите од ТППЕ Гостивар не интервенирале. Во можност биле само од Националниот парк „Маврово“ да интервенираат со 5 вработени. Пожарот е локализиран, но се уште има чад во внатрешноста. Лицата кои интервенирале се повлекле од терен во после 18:40 часот. Во утринските часови повторно екипите од националниот парк е планирано да извидат и да интервенираат на истиот тешкопристапен терен – информираат од ЦУК.
Изгаснати биле девет пожари на отворено, во:
– Општина Новаци, два пожара, во период од 14:00 до 14:40 часот, со едно ПП возило и три пожарникари интервенирале на запалена ниска вегетација во атарот на селата Лознани и Тополчани и од 15:15 до 18:55 часот, со едно ПП возило и три пожарникари интервенирале на запалена слама во с.Далбеговци;
– Општина Могила, во период од 22:30 до 00:10 часот, со едно ПП возило и два пожарникара интервенирале на запалена ниска вегетација и стрниште во с.Ношпал;
– Општина Прилеп, два пожара, од 14:35 до 15:15 часот, со четири пожарникари и две ПП возила интервенрале на запалена ниска вегетација на патот кон с.Селце и во период од 15:15 до 16:15 часот, со едно ПП возило и три пожарникари интервенирале на запалена ниска вегетација во атарот на с.Ерековци;
– Општина Тетово, два пожара, 16:47 до 17:15 часот, со три пожарникари и едно ПП возило интервенирале на запалена ниска вегетација во нас.Малеадри и од 13:22 до 14:22 часот, со едно ПП возило и два пожарникара интервенирале на запалена ниска вегетација покарај ул. „Илинденска“;
– Општина Велес, во период од 19:30 до 21:20 часот, со едно ПП возило и три пожарникари интервенирале на запалена ниска вегетација и стрниште на површина од два хектара во атарот на с.Мустафино;
– Општина Дојран, пожарникарите од ТППЕ Гевгелија дека во период од 12:20 до 14:00 часот, со едно ПП возило и три пожарниакри заедно со Доброволно ПП друштво „Дојран“ со едно ПП возило и три пожарникари интервенирале на запалена ниска вегетација на површина од половина хектар во с.Фурка и во
– Општина Гази Баба, пожарникарите од БППЗ на Град Скопје во период 19:15 до 21:00 часот, со едно ПП возило и три пожарникари интервенирале на запалени отпадоци на површина од половина хектар во с.Страчинци.